- ലിജി അരുണ്
വായിക്കുക: എതിര്പ്പുകള്, കുറ്റകൃത്യം, കേരള രാഷ്ട്രീയം, കേരള രാഷ്ട്രീയ നേതാക്കള്, വിവാദം
കൊച്ചി: മമ്മൂട്ടിയും ഏഷ്യാനെറ്റ് ചാനലില് അവതാരകനാകുന്നു. മമ്മൂട്ടി അവതാരകന് ആവുകയാണെങ്കില് അദ്ദേഹത്തെ മലയാളം കമ്മ്യൂണിക്കേഷന്സ് ലിമിറ്റഡിന്റെ ചെയര്മാന് സ്ഥാനത്ത് നിന്ന് മാറ്റണമെന്ന ആവശ്യം ശക്തമായി. ‘കോന് ബനേഗാ ക്രോര്പതി’ എന്ന പരിപാടിയുടെ മാതൃകയില്, മമ്മൂട്ടിയും സുരേഷ് ഗോപിയും പൃഥ്വിരാജും ഒന്നിക്കുന്ന വ്യത്യസ്തമായൊരു ഗെയിം ഷോയാണ് ഏഷ്യാനെറ്റില് ആരംഭിക്കാന് പോകുന്നത്. കോടികള് സമ്മാനമായി നല്കുന്ന ഗെയിംഷോ ആയിരിക്കും ഇത്. ജോണ് ബ്രിട്ടാസിന്റെ സമ്മര്ദ്ദം മൂലമാണ് മമ്മൂട്ടി അവതാരകനാകാന് സമ്മതം മൂളിയത് എന്നാണ് സൂചന. ബ്രിട്ടാസ് കൈരളിയില് നിന്ന് പടിയിറങ്ങിയിട്ടും കൈരളി ചാനല് ചെയര്മാന് മമ്മൂട്ടിയുമായി നല്ല ബന്ധം തുടരുന്നുണ്ട്. എന്നാല് മമ്മൂട്ടി ഏഷ്യാനെറ്റില് അവതാരകന് ആകുന്നതിനെ എതിര്ത്തു കൊണ്ട് പലരും രംഗത്ത് വന്നു കഴിഞ്ഞു. സി. പി. എമ്മിനും ഇക്കാര്യത്തില് അതൃപ്തിയുണ്ട്.
-
വായിക്കുക: എതിര്പ്പുകള്, കേരള രാഷ്ട്രീയം, മാധ്യമങ്ങള്, സിനിമ
തിരുവനന്തപുരം: ഐസ്ക്രീം കേസ് പുനരന്വേഷണം സംബന്ധിച്ച് സുപ്രീംകോടതി അഭിഭാഷകരുടെ നിയമോപദേശം തേടിയതില് തെറ്റൊന്നും കാണുന്നില്ലെന്ന് പ്രതിപക്ഷ നേതാവ് വി. എസ്. ഇടതു സര്ക്കാരിനെതിരെ ഹൈക്കോടതിയുടെ കടുത്ത വിമര്ശം ശ്രദ്ധയില് പെടുത്തിയപ്പോള് ഐസ്ക്രീം കേസ് ഉല്ഭവിച്ച കാലത്ത് അഡ്വക്കറ്റ് ജനറലിനെയും ഡയറക്ടര് ജനറല് ഓഫ് പ്രോസിക്യൂഷനെയും സംബന്ധിച്ച് ആക്ഷേപങ്ങള് ഉയര്ന്നിരുന്നു. അതുകൊണ്ടാണ് സുപ്രീംകോടതി അഭിഭാഷകരുടെ നിയമോപദേശം തേടാന് സര്ക്കാര് തീരുമാനിച്ചത് എന്ന് അച്യുതാനന്ദന് പറഞ്ഞു. എ. ജിയുടെ നിയമോപദേശം നിലവിലുള്ളപ്പോള് തന്നെ നിയമോപദേശം തേടാറുണ്ടെന്നും വി. എസ് മാധ്യമ പ്രവര്ത്തകരുടെ ചോദ്യത്തിന് മറുപടിയായി പറഞ്ഞു.
-
വായിക്കുക: കേരള രാഷ്ട്രീയം, കേരള ഹൈക്കോടതി, പീഡനം, വിവാദം
കൊച്ചി: ഐസ്ക്രീം കേസ് നടത്തിപ്പിന് പുറത്തുള്ള അഭിഭാഷകരുടെ നിയമോപദേശം തേടിയ മുന് വി. എസ് സര്ക്കാരിന് ഹൈക്കോടതിയുടെ കടുത്ത വിമര്ശം. ഔദ്യോഗിക സംവിധാനം ഉണ്ടെന്നിരിക്കെ ഖജനാവില്നിന്നും ലക്ഷങ്ങള് ചെലവാക്കി തെറ്റായ നടപടിയെടുത്തതിന് വി. എസ്. അച്യുതാനന്ദനെതിരെ കേസെടുക്കണമെന്ന് ആവശ്യപ്പെട്ട് കോഴിക്കോട് മാവൂര് സ്വദേശി കൊളക്കാടന് മൂസ നല്കിയ ഹര്ജിയിലാണ് ഇടതു സര്ക്കാരിനെതിരെ ആക്ടിങ് ചീഫ് ജസ്റ്റിസ് സി. എന്. രാമചന്ദ്രന് നായര്, ജസ്റ്റിസ് പി. എസ്. ഗോപിനാഥന് എന്നിവരടങ്ങുന്ന ഡിവിഷന് ബെഞ്ചിന്റെ കുറ്റപ്പെടുത്തല്. അഡ്വക്കറ്റ് ജനറലിനെയും ഡയറക്ടര് ജനറല് ഓഫ് പ്രോസിക്യൂഷനെയും മറികടന്ന് സര്ക്കാര് നിയമോപദേശം തേടുന്നതും അഭിഭാഷകരെ കൊണ്ടുവരുന്നതും തെറ്റായ പ്രവണതയാണെന്ന് കോടതി വാക്കാല് നിരീക്ഷിച്ചു. വി. എസിന് നിയമോപദേശം നല്കിയതിന് 16 ലക്ഷം രൂപയാണ് ഡല്ഹിയിലെ മുതിര്ന്ന അഭിഭാഷകന് ഫീസായി സര്ക്കാരിനോട് ആവശ്യപ്പെട്ടത്. ഈ തുക ആര് കൊടുക്കുമെന്ന് സര്ക്കാര് വ്യക്തമാക്കണമെന്ന് കോടതി ആവശ്യപ്പെട്ടു. അഡ്വക്കറ്റ് ജനറലും നൂറോളം സര്ക്കാര് അഭിഭാഷകരും ഉണ്ടായിരിക്കെയാണ് പുറമെനിന്ന് നിയമോപദേശം തേടിയത്. ഇവിടത്തെ ഔദ്യോഗിക സംവിധാനത്തെ സര്ക്കാര് തന്നെ അവിശ്വസിക്കുന്നത് മോശം കീഴ്വഴക്കം സൃഷ്ടിക്കും-ഡിവിഷന് ബെഞ്ച് ചൂണ്ടിക്കാട്ടി.
-
വായിക്കുക: കേരള രാഷ്ട്രീയം, കേരള ഹൈക്കോടതി, പീഡനം
തിരുവനന്തപുരം: മുന് മന്ത്രിയും കോണ്ഗ്രസ് നേതാവുമായ എം. പി ഗംഗാധരന് അന്തരിച്ചു. തിരുവനന്തപുരത്തെ സ്വകാര്യ ആസ്പത്രിയില് ഉച്ചക്ക് രണ്ടുമണിക്കായിരുന്നു അന്ത്യം. ഉദരസംബന്ധമായ അസുഖത്തെ തുടര്ന്ന് ഒരാഴ്ചയായി തിരുവനന്തപുരത്തെ കിംസ് ആസ്പത്രിയില് ചികിത്സയിലായിരുന്നു.ലീഡര് കരുണാകരന്റെ പക്ഷത്ത് എന്നും അടിയുറച്ചു നിന്ന അദ്ദേഹം കരുണാകനൊപ്പം കോണ്ഗ്രസ് വിടുകയും കഴിഞ്ഞ മാര്ച്ചിലാണ് കോണ്ഗ്രസില് തിരിച്ചെടുത്തത്.
ആറുതവണ നിയമസഭയിലേക്ക് തെരഞ്ഞെടുക്കപ്പെട്ടിട്ടുണ്ട് . 1970ല് നിലമ്പൂര് മണ്ഡലത്തില് നിന്നാണ് ആദ്യമായി നിയമസഭാംഗമായത്. പിന്നീട് തുടര്ച്ചയായി നാലുതവണ നിലമ്പൂര്, പട്ടാമ്പി, പൊന്നാനി മണ്ഡലങ്ങളെ പ്രതിനിധീകരിച്ച് അദ്ദേഹം നിയമസഭയിലെത്തി.
കെ.കരുണാകരന് മന്ത്രിസഭയില് 1982 മുതല് 1986വരെ ജലവിഭവവകുപ്പ് മന്ത്രിയായിരുന്നു. കോണ്ഗ്രസ് പാര്ലമെന്ററി പാര്ട്ടി ഉപനേതാവ്, മലപ്പുറം ഡിസിസി പ്രസിഡന്റ്, കെപിസിസി എക്സിക്യൂട്ടീവ് അംഗം, ജനറല് സെക്രട്ടറി എന്നീ നിലകളിലും പ്രവര്ത്തിച്ചു.
-
വായിക്കുക: കേരള രാഷ്ട്രീയം, ചരമം