ദുബായ് : മിഷന് ഇമ്പോസിബ്ള് പരമ്പരയിലെ ഏറ്റവും പുതിയ ചിത്രമായ മിഷന് : ഇമ്പോസിബ്ള് ഗോസ്റ്റ് പ്രോട്ടോക്കോള് എന്ന സിനിമയുടെ ചിത്രീകരണത്തിനായി ദുബായില് എത്തിയ ടോം ക്രൂസ് ഒരു അതി സാഹസിക രംഗം ചെയ്തത് ദുബായ് ശ്വാസം അടക്കി പിടിച്ചാണ് നോക്കി നിന്നത്.
അവിശ്വസനീയമായ ആ രംഗത്തില് ടോം ക്രൂസ് ലോകത്തിലെ ഏറ്റവും ഉയരമേറിയ കെട്ടിടമായ ബുര്ജ് ഖലീഫയുടെ മുകളില് നിന്നും ഒരു കയറില് കെട്ടി തൂങ്ങി കെട്ടിടത്തിന്റെ വശത്ത് കൂടെ ഓടുന്നു. ബുര്ജ് ഖലീഫയുടെ ഏതാണ്ട് മൂന്നില് രണ്ടു ഉയരത്തിലൂടെയാണ് ടോം ക്രൂസ് ഓടിയത്. ക്യാമറാ സംഘം ഹെലികോപ്റ്ററില് ചെന്നാണ് അടുത്ത് നിന്ന് ഈ രംഗം ഷൂട്ട് ചെയ്തത്.
ദുബായിലെ ഷൂട്ടിംഗിന് ശേഷം മോസ്ക്കോയിലും വാന്കൂവറിലും ചിത്രത്തിന്റെ ഷൂട്ടിംഗ് തുടരും. 2011 ഡിസംബറോടെ ചിത്രം റിലീസ് ചെയ്യും.
