മറിമായം എന്ന ടെലിവിഷൻ ഹാസ്യ പരിപാടിയിൽ സ്വതസ്സിദ്ധമായ ശൈലി കൊണ്ടും അഭിനയ പാടവം കൊണ്ടും മലയാളികളെ പൊട്ടിച്ചിരിപ്പിച്ച രചനയുടെ കന്നി ചിത്രമായ ലക്കി സ്റ്റാർ തിയേറ്ററുകളിൽ എത്തുന്നു. മലയാളി കുടുംബങ്ങൾക്ക് ഒരു നല്ല ചലച്ചിത്രാനുഭവം അയിരിക്കും ഈ ചിത്രം എന്നാണ് പ്രതീക്ഷ. ദീപു അന്തിക്കാട് സംവിധാനം ചെയ്യുന്ന ചിത്രത്തിൽ ജയറാം, മുകേഷ്, പൂജ, മാമുക്കോയ എന്നിവരും പ്രധാന വേഷങ്ങൾ ചെയ്യുന്നു.
ഒരു സത്യൻ അന്തിക്കാട് സ്പർശം നൽകുന്ന കുടുംബ ചിത്രമാണ് ലക്കി സ്റ്റാർ. ആദ്യ പകുതി കാണികളെ പൊട്ടിച്ചിരിപ്പിക്കുമെങ്കിലും രണ്ടാം പകുതിയിൽ കാര്യങ്ങൾ ഗൌരവമാകുന്നുണ്ട്. പെട്ടെന്ന് പണക്കാരാവാൻ വേണ്ടി എന്തും ചെയ്യാൻ ഒരുമ്പെട്ടിറങ്ങുന്ന യുവ മിഥുനങ്ങൾ അവസാനം അവിചാരിതമായ നൂലാമാലകളിൽ പെടുന്നതാണ് ചിത്രത്തിന്റെ പ്രമേയം. മിലൻ ജലീലാണ് നിർമ്മാതാവ്.
- ജെ.എസ്.
അനുബന്ധ വാര്‍ത്തകള്‍
വായിക്കുക: actress, rachana, television
