 |
 |
 |
 |
 |
 |
 |
 |
 |
 |
 |
 |
 |
 |
തിരുവനന്തപുരം : മിസോറം ഗവര്ണര് പദവി കുമ്മനം രാജശേഖരന് രാജിവെച്ചു. രാജി രാഷ്ട്രപതി റാംനാഥ് കോവിന്ദ് അംഗീകരിച്ചു. കുമ്മനം തിരുവനന്തപുരത്ത് സ്ഥാനാര്ഥിയായേക്കാമെന്നാണ് സൂചനകള്.
കുമ്മനം മൽസരിക്കണമെന്ന നിലപാടിൽ ആർഎസ്എസ് ഉറച്ചുനിൽക്കുകയാണ്. കുമ്മനത്തിന്റെ അത്ര വിജയസാധ്യത മറ്റാർക്കുമില്ലെന്ന നിലപാടാണ് ആർഎസ്എസിന്റേത്. ശശി തരൂരിനോടു മൽസരിക്കാൻ കുമ്മനത്തിനേ പറ്റൂ എന്ന നിലപാട് പ്രവർത്തകർക്കുമുണ്ട്. അസം ഗവർണർ പ്രഫ. ജഗ്ദിഷ് മുഖിക്ക് മിസോറമിന്റെകൂടി ചുമതല നല്കുന്നതായി രാഷ്ട്രപതി പ്രഖ്യാപിച്ചു.
- അവ്നി
വായിക്കുക: കേരള രാഷ്ട്രീയം, കേരള രാഷ്ട്രീയ നേതാക്കള്, തിരഞ്ഞെടുപ്പ്
കല്പ്പറ്റ : ലക്കിടിയിലെ ഉപവൻ റിസോർട്ടിൽ മാവോയിസ്റ്റുകളും പൊലീസും തമ്മിലുണ്ടായ ഏറ്റുമുട്ടലിൽ ഒരു മാവോയിസ്റ്റ് കൊല്ലപ്പെട്ടു. വെടിവയ്പ്പിൽ കൊല്ലപ്പെട്ടത് മാവോയിസ്റ്റ് നേതാവ് സി.പി.ജലീലാണെന്ന് പൊലീസ് അറിയിച്ചു. സബ് കലക്ടർ എൻ.എസ്.കെ. ഉമേഷിന്റെ നേതൃത്വത്തിൽ പൊലീസ് ഇൻക്വസ്റ്റ് നടപടികൾ ആരംഭിച്ചു.
നാലംഗ മാവോയിസ്റ്റ് സംഘമാണ് റിസോര്ട്ടില് എത്തിയത്. റിസോര്ട്ട് ജീവനക്കാരോട് പണവും പത്തുപേര്ക്കുള്ള ഭക്ഷണവും ആവശ്യപ്പെട്ടു. റിസോര്ട്ട് ജീവനക്കാര് അറിയിച്ചതിനെ തുടര്ന്ന് സ്ഥലത്തെത്തിയ പൊലീസും മാവോയിസ്റ്റ് സംഘവും നേര്ക്കുനേര് ഏറ്റുമുട്ടി.സമീപത്തെ കാട്ടിലേക്ക് ചിതറിയോടിയ മാവോയിസ്റ്റുകള്ക്കായി ഇപ്പോഴും തിരച്ചില് തുടരുന്നു. ഇൻക്വസ്റ്റ് നടപടികൾ പൂർത്തിയാക്കിയ ശേഷം കൊല്ലപ്പെട്ട മാവോയിസ്റ്റ് ജലീലിന്റെ മൃതദേഹം കോഴിക്കോട് മെഡിക്കൽ കോളജ് ആശുപത്രിയിലേക്ക് പോസ്റ്റ്മാര്ട്ടത്തിനായി കൊണ്ടുപോകും.
- അവ്നി
വായിക്കുക: അപകടം, കുറ്റകൃത്യം, ക്രമസമാധാനം, പോലീസ്, മാധ്യമങ്ങള്, മാവോയിസ്റ്റ് ആക്രമണം
കൊച്ചി : രണ്ടാമതൊരു സീറ്റ് വേണമെന്ന ആവശ്യത്തില് കേരളാ കോണ്ഗ്രസും കോണ്ഗ്രസും നടത്തിയ ഉഭയകക്ഷി ചര്ച്ച പരാജയപ്പെട്ടു. അധിക സീറ്റ് നല്കാനാവില്ലെന്ന നിലപാടില് കോണ്ഗ്രസ് ഉറച്ചു നില്ക്കുകയും രണ്ടാമതൊരു സീറ്റ് വേണമെന്ന ആവശ്യത്തില് നിന്ന് കേരളകോണ്ഗ്രസ് പിന്മാറാതിരിക്കുകയും ചെയ്തതോടെയാണ് രണ്ടാം സീറ്റില് നടന്ന രണ്ടാം വട്ട ചര്ച്ചയും പരാജയപ്പെട്ടത്.
വരാനിരിക്കുന്നത് കോണ്ഗ്രസിന് ഏറ്റവും നിര്ണായകമായ ലോക്സഭാ തെരഞ്ഞെടുപ്പാണെന്നും പരമാവധി സീറ്റുകളില് പാര്ട്ടി മത്സരിക്കുക എന്നതാണ് നയമെന്നും കോണ്ഗ്രസിനെ പ്രതിനിധീകരിച്ച് ഉഭയകക്ഷി ചര്ച്ചയില് പങ്കെടുത്ത പ്രതിപക്ഷ നേതാവ് രമേശ് ചെന്നിത്തലയും യുഡിഎഫ് കണ്വീനര് ബെന്നി ബെഹന്നാനും കെപിസിസി അധ്യക്ഷന് മുല്ലപ്പള്ളി രാമചന്ദ്രനും കേരള കോണ്ഗ്രസ് ചെയര്മാന് കെഎം മാണിയെ അറിയിച്ചു. രണ്ടാം സീറ്റ് നല്കാനാവില്ലെന്ന കോണ്ഗ്രസ് നിലപാട് അംഗീകരിക്കാനാവില്ലെന്ന് കോണ്ഗ്രസ് നേതാക്കള്ക്കൊപ്പം മാധ്യമങ്ങളെ കണ്ട കെ.എം മാണി പറഞ്ഞു.
- അവ്നി
വായിക്കുക: കേരള രാഷ്ട്രീയം, കേരള രാഷ്ട്രീയ നേതാക്കള്, തിരഞ്ഞെടുപ്പ്, മാധ്യമങ്ങള്
തിരുവനന്തപുരം : വരുന്ന ഒരാഴ്ച കേരളത്തില് കടുത്ത ചൂടിന് സാധ്യതയെന്ന് കേന്ദ്രകാലാവസ്ഥാ വകുപ്പിന്റെ മുന്നറിയിപ്പ്. തൃശൂര് മുതല് കോഴിക്കോട് വരെയുള്ള ജില്ലകളില് കൊടും ചൂടും അനുഭവപ്പെടാം. അതീവ ജാഗ്രത പാലിക്കണമെന്ന് ദുരന്തനിവാരണ അതോറിറ്റി നിര്ദേശിച്ചു.
വരും ദിവസങ്ങളില് കേരളത്തില് വിവിധ പ്രദേശങ്ങളില് ചൂട് ശരാശരിയില് നിന്നും 2 മുതല് 4 ഡിഗ്രി വരെ ചൂട് കൂടുതല് ആയേക്കാമെന്ന മുന്നറിയിപ്പ് നല്കിയിരിക്കുകയാണ് കേന്ദ്രകാലാവസ്ഥ വകുപ്പ്. ഇത്തരം സാഹചര്യത്തില് പുറത്തിറങ്ങുന്നവര്ക്ക് സൂര്യാഘാതം ഏല്ക്കാനുള്ള സാധ്യത വളരെ കൂടുതലാണെന്നും കാലാവസ്ഥ വകുപ്പ് അറിയിച്ചു.
- അവ്നി
വായിക്കുക: കാലാവസ്ഥ, കേരളം, ചൂട്, സൂര്യാഘാതം
കൊച്ചി : ബ്രഹ്മപുരം പ്ലാന്റിലെ മാലിന്യ സംസ്കരണം നിലച്ചതോടെ കൊച്ചിയിൽ മാലിന്യ പ്രശ്നം രൂക്ഷം. നഗരത്തിൽ പലയിടത്തും മാലിന്യം കെട്ടിക്കിടക്കുകയാണ്. മാലിന്യങ്ങൾ അഴുകിത്തുടങ്ങിയതോടെ പകർച്ചവ്യാധി ഭീഷണിയിലാണ് നഗരം. നഗരത്തിലെ ജൈവ മാലിന്യങ്ങള് മാത്രമാണ് തൊഴിലാളികള് ശേഖരിക്കുന്നത്.
കഴിഞ്ഞ അഞ്ച് ദിവസത്തിലധികമായി പലയിടങ്ങളിലും മാലിന്യം കെട്ടിക്കിടക്കുകയാണെന്നാണ് നാട്ടുകാര് പറയുന്നത്. നേരത്തെ ജൈവമാലിന്യങ്ങള് നീക്കം ചെയ്യുമെന്ന് നഗരസഭ സഭ വ്യക്തമാക്കിയിരുന്നു. എന്നാല് ഇത് പ്രാവര്ത്തികമായിട്ടില്ല.
- അവ്നി
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
