വിന്‍ഡോസ് ഓപ്പറേറ്റിങ് സിസ്റ്റത്തില്‍ പ്രവര്‍ത്തിക്കുന്ന ഫോണിന് പുറമേ പുത്തന്‍ വിന്‍ഡോസ് ടാബ് ലെറ്റ് രംഗത്തിറക്കാന്‍ നോക്കിയ തയ്യാറെടുക്കുന്നു. പുതുതായി വിന്‍ഡോസ് പുറത്തിറക്കാനിരിക്കുന്ന വിന്‍ഡോസ് 8 ഓപ്പറേറ്റിങ് സോഫ്റ്റ് വെയറിലായിരിക്കും പുതിയ നോക്കിയ ടാബ് ലെറ്റ് പ്രവര്‍ത്തിക്കുക . ലോകത്തിലെ പ്രമുഖരായ മൊബെല്‍ നിര്‍മ്മാതാക്കള്‍ എല്ലാം തന്നെ ടാബ് ലെറ്റ് രംഗത്ത് എത്തിയപ്പോഴും ആ രംഗത്തു നിന്ന് വിട്ടു നിന്ന നോക്കിയയുടെ പുതിയ ചുവടുവയ്പ്പു കൂടിയായിരിക്കും വിന്‍ഡോസ് ടാബ് ലെറ്റ്. പത്തിഞ്ച് ടച്ച് സ്ക്രീനും, ക്യൂവല്‍കോം ഡ്യൂവല്‍ പ്രോസസര്‍ എന്നിവയാണ് നോക്കിയ ടാബ് ലെറ്റിന്റെ പ്രധാന പ്രത്യേകതകള്‍ എന്നാണ് സൂചനകള്‍. നോക്കിയ ഈ അടുത്തകാലത്താണ് തങ്ങളുടെ പരമ്പരഗതമായ ഓപ്പറേറ്റിങ് സിസ്റ്റമായ സിംമ്പിയന്‍ ഉപേക്ഷിച്ച് മൈക്രോസോഫ്റ്റിന്റെ വിന്‍ഡോസിലേക്ക് മാറിയത്. നോക്കിയ ലൂമിയ നേടിയ വിജയം ഈ മാറ്റം വിപണി സ്വീകരിച്ചതിന്റെ തെളിവായിരുന്നു. അതിനാല്‍ തന്നെയാണ് ടാബ് ലെറ്റ് അരങ്ങേറ്റത്തിന് വിന്‍ഡോസ് ഓപ്പറേറ്റിങ് സിസ്റ്റം ഉപയോഗപ്പെടുത്തുന്നത്. കൂടാതെ ഇന്ത്യ പൊലുള്ള മാര്‍ക്കറ്റുകളില്‍ വിന്‍ഡോസ് ഉപയോഗപ്പെടുത്തുന്ന ടാബ് ലെറ്റ് വിപണി കീഴടക്കുമെന്ന പ്രതീക്ഷയും നോക്കിയ പുലര്‍ത്തുന്നു
ഹവാന: പ്രസിഡന്റ് ഹ്യൂഗോ ഷവേസ് അര്‍ബുദത്തിനുള്ള ചികിത്സ കഴിഞ്ഞ് ക്യൂബയില്‍ നിന്നും വെനസ്വേലയിലേക്ക് തിരിച്ചു പോകുന്നു. ഹവാനയില്‍ നിന്നുള്ള ഒരു ടെലിവിഷന്‍ ചാനലില്‍ ഷാവേസ് തന്നെയാണ് താന്‍ സുഖം പ്രാപിക്കുന്നുവെന്നും തിരിച്ചു പോകാനൊരുങ്ങു എന്നുള്ള വിവരം അറിയിച്ചത്‌. റേഡിയേഷന്‍ ചികിത്സ തുടരും എന്നും അദ്ദേഹം പറഞ്ഞു. ഫെബ്രുവരി 26ന് നടത്തിയ ശസ്ത്രക്രിയയില്‍ 2 സെന്റീമീറ്ററോളം വലിപ്പമുള്ള ട്യൂമര്‍ എടുത്തു കളഞ്ഞിരുന്നു.
