കോഴിക്കോട് : റവല്യുഷനറി മാര്ക്സിസ്റ്റ് പാര്ട്ടി നേതാവ് ടി. പി. ചന്ദ്രശേഖരനെ വെട്ടിക്കൊന്ന കേസില് മൂന്നു പേർ പോലിസ് കസ്റ്റഡിയിലായതായി സൂചന. എന്നാല് പിടിയിലായവര്ക്ക് കേസുമായി നേരിട്ട് ബന്ധമുണ്ടോ എന്ന് അന്വേഷിച്ചു വരുന്നു. അക്രമികള് സഞ്ചരിച്ച കാര് വാടകക്ക് നല്കിയ കെ. പി. നവീന്ദാസ്, ഇയാളുടെ ബന്ധു ഹാരിസ് എന്നിവരെയാണ് കസ്റ്റഡിയിലെടുത്തത്. മൂന്നാമത്തെ ആള് ആരെന്നു പോലിസ് വ്യക്തമാക്കിയില്ല. എന്നാല് കേസുമായി ബന്ധപ്പെട്ടു വളരെ പ്രധാനപ്പെട്ട തെളിവുകൾ ലഭിച്ചു എന്നും, പ്രതികള് ആരായാലും ഉടന് പിടിയിലാകുമെന്നും ഡി. ജി. പി. മാധ്യമ പ്രവര്ത്തകരോട് പറഞ്ഞു.
