 |
 |
 |
 |
 |
 |
 |
 |
 |
 |
 |
 |
 |
 |
കൊച്ചി: സുപ്രീം കോടതി വിധി മുല്ലപ്പെരിയാര് പ്രശ്നത്തില് കേരളത്തിന്റെ നിലപാടുകള്ക്കേറ്റ തിരിച്ചടിയാണെന്ന് കരുതുന്നില്ലെന്ന് മുഖ്യമന്ത്രി ഉമ്മന് ചാണ്ടി വ്യക്തമാക്കി. ഡാമിന്റെ ജലനിരപ്പ് 120 അടിയായി കുറക്കണമെന്ന ആവശ്യം സുപ്രീം കോടതി തള്ളിയിരുന്നു. പക്ഷെ കേരളത്തിന്റെ പല ആവശ്യങ്ങളും ന്യായമാണെന്ന് കോടതിക്ക് ബോധ്യപ്പെട്ടിട്ടുണ്ട്. മുല്ലപ്പെരിയാര് വിഷയത്തില് കേരളത്തിന് രഹസ്യ അജണ്ടയില്ല. തുടര്ച്ചയായ ഭൂകമ്പം കാരണം ജനങ്ങളിലുണ്ടായ ആശങ്ക സര്ക്കാര് ഏറ്റെടുത്തുവെന്നേയുള്ളൂ മുഖ്യമന്ത്രി പറഞ്ഞു.
-
വായിക്കുക: എതിര്പ്പുകള്, കോടതി, വിവാദം
മൂന്നാര്: ഇടുക്കി ജില്ലയെ തമിഴ്നാടിനോട് ചേര്ക്കണമെന്ന് ആവശ്യപ്പെട്ട് തമിഴ്നാട്ടിലെ രണ്ടു കോണ്ഗ്രസ് എംപിമാര് തിങ്കളാഴ്ച പ്രധാനമന്ത്രിയെ കണ്ടതിനു പിന്നാലെ ഈ ആവശ്യം ഉന്നയിച്ച് തമിഴ് വംശജര് മൂന്നാറില് പ്രകടനം നടത്തി. അഞ്ഞൂറോളം പേര് പ്രകടനത്തില് പങ്കെടുത്തു. പൊലീസിന്റെ അനുമതിയില്ലാതെയായിരുന്നു പ്രകടനം. കോണ്ഗ്രസ് എംപിമാരായ ജെ.എം.ഹാറൂണും എംബിഎസ് സിത്തലുമാണ് കഴിഞ്ഞ ദിവസം പ്രധാനമന്ത്രിയെ കണ്ടത്. ഇവര് പ്രതിരോധമന്ത്രി എ കെ ആന്റണിയുമായും ചര്ച്ച നടത്തിയിട്ടുണ്ടെന്നാണ് റിപ്പോര്ട്ട്. ഇടുക്കി ജില്ലയിലെ ഭൂരിഭാഗം ജനങ്ങളും തമിഴ് സംസാരിക്കുന്ന വരാണെന്നാണ് ഇവര് ഉന്നയിക്കുന്ന വാദം.
-
വായിക്കുക: എതിര്പ്പുകള്, കേരള രാഷ്ട്രീയം, കോടതി, തൊഴിലാളി
തിരുവനന്തപുരം: മുല്ലപ്പെരിയാര് വിഷയത്തില് ഹൈക്കോടതിയില് കേരളത്തിനെതിരെ വിവാദ സത്യവാങ്മൂലം നല്കിയ അഡ്വക്കറ്റ് ജനറല് കെ. പി ദണ്ഡപാണിക്കെതിരെ നടപടി വേണ്ടെന്ന് ഇന്ന് ചേര്ന്ന മന്ത്രിസഭാ യോഗം തീരുമാനിച്ചു. അഡ്വക്കറ്റ് ജനറല് കെ. പി ദണ്ഡപാണി മന്ത്രിസഭാ യോഗത്തില് ഹാജരായി വിശദീകരണം കേട്ടതിനു ശേഷമാണ് തീരുമാനം. എന്നാല് എ. ജി ഹൈക്കോടതിയില് നല്കിയ സത്യവാങ്മൂലത്തിനൊപ്പം അനുബന്ധ സത്യവാങ്മൂലം നല്കാന് തീരുമാനിച്ചിട്ടുണ്ട്. ഇതിനായി മന്ത്രിമാരായ തിരുവഞ്ചൂര് രാധാകൃഷ്ണന് പി. കെ കുഞ്ഞാലിക്കുട്ടി, ആര്യാടന് മുഹമ്മദ്, പി. ജെ ജോസഫ് എന്നിവരടങ്ങുന്ന മന്ത്രിസഭാ ഉപസമിതി രൂപീകരിച്ചു. വിശദീകരണം നല്കുകയായിരുന്നു. സര്ക്കാര് നിലപാട് മാത്രമാണ് താന് കോടതിയെ അറിയിച്ചതെന്നും ജലനിരപ്പും ഡാം സുരക്ഷയും തമ്മില് ബന്ധമില്ലെന്ന് കോടതിയില് പറഞ്ഞിട്ടില്ലെന്നും എ. ജി വ്യക്തമാക്കി. എ. ജിക്കൊപ്പം അഡീഷണല് ചീഫ് സെക്രട്ടറി കെ. ജയകുമാര്, മുല്ലപ്പെരിയാര് സെല് ചെയര്മാര് എം. കെ പരമേശ്വരന് നായര്, ഡിസാസ്റ്റര് മാനേജ്മെന്റ് മേധാവി കെ. ബി വത്സല കുമാരി എന്നിവരും യോഗത്തില് ഹാജരായി വിശദീകരണം നല്കി.
-
വായിക്കുക: എതിര്പ്പുകള്, കേരള രാഷ്ട്രീയം, പരിസ്ഥിതി, വിവാദം
വണ്ടിപ്പെരിയാര്: മുല്ലപ്പെരിയാര് വിഷയത്തില് കേരളത്തിന് അനുകൂലമായ നടപടി സ്വീകരിക്കണമെന്ന് ആവശ്യപെട്ടുകൊണ്ട് പ്രതിപക്ഷ നേതാവ് വി എസ് അച്യുതാനന്ദന് ബുധനാഴ്ച വണ്ടിപ്പെരിയാറിലെ സമരപ്പന്തലില് ഉപവസം തുടങ്ങി. മുല്ലപെരിയറില് അര ഡസനോളം നിരാഹാര സമരങ്ങളാണ് വിവിധ രാഷ്ട്രീയ പാര്ട്ടികളുടെ നേതാക്കള് ഇപ്പോള് നടത്തി കൊണ്ടിരിക്കുന്നത്. ചപ്പാത്തിലെ മുപ്പപ്പെരിയാര് നിരാഹാര സത്യാഗ്രഹ സമരം 11 ദിവസം പിന്നിട്ടു. റിലേ ഉപവാസം 1810 ദിവസം കഴിഞ്ഞു. എം. എല്. എ മാരായ റോഷി അഗസ്റ്റിനും കെ അജിത്തും ചപ്പാത്തിലെ മുല്ലപ്പെരിയാര് സ്ഥിരം സമരപ്പന്തലില് നിരാഹാരം തുടരുകയാണ്. വണ്ടിപ്പെരിയാറില് എസ്. രാജേന്ദ്രന് നടത്തുന്ന ഉപവാസം ആറ് ദിവസം പിന്നിട്ടു. ഇദ്ദേഹത്തിന്റെ ആരോഗ്യസ്ഥിതി കണക്കിലെടുത്ത് പൊലീസ് ആശുപത്രിയിലേക്ക് മാറ്റാന് ശ്രമിച്ചെങ്കിലും സമരസമിതി പ്രവര്ത്തകര് തടഞ്ഞു ചപ്പാത്തില് സമര സമിതി നേതാക്കളുടേയും എം എല് എ മാരുടേയും ഉപവാസം തുടരുകയാണ്. കെ. പി. സി. സി. ജനറല് സെക്രട്ടറി ഇ എം ആഗസ്തി വണ്ടിപ്പെരിയാറില് അനിശ്ചിതകാല ഉപവാസം ആരംഭിച്ചു.
-
വായിക്കുക: എതിര്പ്പുകള്, കേരള രാഷ്ട്രീയം, കേരള രാഷ്ട്രീയ നേതാക്കള്, പരിസ്ഥിതി
തിരുവനന്തപുരം : മുല്ലപ്പെരിയാര് വിഷയത്തില് കേന്ദ്ര സര്ക്കാര് കേരളത്തോടൊപ്പമാണ് എന്ന് മുഖ്യമന്ത്രി ഉമ്മന് ചാണ്ടി അറിയിച്ചു. കേരളത്തിന്റെ ഉല്ക്കണ്ഠ കേന്ദ്രത്തെ അറിയിച്ചപ്പോള് തികച്ചും അനുകൂലമായ നിലപാടാണ് ലഭിച്ചത് എന്ന് അദ്ദേഹം വ്യക്തമാക്കി. പുതിയ അണക്കെട്ട് പണിയുന്നതിനെ തമിഴ്നാട് എന്തിനാണ് എതിര്ക്കുന്നത് എന്നാണ് എല്ലാവരും ചോദിക്കുന്നത്. ജലം പങ്കു വെയ്ക്കുന്നതിനെ കുറിച്ചാണ് ഇപ്പോഴും തര്ക്കങ്ങള് ഉണ്ടാവാറുള്ളത്. എന്നാല് മുല്ലപ്പെരിയാറിന്റെ കാര്യത്തില് ഈ ഒരു ആശങ്കയില്ല. സുപ്രീം കോടതിയെ മാനിക്കുന്നുണ്ടെങ്കിലും ഈ കാര്യത്തില് കാലവിളംബം അനുവദിക്കാനാവില്ല എന്നും അദ്ദേഹം ചൂണ്ടിക്കാട്ടി.
- ജെ.എസ്.
വായിക്കുക: എതിര്പ്പുകള്, കേരള രാഷ്ട്രീയ നേതാക്കള്, ദുരന്തം, പരിസ്ഥിതി, വിവാദം
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
