ദുബായ് : പയ്യന്നൂര്‍ സൗഹൃദ വേദി ദുബായ് ചാപ്റ്ററിന്റെ ഭാഗമായി പ്രവര്‍ത്തിക്കുന്ന ബാല വേദിയുടെ ആഭിമുഖ്യത്തില്‍ ദുബായ് ക്രീക്ക് പാര്‍ക്കില്‍ ഈദ് സംഗമം സംഘടിപ്പിച്ചു. വേദി പ്രസിഡന്റ്‌ രമേഷ് പയ്യന്നൂര്‍ സംഗമം ഉദ്ഘാടനം ചെയ്തു.
ബാലവേദി കോര്‍ഡിനേറ്റര്‍ പി. യു. പ്രകാശന്‍ സ്വാഗതവും ജനറല്‍ സെക്രട്ടറി വി. പി. ശശി കുമാര്‍ നന്ദിയും പറഞ്ഞു.
ഗ്രാമീണ ബാല്യത്തിന്റെ സ്മൃതികളുമായി ഒരുക്കിയ നിരവധി നാടന്‍ കളികളിലും മറ്റു കായിക മത്സരങ്ങളിലും കുട്ടികളും മുതിര്‍ന്നവരും ആവേശ പൂര്‍വ്വം പങ്കെടുത്തു. ബാലവേദി അംഗങ്ങള്‍ക്ക്‌ ഐഡന്റിറ്റി കാര്‍ഡുകളും സംഗമ ത്തില്‍ വിതരണം ചെയ്തു.
പി. യു. പ്രകാശന്‍, പ്രവീണ്‍ പാലക്കീല്‍ , നികേഷ്, ശ്രീജിത്ത്‌ എന്നിവര്‍ വിനോദ പരിപാടി കള്‍ക്ക് നേതൃത്വം നല്‍കി.
- pma
