തിരുവനന്തപുരം : മുന്‍മന്ത്രി എ.കെ ശശീന്ദ്രനെ ഫോണ്‍ വിളിച്ച് കുടുക്കിയ കേസില്‍ ചാനല്‍ മേധാവിയടക്കം എട്ടുപേര്‍ കീഴടങ്ങി. എന്നാല്‍ ഫോണ്‍ വിളിച്ച മാധ്യമപ്രവര്‍ത്തകയും ചാനലിന്റെ ചെയര്‍മാനും കീഴടങ്ങിയിട്ടില്ല. അറസ്റ്റ് തടയണമെന്നാവശ്യപ്പെട്ട് ഇവര്‍ കോടതിയില്‍ സമര്‍പ്പിച്ച ഹര്‍ജി തള്ളിയതോടെയാണ് കേസന്വേഷിക്കുന്ന പ്രത്യേക സംഘത്തിന്റെ മുമ്പില്‍ കീഴടങ്ങിയത്.

പ്രതികള്‍ക്കെതിരെ ക്രിമിനല്‍ ഗൂഡാലോചന, ഐടി ആക്ട് തുടങ്ങിയ വകുപ്പുകളിലാണ് കേസെടുത്തിരിക്കുന്നത്. എന്നാല്‍ തന്റെ മൊബൈല്‍ ഫോണും ലാപ്ടോപ്പും കാണാനില്ലെന്ന് കാണിച്ച് ചാനല്‍ മേധാവി പോലീസിന് പരാതി നല്‍കിയിട്ടുണ്ട്.