തിരുവനന്തപുരം: കുറ്റാരോപിതനായ ഐ. ജി. ടോമിന് തച്ചങ്കരിയെ മാര്ക്കറ്റ് ഫെഡ് എം.ഡിയാക്കിയതും എ.ഡി.ജി.പിയായി സ്ഥാനക്കയറ്റം നല്കാനുളള ഡി.ജി.പിയുടെ ശിപാര്ശയും വിവാദത്തില്. സര്വീസില് തിരിച്ചെടുത്ത ശേഷം തസ്തിക നല്കിയിരുന്നില്ല. സര്വീസില് തിരിച്ചെടുത്തത് തന്നെ ഏറെ വിവാദങ്ങള്ക്ക് വഴി വെച്ചിരുന്നു. എന്നാല് ഈ നീക്കത്തിനെതിരെ കോണ്ഗ്രസിനകത്ത് നിന്ന് തന്നെ ശക്ത മായ എതിര്പ്പുകള് ഉയര്ന്നു കഴിഞ്ഞു. കുറ്റാരോപിതനായ തച്ചങ്കരിയെ ഒരുകാരണവശാലും എ.ഡി.ജി.പിയായി പ്രമോട്ട് ചെയ്യരുതെന്ന് മുതിര്ന്ന കോണ്ഗ്രസ് നേതാവ് വി.എം. സുധീരന് മുഖ്യമന്ത്രിയോട് ആവശ്യപ്പെട്ടു. “തച്ചങ്കരിക്ക് നിയമനം നല്കിയതു ശരിയായില്ല. കളങ്കിത ഉദ്യോഗസ്ഥനെന്ന പേരു വീണ ഉദ്യോഗസ്ഥനാണ് ടോമിന് തച്ചങ്കരിയെന്ന്” സുധീരന് പറഞ്ഞു.
നിലമ്പൂര്: പോത്തിനെ കണ്ട് വിരണ്ടോടിയ ആന കാടു കയറി. രണ്ടു ദിവസമായി കാട്ടില് കഴിയുന്ന കാളിദാസന് എന്ന കൊമ്പനായുള്ള തിരച്ചില് തുടരുകയാണ്. നിലമ്പൂര് വൈലാശ്ശേരി കുറത്തിക്കാട്ട് കാളിമുത്തപ്പന് കാവിലെ കൊമ്പനാണ് കാളിദാസന്. ബുധനാഴ്ച ഉച്ചക്ക് ക്ഷേത്രത്തിനു സമീപമുള്ള പുഴയില് കുളിപ്പിക്കുന്ന തിനിടെയാണ് കാളിദാസന് വിരണ്ടത്. ആ സമയത്ത് പുഴയിലുണ്ടായിരുന്ന പോത്തുകളുടെ സാന്നിധ്യം ആനയെ അസ്വസ്ഥനാക്കി. തുടര്ന്ന് കാട്ടില് കയറിയ ആനയെ തിരികെ കൊണ്ടു വരുവാന് പാപ്പാന്മാരും നാട്ടുകാരും ശ്രമിച്ചെങ്കിലും ആന വഴങ്ങിയില്ല. രാത്രി ആന വനത്തില് ലക്ഷ്യമില്ലാതെ നടക്കുകയായിരുന്നു. ഇതിനിടയില് വനത്തിനു സമീപത്തു കൂടെ റബ്ബര് ടാപ്പിങ്ങിനു പോകുകയായിരുന്ന ദമ്പതികള് ആനയെ കണ്ട് പേടിച്ചോടിയതിനെ തുടര്ന്ന് പരിക്കു പറ്റിയിരുന്നു.
