 |
 |
 |
 |
 |
 |
 |
 |
 |
 |
 |
 |
 |
 |
പോര്ട്ട്ലാന്ഡ് : അമേരിക്കയിലെ പോര്ട്ട്ലാന്ഡില് നടന്ന അന്താരാഷ്ട്ര മല്സരത്തില് സ്വര്ണ മെഡല് നേടിയതോടെ ഇന്ത്യന് ഡിസ്ക്കസ് ത്രോ താരം കൃഷ്ണ പൂനിയ ലണ്ടന് ഒളിമ്പിക്സിലേക്കുള്ള യോഗ്യത നേടി. 2012 ലെ ലണ്ടന് ഒളിമ്പിക്സില് പങ്കെടുക്കുവാനുള്ള യോഗ്യതാ ദൂരം 59.5 മീറ്റര് ആണെന്നിരിക്കെ 61.12 മീറ്റര് ആണ് കൃഷ്ണ കൈവരിച്ച ദൂരം. കഴിഞ്ഞ വര്ഷത്തെ കോമണ്വെല്ത്ത് ഗെയിംസിന് കാല് മുട്ടിന് പരിക്കേറ്റ ശേഷം ആദ്യമായാണ് ഇത്രയും ദൂരം കൃഷ്ണയ്ക്ക് രേഖപ്പെടുത്താന് കഴിയുന്നത്.
- ജെ.എസ്.
ഗോരഖ്പൂര് : യു.പി. യില് പടര്ന്നു പിടിക്കുന്ന വൈറല് പനിയില് വീണ്ടും 6 പേര് കൂടി മരിച്ചു. ഇതോടെ പനി ബാധിച്ച് ഉത്തര്പ്രദേശില് മരിച്ചവരുടെ എണ്ണം 438 ആയി. 261 പേര് ഗോരഖ്പൂര് മെഡിക്കല് കോളേജിലും മറ്റ് ആശുപത്രികളിലുമായി ചികില്സയില് കഴിയുന്നുണ്ട് എന്ന് ആരോഗ്യ വകുപ്പ് അധികൃതര് അറിയിക്കുന്നു.
ഇത് വരെ മൂവായിരത്തോളം പേരെ സര്ക്കാര് ആശുപത്രികളില് പനി ബാധിച്ചു പ്രവേശിപ്പിച്ചിട്ടുണ്ട്. വാര്ത്ത മാധ്യമങ്ങള് റിപ്പോര്ട്ട് ചെയ്തതിനെ തുടര്ന്ന് മായാവതി സര്ക്കാര് കൂടുതല് പേരെ പ്രവേശിപ്പിക്കാനായി ആശുപത്രികളില് പുതിയ വാര്ഡുകള് പണിയാനായി 18 കോടി രൂപ അനുവദിച്ചു. എന്നാല് ഇത് നോയിഡയില് പണി കഴിക്കുന്ന അംബേദ്കര് പാര്ക്കിന് അനുവദിച്ച 600 കോടി രൂപയുമായി താരതമ്യം ചെയ്യുമ്പോള് തുലോം കുറവാണ് എന്ന് പരക്കെ ആക്ഷേപം ഉയര്ന്നിട്ടുണ്ട്. ഇത്തരം 5 പാര്ക്കുകള്ക്കായി 2500 കോടി രൂപയാണ് സംസ്ഥാനത്ത് ഉടനീളം മായാവതി സര്ക്കാര് ചിലവഴിക്കുന്നത്.
- ജെ.എസ്.
വായിക്കുക: ആരോഗ്യം, ഇന്ത്യന് രാഷ്ട്രീയ നേതാക്കള്, ദുരന്തം
അംബാല: പഞ്ചാബിലെ അംബാല കന്റോണ്മെന്റ് റെയില്വേ സ്റ്റേഷനു സമീപം നിര്ത്തിയിട്ടിരുന്ന കാറില് നിന്നും സ്ഫോടക ശേഖരം പിടികൂടി. അഞ്ചു കിലോ ആര്ഡിഎക്സ്, അഞ്ച് ഡിറ്റണേറ്ററുകള് രണ്ടു മൈനുകള് എന്നിവയടങ്ങുന്ന സ്ഫോടക ശേഖരം ഇന്നലെ രാത്രിയാണ് പോലീസ് പിടിച്ചെടുത്തത്. ഒരു ഇന്ഡിക കാറിന്റെ ഡിക്കിയില് ആണ് ഇവ സൂക്ഷിച്ചിരുന്നത്. ഹരിയാന രജിസ്ട്രേഷനിലുള്ള കാറിന്റെ ഉടമസ്ഥനെ കണ്ടെത്താനുള്ള ശ്രമത്തിലാണ് പോലീസ്. ജമ്മു കാശ്മീര് വിലാസം രേഖപ്പെടുത്തിയ ഒരു മിഠായി കവറും കാറില് നിന്ന് കണ്ടെത്തിയിട്ടുണ്ട്.
തീവ്രവാദി ആക്രമണം ലക്ഷ്യമാക്കി സ്ഥാപിച്ചതാണ് സ്ഫോടക വസ്തുക്കളെന്ന് കരുതുന്നു. വിശദമായ പരിശോധനയ്ക്കായി സ്ഫോടക വസ്തുക്കള് ഫോറന്സിക് വിഭാഗത്തിന് കൈമാറി. ഡല്ഹിയില് നിന്നും ദേശീയ സുരക്ഷാ ഗാര്ഡും സ്ഥലത്തെത്തിയിട്ടുണ്ട്. മറ്റെവിടെയെങ്കിലും സ്ഫോടനം നടത്തുന്നതിന് എത്തിച്ചതാകാം ഇവയെന്ന നിഗമനത്തിലാണ് ഇന്റലിജന്സ് വിഭാഗം.
- ലിജി അരുണ്
ന്യൂഡല്ഹി : 617 കോടി രൂപയുടെ ആദായ നികുതി വെട്ടിപ്പ് നടത്തി പിടിയിലായ സത്യം കമ്പ്യൂട്ടേഴ്സ് ഉദ്യോഗസ്ഥരായ 5 പേര്ക്ക് സുപ്രീം കോടതി ജാമ്യം അനുവദിച്ചു. തെളിവുകള് നശിപ്പിക്കില്ല എന്ന ഉറപ്പിന്മേലാണ് ജാമ്യം. തെളിവുകള് നശിപ്പിക്കാന് ശ്രമിച്ചാല് രണ്ടു ലക്ഷം രൂപയുടെ ജാമ്യം റദ്ദ് ചെയ്യും എന്ന് കോടതി വിധിയില് പറയുന്നുണ്ട്.
വളരെ ചുരുങ്ങിയ കാലം കൊണ്ട് സത്യം കമ്പ്യൂട്ടേഴ്സിനെ രാജ്യത്തെ മുന് നിര കമ്പനികളില് ഒന്നാക്കി മാറ്റിയ രാമലിംഗ രാജു, പക്ഷെ അതേ കമ്പനിയുടെ തകര്ച്ചയ്ക്കും കാരണ ക്കാരനായി. കണക്കുകളില് കൃത്രിമം നടത്തിയതിനെ തുടര്ന്ന് ഇദ്ദേഹം കഴിഞ്ഞ വര്ഷം ജനുവരിയില് സി. ബി. ഐ. യുടെ പിടിയില് ആകുകയായിരുന്നു. ഓഹരി വിപണിയിലെ മുന് നിര ഓഹരി യായിരുന്ന സത്യം കമ്പ്യൂട്ടേഴ്സിന്റെ വില കമ്പനിക്കുണ്ടായ ദുഷ്പേരിനെ തുടര്ന്ന് കുത്തനെ ഇടിഞ്ഞു ഒറ്റയക്കത്തില് എത്തിയിരുന്നു.
- ജെ.എസ്.
വായിക്കുക: തട്ടിപ്പ്, സാമ്പത്തികം
ശ്രീഹരിക്കോട്ട: ഉഷ്ണമേഖലാ രാജ്യങ്ങളിലെ കാലാവസ്ഥ വ്യതിയാനത്തെക്കുറിച്ചുള്ള ഗവേഷണത്തിന് കുതിപ്പ് നല്കുന്ന ഇന്ത്യ-ഫ്രഞ്ച് സംയുക്ത സംരംഭമായ മേഘാ ട്രോപിക്സ് വിജയകരമായി വിക്ഷേപിച്ചു. കാലാവസ്ഥ വ്യതിയാനത്തെക്കുറിച്ച് പഠിക്കുന്നതിനൊപ്പം മഴമേഘങ്ങളുടെ സഞ്ചാരം, മഴയുടെ ഗതി, ആഗോള താപനം മഴയെ ബാധിക്കുന്നത് തുടങ്ങിയവയും പഠിക്കുവാന് സാധിക്കും. ശ്രീഹരിക്കോട്ടയിലെ വിക്ഷേപണത്തറയില് നിന്നുമാണ് മേഘ ട്രോപിക്സും വഹിച്ച് പി.എസ്.എല്.വി സി-18 ലക്ഷ്യസ്ഥാനത്തെത്തിയത്. മേഘാ ട്രോപിക്സിനൊപ്പം മറ്റ് മൂന്നു ചെറു ഉപഗ്രഹങ്ങളും വഹിച്ചാണ് പി.എസ്.എല്.വി സി-18 ഭ്രമണപഘത്തിലേക്ക് കുതിച്ചത്. ഭ്രമണപഘത്തില് 867 കീലോമീറ്റര് അകലെയാണ് മേഘാ ട്രോപിക്സ് സ്ഥാനം പിടിച്ചിരിക്കുന്നത്. 1000 കിലോഗ്രാമാണ് മേഘയുടെ ഭാരം.
1993 മുതല് ഐ.എസ്.ആര്.ഒ വിക്ഷേപിക്കുന്ന 50ാമത് ഉപഗ്രഹം എന്ന പ്രത്യേകതയും മേഘാ ട്രോപിക്സിനുണ്ട്. ഇവയില് 48 എണ്ണവും ലക്ഷ്യസ്ഥാനത്തെത്തിക്കാന് പി.എസ്.എല്.വിക്ക് കഴിഞ്ഞു .തിങ്കളാഴ്ച രാവിലെ 9 മണിയോടെ ആരംഭിച്ച 50 മണിക്കൂര് നീണ്ട കൗണ്ട് ഡൗണിന് ശേഷമാണ് നാല് ഉപഗ്രഹങ്ങളും വഹിച്ച് പി.എസ്.എല്.വി സി-18 ഭ്രമണപഥത്തിലേക്ക് കുതിച്ചത്. കാലാവസ്ഥ വ്യതിയാന പഠനത്തില് ഇന്ത്യയുടെ ആദ്യസംരംഭമാണ് മേഘാ ട്രോപിക്സ്. ഈ മേഖലയില് ഉപഗ്രഹം വിക്ഷേപിച്ച രണ്ടാമത്തെ രാജ്യമെന്ന പദവിയും ഇന്ത്യക്കായി.
- ലിജി അരുണ്
വായിക്കുക: കാലാവസ്ഥ, ശാസ്ത്രം, സാങ്കേതികം
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
