ജൊഹാനസ്ബര്ഗ് : അടങ്ങാത്ത തിരമാല കണക്കെ കുതിച്ചെത്തി എതിര് ഗോള് മുഖം ലക്ഷ്യം വെക്കുന്ന കിടയറ്റ സ്ട്രൈക്കര്മാര്… ഗോളിലേക്ക് ഉന്നം വെക്കുന്ന ഓരോ ഷോട്ടും ഏതോ മായിക വലയത്തില് പ്പെട്ടത് പോലെ ഗോള് വല ഒഴിഞ്ഞു പോകുന്നു…! ലാറ്റിന് അമേരിക്കന് ശൈലിയുടെ വശ്യതയും യൂറോപ്യന് കേളീ ശൈലിയുടെ കരുത്തും സമന്വ യിപ്പിച്ച് ആകര്ഷകമായ ഫുട്ബോള് ലോകത്തിന് മുന്നില് കാഴ്ച വെക്കുകയും ലോക റാങ്കിംഗില് അമരത്ത് നില്ക്കുക യും ചെയ്യുന്ന സ്പെയിന് എന്ന ടീമിനെ യാണ് ഇങ്ങിനെ ഗോള് പോസ്റ്റിലെ ‘ദുര്ഭൂതം’ ആക്രമിക്കുന്നത്. കളിയുടെ എല്ലാ മേഖല കളിലും ആധിപത്യം പുലര്ത്തി യിട്ടും സ്വിസ്സു കാരോട് മറുപടി ഇല്ലാത്ത ഒരു ഗോളിന് തോല്ക്കാന് തന്നെ ആയിരുന്നു നിലവിലെ യൂറോപ്യന് ചാമ്പ്യന് മാരുടെ തലവിധി.
സ്വിറ്റ്സര്ലണ്ടി നോടുള്ള തോല്വി യോടെ ലോകകപ്പിലെ മുന്നോട്ടുള്ള പ്രയാണം തന്നെ അവതാള ത്തിലായ കാള പ്പോരിന്റെ നാട്ടുകാര് ഒരു ഫീനിക്സ് പക്ഷിയെ പ്പോലെ അതി ശക്ത മായ തിരിച്ചു വരവാണ് പിന്നീടുള്ള രണ്ടു കളി കളിലും നടത്തിയത്. സ്കോറിംഗി ലെ അപാകത മുഴച്ചു നിന്നു എങ്കിലും ഹോണ്ടുറാസിന് എതിരെ വ്യക്തമായ മാര്ജ്ജിനില് വിജയിക്കാന് എസ്പാനിയ ക്കാര്ക്ക് കഴിഞ്ഞു.
അതി ശക്തരായ ചിലി ക്ക് എതിരെ ആവേശോജ്ജ്വല മായ മല്സര ത്തില് ഒന്നിന് എതിരെ രണ്ടു ഗോളു കളുടെ വിജയവും എച്ച് – ഗ്രൂപ്പിലെ ഒന്നാം സ്ഥാനവും കൈപ്പിടി യില് ഒതുക്കാന് കഴിഞ്ഞത് അവരുടെ മുന്നോട്ടുള്ള പ്രയാണ ത്തിന്റെ സൂചന യാണ് നല്കുന്നത്. കളി മികവിന് ഒത്ത ഫിനിഷിംഗ് പാടവം കൂടി പ്രകടിപ്പി ക്കുകയാണ് എങ്കില് കാളപ്പോരി ന്റെ നാട്ടുകാര് ജൊഹാനസ് ബര്ഗിലെ സോക്കര് സിറ്റിയില് കിരീടത്തിന് വേണ്ടിയുള്ള അവസാന പോരാട്ടത്തിന് കൊമ്പു കോര്ക്കു വാന് ഉണ്ടാവും…!!!
ബ്രസീല് : ആരാധകര് ആശങ്കയില്
ബ്രസീല് – പോര്ച്ചുഗല് ആരാധകരെ ഒരു പോലെ നിരാശ പ്പെടുത്തി ക്കൊണ്ട് ഇരു ടീമുകളും ഗോള് രഹിത സമനില യില് പിരിഞ്ഞു. കക്കാ എന്ന സൂപ്പര് താര ത്തിന്റെ അഭാവത്തില് ഇറങ്ങിയ മഞ്ഞപ്പട, ലോകത്തിലെ ഒന്നാം നമ്പര് ടീം എന്നത് പോയിട്ട് ഒരു ആവറേജ് ടീം എന്ന നില യിലേക്ക് പോലും ഉയരാതെ പോയത് ബ്രസീല് ആരാധകരെ ആശങ്ക യിലാക്കി. നോക്കൗട്ട് ഘട്ടത്തില് അപ്രതീക്ഷിത കളി പുറത്ത് എടുക്കുന്ന ചിലി യാണ് ബ്രസീലിന്റെ എതിരാളി കള് എന്നത് ആശങ്ക ഇരട്ടിപ്പിക്കുന്നു.
ഉത്തര കൊറിയ യും ഐവറി കോസ്റ്റും പുറത്തായി
എങ്ങിനെ നന്നായി കളിക്കാം എന്ന് അറിയാത്ത കൊറിയ ക്കാരും കളി മികവ് പുറത്ത് എടുക്കാന് കഴിയാതെ പോയ ഐവറി കോസ്റ്റും മരണ ഗ്രൂപ്പില് നിന്നും പുറത്തായി. മറുപടി ഇല്ലാത്ത മൂന്നു ഗോളു കള്ക്കാണ് ഐവറി ക്കാര് കൊറിയ യെ ഇന്നലെ തോല്പ്പിച്ചത്.
ഹോണ്ടുറാസ് – സ്വിസ്സ് സമനില
ലോകകപ്പില് ഇന്നലെ നടന്ന ഹോണ്ടുറാസ് – സ്വിറ്റ്സര്ലന്ഡ് മല്സരം ഗോള് രഹിത സമനില യില് പിരിഞ്ഞു. എച്ച് – ഗ്രൂപ്പില് നിന്നും ഇരു ടീമുകളും പുറത്തായി. ഇതേ ഗ്രൂപ്പിലെ ഒന്നാം സ്ഥാനക്കാരായ സ്പെയിന് പ്രീ ക്വാര്ട്ടറില് പോര്ച്ചുഗലു മായി ഏറ്റുമുട്ടും.
തയ്യാറാക്കിയത്: – ഹുസ്സൈന് ഞാങ്ങാട്ടിരി
ജൊഹാനസ്ബര്ഗ് : കളിക്കളത്തില് ലോകത്തിലെ തന്നെ മികച്ച 32 ടീമുകള്. ആദ്യാവസാനം വിജയം മാത്രം ലക്ഷ്യം വെക്കുന്ന ടീമുകള്ക്ക് കളി മികവിന് ഒപ്പം ഭാഗ്യവും കൂടി അനുഗ്രഹിക്കണം. എങ്കിലേ വന് ലേബലില് വരുന്ന ടീമുകള്ക്ക് പോലും പ്രാഥമിക ഘട്ടം കടന്നു കയറാന് കഴിയുക യുള്ളൂ. 2002 ലെ ചാമ്പ്യന്മാരും 2006 ലെ രണ്ടാം സ്ഥാനക്കാരു മായ ഫ്രഞ്ചുകാര് പടിയിറങ്ങി. ഇപ്പോള് ഇതാ എവിടെയും എത്താതെ ‘നിലവിലെ ചാമ്പ്യന്മാര്’ എന്ന് പുകള്പെറ്റ ഇറ്റാലിയ ക്കാരും…!
ജൊഹാനസ്ബര്ഗ് : എങ്ങിനെ എങ്കിലും കളിക്കുക. സ്വന്തം കഴിവ് കൊണ്ടോ, എതിര് ടീമിന്റെ കഴിവ് കേടു കൊണ്ടോ ഒരു ഗോള് നേടുക. പിന്നെ അതില് തൂങ്ങി വിജയവും അടുത്ത റൌണ്ടും ഉറപ്പു വരുത്തുക. നൂറ്റാണ്ടുകളുടെ പാരമ്പര്യ മുള്ള, ലോകോത്തര താരങ്ങള് കളിക്കുന്ന ഇംഗ്ലണ്ടിനെ പ്പോലെ ഒരു ടീമിന് ഒരിക്കലും ഭൂഷണമല്ല ഈ കളി. ക്ലബ്ബ് ഫുട്ബോളിലെ അതി കായന്മാരായ വെയിന് റൂണിയും ജറാള്ഡും ലാന്ഫോര്ഡും എല്ലാം അണി നിരക്കുന്ന ഇംഗ്ലണ്ട് നിര ഗ്രൂപ്പ് സി- യില് നിന്നും രണ്ടാം സ്ഥാനക്കാരായി നോക്കൌട്ട് ഘട്ടത്തി ലേക്ക് കടന്നു. എന്നാല് ഈ ഗ്രൂപ്പിലെ ഒന്നാം സ്ഥാനക്കാര് ആരാണ് എന്നുള്ള താണ് ഏറെ അതിശയകരം. ഫുട്ബാള് എന്തെന്ന് തന്നെ കാര്യമായി അറിയാത്ത അമേരിക്കയും…!
റിയോ ഡി ജനെയ്റോ : ബ്രസീലിലെ വടക്ക് കിഴക്കന് സംസ്ഥാനങ്ങളില് ആഞ്ഞടിച്ച കൊടുങ്കാറ്റില് 31 പേര് കൊല്ലപ്പെട്ടതായി അധികൃതര് അറിയിക്കുന്നു. ആയിരത്തോളം പേരെ കാണാനില്ലെന്നും ഒരു ലക്ഷത്തോളം പേരെ മാറ്റി പാര്പ്പിക്കേണ്ടി വന്നു എന്നും റിപ്പോര്ട്ടുകളുണ്ട്. പെര്നാംബുച്ചോ സംസ്ഥാനത്തിലെ ബോം കൊണ്സിലോ എന്ന അണക്കെട്ട് തകര്ന്നതിനാലാണ് സ്ഥിതിഗതികള് ഇത്ര വഷളായത്. അണക്കെട്ട് തകര്ന്നതോടെ അണപൊട്ടി ഒഴുകിയ മുംബാവു നദി അനേകം പട്ടണങ്ങളെ വെള്ളത്തിലാഴ്ത്തി. 
ജൊഹാനസ്ബര്ഗ് : ലോകം കണ്ടതില് വെച്ച് ഏറ്റവും വലിയ ഫുട്ബോളര് ആര് എന്ന ചോദ്യത്തിന് കളിക്കമ്പ ക്കാര് ക്കിടയില് നിന്നും ലഭിക്കുന്ന ബഹു ഭൂരിപക്ഷം ഉത്തര ങ്ങളും (കുറിയവനായ) മറഡോണ എന്ന് തന്നെയാവും…!. എന്നാല് ഡീഗോ മറഡോണ ഇപ്പോള് കളത്തിനു പുറത്തു നിന്നും കളി പറഞ്ഞു കൊടുക്കുക യാണ്. കോച്ച് എന്ന നിലയില് ഡീഗോ എത്ര കണ്ടു മുന്നേറും എന്നത് കാത്തിരുന്നു കാണാം എന്നാണു കളി നിരൂപകര് പറഞ്ഞത്. മറഡോണ യോട് കിട പിടിക്കുന്ന മെസ്സി എന്ന ലോകോത്തര പ്ലേ മേക്കര് മൈതാന മദ്ധ്യത്തില് കളി നിയന്ത്രിച്ചപ്പോള്, ലോക കപ്പില് ഇത് വരെ നടന്ന മല്സര ങ്ങളില് തിളങ്ങി നില്ക്കുന്നത് അര്ജന്റീന തന്നെ.
ജൊഹാനസ്ബര്ഗ് : മഴയില് കുതിര്ന്ന പോര്ച്ചുഗീസ് – ഉത്തര കൊറിയ മല്സരത്തില് പോര്ച്ചുഗലിന് എതിരില്ലാത്ത 7 ഗോള് വിജയം. ലോകത്തിലെ ഏറ്റവും അധികം ചെലവേറിയ താരം എന്ന വിശേഷണം എന്ത് കൊണ്ട് കളി പ്രേമികള് ക്രിസ്റ്റ്യാനോ റൊണാള്ഡോ ക്ക് ചാര്ത്തി നല്കി എന്നത് തെളിയിക്കുന്ന തായിരുന്നു ഉത്തര കൊറിയ ക്കെതിരെ ക്രിസ്റ്റ്യാനോ യുടെ പ്രകടനം. കളിച്ചും കളിപ്പിച്ചും ഗോള് അവസരങ്ങള് ഒരുക്കിയും സ്കോര് ചെയ്തും തന്റെ പേരിന് ഒത്ത പ്രകടനം പുറത്തെടുത്ത ക്രിസ്റ്റ്യാനോ ക്കും കൂട്ടര്ക്കും മുന്നില്, ബ്രസീലിന് എതിരെ തകര്പ്പന് പ്രകടനം കാഴ്ച വെച്ച ഉത്തര കൊറിയ തീര്ത്തും മങ്ങി പ്പോവുക യായിരുന്നു.
ബീജിംഗ് : ദക്ഷിണ ചൈനയിലെ വെള്ളപ്പൊക്കത്തില് 136 പേര് കൊല്ലപ്പെട്ടതായി ചൈനീസ് അധികൃതര് വെളിപ്പെടുത്തി. ഒന്പതു പ്രവിശ്യകളിലായി ഒരു കോടിയിലേറെ പേര് ഇവിടെ വെള്ളപ്പൊക്ക ദുരിതം അനുഭവിക്കുന്നുണ്ട്. 86 പേരെ കാണാനില്ല. 535,500 ഹെക്ടര് കൃഷി നശിക്കുകയും 68,000 ഭവനങ്ങള് തകരുകയും ചെയ്തതായി റിപ്പോര്ട്ടുണ്ട്. മൊത്തം 2.1 ബില്യണ് ഡോളറിന്റെ നഷ്ടമാണ് കണക്കാക്കിയിട്ടുള്ളത്. 2.8 ലക്ഷം പേരെ ഈ പ്രദേശങ്ങളില് നിന്നും മാറ്റി സുരക്ഷിത താവളങ്ങളില് എത്തിച്ചിട്ടുണ്ട്. 
ജൊഹാനസ്ബര്ഗ്: ഇരു പകുതി കളിലു മായി ലൂയീസ് ഫാബിയാനോ നേടിയ എണ്ണം പറഞ്ഞ രണ്ടു ഗോളിനും ഇലാനോ നേടിയ മറ്റൊരു ഗോളിനും കരുത്തരായ ഐവറി കോസ്റ്റിനെ മറി കടന്ന് ബ്രസീല് പ്രീ ക്വാര്ട്ടറില് എത്തി. ആക്രമിച്ചു കളിച്ച ഐവറി കോസ്റ്റിന് മേല് പൂര്ണ്ണ ആധിപത്യം ബ്രസീലി ന് തന്നെ യായിരുന്നു. എങ്കിലും ഇംഗ്ലീഷ് ലീഗിലെ ടോപ് സ്കോറര് ആയ ദ്രോഗ്ബ യുടെ നേതൃത്വത്തില് ഐവറി കോസ്റ്റ് പല നല്ല മുന്നേറ്റ ങ്ങളും നെയ്തെടുത്തു.
വാഷിംഗ്ടണ് : ജൂണ് 26ന് ടോറോന്റോയില് ആരംഭിക്കുന്ന ജി-20 ഉച്ചകോടി ആഗോള സാമ്പത്തിക പ്രതിസന്ധി പരിഹരിക്കുന്നതിനുള്ള മാര്ഗ്ഗങ്ങള് ചര്ച്ച ചെയ്യുന്നതിന് മുന്ഗണന നല്കണമെന്ന് അമേരിക്കന് പ്രസിഡണ്ട് ബരാക് ഒബാമ ആവശ്യപ്പെട്ടു. ലോകത്തിലെ ഏറ്റവും സമ്പന്നമായ 20 രാഷ്ട്രങ്ങള് പങ്കെടുക്കുന്ന ഉച്ചകോടി അന്താരാഷ്ട്ര സാമ്പത്തിക സഹകരണം ലക്ഷ്യമിട്ട് രൂപം നല്കിയതാണ്. പുതിയ വെല്ലുവിളികളെ കൂട്ടായി നേരിടുവാനുള്ള ആര്ജവം ജി-20 രാഷ്ട്രങ്ങള് പ്രകടിപ്പിക്കണം എന്നും ഒബാമ ഉച്ചകോടിക്ക് മുന്പായി ലോക നേതാക്കളെ അഭിസംബോധന ചെയ്തെഴുതിയ എഴുത്തില് ആഹ്വാനം ചെയ്തു.
