ദുബായ് : വടകര പാര്‍ലമെന്റ് മണ്ഡല ത്തിലെ പ്രവാസികളുടെ കൂട്ടായ്മയായ വടകര എന്‍ ആര്‍ ഐ ഫോറം ദുബായ് കമ്മറ്റി യുടെ വിഷു ആഘോഷവും കുടുംബ സംഗമവും കരാമ സെന്ററില്‍ വെച്ച് നടന്നു. പ്രസിഡണ്ട്‌ പ്രേമാനന്ദന്‍ കുനിയില്‍ അദ്ധ്യക്ഷത വഹിച്ച ചടങ്ങ് നടനും സംവിധായകനു മായ മഞ്ജുളന്‍ നിലവിളക്ക് കൊളുത്തി ഉത്ഘാടനം നിര്‍വ്വഹിച്ചു.
എന്‍. ആര്‍. മായിന്‍, കെ. കെ. എസ്. പിള്ള, എന്‍. പി. രാമചന്ദ്രന്‍, നെല്ലറ ഷംസുദ്ദീന്‍, വിനോദ് നമ്പ്യാര്‍, ഡോ. മുഹമ്മദ്‌ ഹാരിസ്, രാജു, നാസര്‍ പരദേശി, സാജിദ് പുറക്കാട് എന്നിവര്‍ ആശംസ നേര്‍ന്നു.വിഷു സദ്യ, എന്‍. ആര്‍. ഐ കുടുംബ അംഗങ്ങളുടെ വിവിധ കലാ പരിപാടികള്‍ ഉണ്ടായിരുന്നു. രാമ കൃഷ്ണന്‍ ഇരിങ്ങല്‍, ബാലന്‍ മേപ്പയ്യൂര്‍, അഡ്വ.സാജിദ് അബൂബക്കര്‍, രാജീവന്‍ വെള്ളികുളങ്ങര, റഫിക് മേമുണ്ട, രാജന്‍,അസീസ്‌ വടകര എന്നിവര്‍ നേതൃത്വം നല്‍കി.
- pma
