അബുദാബി : റെഡ് ക്രസന്റിന്റെ ജീവകാരുണ്യ പ്രവര്ത്തനങ്ങള്ക്ക് ധന സമാഹരണം നടത്തു ന്നതിനായി ലുലു ഔട്ട് ലെറ്റുകള് വഴി യു എ ഇ യില് എല്ലായിടത്തും റെഡ് ക്രസന്റ് ചിഹ്നം പതിപ്പിച്ച ഉല്പന്നങ്ങള് വില്പന തുടങ്ങി.
അബുദാബി ഖാലിദിയ മാളിലെ ലുലു ഹൈപ്പര് മാര്ക്കറ്റില് നടന്ന ചടങ്ങില് എമിറേറ്റ്സ് റെഡ്ക്രസന്റ് സെക്രട്ടറി ജനറല്, ഡോക്ടര് മുഹമ്മദ് ആതിഖ് അല് ഫലാഹി ആദ്യ വില്പനക്കു നേതൃത്വം നല്കി. ലുലു ഗ്രൂപ്പ് മാനേജിംഗ് ഡയറക്ടര് എം. എ. യൂസഫലിയും മറ്റു ഉദ്യോഗസ്ഥരും ചടങ്ങില് സംബന്ധിച്ചു.
ഗുണ നിലവാരമുള്ള നിത്യോപയോഗ സാധനങ്ങ ളാണ് ഇവിടെ വില്ക്കുക. ലാഭം ഒന്നും തന്നെ പ്രതീക്ഷി ക്കാതെ യാണ് റെഡ് ക്രെസന്റ് ഉത്പന്നങ്ങള് ലുലു വിലൂടെ വിറ്റഴിക്കുന്നത് എന്നും എം. എ. യൂസഫലി പറഞ്ഞു.
ധന സമാഹരണ ത്തിന് പുറമെ, സമൂഹത്തിലെ എല്ലാ വിഭാഗം ആളുകളിലേക്കും റെഡ് ക്രെസന്റ് പ്രവര്ത്തനങ്ങള് എത്തിക്കുക എന്നതാണ് ഇതു കൊണ്ട് ലക്ഷ്യമിടുന്നത് എന്ന് ഡോ. മുഹമ്മദ് അത്വീഖ് അല് ഫലാഹി പറഞ്ഞു.
- pma
അനുബന്ധ വാര്ത്തകള്
വായിക്കുക: ജീവകാരുണ്യം, യൂസഫലി, വ്യവസായം, സാമൂഹ്യ സേവനം
