പ്രശസ്ത ഹിന്ദി സംവിധായകൻ സച്ചിൻ കുന്ദാൽക്കർ സംവിധാനം ചെയ്യുന്ന “അയ്യാ” യിൽ പൃഥ്വിരാജ് പ്രശസ്ത ഹിന്ദി നായിക റാണി മുഖർജിയുടെ നായകനാവുന്നു. സിനിമയുടെ മായിക ലോകം മനസ്സിൽ കൊണ്ടു നടക്കുന്ന മീനാക്ഷി എന്ന ഒരു മറാഠി പെൺകുട്ടിയുടെ വേഷമാണ് ചിത്രത്തിൽ റാണി മുഖർജി ചെയ്യുന്നത്. മീനാക്ഷിക്ക് വിവാഹത്തിന് യോജിച്ച ഒരു മറാഠി ചെറുപ്പക്കാരനെ അന്വേഷിക്കുന്ന മീനാക്ഷിയുടെ മാതാപ്പിതാക്കൾ ഒരാളെ കണ്ടെത്തുന്നു. എന്നാൽ തനിക്ക് ഇഷ്ടപ്പെടുന്ന പുരുഷന് തനിക്ക് ഇഷ്ടപ്പെടുന്ന ശരീര ഗന്ധം ഉണ്ടാവണം എന്നാണ് മീനാക്ഷിയുടെ പക്ഷം. ഇതിന് ഏറ്റവും അനുയോജ്യം ഒരു ദക്ഷിണേന്ത്യൻ വരനാവും എന്നും അവൾ തീരുമാനിക്കുന്നു. ഇതിനിടയ്ക്കാണ് മീനാക്ഷി സൂര്യയെ (പൃഥ്വിരാജ്) കണ്ടുമുട്ടുന്നത്. തന്റെ സ്വപ്നങ്ങളിലെ രാജകുമാരനെ കണ്ടെത്തിയ മീനാക്ഷിയുടെ ജീവിതത്തിൽ പിന്നീട് നടക്കുന്ന രസകരമായ സംഭവങ്ങളാണ് ചിത്രത്തിന്റെ ക്ലൈമാക്സ്.
ഒക്ടോബർ 12ന് അയ്യാ തിയേറ്ററുകളിൽ പ്രദർശനത്തിന് എത്തും.
- ജെ.എസ്.
അനുബന്ധ വാര്‍ത്തകള്‍
വായിക്കുക: bollywood, prithviraj, rani-mukherjee
പ്രിത്വി യുദെ അയ്യാ ചിത്രം ആയ്യെ എന്നവന്ദിരുന്നല്‍ മതിയയിരുന്നു