ജൊഹാനസ്ബര്ഗ് : ലോകം കണ്ടതില്‍ വെച്ച് ഏറ്റവും വലിയ ഫുട്ബോളര്‍ ആര് എന്ന ചോദ്യത്തിന് കളിക്കമ്പ ക്കാര്‍ ക്കിടയില്‍ നിന്നും ലഭിക്കുന്ന ബഹു ഭൂരിപക്ഷം ഉത്തര ങ്ങളും (കുറിയവനായ) മറഡോണ എന്ന് തന്നെയാവും…!. എന്നാല്‍ ഡീഗോ മറഡോണ ഇപ്പോള്‍ കളത്തിനു പുറത്തു നിന്നും കളി പറഞ്ഞു കൊടുക്കുക യാണ്. കോച്ച് എന്ന നിലയില്‍ ഡീഗോ എത്ര കണ്ടു മുന്നേറും എന്നത് കാത്തിരുന്നു കാണാം എന്നാണു കളി നിരൂപകര്‍ പറഞ്ഞത്. മറഡോണ യോട് കിട പിടിക്കുന്ന മെസ്സി എന്ന ലോകോത്തര പ്ലേ മേക്കര്‍ മൈതാന മദ്ധ്യത്തില്‍ കളി നിയന്ത്രിച്ചപ്പോള്‍, ലോക കപ്പില്‍ ഇത് വരെ നടന്ന മല്‍സര ങ്ങളില്‍ തിളങ്ങി നില്‍ക്കുന്നത്‌ അര്‍ജന്‍റീന തന്നെ.
മെസ്സി എന്ന താര ത്തിന്‍റെ മികവ് തെളിയിക്കുന്ന താണ് മുന്‍ യൂറോപ്യന്‍ ചാമ്പ്യന്മാരായ ഗ്രീസിന് എതിരെ അര്‍ജന്‍റീന നേടിയ ഏകപക്ഷീയ മായ 2 ഗോള്‍ വിജയം. ഇനി പ്രീ ക്വാര്‍ട്ടറില്‍ ജൊഹാനസ്‌ ബര്‍ഗി ലെ സോക്കര്‍ സിറ്റി സ്റ്റേഡിയ ത്തില്‍ അര്‍ജന്‍റീന മെക്സിക്കോ യുമായി ഞായറാഴ്ച ഏറ്റുമുട്ടും.
ഏഷ്യന്‍ പ്രതിനിധി യായി ദക്ഷിണ കൊറിയ
ഗ്രീസിനെതിരെ അര്‍ജന്‍റീന നേടിയ വിജയത്തിന്‍റെ തണലില്‍ ദക്ഷിണ കൊറിയ പ്രീ ക്വാര്‍ട്ടറില്‍. കറുത്ത കുതിര കളായ നൈജീരിയ യെ 2 – 2 എന്ന സ്കോറിന് പിടിച്ചു കെട്ടിയാണ് ദക്ഷിണ കൊറിയ പ്രീ ക്വാര്‍ട്ടറിലേക്ക് പ്രവേശനം നേടിയത്‌.
എന്ത് കൊണ്ട് സിദാന്‍…?
2006 ലെ ലോകകപ്പ് മല്‍സര ത്തില്‍ തല നാരിഴക്ക് കിരീടം നഷ്ടപ്പെട്ട ഫ്രാന്സ് 2010 ല്‍ നാണംകെട്ട് മടങ്ങി. ഈ രണ്ടു ലോകകപ്പ് മത്സര ങ്ങളിലെ യും ഫ്രാന്സ് ടീമുകളെ താരതമ്യം ചെയ്യുമ്പോള്‍ ഏവരുടെയും ചിന്ത ചെന്നെത്തുക സിനദിന്‍ സിദാന്‍ എന്ന മഹാനായ കളിക്കാരനിലാണ്. ഒരു ടീം എന്ന നിലയില്‍, കഴിഞ്ഞ രണ്ടു ലോകകപ്പ് മത്സര ങ്ങളിലും ഫ്രഞ്ച് കാരെ ഉയര്‍ത്തി കൊണ്ടു വന്നത് സിദാന്‍ എന്ന പ്ലേ മേക്കറുടെ കഴിവ്‌ ഒന്ന് മാത്രമായിരുന്നു. എന്നാല്‍ സിദാന്‍ ഇല്ലാതെ നമ്മള്‍ കണ്ട ഫ്രഞ്ച് ടീമിന്‍റെ അവസ്ഥ ഏറെ പരിതാപകര മായിരുന്നു. ഗ്രൂപ്പ്‌ എ – യില്‍ ഒരു സമനില മാത്രം നേടിക്കൊണ്ട് അവസാന സ്ഥാനത്താണ് ഫ്രാന്സ് ചെന്നെത്തിയത്. ആതിഥേയര്‍ ആയതു കൊണ്ടു മാത്രം ലോകകപ്പില്‍ കളിക്കുന്ന ദക്ഷിണാഫ്രിക്ക യോട് പോലും ഇന്നലെ 2- 1 ന്‍റെ തോല്‍വിയാണ് സിദാന്‍റെ പിന്‍മുറ ക്കാര്‍ ഏറ്റുവാങ്ങിയത്.
ഉറുഗ്വെ ജയിച്ചു – ഇനി പ്രീ ക്വാര്‍ട്ടറില്‍
ശക്തരായ മെക്സിക്കോ ക്ക് എതിരെ മറുപടി ഇല്ലാത്ത ഒരു ഗോളിന് വിജയിച്ച് ഗ്രൂപ്പ്‌ എ – യില്‍ നിന്നും ഒന്നാം സ്ഥാനക്കാരായി ഉറുഗ്വെ പ്രീ ക്വാര്‍ട്ടറില്‍. ദക്ഷിണ കൊറിയ യെ യാണ് ആദ്യ നോക്കൌട്ട് ഘട്ടത്തില്‍ അവര്‍ക്ക്‌ നേരിടാനുള്ളത്. ഉറുഗ്വെ യോട് തോല്‍വി ഏറ്റുവാങ്ങേണ്ടി വന്നു എങ്കിലും ഫ്രാന്‍സി നെതിരെ നേടിയ വിജയവും ദക്ഷിണാഫ്രിക്ക ക്കെതിരെ നേടിയ സമനില യും നല്ല ഗോള്‍ ശരാശരി യുമായി ഗ്രൂപ്പ്‌ എ യില്‍ നിന്നും മെക്സിക്കോ യും രണ്ടാം സ്ഥാനക്കാരായി പ്രീ ക്വാര്‍ട്ടറില്‍ ഇടം പിടിച്ചു.
തയ്യാറാക്കിയത്: – ഹുസ്സൈന്‍ ഞാങ്ങാട്ടിരി
ജൊഹാനസ്ബര്ഗ് : മഴയില്‍ കുതിര്‍ന്ന പോര്‍ച്ചുഗീസ് – ഉത്തര കൊറിയ മല്‍സരത്തില്‍ പോര്‍ച്ചുഗലിന് എതിരില്ലാത്ത 7 ഗോള്‍ വിജയം. ലോകത്തിലെ ഏറ്റവും അധികം ചെലവേറിയ താരം എന്ന വിശേഷണം എന്ത് കൊണ്ട് കളി പ്രേമികള്‍ ക്രിസ്റ്റ്യാനോ റൊണാള്‍ഡോ ക്ക് ചാര്‍ത്തി നല്‍കി എന്നത് തെളിയിക്കുന്ന തായിരുന്നു ഉത്തര കൊറിയ ക്കെതിരെ ക്രിസ്റ്റ്യാനോ യുടെ പ്രകടനം. കളിച്ചും കളിപ്പിച്ചും ഗോള്‍ അവസരങ്ങള്‍ ഒരുക്കിയും സ്കോര്‍ ചെയ്തും തന്‍റെ പേരിന് ഒത്ത പ്രകടനം പുറത്തെടുത്ത ക്രിസ്റ്റ്യാനോ ക്കും കൂട്ടര്‍ക്കും മുന്നില്‍, ബ്രസീലിന് എതിരെ തകര്‍പ്പന്‍ പ്രകടനം കാഴ്ച വെച്ച ഉത്തര കൊറിയ തീര്‍ത്തും മങ്ങി പ്പോവുക യായിരുന്നു.
ബീജിംഗ് : ദക്ഷിണ ചൈനയിലെ വെള്ളപ്പൊക്കത്തില്‍ 136 പേര്‍ കൊല്ലപ്പെട്ടതായി ചൈനീസ്‌ അധികൃതര്‍ വെളിപ്പെടുത്തി. ഒന്‍പതു പ്രവിശ്യകളിലായി ഒരു കോടിയിലേറെ പേര്‍ ഇവിടെ വെള്ളപ്പൊക്ക ദുരിതം അനുഭവിക്കുന്നുണ്ട്. 86 പേരെ കാണാനില്ല. 535,500 ഹെക്ടര്‍ കൃഷി നശിക്കുകയും 68,000 ഭവനങ്ങള്‍ തകരുകയും ചെയ്തതായി റിപ്പോര്‍ട്ടുണ്ട്. മൊത്തം 2.1 ബില്യണ്‍ ഡോളറിന്റെ നഷ്ടമാണ് കണക്കാക്കിയിട്ടുള്ളത്. 2.8 ലക്ഷം പേരെ ഈ പ്രദേശങ്ങളില്‍ നിന്നും മാറ്റി സുരക്ഷിത താവളങ്ങളില്‍ എത്തിച്ചിട്ടുണ്ട്. 
ജൊഹാനസ്ബര്ഗ്: ഇരു പകുതി കളിലു മായി ലൂയീസ്‌ ഫാബിയാനോ നേടിയ എണ്ണം പറഞ്ഞ രണ്ടു ഗോളിനും ഇലാനോ നേടിയ മറ്റൊരു ഗോളിനും കരുത്തരായ ഐവറി കോസ്റ്റിനെ മറി കടന്ന്‍ ബ്രസീല്‍ പ്രീ ക്വാര്‍ട്ടറില്‍ എത്തി. ആക്രമിച്ചു കളിച്ച ഐവറി കോസ്റ്റിന് മേല്‍ പൂര്‍ണ്ണ ആധിപത്യം ബ്രസീലി ന് തന്നെ യായിരുന്നു. എങ്കിലും ഇംഗ്ലീഷ് ലീഗിലെ ടോപ്‌ സ്കോറര്‍ ആയ ദ്രോഗ്ബ യുടെ നേതൃത്വത്തില്‍ ഐവറി കോസ്റ്റ്‌ പല നല്ല മുന്നേറ്റ ങ്ങളും നെയ്തെടുത്തു.
വാഷിംഗ്ടണ്‍ : ജൂണ്‍ 26ന് ടോറോന്‍റോയില്‍ ആരംഭിക്കുന്ന ജി-20 ഉച്ചകോടി ആഗോള സാമ്പത്തിക പ്രതിസന്ധി പരിഹരിക്കുന്നതിനുള്ള മാര്‍ഗ്ഗങ്ങള്‍ ചര്‍ച്ച ചെയ്യുന്നതിന് മുന്‍ഗണന നല്‍കണമെന്ന് അമേരിക്കന്‍ പ്രസിഡണ്ട് ബരാക്‌ ഒബാമ ആവശ്യപ്പെട്ടു. ലോകത്തിലെ ഏറ്റവും സമ്പന്നമായ 20 രാഷ്ട്രങ്ങള്‍ പങ്കെടുക്കുന്ന ഉച്ചകോടി അന്താരാഷ്ട്ര സാമ്പത്തിക സഹകരണം ലക്ഷ്യമിട്ട് രൂപം നല്‍കിയതാണ്. പുതിയ വെല്ലുവിളികളെ കൂട്ടായി നേരിടുവാനുള്ള ആര്‍ജവം ജി-20 രാഷ്ട്രങ്ങള്‍ പ്രകടിപ്പിക്കണം എന്നും ഒബാമ ഉച്ചകോടിക്ക് മുന്‍പായി ലോക നേതാക്കളെ അഭിസംബോധന ചെയ്തെഴുതിയ എഴുത്തില്‍ ആഹ്വാനം ചെയ്തു.
സ്പെയിന്‍ : നൊബേല്‍ സമ്മാന ജേതാവും പ്രശസ്ത നോവലിസ്റ്റു മായ പോര്‍ച്ചുഗീസ് സാഹിത്യകാരന്‍ ഷൂസെ സരമാഗു അന്തരിച്ചു 87 വയസ്സ് ആയിരുന്നു. ‘ബ്ലൈന്‍ഡ് നെസ്’ എന്ന നോവലിന് 1998 – ല്‍ നൊബേല്‍ സമ്മാനം നേടിയ സരമാഗു വിന്‍റെ കൃതികള്‍, മലയാളം ഉള്‍പ്പെടെ ഇരുപതിലേറെ ഭാഷ കളിലേക്ക് വിവര്‍ത്തനം ചെയ്തിട്ടുണ്ട്. കടുത്ത രാഷ്ട്രീയ നിലപാടുകളെ മാജിക്കല്‍ റിയലിസം ശൈലിയില്‍ അവതരിപ്പിച്ചവ ആയിരുന്നു അദ്ദേഹത്തിന്‍റെ കൃതികളില്‍ ഭൂരിഭാഗവും. ഉറച്ച കമ്യൂണിസ്റ്റാ യിരുന്ന സരമാഗു വിന്‍റെ നിലപാടുകള്‍, അദ്ദേഹത്തെ മാതൃ രാജ്യ ത്തിന് അനഭിമതനാക്കി.
ന്യൂഡല്‍ഹി : കലാപ ബാധിത ദക്ഷിണ കിര്‍ഗിസ്ഥാനില്‍ നിന്നും 21 ഇന്ത്യന്‍ വിദ്യാര്‍ത്ഥികള്‍ സുരക്ഷിതരായി ഇന്നലെ രാത്രി ഇന്ത്യയില്‍ തിരിച്ചെത്തി. ഓഷ്, ജലാലാബാദ്‌ എന്നീ പ്രദേശങ്ങളില്‍ നിന്നും 105 ഇന്ത്യാക്കാരെ അധികൃതര്‍ കിര്‍ഗിസ്ഥാന്‍ തലസ്ഥാനമായ ബിഷ്കെക്കിലേക്ക് നേരത്തെ തന്നെ മാറ്റിയിരുന്നു. കിര്‍ഗിസ് വിഭാഗവും, ന്യൂനപക്ഷമായ ഉസ്ബെക് വിഭാഗവും തമ്മിലുള്ള കലാപത്തില്‍ 120 ഓളം പേര്‍ ഇവിടെ കൊല്ലപ്പെടുകയും 1600 ഓളം പേര്‍ക്ക് പരിക്കേല്‍ക്കുകയും ചെയ്തിരുന്നു. കലാപത്തെ തുടര്ന്ന് ഉസ്ബെക് വിഭാഗക്കാര്‍ വന്‍ തോതില്‍ ഇവിടെ നിന്നും പലായനം ചെയ്യുകയുണ്ടായി. പ്രശ്ന പരിഹാരത്തിന് കിര്‍ഗിസ്ഥാന്‍ സര്‍ക്കാര്‍ അന്താരാഷ്ട്ര സഹായം തേടിയിട്ടുണ്ട്.
ജൊഹാനസ്ബര്ഗ് : യൂറോപ്യന്‍ ഫുട്ബോളിലെ കരുത്തുറ്റ രണ്ടു ടീമുകള്‍ ഇന്ന് ലോക കപ്പില്‍ കൊമ്പു കോര്‍ക്കുന്നു. ലോകോത്തര ഫുട്ബോള്‍ ടീമായ എഫ്. സി. ബാഴ്സലോണ യുടെ ഏറെക്കുറെ എല്ലാ കളിക്കാരും ആനി നിരക്കുന്ന സ്പെയിന്‍, സ്വിറ്റ്സര്‍ലാന്‍റ് നെ നേരിടുന്നു. കളി നിരൂപകര്‍ ഈ ലോക കപ്പില്‍ ഏറ്റവുമധികം സാദ്ധ്യത കല്‍പ്പിക്കുന്ന ടീമുകളില്‍ ഒന്നാണ് സപെയിന്‍. ഇന്ന് ഇന്ത്യന്‍ സമയം വൈകീട്ട് 7 : 30 ന് സ്പെയിന്‍ – സ്വിറ്റ്സര്‍ലാന്‍റ് മല്‍സരം നടക്കും.
ജൊഹാനസ്ബര്ഗ് : ആരാധകരുടെ പ്രതീക്ഷക്ക് ഒത്ത പ്രകടനം ആയില്ലെങ്കിലും ബ്രസീല്‍ ജയിച്ചു. ആവേശ ഭരിതമായ ബ്രസീല്‍ – ഉത്തര കൊറിയ മല്‍സരത്തില്‍ ആദ്യ പകുതിയില്‍ ഇരു ടീമുകളും ഗോളുകള്‍ ഒന്നും സ്കോര്‍ ചെയ്തില്ല. പരമ്പരാഗത ശൈലിയില്‍ കളിക്കാന്‍ കഴിയാതെ പോയ ബ്രസീലിനെ പിടിച്ചു കെട്ടുന്നതില്‍ ഉത്തര കൊറിയന്‍ ഡിഫന്‍ഡര്‍മാര്‍ വിജയം നേടുന്നത് കാണാമായിരുന്നു.
ന്യൂഡല്‍ഹി : ഇന്ത്യ അമേരിക്കയുമായി ഉണ്ടാക്കിയ ആണവ കരാറു പോലൊരു കരാര്‍ തങ്ങള്‍ക്കും വേണമെന്ന പാക്കിസ്ഥാന്റെ ആവശ്യം അമേരിക്ക തള്ളിയതിനെ തുടര്ന്ന് പാക്കിസ്ഥാന്‍ ചൈനയുമായ് സമാനമായ ഒരു ആണവ കരാര്‍ ഉണ്ടാക്കാന്‍ ഒരുങ്ങുന്നതായി സൂചന. ഇന്ത്യ അമേരിക്കയുമായി ഉണ്ടാക്കിയ ഉടമ്പടി നടപ്പിലാക്കാന്‍ ആണവ വിതരണ സംഘം (NSG – Nuclear Suppliers Group) ഇന്ത്യയെ ചില നിബന്ധനകളില്‍ നിന്നും ഒഴിവാക്കിയിരുന്നു. ഇതിനു സമാനമായി ആണവ വിതരണ സംഘത്തിന്റെ പരിധിയ്ക്ക് പുറത്തുള്ള ഒരു ഉടമ്പടിയാണ് പാക്കിസ്ഥാന്‍ ചൈനയുമായി ഉണ്ടാക്കാന്‍ ഒരുങ്ങുന്നത്. പാക്കിസ്ഥാന്റെ ഔദ്യോഗികമായ തീവ്രവാദ ബന്ധവും, മുന്‍കാല ഭീകരവാദ അനുകൂല നിലപാടുകളുടെ ചരിത്രവും കണക്കിലെടുക്കാതെയുള്ള ഈ ചൈനീസ്‌ നടപടി ലോകത്തോടുള്ള വെല്ലുവിളിയായാണ് കണക്കാക്കപ്പെടുന്നത്.
