തിരുവനന്തപുരം : ഭരണ പരിഷ്ക്കാര കമ്മീഷനു സെക്രട്ടറിയേറ്റിൽ ഓഫീസ് നൽകാനാവില്ലെന്ന് കാണിച്ച് സർക്കാർ ഉത്തരവിറക്കി. കമ്മീഷനു സെക്രട്ടറിയേറ്റിൽ ഓഫീസ് അനുവദിക്കണമെന്ന് കാണിച്ച് വി.എസ് അച്യുതാനന്ദൻ ചീഫ് സെക്രട്ടറിക്ക് കത്ത് നൽകിയിരുന്നു. അതിനെ തുടർന്നാണ് ഉത്തരവ്.

ഐഎം എജിയിൽ കഴിഞ്ഞ ആഗസ്തിൽ അനുവദിച്ച ഓഫീസിൽ തന്നെ ഭരണം തുടരണമെന്ന് മുഖ്യമന്ത്രി പിണറായി വിജയൻ വി എസ്സിനോട് ആവശ്യപ്പെട്ടു. വി എസ്സിന് സെക്രട്ടറിയേറ്റിൽ ഓഫീസ് അനുവദിക്കുന്നതിന് തുടക്കം മുതൽ തന്നെ പിണറായിക്ക് എതിർപ്പായിരുന്നു.

തിരുവനന്തപുരം : ബന്ധു നിയമന വിവാദത്തോടനുബന്ധിച്ച് ഇ.പി.ജയരാജൻ രാജി വെക്കാൻ തയ്യറാണെന്ന് കഴിഞ്ഞ ദിവസം എ.കെ.ജി സെന്ററിൽ വെച്ച് കോടിയേരിയെ അറിയിച്ചു. മുഖ്യമന്ത്രിയുടെ അഭാവത്തിൽ കാര്യങ്ങൾക്ക് ഇതുവരെ തീരുമാനമായിട്ടില്ല.നിയമന കാര്യത്തിൽ തനിക്ക് വീഴ്ച്ച പറ്റിയെന്ന് ജയരാജൻ സമ്മതിച്ചു.

കാര്യങ്ങളിൽ ശരിയായ രീതിയിൽ തീരുമാനമുണ്ടാക്കാൻ കേന്ദ്രം സംസ്ഥാനത്തോട് ആവശ്യപ്പെട്ടിട്ടുണ്ട്. ജയരാജൻ മന്ത്രിസ്ഥാനം ഒഴിയണമെന്ന് സീതാറാം യെച്ചൂരിയും തെറ്റിതിരുത്തിയാൽ മതിയെന്ന് പ്രകാശ് കാരാട്ടും പറയുന്നു.

ബന്ധുനിയമനം ഉൾപ്പെടെ ഗൗരവകരമായ എല്ലാ പ്രശ്നങ്ങൾക്കും ഉടൻ പരിഹാരം കാണുമെന്ന് മുഖ്യമന്ത്രി പിണറായി വിജയൻ. പ്രതിപക്ഷം കാര്യങ്ങൾ വളച്ചൊടിച്ചതായും അദ്ദേഹം അഭിപ്രായപ്പെട്ടു. മുന്മന്ത്രി പി.കെ ശ്രീമതിയുടെ മരുമകൾക്ക് ജോലി കൊടുത്തത് പാർട്ടി അറിഞ്ഞു കൊണ്ടുള്ള തീരുമാനമായിരുന്നില്ല എന്നും അദ്ദേഹം മാധ്യമപ്രവർത്തകരോട് പറഞ്ഞു.

മന്ത്രിയുടെ പേഴ്സണൽ സ്റ്റാഫിലേക്ക് മൂന്ന് നിയമനങ്ങൾ നടത്താൻ മന്ത്രിമാർക്ക് തന്നെ അവകാശമുണ്ട്. ഇത് പാർട്ടി അറിയേണ്ട കാര്യമല്ല. സ്ഥാനക്കയറ്റത്തിന്റെ കാര്യം വന്നപ്പോഴാണ് ഇങ്ങനെയൊരു നിയമനം പാർട്ടിയുടെ ശ്രദ്ധയിൽപ്പെട്ടത്. അപ്പോൾ തന്നെ അതിനുവേണ്ട നടപടി എടുക്കുകയും ചെയ്തുവെന്ന് മുഖ്യമന്ത്രി അറിയിച്ചു.