 |
 |
 |
 |
 |
 |
 |
 |
 |
 |
 |
 |
 |
 |
കരുനാഗപ്പള്ളിക്കും ശാസ്താംകോട്ടക്കും ഇടയിൽ ചരക്ക് തീവണ്ടി പാളം തെറ്റി. വൈദ്യുത ലൈനുകൾ പൂർണ്ണമായും തകർന്നു.ചൊവ്വാഴ്ച പുലർച്ചെയായിരുന്നു സംഭവം. ഇതിനെ തുടർന്ന് തീവണ്ടി ഗതാഗതം തടസ്സപ്പെടുകയും ചെയ്തു.അപകടത്തിൽ പാളത്തിന്റെ സ്ലീപ്പറുകൾ ഇളകിപ്പോകുകയും ചക്രങ്ങൾ തെറിച്ചു പോകുകയും ചെയ്തു. മറ്റു തീവണ്ടികൾ മണിക്കൂറുകൾ വൈകിയേക്കുമെന്ന് റെയിവേ അറിയിച്ചു.
ചൊവ്വാഴ്ച്ച ഉച്ചയോടെ ഗതാഗതം പൂർണ്ണമായും പുനരാരംഭിക്കാൻ കഴിയുമെന്ന് പ്രതീക്ഷിക്കുന്നു.അപകടത്തിൽ ആർക്കും പരിക്കേറ്റിട്ടില്ല.
- അവ്നി
വായിക്കുക: അപകടം
സൗമ്യ വധക്കേസിൽ ഗോവിന്ദച്ചാമിയുടെ വധശിക്ഷ സുപ്രീം കോടതി റദ്ദാക്കി. തൃശ്ശൂർ അതിവേഗ കോടതിയുടെ വിധിക്കെതിരെ ഗോവിന്ദച്ചാമി നൽകിയ ഹർജിയിലാണ് സുപ്രീം കോടതി വിധി പ്രഖ്യാപിച്ചത്. കൊലപാതകം തെളിയിക്കാൻ പ്രോസിക്യൂഷന് സാധിക്കാത്തതിനാൽ ബലാത്സംഗത്തിനു മാത്രമാണ് ഗോവിന്ദച്ചാമിക്ക് ശിക്ഷ വിധിച്ചത്. അതോടെ ഏഴുവർഷം തടവു മാത്രമായി ശിക്ഷ കുറഞ്ഞു.
2011 ഫെബ്രുവരി 6 നാണ് എറണാകുളത്തെ സ്വകാര്യ സ്ഥാപനത്തിൽ ജോലി ചെയ്തിരുന്ന സൗമ്യ ട്രെയിനിൽ വെച്ച് ബലാത്സംഗത്തിന് ഇരയായി കൊല്ലപ്പെടുന്നത്. സൗമ്യയെ ഗോവിന്ദച്ചാമി ബലാത്സംഗം ചെയ്തിട്ടുണ്ടെന്ന് ശാസ്ത്രീയമായി തെളിയിക്കപ്പെട്ടിട്ടുണ്ടെന്നും സൗമ്യ ട്രെയിനിൽ നിന്നും ചാടി എന്നാണ് സാക്ഷി മൊഴികളെന്നും കോടതി പറഞ്ഞു. ഗോവിന്ദച്ചാമിക്കായി അഡ്വ. ആളൂരാണ് സുപ്രീം കോടതിയിൽ ഹാജരായത്.
- അവ്നി
വായിക്കുക: കുറ്റകൃത്യം, കോടതി
ഇരിട്ടി തില്ലങ്കേരിയിൽ ആർ.എസ്.എസ് പ്രവർത്തകനെ കൊല്ലപ്പെടുത്തിയതിന്റെ പേരിൽ കണ്ണൂർ ജില്ലയിൽ നടക്കുന്ന ഹർത്താൽ പൂർണ്ണം. ഇന്നലെ രാത്രി 9.45 ഓടെയാണ് മാവിലവീട്ടിൽ വിനീഷിനെ ഒരു സംഘം പേർ വാഹനത്തിലെത്തി ബോംബ് എറിയുകയും തുടർന്ന് വെട്ടി കൊലപ്പെടുത്തുകയും ചെയ്തത്.
കൊലപാതകത്തെ തുടർന്ന് തില്ലങ്കേരി, കുണ്ടേരിഞ്ഞാലിൽ തുടങ്ങിയ പ്രദേശങ്ങളിൽ സംഘർഷാവസ്ഥ നിലനിൽക്കുകയാണ്. ഇരിട്ടി ഡി.വൈ.എസ്.പി സ്ഥലം സന്ദർശിച്ചു.
- അവ്നി
വായിക്കുക: കേരള രാഷ്ട്രീയം, രാഷ്ട്രീയ അക്രമം
ഏകീകൃത ഫീസ് അംഗീകരിക്കില്ലെന്ന് സർക്കാറും ഒരു തരത്തിലുള്ള വിട്ടുവീഴ്ചക്കും തയ്യാറല്ലെന്ന് മാനേജ്‌മെന്റുകളും പ്രഖ്യാപിച്ചതോടെ സ്വാശ്രയ മെഡിക്കൽ പ്രവേശനം വഴിമുട്ടി നിൽക്കുന്നു. 50 ശതമാനം സീറ്റുകൾ നേരത്തെയുള്ള ആനുകൂല്യത്തോടെ വേണമെന്ന് ആരോഗ്യമന്ത്രി കെ.കെ.ശൈലജ ആവശ്യപ്പെട്ടു.
ഏകീകൃത ഫീസ് അനുവദിച്ചാൽ മാത്രമെ സീറ്റ് ആനുകൂല്യം അനുവദിക്കുകയുള്ളു എന്ന് മാനേജ്‌മെന്റുകൾ വ്യക്തമാക്കി. ഇതിനിടെ രണ്ട് മെഡിക്കൽ കോളേജുകൾ പ്രവേശനം നിർത്തിവെച്ചു. സർക്കാറും മാനേജ്‌മെന്റുകളും തമ്മിലുള്ള ചർച്ച ഇന്ന് വൈകുന്നേരം വീണ്ടും തുടരും.
- അവ്നി
വായിക്കുക: ആരോഗ്യം
ഐ.എ.എസ് പദവി രാജി വെച്ച് പൊതുപ്രവർത്തന രംഗത്തേക്ക് ചുവടു വെച്ച അൽഫോൺസ് കണ്ണന്താനത്തിന് 5 വർഷത്തിന് ശേഷം ദേശീയ നിർവാഹക സമിതി അംഗത്തിൽ നിന്നും ചണ്ഡീഗഡ് അഡ്മിനിസ്ട്രേറ്ററായി സ്ഥാനക്കയറ്റം. ഇന്ത്യ മാറ്റത്തിന്റെ മുഴക്കം എന്ന തന്റെ ആത്മകഥ പോലെ തനിക്ക് കിട്ടിയ സ്ഥാനം ഉപയോഗിച്ച് രാജ്യത്തെ അത്യുന്നതങ്ങളിൽ എത്തിക്കുക എന്നത് തന്നെയാണ് കണ്ണന്താനത്തിന്റെ ലക്ഷ്യം.
അഴിമതിക്കെതിരെ ശബ്ദമുയർത്തിയും തന്റെ തീരുമാനങ്ങൾ ആരെയും വക വെക്കാതെ നടപ്പാക്കിയും സമൂഹത്തിൽ തന്റേതായ വ്യക്തിമുദ്ര പതിപ്പിച്ച ആളാണ് അൽഫോൺസ് കണ്ണന്താനം. അദ്ദേഹത്തിന്റെ നിയമനം ഏറെ പ്രതീക്ഷയോടെയാണ് ചണ്ഡീഗഡ് നോക്കിക്കാണുന്നത്.
- അവ്നി
വാര്‍ത്തകള്‍ കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
