 |
 |
 |
 |
 |
 |
 |
 |
 |
 |
 |
 |
 |
 |
റാഞ്ചി: ജാര്ഖണ്ഡില് നിന്ന് രാജ്യസഭ യിലേക്ക് മത്സരിച്ച ബി. ജെ. പി. യുടെ പ്രതിപക്ഷ ഉപനേതാവായിരുന്ന എസ്. എസ്. അലുവാലിയ പരാജയപ്പെട്ടു. ഈ പരാജയം ബി. ജെ. പി. ക്ക് കനത്ത തിരിച്ചടിയായി. മൂന്ന് സീറ്റുകളിലേക്ക് നടന്ന മത്സരത്തില് 20 വോട്ട് നേടിയ അലുവാലിയ മൂന്നാം സ്ഥാനത്തേക്ക് പിന്തളളപ്പെട്ടൂ. സംസ്ഥാനത്തെ 82 അംഗ നിയമ സഭയില് 68 വോട്ട് പോള് ചെയ്തതിൽ കോണ്ഗ്രസിന്റെ പ്രദീപ് കുമാര് ബാലമുച്ചു 25 വോട്ടും ജെ. എം. എമ്മിന്റെ സഞ്ജീവ് കുമാര് 23 വോട്ടും നേടി ഒന്നും രണ്ടും സ്ഥാനത്ത് എത്തി.
- ന്യൂസ് ഡെസ്ക്
വായിക്കുക: ഇന്ത്യന് രാഷ്ട്രീയം, ഇന്ത്യന് രാഷ്ട്രീയ നേതാക്കള്
ചെന്നൈ : കൂടംകുളം ആണവ വൈദ്യുത നിലയത്തിൽ നിന്നും ഉത്പാദിപ്പിക്കുന്ന മുഴുവൻ വൈദ്യുതിയും തമിഴ് നാടിന് തന്നെ നൽകണമെന്ന തമിഴ്നാട് മുഖ്യമന്ത്രി ജയലളിതയുടെ ആവശ്യം പ്രധാനമന്ത്രി ഗൌരവമായി പരിശോധിച്ചു വരികയാണ് എന്ന് പ്രധാന മന്ത്രിയുടെ ഓഫീസിന്റെ ചുമതലയുള്ള സഹമന്ത്രി വി. നാരായണ സ്വാമി അറിയിച്ചു. തമിഴ് നാടിന്റെ വൈദ്യുതി കമ്മി കേന്ദ്രം അംഗീകരിക്കുന്നുണ്ട് എന്നും മന്ത്രി അറിയിച്ചു.
അടുത്ത മാസം പ്രവർത്തനം ആരംഭിക്കുന്ന ആദ്യ നിലയവും രണ്ടു മാസത്തിനുള്ളിൽ പ്രവർത്തന നിരതമാവുന്ന രണ്ടാമത്തെ നിലയവും ചേർന്ന് 1000 മെഗാവാട്ട് വൈദ്യുതിയാണ് ഉത്പാദിപ്പിക്കുക. ഇതിൽ 925 മെഗാവാട്ട് വൈദ്യുതി ഇപ്പോഴത്തെ കണക്ക് പ്രകാരം തമിഴ്നാടിന് ലഭിക്കും.
- ജെ.എസ്.
വായിക്കുക: ആണവം, ഇന്ത്യന് രാഷ്ട്രീയ നേതാക്കള്, വിവാദം
ന്യൂഡല്ഹി:കോണ്ഗ്രസ് രാഷ്ട്രപതി സ്ഥാനത്തേക്ക് ധനമന്ത്രി പ്രണബ് മുഖര്ജി പരിഗണിക്കാന് സാദ്ധ്യത. ഇക്കാര്യത്തില് ഡി.എം.കെയുടെ പിന്തുണ തേടി പ്രതിരോധ മന്ത്രി ആന്റണി ഡി.എം.കെ. പ്രസിഡന്റ് കരുണാനിധിയെ ചെന്നൈയില് ചെന്നുകണ്ട് ചര്ച്ച നടത്തി.
- ന്യൂസ് ഡെസ്ക്
വായിക്കുക: ഇന്ത്യന് രാഷ്ട്രീയം, ഇന്ത്യന് രാഷ്ട്രീയ നേതാക്കള്
ദില്ലി: അടുത്ത രാഷ്ട്രപതി ആരാകണമെന്ന് ആര്. ജെ. ഡി. അധ്യക്ഷന് ലാലു പ്രസാദ് യാദവിന്റെ അഭിപ്രായത്തില് വൈസ് പ്രസിഡന്റ് ഹമിദ് അന്സാരി. എന്നാല് മുന് പ്രസിഡന്റ് എ. പി. ജെ അബ്ദുല്കലാമിന്റെ പേരാണ് ഇപ്പോള് പരിഗണിക്കപ്പെടുന്നവരുടെ ലിസ്റ്റില് ഏറ്റവും മുന്നിലുള്ളത്. കൂടാതെ പ്രതിരോധ മന്ത്രി എ. കെ. ആന്റണി, സാം പെട്രോട എന്നീ പേരുകളും ഉയര്ന്നു വരുന്നുണ്ട്. ലാലു പ്രസാദ് യാദവിന്റെ അഭിപ്രായത്തില് ഹമിദ് അന്സാരിയാണ് കലാമിനേക്കാളും ഈ പദവിക്ക് യോഗ്യന്. എന്നാല് ലാലുവിന്റെ നിര്ദ്ദേശത്തിനോട് കോണ്ഗ്രസ് കേന്ദ്രങ്ങള് അനുകൂലമായല്ല പ്രതികരിച്ചിട്ടുള്ളത്. രാഷ്ട്രപതി സ്ഥാനാര്ത്ഥിയാകാന് വിവിധ രീതിയിലുള്ള പ്രചാരണങ്ങളാണ് നടക്കാറുള്ളത്. അന്സാരിക്കുവേണ്ടി ലാലു രംഗത്തിറങ്ങിയെന്നു മാത്രം. ആര്. ജെ. ഡി നേതാവിന്റെ അഭിപ്രായം വ്യക്തിപരമാണ്. എന്നാല് സമാജ് വാദി പാര്ട്ടി നേതാവ് മുലായം സിങ്, പശ്ചിമബംഗാള് മുഖ്യമന്ത്രി മമതാ ബാനര്ജിയുടെ പിന്തുണയോടെ അബ്ദുല്കലാമിനെ സ്ഥാനാര്ത്ഥിയായി മുന്നോട്ടുവെയ്ക്കുന്നതിനുള്ള നീക്കം തുടങ്ങിയിട്ടുണ്ട്. ഇടതു പക്ഷ കക്ഷികള്ക്കും സ്വീകാര്യനായ വ്യക്തിയാണ് കലാം. രാഷ്ട്രീയക്കാരനായ ഒരാളെ സ്ഥാനാര്ത്ഥിയാക്കുന്നതിനേക്കാള് നിഷ്പക്ഷ സ്വഭാവമുള്ള ഒരാളെ മുന്നോട്ടു വെയ്ക്കുകയെന്ന തന്ത്രമാണ് കോണ്ഗ്രസ് സ്വീകരിക്കാന് പോകുന്നത്. കൂടാതെ യു. പി. എയിലെ പ്രമുഖ ഘടകകക്ഷിയായ എന്. സി. പിയും കലാം പ്രസിഡന്റ് ആകണമെന്ന നിലപാട് പരസ്യമായി പ്രഖ്യാപിച്ചിരുന്നു. അതോടെ കൂടുതല് സ്വീകാര്യന് അബ്ദുല് കലാം തന്നെയായി മാറിയിരിക്കുകയാണ് ഇപ്പോള്. ലാലുവല്ലാതെ മറ്റാരും ഹമീദ് അന്സാരിക്ക് വേണ്ടി പരസ്യമായി രംഗത്ത് വന്നിട്ടില്ല.
- ന്യൂസ് ഡെസ്ക്
വായിക്കുക: ഇന്ത്യന് രാഷ്ട്രീയം, ഇന്ത്യന് രാഷ്ട്രീയ നേതാക്കള്
കൊല്ക്കത്ത: പശ്ചിമ ബംഗാള് മുഖ്യമന്ത്രി മമതാ ബാനര്ജിയെ അപകീര്ത്തിപ്പെടുത്തുന്ന കാര്ട്ടൂണ് സോഷ്യല് നെറ്റ്വര്ക്കിംഗ് സൈറ്റായ ഫേസ്ബുക്കിൽ പ്രചരിപ്പിച്ചെന്ന് ആരോപിച്ച് ജാദവ്പുര് സര്വകലാശാലയിലെ രസതന്ത്ര പ്രൊഫസര് അംബികേഷ് മഹാപത്രയെ പോലീസ് അറസ്റ്റ് ചെയ്തു. അദ്ദേഹത്തിന്റെ അയല്വാസിയെയും അറസ്റ്റ് ചെയ്തിരുന്നു. ഇവരെ പിന്നീട് അലിപുരിലെ കോടതി ജാമ്യത്തില് വിട്ടു.
ദിനേഷ് ത്രിവേദിയെ കേന്ദ്ര റെയില്വേ മന്ത്രിപദത്തില് നിന്ന് പുറത്താക്കി മുകുള് റോയിയെ തല്സ്ഥാനത്തു നിയോഗിച്ച മമതയുടെ നടപടിയാണു കാര്ട്ടൂണിന് ആധാരം.
ഇവര്ക്കെതിരേ സൈബര് കുറ്റകൃത്യം, അപകീര്ത്തിപ്പെടുത്തല്, സ്ത്രീകള്ക്കു നേരേ അപമര്യാദയായി പെരുമാറല് തുടങ്ങിയ കുറ്റങ്ങളാണ് ചുമത്തിയിട്ടുള്ളത്. സോഷ്യല് നെറ്റ്വര്ക്കിംഗ് സൈറ്റില് പ്രസിദ്ധീകരിച്ചതു കൂടാതെ ഇ മെയിലായി കാര്ട്ടൂണ് പലര്ക്കും അയച്ചു കൊടുത്തതായും പോലീസ് പറഞ്ഞു.
പ്രൊഫസറെ അറസ്റ്റ് ചെയ്തതിനെ പ്രതിപക്ഷമായ സി. പി. എം. നിശിതമായി വിമര്ശിച്ചു. അഭിപ്രായ സ്വാതന്ത്ര്യ ത്തിന്മേലുള്ള കടന്നു കയറ്റമാണ് ഇതെന്ന് അദ്ദേഹത്തിന്റെ സഹപ്രവര്ത്തകരും വിദ്യാഭ്യാസ പ്രവര്ത്തകരും ആരോപിച്ചു.
- ന്യൂസ് ഡെസ്ക്
വായിക്കുക: ഇന്ത്യന് രാഷ്ട്രീയ നേതാക്കള്, കുറ്റകൃത്യം, വിവാദം, സ്ത്രീ
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
