 |
 |
 |
 |
 |
 |
 |
 |
 |
 |
 |
 |
 |
 |
ചങ്ങനാശ്ശേരി: മുസ്ലിം ലീഗിന് അഞ്ചാമത് ഒരു മന്ത്രി സ്ഥാനം കൂടി നല്കിയ യു ഡി എഫ് തീരുമാനം ഒട്ടും ഉചിതമായില്ല എന്നും വോട്ട് ചെയ്ത ജനങ്ങളെ വിഡ്ഢികളാക്കുന്നതിന് തുല്യമാണ് ഇത് എന്നും എൻ . എസ്. എസ്. പ്രതികരിച്ചു. മഞ്ഞളാം കുഴി അലിയെ മന്ത്രിയാക്കുന്നതിനെതിരെ പല സമുദായ സംഘടനകളും കടുത്ത എതിര്പ്പ് അറിയിച്ചിരുന്നു.
- ന്യൂസ് ഡെസ്ക്
വായിക്കുക: കേരള രാഷ്ട്രീയം, കേരള രാഷ്ട്രീയ നേതാക്കള്, മതം
കൊല്ലം :മത്സ്യത്തൊഴിലാളികളെ കടലില് വച്ച് വെടിവെച്ച് കൊന്ന സംഭവത്തില് പ്രതികളായ ഇറ്റാലിയന് നാവികരെ സന്ദര്ശിക്കുന്നതിനായി ഒരു സംഘം വൈദികര് കേരളത്തില് എത്തി. കേസില് ഒത്തു തീര്പ്പ് ചര്ച്ചകള്ക്കായാണ് വൈദികര് എത്തിയതെന്ന് സൂചനയുണ്ട്. കൊല്ലം രൂപതയിലെ ചില വൈദികരുമായി സംഘം സ്ഥിതിഗതികളെ സംബന്ധിച്ച് ചര്ച്ച നടത്തി. വെടിവെപ്പില് കൊല്ലപ്പെട്ട മത്സ്യത്തൊഴിലാളിയുടെ വീടുകള് ഇവര് സന്ദര്ശിച്ചു. ഇവര് പ്രാര്ഥന മാത്രമാണ് നടത്തിയതെന്നാണ് കൊല്ലപ്പെട്ട മത്സ്യത്തൊഴിലാളികളുടെ ബന്ധുക്കള് വ്യക്തമാക്കിയത്.
- എസ്. കുമാര്
തിരുവനന്തപുരം:സി. പി. എം സംസ്ഥാന സെക്രട്ടറി പിണറായി വിജയന് മലങ്കര സഭയുടെ അധ്യക്ഷന് ബസേലിയോസ് മാര് ക്ലിമ്മിസ് കാത്തോലിക്ക ബാവ ഉള്പ്പെടെ വിവിധ ബിഷപ്പുമാരെ സന്ദര്ശിച്ചു. ലത്തീന് കത്തോലിക്ക ആര്ച്ച് ബിഷപ് സൂസൈപാക്യം, സീ. എസ്. ഐ ബിഷപ്പ് ധര്മരാജ് റസാലം എന്നിവരും പിണറായി സന്ദര്ശിച്ചവരില് ഉള്പ്പെടുന്നു. വരാനിരിക്കുന്ന നെയ്യാറ്റിന്കര ഉപതെരഞ്ഞെടുപ്പിന്റെ പശ്ചാത്തലത്തില് പിണറായിയുടെ സന്ദര്ശനത്തിന് പ്രാധാന്യമേറുന്നു. മത്സ്യത്തൊഴിലാളികളുമയി ബന്ധപ്പെട്ട പ്രശ്നങ്ങളുടെ ഭാഗമായി പാര്ട്ടി നടത്തുന്ന പ്രതിഷേധങ്ങള്ക്കും പ്രചാരണങ്ങള്ക്കും മറ്റും പിന്തുണ തേടിയാണ് സന്ദര്ശനമെന്നാണ് ഔദ്യോഗിക ഭാഷ്യം. നാടാര് വിഭാഗത്തിന് നിര്ണ്ണായക സ്വാധീനമുള്ള നെയ്യാറ്റിന്കര ഉപതെരഞ്ഞെടുപ്പില് ക്രിസ്ത്യന് വോട്ടുകള് നിര്ണ്ണായകമാകും. അതിനാല് അവര്ക്ക് കൂടെ താല്പര്യമുള്ള സ്ഥാനാര്ഥിയെ പരിഗണിക്കുവാന് ഇടയുണ്ട്. പിറവത്ത് സി. പി. എം സ്ഥാനാര്ഥിക്ക് ഉണ്ടായ വന്പരാജയം കണക്കിലെടുത്ത് പാര്ട്ടി വളരെ ശ്രദ്ധാപൂര്വ്വമാണ് നെയ്യാറ്റിന്കരയിലെ ഉപതെരഞ്ഞെടുപ്പിന് ഒരുങ്ങുന്നത്.
- എസ്. കുമാര്
വായിക്കുക: കേരള രാഷ്ട്രീയം, കേരള സാംസ്കാരിക വ്യക്തിത്വം, തിരഞ്ഞെടുപ്പ്, മതം
കണ്ണൂര്: പുതിയ ഭാരവാഹികളെ തെരഞ്ഞെടുക്കുന്നതിനായി ചേര്ന്ന മുസ്ലിം ലീഗിന്റെ കണ്ണൂര് ജില്ലാ കൌണ് സില് യോഗത്തില് സംഘര്ഷം. സാദു കല്യാണ മണ്ഡപത്തില് ചേര്ന്ന സമ്പൂര്ണ്ണ യോഗം ഇരുവിഭാഗങ്ങള് തമ്മിലുള്ള പോര്വിളിയിലും കയ്യാങ്കളിയിലുമാണ് അവസാനിച്ചത്. നിലവിലെ ജില്ലാ പ്രസിഡാണ്ട് വി. കെ അബ്ദുള് ഖാദറ് മൌലവിയേയും സെക്രട്ടറി വി. പി ഫരൂഖിനേയും തുടരുവാന് അനുവദിക്കില്ലെന്ന് ഒരു വിഭാഗം പറഞ്ഞു. ഔദ്യോഗിക നേതൃത്വത്തിന്റെ തീരുമാനത്തിനെതിരെ ബദല് പാനല് അവതരിപ്പിക്കുവാനുള്ള ശ്രമങ്ങളും നടന്നു. മുതിര്ന്ന നേതാവ് പി. കെ. കെ. ബാവയ്ക്കു നേരെ കയ്യേറ്റ ശ്രമം ഉണ്ടായതിനെ തുടര്ന്ന് അദ്ദേഹം യോഗത്തില് നിന്നും ഇറങ്ങി പോയി. സംഘര്ഷ സാധ്യത കണക്കിലെടുത്ത് യോഗം നിര്ത്തിവെക്കുകയായിരുന്നു. മുസ്ലിം ലീഗില് അടുത്ത കാലത്തായി നേതാക്കന്മാര്ക്കു നേരെ കയ്യേറ്റ ശ്രമങ്ങള് തുടര്ക്കഥയാകുകയാണ്. കഴിഞ്ഞ ദിവസം ഒരു എം. പി ഉള്പ്പെടെ മുതിര്ന്ന നേതാക്കന്മാര്ക്ക് നേരെ കയ്യേറ്റം ഉണ്ടായി.
- ന്യൂസ് ഡെസ്ക്
വായിക്കുക: കേരള രാഷ്ട്രീയം, പോലീസ് അതിക്രമം, മതം
കൊച്ചി : നീരൊഴുക്ക് നിലച്ച് മലിനമായി കിടക്കുന്ന പമ്പ ശബരിമലയിലെ വിഷു ഉത്സവത്തിനു മുന്പ് ശുദ്ധീകരിക്കണമെന്നു ഹൈക്കോടതി. ഇതിനായി ഇന്നു മുതല് തന്നെ പ്രവര്ത്തനം തുടങ്ങി 10 ദിവസം കൊണ്ട് നീരൊഴുക്കു പുനസ്ഥാപിക്കണമെന്ന് ജസ്റ്റിസുമാരായ തോട്ടത്തില് ബി. രാധാകൃഷ്ണനും സി. ടി. രവികുമാറുമടങ്ങിയ ഡിവിഷന് ബഞ്ച് നിര്ദേശിച്ചു.
വേനല് ഇനിയും കടുത്താല് നീരൊഴുക്ക് പൂര്ണമായി നിലയ്ക്കുമെന്നതിനാല് മാലിന്യങ്ങള് ജെസിബി ഉപയോഗിച്ച് ഉടന് നീക്കണം. സാധാരണ കുന്നാര് ഡാം തുറന്നുവിട്ടു ഈ പ്രശ്നം ഒഴിവാക്കാന് ചെയ്യാര് എന്നാല് അത് മാത്രം പോരാ. മലിനീകരണനിയന്ത്രണ ബോര്ഡും എ. ഡി. എമ്മും ഇറിഗേഷന് വകുപ്പിന്റെ പ്രവര്ത്തനത്തെ സഹായിക്കണമെന്നും കോടതി നിര്ദേശിച്ചു. ശബരിമലയിലെ വിഷു ഉത്സവത്തിനും മണ്ഡല മകരവിളക്കു കാലത്തും ഏര്പ്പെടുത്തിയ ക്രമീകരണങ്ങള് തുടരണമെന്നും കോടതി.
സന്നിധാനം, പമ്പ, എരുമേലി, എന്നിവിടങ്ങളിലും ക്രമീകരണങ്ങളൊരുക്കണം. പൊലീസിന്റെയും ഫോറസ്റ്റിന്റെയും സെക്യൂരിറ്റി സംവിധാനം സീസണിലേതുപോലെ തുടരണം. ഭക്ഷ്യ സുരക്ഷ, ജലവിതരണം, മലിനീകരണം, ശുചിത്വം എന്നീ കാര്യങ്ങളില് കോടതിയുടെ മുന് ഉത്തരവുകള് പാലിക്കണമെന്നും നിര്ദേശം.
- ലിജി അരുണ്
വായിക്കുക: കേരള ഹൈക്കോടതി, പരിസ്ഥിതി, മതം, സാമൂഹ്യക്ഷേമം
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
