ജൊഹാനസ്ബര്ഗ് : ലോകകപ്പ് ഫുട്ബോള് ഫൈനല് മല്സര ത്തില് സ്പെയിന് ഹോളണ്ടു മായി ഏറ്റുമുട്ടും. ഇന്നലെ നടന്ന സെമി ഫൈനലില് യൂറോപ്യന് ചാമ്പ്യന്മാരായ സ്പെയിന്, മുന്പ് നാല് തവണ ലോകകപ്പ് കിരീടം ചൂടി യിരുന്ന ജര്മ്മനി യെ ഏകപക്ഷീയ മായ ഒരു ഗോളിനാണ് തകര്ത്തത്.
ഗോള് രഹിത മായ ഒന്നാം പകുതി ക്ക് ശേഷം കളിയില് ഉടനീളം ആധിപത്യം പുലര്ത്തിയ സ്പെയിന് രണ്ടാം പകുതി യുടെ എഴുപത്തി എട്ടാം മിനുട്ടി ലാണ് നിര്ണ്ണായക ഗോള് സ്കോര് ചെയ്തത്. കാളപ്പോരിന്റെ നാട്ടുകാരെ ലോകകപ്പ് ഫുട്ബോളിന്റെ ഫൈനലി ലേക്ക് ആദ്യമായി എത്തിക്കുന്ന തിനായി ഗോള് നേടിയത് കാര്ലോസ് പ്യൂള് ആയിരുന്നു.
അര്ജന്റീന ക്ക് എതിരെ ഗോള് വര്ഷം തന്നെ നടത്തി ശ്രദ്ധേയ രായ ജര്മ്മന് ടീമിന്റെ നിഴല് മാത്രം ആയിരുന്നു സെമിയില് കണ്ടത്. കളിയുടെ എല്ലാ മേഖല കളിലും സര്വ്വാധിപത്യം പുലര്ത്തി യാണ് സ്പെയിന് അര്ഹിച്ച വിജയം നേടി എടുത്തത്. സ്പെയിന് നിരയിലെ ഡേവിഡ് വിയ എന്ന സൂപ്പര് സ്ട്രൈക്കറെ തളച്ചിടാന് ജര്മ്മന് പ്രതിരോധ നിരക്കു കഴിഞ്ഞു എങ്കിലും ഈ ലോകകപ്പിലെ ‘പ്ലേ മേക്കര്’ എന്ന് അറിയപ്പെടുന്ന സാവി യുടെ നീക്കങ്ങള് പലപ്പോഴും ജര്മ്മന് ഗോള് മുഖത്ത് ഭീഷണി ഉയര്ത്തി. എസ്പാനിയ തുടരുന്ന സ്കോറിംഗിലെ പോരായ്മ ജര്മ്മന് – സ്പെയിന് സെമിയിലും വ്യക്തമായിരുന്നു. ജര്മ്മന് ടീമിന്റെ വിജയം പ്രതീക്ഷിച്ച് എത്തിയ ആരാധകരെ തീര്ത്തും നിരാശരാക്കുന്ന പ്രകടന മാണ് ജര്മ്മനി പുറത്തെ ടുത്തത് എന്ന് പ്രത്യേകം പറയേണ്ടതുണ്ട്.
പന്ത് ജര്മ്മനിയുടെ വലയ്ക്കുള്ളില്
ലാറ്റിന് അമേരിക്കന് രാജ്യമായ ഉറുഗ്വെ യുമായി ജര്മ്മനിക്ക് ഇനി മൂന്നാം സ്ഥാനത്തിന് വേണ്ടി ശനിയാഴ്ച ‘ലൂസേഴ്സ് ഫൈനലില്’ എറ്റുമുട്ടാം.
ഫുട്ബോള് ആരാധകര്ക്ക് ആവേശ തിരയിളക്കം നല്കുന്ന ഒരു ഫൈനല് ആയിരിക്കും യൂറോപ്യന് ഫുട്ബോളിലെ അതിശക്തരായ സ്പെയിനും ഹോളണ്ടും കാഴ്ച വെക്കുക എന്നാണു പൊതുവേ ഉള്ള പ്രതീക്ഷ. ഒരേ ശൈലിയില് കളിക്കുന്ന രണ്ടു ടീമുകള് തമ്മില് പരസ്പരം കൊമ്പു കോര്ക്കു മ്പോള്, ലോകകപ്പില് ഇതുവരെ തോല്വി അറിയാതെ മുന്നേറിയ ഹോളണ്ടിനു മുന്നില് വന് എതിരാളികളെ തകര്ത്തെറിഞ്ഞു വന്ന സ്പെയിന് നു തന്നെയാണ് നേരിയ മുന്തൂക്കം എന്ന് വിലയിരുത്ത പ്പെടുന്നു. യൂറോപ്യന് ചാമ്പ്യന്മാരായ സ്പെയിന്, ചരിത്രത്തില് ആദ്യമായി ലോകകപ്പ് സ്വന്തമാക്കുമോ എന്ന് കാത്തിരുന്നു കാണാം.
ആര്യന് റോബന്, വെസ്ലി സ്നൈഡര് എന്നിവര് ഹോളണ്ട് ആക്രമണ ത്തിന് നേതൃത്വം കൊടുക്കു മ്പോഴും മറു തലക്കല് സ്പെയിനി നായി വിയ യും സാവി യും അടങ്ങുന്ന ഒരു വന്നിര തന്നെ കച്ച മുറുക്കുക യാണ്. എല്ലാ കണ്ണുകളും ഇനി സോക്കര് സിറ്റി യിലേക്ക്.
-തയ്യാറാക്കിയത്:- ഹുസൈന് ഞാങ്ങാട്ടിരി
ജൊഹാനസ്ബര്ഗ് : ലാറ്റിന് അമേരിക്കന് പ്രതീക്ഷ കള്ക്ക് വിരാമം ഇട്ടു കൊണ്ട് ലോക ഫുട്ബോളിലെ പ്രഥമ ചാമ്പ്യന്മാരായ ഉറുഗ്വെ യെ രണ്ടിന് എതിരെ മൂന്നു ഗോളു കള്ക്ക് മറികടന്ന് ഹോളണ്ട് ഫൈനലി ലേക്ക് കുതിച്ചു. ആദ്യാവസാനം ആവേശം നിറഞ്ഞ മല്സര ത്തില് ഇരു ടീമു കളും ഒന്നിനൊന്നു മെച്ചപ്പെട്ട പ്രകടന മാണ് പുറത്തെടുത്തത്. ഒന്നാം പകുതി യുടെ പതിനെട്ടാം മിനുട്ടില് തീര്ത്തും അപ്രതീക്ഷിതമായി ഹോളണ്ട് ക്യാപ്ടന് ജിയോവാനി ബ്രോങ്കോസ്റ്റ് ഉതിര്ത്ത സുന്ദരമായ ലോംഗ് റേഞ്ച് ഗോളിലൂടെ ഓറഞ്ചു പട ലീഡു നേടി എങ്കിലും അതിശക്തി യായി തിരിച്ചടിച്ച ഉറുഗ്വെ -ഈ ലോക കപ്പിലെ തന്നെ താരങ്ങളില് ഒരാളായ ഫോര്ലാന് ഗോള് മടക്കി- സമനില ( 1 – 1 ) കൈവരിച്ചു.
ജൊഹാനസ്ബര്ഗ് : ജര്മ്മന് ഫോര്വേഡു കളുടെ അതിശക്ത മായ ആക്രമണ ത്തിനിര യായി കിരീട പ്രതീക്ഷ യുമായി എത്തിയ അര്ജന്റീന എതിരില്ലാത്ത നാല് ഗോളു കള്ക്ക് പരാജയം ഏറ്റു വാങ്ങി ലോകകപ്പില് നിന്നും പുറത്തായി. ലോക ഫുട്ബോളര് മെസ്സിയുടെ നേതൃത്വ ത്തില് കളിക്കാനിറങ്ങിയ അര്ജന്റീന ക്ക് ക്വാര്ട്ടറിലെ നിര്ണ്ണായക മല്സര ത്തില് തൊട്ടതെല്ലാം പിഴക്കുക യായിരുന്നു. വേഗത കുറഞ്ഞ പ്രതിരോധ നിരയുമായി അതിവേഗ ക്കാരായ ജര്മ്മന് കളിക്കാര്ക്ക് എതിരെ യാതൊരു ഗെയിം പ്ലാനും ഇല്ലാതെ യാണ് ഇതിഹാസ താരം ഡീഗോ മറഡോണ തന്റെ ടീമിനെ ഗ്രൗണ്ടില് ഇറക്കിയത് എന്ന് വ്യക്ത മാകുന്ന തായിരുന്നു ഇന്നലത്തെ കളി. അര്ജന്റീന യുടെ ആരാധകരെ ഞെട്ടിച്ചു കൊണ്ട്, കളിയുടെ മൂന്നാം മിനുട്ടില് തന്നെ ജര്മ്മനി യുടെ മുള്ളര് ആദ്യത്തെ ഗോള് നേടി.
കേപ്ടൗണ്: ഒരു ലോകകപ്പിലെ ക്വാര്ട്ടര് ഫൈനലിന്റെ നിലവാര ത്തിലേക്ക് ഉയരാതെ പോയ മല്സര ത്തില്, ആദ്യമായി ക്വാര്ട്ടറില് കളിക്കുന്ന ലാറ്റിന് അമേരിക്കന് രാജ്യമായ പരാഗ്വെ ക്ക് എതിരെ സ്പെയിന് ഏകപക്ഷീയ മായ ഒരു ഗോളിന്റെ വിജയം. രണ്ടാം പകുതിയുടെ എഴുപത്തി എട്ടാം മിനുട്ടില് എസ്പാനിയ യുടെ സൂപ്പര് സ്ട്രൈക്കര് ഡേവിഡ് വിയ യാണ് നിര്ണ്ണായക ഗോള് സ്കോര് ചെയ്തത്. ഇരു ടീമുകളും മാറി മാറി ആധിപത്യം പുലര്ത്തിയ മല്സര ത്തില് എടുത്തു പറയാവുന്ന സവിശേഷത റഫറി ഈ മത്സര ത്തിനിടയില് കാണിച്ചു കൂട്ടിയ കോമാളി ത്തരങ്ങള് ആണ്. കളിയുടെ ഗതിയെ തന്നെ മാറ്റി മറിച്ചേക്കാവുന്ന രണ്ടു പെനാല്ട്ടി കിക്കുകള് ഇരു ടീമുകളും പാഴാക്കുന്നത് കാണാമായിരുന്നു.
വാഷിംഗ്ടണ് : സ്ത്രീ ശാക്തീകരണവും ലിംഗ സമത്വവും ലക്ഷ്യമാക്കി ഐക്യ രാഷ്ട്ര സഭയുടെ കീഴില് ഒരു പുതിയ വിഭാഗം തുടങ്ങാന് ജനറല് അസംബ്ലിയില് ഏകപക്ഷീയമായി തീരുമാനമായി. ഐക്യ രാഷ്ട്ര സഭ – സ്ത്രീ (UN Women – UN Entity for Gender Equality and the Empowerment of Women) എന്നാവും ഇത് അറിയപ്പെടുക. നാല് വര്ഷത്തെ ചര്ച്ചകള്ക്കും പ്രയത്നത്തിനും ശേഷമാണ് അവസാനം ഈ തീരുമാനം പാസായത് എന്ന് ഐക്യ രാഷ്ട്ര സഭ പുറത്തിറക്കിയ പ്രസ്താവനയില് പറയുന്നു.
ജൊഹാനസ്ബര്ഗ് : ലോകത്തിലെ ഏറ്റവും വലിയ കായിക മാമാങ്കത്തില് ബ്രസീലിന്റെ യശസ്സ് ഉയര്ത്താന് കലാ കാലങ്ങളില് ഓരോ അവതാരങ്ങളെ അവര്ക്ക് ലഭിക്കാറുണ്ട്. ക്ലബ്ബ് ഫുഡ്ബോളില് പേരെടുത്ത പല വമ്പന്മാരും ഈ ലോകകപ്പില് ബ്രസീലിന് വേണ്ടി കൂട്ടുകെട്ടാന് ഉണ്ടായിരുന്നു. സ്വന്തം ക്ലബ്ബ് ടീമിന് വേണ്ടി അത്ഭുതങ്ങളും മിന്നായങ്ങളും പുറത്തെടുക്കുന്ന ഈ വമ്പന്മാര് ബ്രസീലിയന് ജഴ്സിയില് ആത്മാര്ത്ഥത കാണിക്കാ തിരുന്ന താണ് ഈ പരാജയ ത്തിന്റെ കാരണം.
ജൊഹാനസ്ബര്ഗ് : കളിയുടെ ആദ്യാവസാനം ഇത്രയും ആവേശം മുറ്റിനിന്ന ഒരു മല്സരം 2010 ലോകകപ്പില് ഇത് വരെ ഉണ്ടായിട്ടില്ല. തുടക്കത്തില് ലാറ്റിന് അമേരിക്കന് ശക്തികളായ ഉറോഗ്വന് പട, ഗോള് എന്ന് തോന്നിപ്പിക്കുന്ന ഒട്ടനവധി നീക്കങ്ങളി ലൂടെ ആഫ്രിക്കന് ചുണക്കുട്ടി കളായ ഘാന യെ ഞെട്ടിപ്പിച്ചു കൊണ്ട് മുന്നേറു മ്പോള് ശരവേഗ ത്തില് തിരിച്ചടിച്ച് ഉറോഗ്വന് പ്രതിരോധ നിര തച്ചുടക്കുന്ന വിധത്തില് ആഫ്രിക്കന് കുതിരകള് മുന്നേറി. കളിയുടെ ആവേശ തിരയിളക്ക ത്തില് എന്തും സംഭവിക്കാം എന്ന അവസ്ഥ !
ജൊഹാനസ്ബര്ഗ് : 2010 ലോക കപ്പ് ഫുട്ബോളില് പരാഗ്വേയുടെ ഏറ്റവും ചൂടുള്ള ആരാധികയാണ് ലാറിസ റിക്വേമി. ലോക കപ്പ് പരാഗ്വെയ്ക്ക് ലഭിച്ചാല് താന് പൂര്ണ നഗ്നയായി ദേഹത്ത് ചുവപ്പും നീലയും ചായമടിച്ചു റോഡിലൂടെ ഓടും എന്നാണ് ഈ പ്രശസ്ത മോഡല് ആരാധകരോട് വാഗ്ദാനം ചെയ്തിരിക്കുന്നത്. 24 കാരിയായ ഈ അടിവസ്ത്ര മോഡലിന്റെ അര്ദ്ധ നഗ്നമായ ദൃശ്യം ലോക കപ്പിന്റെ ഗാലറിയില് ഇടയ്ക്കിടയ്ക്ക് കാണാം. എന്നാല് നഗ്നയായി ഓടുമെന്ന പ്രഖ്യാപനത്തോടെ ലാറിസ ഇന്നലെ മുതല് ഇന്റര്നെറ്റില് ഏറ്റവുമധികം സേര്ച്ച് ചെയ്യപ്പെടുന്ന പേരായി മാറിയിരിക്കുന്നു.
ജൊഹാനസ്ബര്ഗ് : 2010 ലോകകപ്പിലെ ഇത് വരെ ഉള്ള കാഴ്ചകള് വില യിരുത്തു മ്പോള് കളി പ്രേമി കളുടെ മനസ്സില് തങ്ങി നില്ക്കുവാന് മാത്രമുള്ള ഒരു പ്രകടനവും മത്സരത്തിന് എത്തിയ ടീമുകളില് നിന്നും ഉണ്ടായിട്ടില്ല എന്ന് തന്നെ പറയാം. ഇരുണ്ട കരയില് ആദ്യമായി വിരുന്നെത്തിയ ഈ സുപ്രധാന കായിക മാമാങ്കം ശ്രദ്ധേയ മാക്കുന്നതില് ഗാലറിയില് എത്തിയ കാഴ്ചക്കാരുടെ പങ്ക് നിസ്തുലമാണ്. കുറ്റം പറയരുതല്ലോ, ഗ്രൗണ്ടില് കാര്യമായി ഒന്നും കാണാന് കഴിയാതിരുന്ന കാണികള്ക്ക് കണ് നിറയെ കാണാന് ഗാലറി യില് ചിലര് കാട്ടിക്കൂട്ടിയ ‘കോപ്രായങ്ങള്’ തന്നെ ധാരാളം. ചിലതെല്ലാം സഭ്യതയുടെ അതിര് വരമ്പുകള് ഭേദിക്കുന്നതുമാണ്.
ന്യൂയോര്ക്ക് : തീവ്രവാദ ബന്ധമുണ്ടെന്ന സംശയത്തില് ആറു വയസ്സ് മാത്രമുള്ള മലയാളി പെണ്കുട്ടിയെ അമേരിക്കയിലെ ഹോം ലാന്ഡ് സെക്യൂരിറ്റി ഡിപാര്ട്ട്മെന്റ് വിമാന യാത്ര യില്നിന്നു വിലക്കപ്പെടേണ്ട വരുടെ പട്ടികയില് ഉള്പ്പെടുത്തി. ഭീകരര് എന്നു സംശയിക്ക പ്പെടുന്നവര്ക്ക് വിമാന യാത്ര വിലക്കുന്നതിനുള്ള അമേരിക്ക യുടെ ‘നോ ഫ്ളൈ’ പട്ടികയില് ആണ് ഒഹായോ യിലെ ഡോക്ടര് സന്തോഷ് തോമസിന്റെ മകള് അലീസ തോമസ് ഉള്പ്പെട്ടത്.
