തിരുവനന്തപുരം: പൗരത്വ ഭേദഗതി നിയമം കേരളത്തില് നടപ്പാക്കില്ലെന്ന നിലപാട് ആവര്ത്തിച്ച് മുഖ്യമന്ത്രി പിണറായി വിജയന്. പൗരത്വഭേദഗതി നിയമത്തിനെതിരെ എല്ഡിഎഫ് സംഘടിപ്പിച്ച മനുഷ്യ മഹാശൃംഖലയില് പങ്കെടുത്ത് സംസാരിക്കുകയായിരുന്നു പിണറായി. തിരുവനന്തപുരത്ത് നടന്ന പരിപാടിയില് സി.പി.ഐ സംസ്ഥാന സെക്രട്ടറി കാനം രാജേന്ദ്രന് എല്ഡിഎഫ് കണ്വീനര് എ വിജയരാഘവന് തുടങ്ങി നിരവധി പേര് പങ്കെടുത്തു.
പൗരത്വ ഭേദഗതി നിയമം പിന്വലിക്കണമെന്ന ആവശ്യം ഉയര്ത്തിയാണ് ഇടതുപക്ഷ മുന്നണി മനുഷ്യമഹാശൃംഖല സംഘടിപ്പിച്ചത്. കാസര്ഗോഡ് മുതല് കളിയിക്കാവിള വരെ ദേശീയ പാതയിലാണ് ശൃംഖലരൂപീകരിച്ചത്. നാല് മണിയോടെ ഭരണഘടനയുടെ ആമുഖം വായിച്ച് പ്രതിജ്ഞ ചൊല്ലി ശൃംഖലക്ക് തുടക്കം കുറിച്ചു. ശേഷം വിവിവ കേന്ദ്രങ്ങളില് പൊതുയോഗങ്ങള് ചേര്ന്നു. തിരുവനന്തപുരം പാളയം രക്തസാക്ഷി മണ്ഡപത്തില് നടന്നപൊതുയോഗത്തിന്റെ ഉദ്ഘാടനം മുഖ്യമന്ത്രി പിണറായി വിജയന് നിര്വഹിച്ചു. പൗരത്വ ഭേദഗതി നിയമവും ദേശീയ പൗരത്വ പട്ടികയും കേരളത്തില് നടപ്പാക്കില്ലന്നും മുഖ്യമന്ത്രി പറഞ്ഞു.
