പത്മശ്രീ കെ. ബാലചന്ദര്‍ അന്തരിച്ചു

December 23rd, 2014

k-balachander-epathram

ചെന്നൈ: പ്രശസ്ത സംവിധായകന്‍ പത്മശ്രീ കെ. ബാലചന്ദര്‍ അന്തരിച്ചു. വാര്‍ദ്ധക്യ സഹജമായ അസുഖങ്ങളെ തുടര്‍ന്ന് ഇന്ന് ചെന്നൈയിലെ സ്വകാര്യ ആശുപത്രിയില്‍ വച്ച് ഇന്ന് വൈകുന്നേരം ഏഴരയോടെ ആയിരുന്നു അന്ത്യം. തമിഴ്, തെലുങ്ക്, കന്നഡ, ഹിന്ദി തുടങ്ങിയ ഭാഷകളിലാ‍യി നൂറോളം ചിത്രങ്ങള്‍ സംവിധാനം ചെയ്തിട്ടുണ്ട്. 1980-ല്‍ തിരകള്‍ എഴുതിയ കാവ്യം എന്ന മലയാള ചിത്രവും സംവിധാനം ചെയ്തിട്ടുണ്ട്. പത്മശ്രീ, ദാദാ സാഹേബ് ഫാല്‍കെ പുരസ്കാരം തുടങ്ങി നിരവധി ബഹുമതികള്‍ നേടിയിട്ടുണ്ട്. ഒമ്പത് ദേശീയ അവാര്‍ഡുകളും സംസ്ഥാന സര്‍ക്കാരിന്റേയും ഫിലിം ഫെയര്‍ ഉള്‍പ്പെടെ മറ്റു നിരവധി അവാര്‍ഡുകളും നേടിയിട്ടുണ്ട്. തമിഴ് സിനിമയ്ക്ക് നവ ഭാവുകത്വം പകര്‍ന്ന ബാലചന്ദര്‍ കമലഹാസന്‍, രജനീകാന്ത്, സരിത തുടങ്ങി പ്രമുഖ താരങ്ങളെ സിനിമയിലേക്ക് കൊണ്ടു വരികയും ചെയ്തിട്ടുണ്ട്.

1930 ജൂലായ് 9ന് തഞ്ചാവൂരിലെ തമിഴ് ബ്രാഹ്മണ കുടുംബത്തില്‍ ദണ്ഡപാണിയുടേയും സരസ്വതിയമ്മയുടെയും മകനായി ജനിച്ച ബാലചന്ദര്‍ അണ്ണാമല യൂണിവേഴ്സിറ്റിയില്‍ നിന്നും ബി. എസ്. സി. സുവോളജി ബിരുദം നേടി. തുടര്‍ന്ന് തിരുവായൂര്‍ ജില്ലയിലെ മുത്തുപ്പേട്ടയില്‍ സ്കൂള്‍ അധ്യാപകനായി ഔദ്യോഗിക ജീവിതം ആരംഭിച്ചു. പിന്നീട് അക്കൌണ്ടന്റ് ജനറല്‍ ഓഫീസില്‍ ഉദ്യോഗസ്ഥനായി. എം. ജി. ആർ. അഭിനയിച്ച ദൈവത്തായി എന്ന ചിത്രത്തിനു സംഭാഷണം എഴുതിക്കൊണ്ടാണ് ബാലചന്ദര്‍ സിനിമയിലേക്ക് കടന്നു വന്നത്.

1965-ല്‍ നാണല്‍, നീര്‍ക്കുമിഴി എന്നീ ചിത്രങ്ങള്‍ സംവിധാനം ചെയ്തു. 1974-ലെ ബാലചന്ദര്‍ സംവിധാനം ചെയ്ത അവള്‍ ഒരു തുടര്‍ക്കഥൈ എന്ന ചിത്രത്തിലൂടെ കമലഹാസനും 1975-ല്‍ സംവിധാനം ചെയ്ത അപൂ‍ര്‍വ്വ രാഗം എന്ന ചിത്രത്തിലൂടെ രജനീകാന്തും സിനിമയില്‍ അരങ്ങേറ്റം കുറിച്ചു.

രാജയാണ് ഭാര്യ. കൈലാസം, പ്രസന്ന, പുഷ്പ കന്തസ്വാമി എന്നിവര്‍ മക്കളാണ്. തമിഴ് സിനിമയിലെ വേറിട്ട സംവിധാന ശൈലിയുടെ ഉടമയായിരുന്ന ബാലചന്ദറിന്റെ നിര്യാണത്തില്‍ വിവിധ മേഖലകളില്‍ നിന്നുമുള്ള പ്രമുഖര്‍ അനുശോചനം രേഖപ്പെടുത്തി.

- എസ്. കുമാര്‍

വായിക്കുക: , , , ,

അഭിപ്രായം എഴുതുക »

മണിവര്‍ണ്ണന്‍ അന്തരിച്ചു

June 16th, 2013

ചെന്നൈ: നടനും തമിഴ് സിനിമാ സംവിധായകനുമായ മണിവര്‍ണ്ണന്‍ അന്തരിച്ചു. ഹൃദയാഘാതത്തെ തുടര്‍ന്ന് ചെന്നൈയിലെ വസതിയില്‍ വച്ച് ആയിരുന്നു അന്ത്യം.തമിഴ്, തെലുങ്ക്, ഹിന്ദി,മലയാളം തുടങ്ങിയ വിവിധ ഭാഷകളിലായി നാനൂറ്റമ്പതോളം ചിത്രങ്ങളില്‍ അഭിനയിച്ചിട്ടുള്ള മണീ വര്‍ണ്ണന്‍ അമ്പത് സിനിമകളും സംവിധാനം ചെയ്യുകയും ഏതാനും ചിത്രങ്ങള്‍ക്ക് തിരക്കഥ എഴുതുകയും ചെയ്തിട്ടുണ്ട്. വില്ലന്‍ വേഷങ്ങളിലും ഹാസ്യ നടനായും സ്വഭാവനടനായും മണിവര്‍ണ്ണന്‍ സിനിമയില്‍ നിറഞ്ഞു നിന്നു. മുതല്‍‌വന്‍, ഉള്ളത്തെ അള്ളിത്താ, പാര്‍ത്താലേ പരവശം, എങ്കള്‍ അണ്ണ, എനക്ക്20 ഉനക്ക് 18, വസീഗര, പ്രിയമാന തോഴി, ശിവാജി, വേലായുധം, ആയുധം സെയ്‌വോം, പഞ്ചതന്ത്രം തുടങ്ങിയ നിരവധി ചിത്രങ്ങളില്‍ ശ്രദ്ദേയമായ വേഷം ചെയ്തിട്ടുണ്ട്. കമല ഹാസന്‍, രജനികാന്ത്, വിക്രം, വിജയ് തുടങ്ങിയവര്‍ക്കൊപ്പം മണിവര്‍ണ്ണന്‍ അഭിനയിച്ചു. മമ്മൂട്ടി ചിത്രമായ ഫാന്റം പൈലിയില്‍ അണ്ണാച്ചി എന്ന കഥാപാത്രത്തെ അവതരിപ്പിച്ച് മലയാളത്തിലും ശ്രദ്ധനേടിയിരുന്നു.

ഭാരതി രാജയുടെ അസിസ്റ്റന്റായാണ് സിനിമ സംവിധാന രംഗത്തേക്ക് കടന്നു വരുന്നത്. അമൈതിപ്പട എന്ന ചിത്രം സംവിധാനം ചെയ്ത്കൊണ്ട് സ്വതന്ത്രനായി. ഗവണ്മെന്റ് മാപ്പിളൈ ചിന്നത്തമ്പി പെരിയ തമ്പി, തോഴര്‍ പാണ്ഡ്യന്‍, വീരപതക്കം തുടങ്ങിയ ചിത്രങ്ങള്‍ ശ്രദ്ധിക്കപ്പെട്ടു. 1954 -ല്‍ കോയമ്പത്തൂരിലെ സുലൂറില്‍ ആണ് മണിവര്‍ണ്ണന്‍ ജനിച്ചത്. സെങ്കമലമാണ്‍` ഭാര്യ. ജ്യോതി, രഘു എന്നിവര്‍ മക്കളാണ്.

- എസ്. കുമാര്‍

വായിക്കുക: , , ,

അഭിപ്രായം എഴുതുക »

കമ്മത്തിലൂടെ ധനുഷ് മലയാളത്തിലേക്ക്

November 7th, 2012

dhanush-epathram

തമിഴ് സൂപ്പര്‍ താരവും സ്റ്റൈല്‍ മന്നന്‍ രജനി കാന്തിന്റെ മരുമകനുമായ ധനുഷ് മലയാളത്തിലേക്ക്. മമ്മൂട്ടി ദിലീപ് എന്നിവര്‍ അഭിനയിക്കുന്ന കമ്മത്ത് ആന്റ് കമ്മത്ത് എന്ന ചിത്രത്തിലാണ് ധനുഷ് അഭിനയിക്കുന്നത്. സിബി കെ. തോമസ് – ഉദയ് ടീം തിരക്കഥയൊരുക്കി തോംസണ്‍ സംവിധാനം ചെയ്യുന്ന ചിത്രത്തില്‍ സൂപ്പര്‍ സ്റ്റാര്‍ ധനുഷ് ആയിട്ടാണ് എത്തുന്നത്. നല്ല വേഷം ലഭിക്കുകയാണെങ്കില്‍ പ്രതിഫലം നോക്കാതെ മലയാളത്തില്‍ അഭിനയിക്കുവാന്‍ തയ്യാറാ‍ണെന്ന് ധനുഷ് അടുത്തയിടെ വ്യക്തമാക്കിയിരുന്നു.

ആടുകളം എന്ന ചിത്രത്തിലെ അഭിനയ മികവിന് ദേശീയ പുരസ്കാരം നേടിയിട്ടുള്ള ധനുഷ് തുള്ളുവതോ ഇളമൈ എന്ന ചിത്രത്തിലൂടെയാണ് സിനിമയിലേക്ക് കടന്നു വരുന്നത്. തമിഴ് ചിത്രങ്ങളോട് എക്കാലത്തും താല്പര്യം പ്രകടിപ്പിക്കുന്ന മലയാളികള്‍ക്കിടയില്‍ ധനുഷിന്  ധാരാളം ആരാധകര്‍ ഉണ്ട്. വൈ ദിസ് കൊലവെരി എന്ന ഗാനം കേരളത്തിലും ഹിറ്റായിരുന്നു.

ദിലീപും മമ്മൂട്ടിയും ഒരുമിച്ചഭിനയിച്ച രാക്ഷസ രാജാവ്, ട്വന്റി ട്വന്റി തുടങ്ങിയ മുന്‍ ചിത്രങ്ങള്‍ വന്‍ ഹിറ്റായിരുന്നു. മമ്മൂട്ടിക്കും, ദിലീപിനും ഒപ്പം ധനുഷ് കൂടെ വരുന്നതോടെ ചിത്രത്തിന്റെ വാണിജ്യ മൂല്യം വന്‍ തോതില്‍ വര്‍ദ്ധിക്കും. ഇവരെ കൂടാതെ റീമ കല്ലിങ്ങല്‍, കാര്‍ത്തിക, ബാബുരാജ്, ഷാജോണ്‍, ജനാര്‍ദ്ദനന്‍ തുടങ്ങിയ ഒരു താരനിര തന്നെയുണ്ട് ഈ ചിത്രത്തില്‍. ആന്റോ ജോസഫാണ് ചിത്രം നിര്‍മ്മിക്കുന്നത്. അനില്‍ നായരാണ് ക്യാമറാമാന്‍ .  സന്തോഷ് വര്‍മ്മയെഴുതിയ ഗാനങ്ങള്‍ക്ക് എം. ജയചന്ദ്രന്‍ സംഗീത സംവിധാനം നിര്‍വ്വഹിക്കുന്നു.

- എസ്. കുമാര്‍

വായിക്കുക:

അഭിപ്രായം എഴുതുക »

രജനീകാന്തിന്റെ വെബ്സൈറ്റിന് ഇന്റര്‍നെറ്റ് വേണ്ട

January 22nd, 2012

all-about-rajni-epathram

അവിശ്വസനീയമായ കാര്യങ്ങള്‍ ചെയ്യുന്നതില്‍ പ്രസിദ്ധനായ രജനീകാന്തിന്റെ വെബ്സൈറ്റും അവിശ്വസനീയം തന്നെ. ഇന്റര്‍നെറ്റ്‌ വേണ്ട ഈ വെബ്സൈറ്റ്‌ പ്രവര്‍ത്തിക്കാന്‍ എന്നതാണ് ഇതിന്റെ പ്രത്യേകത. http://www.allaboutrajni.com എന്ന വെബ്സൈറ്റ്‌ നിങ്ങളുടെ ബ്രൌസറില്‍ സന്ദര്‍ശിച്ചാല്‍ സൈറ്റില്‍ ആദ്യം വരുന്ന സന്ദേശം ഇന്റര്‍നെറ്റ്‌ കണക്ഷന്‍ വേര്‍പ്പെടുത്തുക എന്നതാണ്. ഇന്റര്‍നെറ്റ്‌ കണക്ഷന്‍ ഓഫ് ചെയ്യുകയോ, വയര്‍ വേര്‍പെടുത്തുകയോ, വയര്‍ലെസ്സ് കണക്ഷന്‍ ഓഫ് ആക്കുകയോ ചെയ്‌താല്‍ മാത്രമേ വെബ്സൈറ്റിന് അകത്തേക്ക് പ്രവേശിക്കാന്‍ കഴിയൂ. രജനീകാന്തിനെ കുറിച്ചുള്ള വിവരങ്ങള്‍ മുതല്‍ രജനീകാന്ത്‌ തമാശകള്‍ വരെ വെബ്സൈറ്റില്‍ ലഭ്യമാണ്.

rajnikant-website-offline-message-epathram

ഇടയ്ക്കെങ്ങാനും നിങ്ങള്‍ ഇന്റര്‍നെറ്റ്‌ ബന്ധം പുനസ്ഥാപിക്കാന്‍ ശ്രമിച്ചാല്‍ ഉടന്‍ സൈറ്റ്‌ പ്രവര്‍ത്തനരഹിതമാകും. അയ്യോ! ഇത് തീരെ അപ്രതീക്ഷിതമായിരുന്നു! തുടര്‍ന്നും ബ്രൌസ് ചെയ്യാന്‍ ഇന്റര്‍നെറ്റ്‌ ബന്ധം വേര്‍പെടുത്തുക എന്ന രസകരമായ സന്ദേശം സ്ക്രീനില്‍ നിറയും. ഇനി ഇന്റര്‍നെറ്റ്‌ ബന്ധം വേര്‍പെടുത്തിയാല്‍ മാത്രമേ വീണ്ടും സൈറ്റിന് അകത്തേക്ക് പ്രവേശിക്കാന്‍ കഴിയൂ. ഇന്റര്‍നെറ്റ്‌ ശക്തി കൊണ്ടല്ല രജനീ ശക്തി കൊണ്ടാണ് വെബ്സൈറ്റ്‌ പ്രവര്‍ത്തിക്കുന്നത്‌ എന്ന അറിയിപ്പ്‌ ഇടയ്ക്കിടയ്ക്ക് വെബ്സൈറ്റ്‌ നിങ്ങള്‍ക്ക്‌ നല്‍കുന്നുമുണ്ട്. ഇന്റര്‍നെറ്റ്‌ ആവശ്യമില്ലാതെ പ്രവര്‍ത്തിക്കുന്ന ലോകത്തിലെ ആദ്യത്തെ വെബ്സൈറ്റ്‌ ആണിത് എന്ന് ഇതിന്റെ നിര്‍മ്മാതാക്കളായ വെബ് ചട്ടിണീസ് അവകാശപ്പെടുന്നു. രജനീകാന്ത്‌ സിനിമയില്‍ കാണിക്കുന്ന അത്ഭുതകരമായ കാര്യങ്ങളെ പോലെ തന്നെ അത്ഭുതകരമാണ് ഇന്റര്‍നെറ്റ്‌ ഇല്ലാതെ പ്രവര്‍ത്തിക്കുന്ന അദ്ദേഹത്തിന്റെ വെബ്സൈറ്റും എന്ന് ഇവര്‍ ചൂണ്ടിക്കാട്ടി.

- ജെ.എസ്.

വായിക്കുക:

അഭിപ്രായം എഴുതുക »

രജനീകാന്ത്‌ സുഖം പ്രാപിക്കുന്നു : ധനുഷ്‌

June 2nd, 2011

enthiran-rajani-aishwarya-epathram
ചെന്നൈ : രജനീകാന്ത്‌ ചികിത്സയോട് നല്ല രീതിയില്‍ പ്രതികരിച്ചു വരികയാണ് എന്നും ഇപ്പോള്‍ അദ്ദേഹത്തിന്റെ ആരോഗ്യ നില ഏറെ മെച്ചപ്പെട്ടിട്ടുണ്ട് എന്നും മരുമകനും നടനുമായ ധനുഷ്‌ അറിയിച്ചു. അദ്ദേഹത്തിന്റെ വൃക്ക മാറ്റി വെക്കേണ്ടി വന്നില്ല. രോഗത്തിന്റെ മൂല കാരണം ഡോക്ടര്‍മാര്‍ കണ്ടു പിടിക്കുകയും ഇതിനുള്ള ചികില്‍സ നിര്‍ദ്ദേശിക്കുകയുമാണ് ചെയ്തത്. പത്തു ദിവസത്തിനകം രജനീകാന്ത്‌ തിരിച്ചെത്തും എന്ന് സൂചിപ്പിച്ച ധനുഷ്‌ “റാണ” എന്ന ചിത്രത്തിന്റെ ഷൂട്ടിംഗ് അടുത്ത് തന്നെ ആരംഭിക്കും എന്നും അറിയിച്ചു.

- ജെ.എസ്.

വായിക്കുക:

അഭിപ്രായം എഴുതുക »

1 of 212

« Previous « രതിനിര്‍വ്വേദം റിലീസിംഗ് നീട്ടി
Next Page » താലികെട്ടിയാലും സിനിമ വിടില്ല : ശ്വേത മേനോന്‍ »



എവിടെ ജോണ്‍?...
ജോസ് പ്രകാശിന് ജെ. സി ഡാ...
നടന്‍ ജഗതിശ്രീകുമാറിനു കാ...
ബാരി മികച്ച ചിത്രം; വിദ്യ...
ജോണ്‍ അബ്രഹാം പ്രത്യേക പു...
പത്മശ്രീ ഭരത് ഡോക്ടര്‍ സര...
പ്രണയം : മലയാളിയുടെ ലൈംഗി...
ബ്ലെസിയുടെ ‘പ്രണയം’ കോപ്...
കോളിളക്കം വീണ്ടും വരുന്നു...
എം. ജി. ശ്രീകുമാറും പാട്ട...
പ്രാഞ്ചിയേട്ടന്‍റെ ഒന്നാം...
ആദാമിന്റെ മകന്‍ അബുവിനു വ...
നടി ശ്വേതാ മേനോന്‍ വിവാഹി...
എന്തിരന്റെ കഥ മോഷ്ടിച്ചതെ...
സലീം കുമാര്‍ മികച്ച നടന്‍...
ഗദ്ദാമ യ്ക്ക് ഗള്‍ഫില്‍ ...
എന്‍ഡോസള്‍ഫാന്‍ : താരങ്ങള...
നടി ശ്വേതയുടെ പരാതിയില്‍ ...
മമ്മുട്ടിയും മോഹന്‍ലാലും ...
ലീലയില്‍ നിന്നും ലാല്‍ പു...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine