 |
 |
 |
 |
 |
 |
 |
 |
 |
 |
 |
 |
 |
 |
ന്യൂദല്‍ഹി: എന്തൊക്കെ എതിര്‍പ്പുകള്‍ ഉണ്ടായാലും കൂടംകുളം ആണവനിലയത്തിന്‍്റെ പ്രവര്‍ത്തനം ഉടന്‍ ആരംഭിക്കുമെന്ന് കേന്ദ്ര ആഭ്യന്ത മന്ത്രി ചിദംബരം പറഞ്ഞു. ആണവനിലയത്തിനെതിരായ സമരക്കാര്‍ക്ക് ഫണ്ട് ലഭിക്കുന്നതിനെ കുറിച്ച് അന്വേഷിക്കാന്‍ കേന്ദ്രം തീരുമാനിച്ചതായും, പദ്ധതി ജനവിരുദ്ധമാണെന്ന പ്രചരണം തെറ്റാണെന്നും ചിദംബരം തിരുനെല്‍വേലിയില്‍ പറഞ്ഞു. പദ്ധതിയെ കുറിച്ച് പ്രദേശവാസികളുടെ ആശങ്ക അകറ്റാന്‍ പരിപാടികള്‍ ആസൂത്രണം ചെയ്യുമെന്ന തമിഴ്നാട് മുഖ്യമന്ത്രി ജയലളിതയുടെ പ്രസ്താവനയെ ചിദംബരം സ്വാഗതം ചെയ്തു
- ന്യൂസ് ഡെസ്ക്
കൊല്‍ക്കത്ത: ബംഗാളില്‍ സര്‍ക്കാര്‍ ജീവനക്കാരുടെ സംഘടനാ സ്വാതന്ത്ര്യത്തിനു വിലക്കേര്‍പ്പെടുത്തി. സമരം ചെയ്യുവാന്‍ ഉള്ള അവകാശവും എടുത്തു കളയും. രാഷ്ടീയാടിസ്ഥാനത്തില്‍ തൊഴിലാളി യൂണിയന്‍ പ്രവര്‍ത്തനങ്ങള്‍ക്ക് കടിഞ്ഞാണിടാനാണ് ബംഗാള്‍ സര്‍ക്കാര്‍ നീക്കം. സര്‍ക്കാരിന്റെ നടപടിക്കെതിരെ ജീവനക്കാര്‍ക്കിടയില്‍ നിന്നും വിവിധ രാഷ്ടീയ കക്ഷികളില്‍ നിന്നും ശക്തമായ എതിര്‍പ്പ് ഇതിനോടകം വന്നു കഴിഞ്ഞു. സര്‍ക്കാര്‍ നടപടി ഏകാധിപത്യപരമെന്നാണ് സി. പി. ഐ ജനറല്‍ സെക്രട്ടറി എ. ബി. ബര്‍ദന്‍ പറഞ്ഞത്. തീരുമാനത്തെ ജനാധിപത്യ വിരുദ്ധമെന്നാണ് ഐന്‍. എന്‍. ടി. യു. സി ബംഗാള്‍ പ്രസിഡണ്ട് ആര്‍. ചന്ദ്രശേഖരന്‍ വിശേഷിപ്പിച്ചത്. ഫോര്‍‌വേഡ് ബ്ലോക്ക്, ആര്‍. എസ്. പി തുടങ്ങി പല സംഘടനകളും ശക്തമായ വിയോജിപ്പ് പ്രകടിപ്പിച്ചു കഴിഞ്ഞു. ഇടതു പക്ഷ സംഘടനകള്‍ക്കാണ് ബംഗാളിലെ സര്‍ക്കാര്‍ ജീവനക്കാര്‍ക്കിടയില്‍ മുന്‍‌തൂക്കം.
- ന്യൂസ് ഡെസ്ക്
വായിക്കുക: ഇന്ത്യന്‍ രാഷ്ട്രീയം, വിവാദം
ന്യൂഡല്‍ഹി: വിവാദമായ നീര റാഡിയ ടേപ്പുകളില്‍ കൃത്രിമം നടന്നുവെന്ന് കേന്ദ്രസര്‍ക്കാര്‍. ടേപ്പുകള്‍ മാധ്യമങ്ങള്‍ക്ക് ചോര്‍ന്ന് കിട്ടിയതില്‍ സര്‍ക്കാരിന് പങ്കില്ലെന്നും, എന്നാല്‍ മാധ്യമങ്ങള്‍ പുറത്തുവിട്ട നീര റാഡിയയുടെ സംഭാഷണം അടങ്ങിയ ടേപ്പുകളില്‍ കൃത്രിമം നടന്നതെന്ന് കേന്ദ്രസര്‍ക്കാര്‍ മുദ്രവച്ച കവറില്‍ സമര്‍പ്പിച്ച റിപ്പോര്‍ട്ടില്‍ സുപ്രീം കോടതിയെ അറിയിച്ചു. ജസ്റ്റിസ് ജി. എസ്. സിംഗ് അധ്യക്ഷനായ ബഞ്ചിലാണ് കേന്ദ്രസര്‍ക്കാര്‍ റിപ്പോര്‍ട്ട് സമര്‍പ്പിച്ചത്.
- ന്യൂസ് ഡെസ്ക്
വായിക്കുക: ഇന്ത്യ, തട്ടിപ്പ്‌, വിവാദം
കോല്‍ക്കത്ത: പശ്ചിമ ബംഗാളില്‍ മുഖ്യമന്ത്രി മമത ബാനര്‍ജിയും കോണ്‍ഗ്രസ്സും തമ്മില്‍ പോര് രൂക്ഷമായി. മമതക്കെതിരെ രൂക്ഷ വിമര്‍ശനവുമായി രംഗത്ത്‌ വന്ന കോണ്‍ഗ്രസ് മന്ത്രി മനോജ് ചക്രവര്‍ത്തി രാജിവച്ചു. കോണ്‍ഗ്രസ്-തൃണമൂല്‍ തര്‍ക്കത്തെത്തുടര്‍ന്ന് പാര്‍ലമെന്‍ററി കാര്യം, ചെറുകിട വ്യവസായം എന്നീ രണ്ടു വകുപ്പുകള്‍ എടുത്തുമാറ്റിയ ഉടന്‍ മമത ഏകാധിപതിയാണെന്നു മനോജ് ആരോപിച്ചിരുന്നു. ഇതിനു പിന്നാലെയാണ് മനോജിന്‍റെ രാജി. രാജിവയ്ക്കാന്‍ അനുമതി ആവശ്യപ്പെട്ട് മനോജ് കഴിഞ്ഞ ആഴ്ച കോണ്‍ഗ്രസ് ഹൈക്കമാന്‍ഡിന് കത്തയച്ചിരുന്നു. ഭക്ഷ്യസംസ്കരണ മന്ത്രിയായിരുന്ന ഇദ്ദേഹം മുര്‍ഷിദാബാദ് ജില്ലയിലെ ബെഹ്റംപുര്‍ മണ്ഡലത്തില്‍ നിന്നുള്ള എം. എല്‍. എയാണ്. മനോജിന് പകരക്കാരനെ കണ്ടെത്തുന്നത് സംബന്ധിച്ച ചര്‍ച്ചകള്‍ ആരംഭിച്ചിട്ടില്ലെന്ന് കോണ്‍ഗ്രസ് പശ്ചിമബംഗാള്‍ ഘടകം പ്രസിഡന്‍റ് പ്രദീപ് ഭട്ടാചാര്യ പറഞ്ഞു.
- ന്യൂസ് ഡെസ്ക്
വായിക്കുക: ഇന്ത്യന്‍ രാഷ്ട്രീയം, ഇന്ത്യന്‍ രാഷ്ട്രീയ നേതാക്കള്‍, വിവാദം
ജെയ്പൂര്‍ : സല്‍മാന്‍ റഷ്ദി യുടെ “സാത്താനിക് വേഴ്സസ്” എന്ന പുസ്തകത്തിന്റെ നിരോധനത്തോട് പ്രതിഷേധം രേഖപ്പെടുത്തി കൊണ്ട് ജെയ്പൂര്‍ സാഹിത്യ ഉത്സവത്തില്‍ പങ്കെടുത്ത സാഹിത്യകാരന്മാര്‍ പുസ്തകത്തിലെ ഭാഗങ്ങള്‍ പൊതു വേദിയില്‍ വായിച്ചു. ഇത് സര്‍ക്കാര്‍ നിരോധനത്തിന്റെ ലംഘനമാണ് എന്ന് പറഞ്ഞ് പോലീസ്‌ ഇടപെട്ട് നിര്‍ത്തി വെച്ചു. ഉത്സവത്തില്‍ സല്‍മാന്‍ റഷ്ദി പങ്കെടുക്കുന്നതിനെതിരെ ചില മുസ്ലിം സംഘടനകള്‍ പ്രതിഷേധ പ്രകടനങ്ങളുമായി രംഗത്ത്‌ വന്നിരുന്നു. ഇതേ തുടര്‍ന്ന് അവസാന നിമിഷം റഷ്ദി ഉത്സവത്തില്‍ പങ്കെടുക്കുന്നതില്‍ നിന്നും പിന്മാറുകയായിരുന്നു.
- ജെ.എസ്.
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
