അബുദാബി : അന്ത്യ പ്രവാചകന്‍ മുഹമ്മദ് റസൂല്‍ (സ്വ) യുടെ ജന്മദിനമായ റബീഉല്‍ അവ്വല്‍ 12 ന് സമസ്ത കേരളാ സുന്നീ സ്റ്റുഡന്‍സ് ഫെഡറേഷന്‍ ന്റെ ആഭിമുഖ്യ ത്തില്‍ അബുദാബി യില്‍ വമ്പിച്ച നബിദിന പരിപാടി കള്‍ സംഘടി പ്പിക്കുന്നു. മീലാദ് ദിന മായ ഫെബ്രുവരി 4 ശനിയാഴ്ച്ച അബുദാബി ഇന്ത്യന്‍ ഇസ്ലാമിക് സെന്ററില് മൂന്ന് സെക്ഷനുകളായി നടക്കുന്ന പരിപാടി യില്‍ പ്രമുഖ പണ്ഢിതര്‍ സംബന്ധിക്കും.
ശനിയാഴ്ച രാവിലെ 9 മണിക്ക് പ്രഗത്ഭ പണ്ഢിതനും, സുന്നി സെന്റര്‍ ചെയര്‍ മാനുമായ എം. പി. മമ്മിക്കുട്ടി മുസ്ലിയാര്‍ നബിദിന പരിപാടി ഉദ്ഘാടനം ചെയ്യും. സുന്നി സെന്റര്‍ പ്രസിഡന്റ് ഡോ. അബ്ദുറഹ്മാന്‍ ഒളവട്ടൂര്‍ അദ്ധ്യക്ഷത വഹിക്കും. സഅദ് ഫൈസി, കെ. വി. ഹംസ മൗലവി, ഉസ്മാന്‍ ഹാജി എന്നിവര്‍ സംസാരിക്കും.
തുടര്‍ന്ന് നടക്കുന്ന മദ്ഹുറസൂല്‍ സെക്ഷനില്‍ ‘പ്രവാചക ചരിത്രത്തിലൂടെ ഒരു തീര്‍ത്ഥ യാത്ര’ എന്ന വിഷയ ത്തില്‍ പ്രമുഖ വാഗ്മി സിംസാറുല്‍ ഹഖ് ഹുദ് വി പ്രഭാഷണം നടത്തും.
ഉച്ചയ്ക്കു ശേഷം നടക്കുന്ന മൂന്നാം സെക്ഷനില്‍ പ്രഗത്ഭ എഴുത്തു കാരനും പ്രഭാഷകനും വണ്ടൂര്‍ മര്‍കസ് പ്രിന്‍സിപ്പാളുമായ ഉസ്താദ് അബ്ദുല്‍ ഗഫൂര്‍ അല്‍ ഖാസിമി ‘സത്യസാക്ഷികളാവുക’ എന്ന വിഷയ ത്തില്‍ മുഖ്യ പ്രഭാഷണം നടത്തും. സയ്യിദ് അബ്ദുറഹ്മാന്‍ തങ്ങള്‍ , അബ്ദുല്‍ റൗഫ് അഹ്‌സനി, ഹാരിസ് ബാഖവി കടമേരി, അബ്ദുല്‍ മജീദ് ഹുദവി എന്നിവര്‍ സംബന്ധിക്കും.
മഗ്‌രിബിന് ശേഷം പ്രമുഖ പണ്ഡിതരുടെ നേതൃത്വ ത്തില്‍ മൗലിദ് പാരായണവും കൂട്ടു പ്രാര്‍ഥനയും നടത്തും. സ്ത്രീകള്‍ക്ക് പ്രത്യേക സ്ഥല സൗകര്യം ഉണ്ടായി രിക്കും എന്ന് സംഘാടകര്‍ അറിയിച്ചു.
- pma
