 |
 |
 |
 |
 |
 |
 |
 |
 |
 |
 |
 |
 |
 |
ലണ്ടന്‍ : വിക്കിലീക്ക്സ്‌ മുഖ്യ പത്രാധിപരായ ജൂലിയന് അസ്സാന്ജെ ലണ്ടന്‍ പോലീസ്‌ സ്റ്റേഷനില്‍ സ്വമേധയാ ഹാജരായി അറസ്റ്റ്‌ വരിച്ചു. അസ്സാന്ജെയുടെ അറസ്റ്റിനായി സ്വീഡന്‍ അറസ്റ്റ്‌ വാറണ്ട് പുറപ്പെടുവിച്ചതിനെ തുടര്‍ന്ന് ഇന്റര്‍പോളും വാറണ്ട് പുറപ്പെടുവിച്ചിരുന്നു. സ്ത്രീ പീഡന കുറ്റത്തിന് യൂറോപ്യന്‍ അറസ്റ്റ്‌ വാറണ്ട് അനുസരിച്ചാണ് അസ്സാന്ജെയെ അറസ്റ്റ്‌ ചെയ്തത് എന്ന് ലണ്ടന്‍ പോലീസ്‌ അറിയിച്ചു.
പത്ര സ്വാതന്ത്ര്യത്തിനു നേരെയുള്ള ആക്രമണമാണ് അസ്സാന്ജെയുടെ അറസ്റ്റ്‌ എന്നാണു വിക്കിലീക്ക്സ്‌ പ്രതികരിച്ചത്.
- ജെ.എസ്.
വായിക്കുക: അമേരിക്ക, ഇന്റര്‍നെറ്റ്‌, പ്രതിഷേധം, മനുഷ്യാവകാശം
Vidyut Kale, a behavioural scientist and corporate trainer based in Mumbai says that she felt that the Indian media has made a mess of the way the WikiLeaks revelations were reported. Sidelining many of the more relevant issues that came to light in the latest expose by WikiLeaks, the Indian media was focusing on the role of the ISI and the Leshkar e Toiba in the Mumbai terror attacks. It was even reported that the diplomatic cables revealed by the WikiLeaks says that the ISI knew that the LeT was planning an attack beforehand, whereas the cable actually speaks about diplomats wondering if the ISI knew about the attack beforehand.
WikiLeaks is a strong movement standing for truth. What is being achieved by such misrepresentation of truth, she asks. The Indian media is working in a “Bollywood” style by sensationalizing news, she added.
Regardless of how the material was obtained, and the legal status of WikiLeaks, the world has a right to know misconduct of governments that they elect. This misconduct is being carried out in their name, in the name of their country. The methods the US is using are in themselves illegal and are being used to suppress the revealing of actions that they would consider illegal if committed against themselves. Even when they dont have a clear law saying that what Julian Assanges did is wrong, they have politicians coming up and inciting people that he is a terrorist. This is shocking. And America is creating a lot of hype about this being an issue of national security and the people are blindly following.
Wikileaks is not illegal, since it has broken no laws. There is no law in the world that can prevent an investigative journalist from publishing material it acquires and making it available to the masses – now law in democracies and countries with modern values, that is. The state of US as either is looking increasingly dubious.
To preserve democratic values, such revelations should be freely discussed in the society and attempts to cover up these should be condemned. India, as the largest democracy in the world, should stand firmly for such journalistic freedom and should not follow suit as per American whims and wishes. Personally I have always felt that America has a huge influence on our fashion, our work culture, and even what we think is good is influenced by the American media.
Even the way Sweden has been dealing the issue is a joke. They have made up a case against him and tried to arrest him and produce him before the court. Its a joke that the Interpol is trying to arrest someone for not using a condom and having sex. Its worse than a government official using his subordinate to buy vegetables,
In the recent times India is so closely complying to all demands by the US and we have been hastily signing deals and treaties with the US. As a protest to this American hegemony, I decided to provide a mirror server to the WikiLeaks website as soon as I heard that they were looking out for mirrors. I set up my own mirror of the WikiLeaks at http://wikileaks.aamjanata.com/
Although my server, which I am using for my business purpose, is located in California in the US, and this may irk the US authorities, I am prepared to take the risk, because it is for a just cause – Vidyut says.
Vidyut Kale is a behavioral scientist who conducts corporate training programmes based in Mumbai. She says she was convinced that if she wanted to be able to sell her business without traveling across this humid city, she needed a web site. Since she couldn’t afford it, she decided to learn how to make it on her own. What happened then is a long journey learning how to make a site, how to make it better, how to add nice functionality, blogs, CMS etc.
Somewhere along this journey, she found her new love – the love of writing, of expressing, sharing and connecting. With time, this began reflecting in the content of her site, and she found herself ready for a blog, “Life as I find it“.
Life As I Find It...
Along with her partner Raka, she also handles adventure activities and provides outdoor support on programmes based on Experiential learning . They also manages the Himalayan Tours and the development of adventure facilities for Wide Aware, their adventure tour company.
- ജെ.എസ്.
വായിക്കുക: അമേരിക്ക, ഇന്റര്‍നെറ്റ്‌, പ്രതിഷേധം, മനുഷ്യാവകാശം, സ്ത്രീ
മുംബൈ : വിക്കി ലീക്ക്സ്‌ വെബ് സൈറ്റ് അടച്ചു പൂട്ടാനുള്ള ശ്രമങ്ങളുമായി അമേരിക്ക മുന്നോട്ട് പോകുന്ന സാഹചര്യത്തില്‍ അഭിപ്രായ സ്വാതന്ത്ര്യത്തിന്റെയും നവ മാധ്യമ പ്രവര്‍ത്തന സങ്കേതത്തിന്റെയും പര്യായമായി മാറിയ വിക്കി ലീക്ക്സ്‌ വെബ് സൈറ്റിന് പിന്തുണയുമായി ഇന്ത്യാക്കാരിയായ വിദ്യുത് കാലെ രംഗത്തെത്തി. ഒരു പക്ഷെ ഇന്ത്യയില്‍ നിന്നും വിക്കി ലീക്ക്സിനു ലഭിക്കുന്ന ആദ്യത്തെ പിന്തുണ ആയിരിക്കും ഇത്.
വിക്കി ലീക്ക്സ്‌ വെളിപ്പെടുത്തലുകള്‍ ഇന്ത്യന്‍ മാധ്യമങ്ങള്‍ കൈകാര്യം ചെയ്ത വിധം ഏറെ നിരാശാ ജനകമായിരുന്നെന്നും ഇതാണ് തന്നെ വിക്കി ലീക്ക്സ്‌ സെര്‍വര്‍ മിറര്‍ ചെയ്യാനായി പ്രേരിപ്പിച്ചത്‌ എന്നും മുംബൈയില്‍ കോര്‍പ്പൊറേറ്റ്‌ പരിശീലകയായ വിദ്യുത് (സോണിയ) പറഞ്ഞു. മുംബൈ ആക്രമണത്തില്‍ ലെഷ്കര്‍ എ തോയ്ബയുടെയും പാക്‌ ചാര സംഘടനയുടെ ബന്ധവും മറ്റുമാണ് ഇന്ത്യന്‍ മാധ്യമങ്ങള്‍ ഏറെ പ്രാധാന്യത്തോടെ ചര്‍ച്ച ചെയ്തത്. പാക്കിസ്ഥാന്‍ ചാര സംഘടനയായ ഐ. എസ്. ഐ. ക്ക് ലെഷ്കര്‍ എ തൊയ്ബയുടെ ആക്രമണത്തെ പറ്റി അമേരിക്കന്‍ നയതന്ത്രജ്ഞര്‍ക്ക് നേരത്തെ അറിയാമായിരുന്നു എന്ന രീതിയില്‍ മാധ്യമങ്ങള്‍ റിപ്പോര്‍ട്ട് ചെയ്തപ്പോള്‍, വിക്കി ലീക്ക്സ്‌ വെളിപ്പെടുത്തിയ രേഖകളില്‍ അമേരിക്കന്‍ നയതന്ത്രജ്ഞര്‍ ഐ. എസ്. ഐ. ക്ക് ഈ കാര്യം അറിയാമായിരുന്നോ എന്ന സംശയം പ്രകടിപ്പിക്കുക മാത്രമായിരുന്നു ചെയ്തത്. വാര്‍ത്തകളെ ഒരു ബോളിവുഡ്‌ ശൈലിയില്‍ വളച്ചൊടിച്ച് മസാല പുരട്ടുന്ന രീതിയാണ് മാധ്യമങ്ങള്‍ അവലംബിച്ചു വരുന്നത്.
സത്യത്തിന് വേണ്ടി നിലകൊള്ളുന്ന വളരെ ശക്തമായ ഒരു മുന്നേറ്റമാണ് വിക്കി ലീക്ക്സ്‌. ഇപ്രകാരം സത്യത്തെ വളച്ചൊടിച്ച് എന്താണ് നമ്മുടെ മാധ്യമങ്ങള്‍ ചെയ്യുന്നത്?
വിക്കി ലീക്ക്സിനെ പ്രതിക്കൂട്ടിലാക്കാന്‍ വ്യക്തമായ നിയമം ഇല്ലാത്ത സാഹചര്യത്തില്‍ അമേരിക്ക സ്വീകരിച്ചിരിക്കുന്ന നിലപാട്‌ തികച്ചും പ്രതിഷേധാര്‍ഹമാണ്. ജൂലിയന് അസ്സാന്ജെ ചെയ്തത് നിയമ വിരുദ്ധമാണോ എന്നതിലല്ല ഈ വിഷയത്തില്‍ അമേരിക്ക സ്വീകരിച്ച നിലപാടുകളാണ് തനിക്ക് ഏറെ ആശങ്കാജനകമായി തോന്നുന്നത്. രാഷ്ട്രീയക്കാരാണ് അസ്സാന്‍ജെയ്ക്കെതിരെ രംഗത്ത്‌ വന്ന് അസ്സാന്ജെയെ ഭീകരന്‍ എന്ന് മുദ്ര കുത്താന്‍ ശ്രമിക്കുന്നത്. ദേശീയ സുരക്ഷയെ ചൊല്ലി ഉയര്‍ത്തുന്ന വാദങ്ങളും ജനം അന്ധമായി ഏറ്റെടുക്കുകയാണ്.
ജനാധിപത്യം സംരക്ഷിക്കപ്പെടാന്‍ ഇത്തരം വിഷയങ്ങള്‍ തുറന്നു ചര്‍ച്ച ചെയ്യപ്പെടുകയാണ് വേണ്ടത്. ഇന്ത്യയും ഈ കാര്യത്തില്‍ തുറന്ന സമീപനം സ്വീകരിക്കണം. അമേരിക്കന്‍ പാത പിന്തുടര്‍ന്ന് സത്യം മൂടി വെയ്ക്കാന്‍ ശ്രമിക്കുകയല്ല വേണ്ടത്. നമ്മുടെ വേഷവിധാനത്തിന്റെ കാര്യത്തിലും, ഭാഷയുടെ കാര്യത്തിലും, സംസ്കാരത്തിന്റെ കാര്യത്തിലുമെല്ലാം അമേരിക്കന്‍ മാധ്യമങ്ങള്‍ ചെലുത്തുന്ന സ്വാധീനം ആശങ്കാജനകമാണ്.
അസ്സാന്ജെയെ അറസ്റ്റ്‌ ചെയ്യാന്‍ സ്വീഡന്‍ സ്വീകരിച്ച വ്യഗ്രതയും അതീവ നിന്ദ്യമാണ്. ഗര്‍ഭ നിരോധന ഉറകള്‍ ഉപയോഗിക്കാത്ത കുറ്റത്തിനാണ് അസ്സാന്‍ജെയ്ക്കെതിരെ ഇപ്പോള്‍ കേസെടുത്തിരിക്കുന്നത്. ഇതില്‍ പരം പരിഹാസ്യമായ ഒരു നിലപാട്‌ എന്താണ് എന്നും വിദ്യുത് ചോദിക്കുന്നു. അമേരിക്ക സ്വീഡനെ ഉപയോഗിച്ച് നടത്തുന്ന ഈ നാടകം മേലുദ്യോഗസ്ഥന്‍ കീഴുദ്യോഗസ്ഥനെ കൊണ്ട് പച്ചക്കറി വാങ്ങുന്നതിലും പരിതാപകരമാണ്.
അടുത്ത കാലത്തായി അമേരിക്ക പറയുന്ന എന്തും കണ്ണുമടച്ച് വിശ്വസിക്കുകയും കരാറുകളില്‍ ഒപ്പിടുകയുമാണ് ഇന്ത്യ ചെയ്തു പോരുന്നത്. ഇതിനെല്ലാമുള്ള പ്രതിഷേധമായി തന്നെയാണ് താന്‍ അമേരിക്കയെ ചൊടിപ്പിക്കാന്‍ സാധ്യതയുള്ള ഈ തീരുമാനത്തില്‍ എത്തുകയും വിക്കി ലീക്ക്സിന്റെ മിറര്‍ സ്ഥാപിക്കാന്‍ സന്നദ്ധയാവുകയും ചെയ്തത്.
തന്റെ ബിസിനസ് ആവശ്യത്തിന് അമേരിക്കയിലെ കാലിഫോര്‍ണിയയില്‍ തന്നെ സ്ഥാപിച്ചിട്ടുള്ള സെര്‍വറില്‍ ആണ് വിക്കി ലീക്ക്സിന്റെ മിറര്‍ സജ്ജമാക്കിയിട്ടുള്ളത്‌ എന്ന് വിദ്യുത് വെളിപ്പെടുത്തുന്നു. http://wikileaks.aamjanata.com/എന്നതാണ് മിറര്‍ സെര്‍വറിന്റെ അഡ്രസ്‌. ഇത് തകര്‍ക്കാനായി അമേരിക്ക തന്റെ സെര്‍വര്‍ അടച്ചു പൂട്ടിയാലും തനിക്ക് പ്രശ്നമില്ല എന്നും ഇവര്‍ അറിയിക്കുന്നു. ഈ അപായം താന്‍ മുന്നില്‍ കാണുന്നുണ്ട്. എന്നാലും തന്റെതായ പ്രതിരോധവുമായി മുന്നോട്ട് പോവാന്‍ തന്നെയാണ് തീരുമാനമെന്നും ഇവര്‍ അറിയിച്ചു.
"ആം ജനതയില്‍" ഒരാളായി വിദ്യുത്
മുംബൈയില്‍ കോര്‍പ്പൊറേറ്റ്‌ പരിശീലകയായ വിദ്യുത് കാലെ “വൈഡ്‌ അവേര്‍” എന്ന സാഹസിക യാത്രകള്‍ സംഘടിപ്പിക്കുന്ന ഒരു വിനോദ സഞ്ചാര കമ്പനിയും നടത്തുന്നുണ്ട്. ഈ ആവശ്യത്തിനായി വെബ് സൈറ്റ് തുടങ്ങിയതിലൂടെ ഇവര്‍ ക്രമേണ ഇന്റര്‍നെറ്റ്‌ സാങ്കേതിക വിദ്യകളില്‍ പരിജ്ഞാനം നേടി. എഴുത്തിലൂടെ സ്വന്തം അഭിപ്രായങ്ങള്‍ ലോകത്തിനു മുന്‍പില്‍ അവതരിപ്പിക്കുവാനായി “ആം ജനത” (സാധാരണ ജനത) എന്ന പേരില്‍ സ്വന്തം ബ്ലോഗ്‌ തുടങ്ങിയ ഇവര്‍ ഇപ്പോള്‍ നല്ല ഒരു വെബ് ഡിസൈനര്‍ കൂടിയാണ്. ടൂര്‍ കമ്പനി നടത്തുന്നുണ്ടെങ്കിലും കുഞ്ഞുണ്ടായത്തിനു ശേഷം താന്‍ കൂടുതലായും വെബ് ഡിസൈനിംഗില്‍ ആണ് ശ്രദ്ധ പതിപ്പിക്കുന്നത് എന്നും ഇവര്‍ പറഞ്ഞു.
Read this in English
- ജെ.എസ്.
വായിക്കുക: അമേരിക്ക, ഇന്റര്‍നെറ്റ്‌, പ്രതിഷേധം, മനുഷ്യാവകാശം, സ്ത്രീ
പാരീസ്‌ : അമേരിക്കയില്‍ നിന്നും പുറത്താക്കപ്പെട്ടതിനെ തുടര്‍ന്ന് മറ്റ് രാജ്യങ്ങളിലെ സെര്‍വറുകളില്‍ അഭയം പ്രാപിക്കാന്‍ നിര്‍ബന്ധിതരായ വിക്കി ലീക്ക്സിന്റെ ഫ്രാന്‍സിലെ സെര്‍വര്‍ അടച്ചു പൂട്ടിക്കാനുള്ള ശ്രമം ഫ്രഞ്ച് കോടതി തടഞ്ഞു. ഫ്രഞ്ച് വ്യവസായ മന്ത്രിയാണ് വെബ് സൈറ്റ് ഹോസ്റ്റ് ചെയ്ത ഓ. വി. എച്ച്. എന്ന കമ്പനിയോട് വിക്കി ലീക്ക്സ്‌ വെബ് സൈറ്റ് അടച്ചു പൂട്ടാന്‍ ആവശ്യപ്പെട്ടത്. അന്താരാഷ്ട്ര നയതന്ത്ര ബന്ധങ്ങള്‍ക്ക്‌ ഭീഷണിയാകുന്ന ഒന്നും വെച്ച് പൊറുപ്പിക്കാന്‍ ഫ്രഞ്ച് സര്‍ക്കാരിന് ആവില്ല എന്നായിരുന്നു കാരണം പറഞ്ഞത്. എന്നാല്‍ തങ്ങള്‍ ഈ വെബ് സൈറ്റിന് അനുകൂലമോ പ്രതികൂലമോ അല്ലെന്ന് വ്യക്തമാക്കിയ വെബ് ഹോസ്റ്റിംഗ് കമ്പനി കോടതിയാണ് ഈ കാര്യത്തില്‍ തീരുമാനം എടുക്കേണ്ടത്‌ എന്ന നിലപാട്‌ എടുത്തതിനെ തുടര്‍ന്നാണ് കേസ്‌ കോടതി പരിഗണിച്ചത്‌.
തങ്ങളുടെ വെബ് സൈറ്റില്‍ ക്രെഡിറ്റ്‌ കാര്‍ഡ്‌ വഴി പണമടച്ച് സെര്‍വര്‍ ഓര്‍ഡര്‍ ചെയ്ത വിക്കി ലീക്ക്സുമായുള്ള കരാര്‍ തങ്ങള്‍ മാനിക്കും എന്നും കമ്പനി വ്യക്തമാക്കി.
wikileaks.org എന്ന പേര് നിരോധിക്കപ്പെട്ടതിനെ തുടര്‍ന്ന് ഇപ്പോള്‍ വിക്കിലീക്ക്സ്‌ wikileaks.ch എന്ന പേരിലാണ് പ്രവര്‍ത്തിക്കുന്നത്. വന്‍ തോതില്‍ സൈബര്‍ ആക്രമണത്തിന് വിധേയമാകുന്ന തങ്ങളുടെ വെബ് സൈറ്റിന്റെ പ്രവര്‍ത്തനം ഉറപ്പു വരുത്താന്‍ ഒട്ടേറെ മിറര്‍ സെര്‍വറുകള്‍ വിക്കി ലീക്ക്സ്‌ ആരംഭിച്ചിട്ടുണ്ട്. വിക്കി ലീക്ക്സിനോട് അനുഭാവം പുലര്‍ത്തുന്ന ഒട്ടേറെ പേര് ഈ ഉദ്യമത്തില്‍ ഇവരെ സഹായിച്ചു.
വെബ് സൈറ്റ് സ്ഥിതി ചെയ്യുന്ന പ്രധാന സെര്‍വര്‍ സൈബര്‍ ആക്രമണത്തിന് വിധേയമായാലും വെബ് സൈറ്റ് ലഭ്യമാകുന്നതിനായി സമാന്തരമായി വെബ് സൈറ്റ് വിവരങ്ങള്‍ ഒരുക്കിയ മറ്റ് സെര്‍വറുകളെയാണ് മിറര്‍ സെര്‍വറുകള്‍ എന്ന് പറയുന്നത്. wikileaks.ch എന്ന പ്രധാന സെര്‍വര്‍ എന്തെങ്കിലും കാരണവശാല്‍ ലഭ്യമല്ലാതായാലും താഴെയുള്ള ലിങ്കുകളില്‍ ഇനി മുതല്‍ വിക്കി ലീക്ക്സ്‌ ലഭ്യമാകും.
വിക്കി ലീക്ക്സ്‌ ലഭ്യമാക്കിയ ചില മിറര്‍ സെര്‍വറുകള്‍ :
–
- ജെ.എസ്.
വായിക്കുക: അമേരിക്ക, ഇന്റര്‍നെറ്റ്‌, പ്രതിഷേധം
വാഷിംഗ്ടണ് : അമേരിക്കന്‍ സര്‍വകലാശാലകളിലെ വിദ്യാര്‍ത്ഥികള്‍ക്ക്‌ ലഭിച്ച താക്കീത്‌ വ്യക്തമാണ് – വിക്കി ലീക്ക്സിനെ കുറിച്ച് ചിന്തിക്കാനേ പാടില്ല. വിക്കി ലീക്ക്സ്‌ വെബ് സൈറ്റ് സന്ദര്‍ശിക്കുവാന്‍ പാടില്ല. വിക്കി ലീക്ക്സ്‌ വെബ് സൈറ്റിനെ കുറിച്ചോ വിക്കി ലീക്ക്സ്‌ പുറത്തു വിട്ട രേഖകളെ കുറിച്ചോ ഓണ്‍ലൈന്‍ ചര്‍ച്ചകള്‍ നടത്താന്‍ പാടില്ല. ഫേസ്ബുക്ക് പോലുള്ള സോഷ്യല്‍ നെറ്റ്വര്‍ക്കിംഗ് സൈറ്റുകളില്‍ വിക്കി ലീക്ക്സിനെ പറ്റി ഒന്നും പരാമര്‍ശിക്കാന്‍ പാടില്ല എന്നിങ്ങനെ ഒട്ടേറെ മുന്നറിയിപ്പുകള്‍ വിദ്യാര്‍ത്ഥികള്‍ക്ക്‌ നല്‍കിയിട്ടുണ്ട്.
വിക്കി ലീക്ക്സിനെ പറ്റി നിങ്ങള്‍ ചര്‍ച്ച ചെയ്യുകയോ ചിന്തിക്കുകയോ പോലും ചെയ്തതായി അധികൃതര്‍ക്ക്‌ തോന്നിയാല്‍ അമേരിക്കയില്‍ ജോലി ലഭിക്കില്ല എന്നാണു ഭീഷണി.
തൊഴിലില്ലായ്മ രൂക്ഷമായി നില്‍ക്കുന്ന അമേരിക്കയില്‍ വിദ്യാര്‍ഥികള്‍ക്ക് ഇടയില്‍ ഈ ഭീഷണി ഏറെ ഫലപ്രദമാകും എന്നാണു അധികൃതരുടെ കണക്കുകൂട്ടല്‍.
വിഷയം ചര്‍ച്ച ചെയ്യിക്കാതെ കണ്ണടച്ച് ഇരുട്ടാക്കാനാണ് അമേരിക്കന്‍ അധികൃതര്‍ ശ്രമിക്കുന്നത് എന്നാണ് ഇതേ പറ്റി വിദ്യാര്‍ഥികള്‍ പറയുന്നത്. പട്ടി ഓടി പോയതിനു ശേഷം പട്ടിക്കൂട് അടച്ചിടുന്ന പോലുള്ള നയമാണ് ഇത് എന്നും ഇവര്‍ പരിഹസിക്കുന്നു.
- ജെ.എസ്.
വായിക്കുക: അമേരിക്ക, പ്രതിഷേധം, മനുഷ്യാവകാശം
വാഷിംഗ്ടണ് : അന്താരാഷ്ട്ര തലത്തില്‍ തങ്ങള്‍ക്ക് ഏറെ നാണക്കേട് ഉണ്ടാക്കിയ വിക്കി ലീക്ക്സ്‌ വെബ് സൈറ്റിനെതിരെ അമേരിക്ക ആഞ്ഞടിക്കുന്നു. അമേരിക്കന്‍ നയതന്ത്ര രേഖകള്‍ പ്രസിദ്ധീകരിച്ച് ദിവസങ്ങള്‍ക്കകം അമേരിക്കയിലെ സെര്‍വറുകളില്‍ നിന്നും വെബ് സൈറ്റ് നീക്കം ചെയ്യപ്പെട്ടു. ആമസോണ്‍ പോലുള്ള വന്‍ വെബ് ഹോസ്റ്റിംഗ് കമ്പനികളെ വരെ അമേരിക്കന്‍ അധികൃതര്‍ സമ്മര്‍ദ്ദം ചെലുത്തി വിക്കി ലീക്ക്സ്‌ വെബ് സൈറ്റ് ഹോസ്റ്റ് ചെയ്യുന്നതില്‍ നിന്നും വിലക്കി. വിക്കി ലീക്ക്സിന്റെ ബാങ്ക് അക്കൌണ്ടുകളും മരവിപ്പിച്ചു. ദക്ഷിണ ഇംഗ്ലണ്ടില്‍ എവിടെയോ ഒളിച്ചു കഴിയുന്ന വിക്കി ലീക്ക്സ്‌ സ്ഥാപകനായ ജൂലിയന് അസ്സാന്ജെയെ പണ്ടെങ്ങോ കെട്ടിച്ചമച്ച ഒരു ലൈംഗിക പീഡന കേസിന്റെ പേരില്‍ അറസ്റ്റ്‌ ചെയ്യാന്‍ അന്താരാഷ്ട്ര പോലീസ്‌ സംഘടനയായ ഇന്റര്‍പോളിനേ കൊണ്ട് ഒരു അന്താരാഷ്ട്ര അറസ്റ്റ്‌ വാറണ്ടും പുറപ്പെടുവിച്ചു.
ജൂലിയന് പീഡിപ്പിച്ചു എന്ന് പറയപ്പെടുന്ന സ്ത്രീകള്‍ തങ്ങള്‍ ഒരിക്കലും ജൂലിയന് എതിരെ പീഡനത്തിന് കേസെടുക്കണം എന്ന് ഉദ്ദേശിച്ചിരുന്നില്ല എന്ന് വ്യക്തമാക്കിയിട്ടുണ്ട്. തങ്ങളുടെ ഇഷ്ടപ്രകാരമാണ് ജൂലിയനുമായി ബന്ധപ്പെട്ടത്‌ എന്നും ഇവര്‍ സമ്മതിച്ചു. കേസ്‌ അന്വേഷിച്ച സ്വീഡിഷ്‌ അധികൃതര്‍ കേസ്‌ നിലനില്‍ക്കത്തക്കതല്ല എന്ന് കണ്ട് കേസ്‌ ഫയല്‍ പൂട്ടിയതായിരുന്നു. എന്നാല്‍ പിന്നീട് അമേരിക്കന്‍ സമ്മര്‍ദ്ദത്തെ തുടര്‍ന്നാവണം ഇപ്പോള്‍ വീണ്ടും കേസ്‌ സജീവമായത് എന്ന് കരുതപ്പെടുന്നു.
സ്വിസ്സ് അധികൃതര്‍ വിക്കി ലീക്ക്സിന്റെ 35 ലക്ഷത്തോളം രൂപയുടെ അക്കൌണ്ട് മരവിപ്പിച്ചപ്പോള്‍ ആമസോണ്‍, പേ പല്‍, എവരി ഡി.എന്‍.എസ്. എന്നീ വന്‍ കിട ഓണ്‍ലൈന്‍ കമ്പനികള്‍ വിക്കി ലീക്ക്സുമായുള്ള തങ്ങളുടെ എല്ലാ ബന്ധങ്ങളും മുറിച്ചു മാറ്റി.
wikileaks.org എന്ന പേര് തന്നെ എവരി ഡി.എന്‍.എസ്. എന്ന കമ്പനി പിന്‍വലിച്ചതിനെ തുടര്‍ന്ന് ഇപ്പോള്‍ wikileaks.ch എന്ന പേരിലാണ് വിക്കി ലീക്ക്സ്‌ പ്രവര്‍ത്തിക്കുന്നത്.
ചൈനയില്‍ വിക്കി ലീക്ക്സ്‌ വെബ് സൈറ്റ് നിരോധിച്ചിട്ടുണ്ട്.
wikileaks.org എന്ന പേരില്‍ ഇപ്പോള്‍ സൈറ്റ് ലഭ്യമല്ല
അമേരിക്കന്‍ നീതി ന്യായ വകുപ്പ്‌ ജൂലിയന് എതിരെ അമേരിക്കന്‍ ചാര പ്രവര്‍ത്തന നിയമം ലംഘിച്ചതിന്റെ പേരില്‍ കേസെടുക്കും എന്ന് പ്രഖ്യാപിച്ചിട്ടുണ്ട്. ഇതിന്റെ നിയമ വശങ്ങള്‍ ഇപ്പോള്‍ പഠിച്ചു വരികയാണ്. 1917 ലെ അമേരിക്കന്‍ ചാരപ്രവര്‍ത്തന നിയമം അമേരിക്കന്‍ സര്‍ക്കാരിന് ഇഷ്ടമില്ലാത്ത എന്തെങ്കിലും പ്രസിദ്ധീകരിക്കുന്നത് കുറ്റകരമാണ് എന്ന് അനുശാസിക്കുന്ന ഭരണഘടനാ വിരുദ്ധമായ നിയമമാണ് എന്നതിനാല്‍ ഇത് സാധാരണ പ്രയോഗിക്കപ്പെടാറില്ല. ഇതാണ് ഇപ്പോള്‍ വിക്കി ലീക്ക്സിനെതിരെ പ്രയോഗിക്കാന്‍ അമേരിക്ക ഒരുങ്ങുന്നത്.
ജൂലിയന് ഒരു അമേരിക്കന്‍ പൌരനോ, അമേരിക്കയില്‍ വസിക്കുന്ന ആളോ അല്ല എന്നത് തങ്ങള്‍ക്ക് പ്രശ്നമല്ല എന്നതാണ് അമേരിക്കയുടെ നിലപാട്‌. ലോക പോലീസ്‌ ചമയാനുള്ള ജോര്‍ജ്‌ ബുഷ്‌ തന്ത്രം ഭരണം മാറിയിട്ടും അമേരിക്ക തുടരുന്നതിന്റെ സൂചനയാണിത്. രാഷ്ട്രീയ കക്ഷികള്‍ക്കും ഭരണ നേതൃത്വങ്ങള്‍ക്കും അതീതമായി നിലനില്‍ക്കുന്ന അമേരിക്കന്‍ നയങ്ങളിലേക്ക് വിരല്‍ ചൂണ്ടുന്നതാണ് ഇപ്പോഴത്തെ സംഭവ വികാസങ്ങള്‍ എന്നതും ശ്രദ്ധേയമാണ്.
- ജെ.എസ്.
വായിക്കുക: അമേരിക്ക, കുറ്റകൃത്യം, പ്രതിഷേധം, മനുഷ്യാവകാശം, യുദ്ധം
ക്വാലാലംപൂര്‍ : പത്താമത്‌ മിസ്‌ എര്ത്ത് സൌന്ദര്യ മല്‍സരത്തില്‍ ഇന്ത്യന്‍ സുന്ദരി നിക്കോള്‍ ഫാരിയ ഭൌമ സുന്ദരി കിരീടം ചൂടി. വിയറ്റ്നാമിലെ വിന്‍ പേള്‍ ലാന്‍ഡില്‍ നടന്ന മല്‍സരത്തില്‍ നിശ എര്ത്ത് ടാലന്റ് മത്സരത്തിലും നിക്കോള്‍ ഒന്നാമതായി. ഈ വര്ഷം ഇന്ത്യയ്ക്ക്‌ ലഭിച്ച ഏക സൌന്ദര്യ പട്ടമാണിത്.
20 കാരിയായ നിക്കോള്‍ ബാംഗ്ലൂര്‍ സ്വദേശിനിയാണ്. പൌരസ്ത്യ – മദ്ധ്യ പൂര്‍വേഷ്യന്‍ ശൈലികള്‍ ഒത്തു ചേര്‍ന്ന ബെല്ലി ഡാന്‍സ്‌ അവതരിപ്പിച്ചാണ് നിക്കോള്‍ മിസ്‌ ടാലന്റ് മല്‍സരത്തില്‍ ഒന്നാമതായത്.
സൌന്ദര്യ മല്‍സരം കൊണ്ട് പിരിച്ചെടുത്ത വന്‍ തുക വിയറ്റ്നാമിലെ പ്രളയ ദുരിത ബാധിതരുടെ സഹായത്തിനായി റെഡ്‌ ക്രോസിന് കൈമാറും എന്ന് സംഘാടകര്‍ അറിയിച്ചു.
- ജെ.എസ്.
ലണ്ടന്‍ : വിക്കി ലീക്ക്സ്‌ സ്ഥാപകന്‍ ജൂലിയന് അസ്സാന്ജെയെ പിടി കൂടാനായി ഇന്റര്‍പോള്‍ റെഡ്‌ നോട്ടീസ്‌ പുറപ്പെടുവിച്ചു. അസ്സാന്‍ജെയ്ക്കെതിരെ സ്വീഡനില്‍ അറസ്റ്റ്‌ വാറണ്ട് ഉള്ളതിനാലാണ് ഇന്റര്‍പോള്‍ റെഡ്‌ നോട്ടീസ്‌ പുറപ്പെടുവിച്ചത്.
അമേരിക്കയെ നാണം കെടുത്തിയ ഒട്ടേറെ രഹസ്യ രേഖകളാണ് വിസില്‍ ബ്ലോവര്‍ (whistleblower) വെബ് സൈറ്റായ വിക്കി ലീക്ക്സ്‌ കഴിഞ്ഞ ദിവസങ്ങളില്‍ പുറത്തു വിട്ടത്. ഇത് അമേരിക്കയെ ഏറെ ചൊടിപ്പിച്ചിരുന്നു.
ഇതിനു പ്രതികാരമായിട്ടാണ് അമേരിക്കന്‍ ചാര സംഘടന അസ്സാന്‍ജെയ്ക്കെതിരെ കള്ളക്കേസ്‌ ചമച്ചത് എന്നാണ് അസ്സാന്ജെയുടെ അഭിഭാഷകന്‍ പറയുന്നത്.
- ജെ.എസ്.
വായിക്കുക: അമേരിക്ക, തീവ്രവാദം, മനുഷ്യാവകാശം, യുദ്ധം
വാഷിംഗ്ടണ് : അമേരിക്കയെ നാണം കെടുത്തിക്കൊണ്ട് വിക്കി ലീക്ക്സ്‌ രണ്ടര ലക്ഷം രഹസ്യ രേഖകള്‍ കൂടി പുറത്തു വിട്ടു. 1966 ഡിസംബര്‍ 28 മുതല്‍ 2010 ഫെബ്രുവരി 28 വരെ ലോകമെമ്പാടുമുള്ള അമേരിക്കന്‍ നയതന്ത്ര ഓഫീസുകളില്‍ നിന്നും വാഷിംഗ്ടണ് ഡി. സി. യിലെ അമേരിക്കന്‍ സ്റ്റേറ്റ്‌ ഡിപ്പാര്‍ട്ട്മെന്റിലേക്ക് അയച്ച കേബിള്‍ സന്ദേശങ്ങളാണ് നവംബര്‍ 28 ഞായറാഴ്ച മുതല്‍ വിക്കി ലീക്ക്സ്‌ പുറത്തു വിട്ടു തുടങ്ങിയത്. വിദേശ രാജ്യങ്ങളില്‍ അമേരിക്ക ചെയ്യുന്ന ഇടപെടലുകളെ കുറിച്ച് ഈ രഹസ്യ രേഖകള്‍ പൊതുജനത്തിന് വ്യക്തമായ ഒരു ചിത്രം നല്‍കും എന്നാണ് വിക്കി ലീക്ക്സ്‌ വെബ് സൈറ്റ് പറയുന്നത്.
അടുത്ത ഏതാനും മാസങ്ങള്‍ കൊണ്ട് ഘട്ടം ഘട്ടമായിട്ടായിരിക്കും ഈ രേഖകള്‍ മുഴുവനായി പ്രസിദ്ധപ്പെടുത്തുക. ഈ രേഖകളില്‍ പരാമര്‍ശിക്കപ്പെടുന്ന കാര്യങ്ങളുടെ ഗൌരവവും ഭൂമിശാസ്ത്രപരമായ വ്യാപ്തിയും കണക്കിലെടുക്കുമ്പോള്‍ ഇവ പ്രസിദ്ധപ്പെടുത്താ തിരിക്കുന്നത് ഇവയോട് ചെയ്യുന്ന അനീതിയായിരിക്കും എന്നും വെബ് സൈറ്റില്‍ വിശദീകരിക്കുന്നു.
അമേരിക്ക സ്വന്തം സഖ്യ കക്ഷികളുടെയും ഐക്യ രാഷ്ട്ര സംഘടനയുടെയും മേലെ നടത്തുന്ന ചാര പ്രവര്‍ത്തനങ്ങള്‍, സ്വന്തം കക്ഷി രാഷ്ട്രങ്ങളില്‍ നടക്കുന്ന മനുഷ്യാവകാശ ലംഘനങ്ങളുടെയും അഴിമതിയുടേയും നേര്‍ക്ക്‌ കണ്ണടയ്ക്കുന്നതും, “നിഷ്പക്ഷ” രാഷ്ട്രങ്ങളുമായി ഉണ്ടാക്കുന്ന പിന്നാമ്പുറ ഇടപാടുകളും, അമേരിക്കന്‍ കോര്‍പ്പൊറേറ്റുകള്‍ക്ക് വേണ്ടി നടത്തുന്ന ഉപജാപങ്ങളും, തങ്ങള്‍ക്ക് വേണ്ടപ്പെട്ടവര്‍ക്ക് അമേരിക്കന്‍ നയതന്ത്രജ്ഞര്‍ ചെയ്തു കൊടുക്കുന്ന സഹായങ്ങളും എല്ലാം ഈ രേഖകള്‍ വെളിവാക്കുന്നു.
അമേരിക്ക ലോകത്തിനു മുന്‍പില്‍ കാഴ്ച വെയ്ക്കുന്ന പരസ്യമായ പ്രതിച്ഛായ അടഞ്ഞ വാതിലുകള്‍ക്ക് പുറകിലെ യഥാര്‍ത്ഥ അമേരിക്കന്‍ മുഖത്തില്‍ നിന്നും എത്ര വ്യത്യസ്തമാണ് എന്ന് ഈ രേഖകള്‍ വെളിപ്പെടുത്തുന്നു. ജനാധിപത്യ രാഷ്ട്രത്തിലെ സര്‍ക്കാരുകള്‍ തങ്ങളുടെ താല്പര്യങ്ങള്‍ പ്രതിഫലിപ്പിക്കണം എന്ന് ആഗ്രഹിക്കുന്ന പൌരന്മാര്‍ യഥാര്‍ത്ഥത്തില്‍ അണിയറയില്‍ നടക്കുന്ന രംഗങ്ങള്‍ കാണേണ്ടതിന്റെ പ്രാധാന്യം ഈ വെളിപ്പെടുത്തലുകള്‍ സാക്ഷ്യപ്പെടുത്തുന്നു.
അമേരിക്കയുടെ ആദ്യത്തെ പ്രസിഡണ്ടായ ജോര്‍ജ്ജ് വാഷിംഗ്ടണ് നുണ പറയാന്‍ കഴിയുമായിരുന്നില്ല എന്നത് ഓരോ അമേരിക്കന്‍ കുട്ടിയേയും പഠിപ്പിക്കുന്നുണ്ട്. എന്നാല്‍ അദ്ദേഹത്തിന്റെ പിന്‍മുറക്കാര്‍ക്ക് ഈ തത്വം എത്രത്തോളം പ്രാവര്‍ത്തികമാക്കാന്‍ കഴിയുന്നുവെന്ന ചോദ്യത്തിന് ഈ രേഖകളുടെ വെളിപ്പെടുത്തലോടെ ഉത്തരമാകുന്നു.
വിക്കി ലീക്ക്സ്‌ ഈ രഹസ്യ രേഖകള്‍ വെളിപ്പെടുത്തുന്നത് ആളുകളുടെ ജീവന് ഭീഷണിയാവും എന്നാണ് അമേരിക്കയുടെ പ്രതികരണം. എന്നാല്‍ കഴിഞ്ഞ നാലു വര്‍ഷമായി തങ്ങള്‍ വെളിപ്പെടുത്തിയ രഹസ്യ രേഖകള്‍ ഒന്നും തന്നെ ഇത് വരെ ഒരാള്‍ക്കും അപകടകരമായി തീര്‍ന്നിട്ടില്ല എന്ന് വിക്കി ലീക്ക്സ്‌ പറയുന്നു.
പരസ്യപ്പെടുത്തുന്നതിന് മുന്‍പ്‌ രേഖകളില്‍ പ്രത്യേകം ശ്രദ്ധ അര്‍ഹിക്കുന്നവ വ്യക്തമാക്കുവാന്‍ അമേരിക്കന്‍ സ്റ്റേറ്റ്‌ ഡിപ്പാര്‍ട്ട്മെന്റിനോട് തങ്ങള്‍ ആവശ്യപ്പെട്ടിരുന്നുവെങ്കിലും അവര്‍ തങ്ങളോട്‌ സഹകരിക്കുവാന്‍ വിസമ്മതിക്കുകയാണ് ഉണ്ടായത്. ഈ രേഖകള്‍ പുറത്തു വിട്ടാല്‍ ഉണ്ടാവുമെന്ന് അമേരിക്ക പറയുന്ന വിപത്തിനേക്കാള്‍ ഈ രേഖകള്‍ പുറത്തു വരുന്നത് തടയുവാനായിരുന്നു അമേരിക്കയ്ക്ക്‌ താല്പര്യം എന്നും വിക്കി ലീക്ക്സ്‌ പറയുന്നു.
യഥാര്‍ത്ഥത്തില്‍ ലോകത്തില്‍ എന്താണ് നടക്കുന്നത് എന്ന അറിവ്‌ നമ്മുടെ തീരുമാനങ്ങളെ സ്വാധീനിക്കുന്നു. അതിനാല്‍ ഈ രേഖകളിലെ വിവരങ്ങള്‍ രാഷ്ട്രീയ പരിഷ്കരണത്തിനും മാറ്റത്തിനും വഴി വെയ്ക്കും. ഈ രേഖകള്‍ മധ്യ പൂര്‍വേഷ്യയില്‍ അസ്ഥിരത സൃഷ്ടിക്കും എന്ന ആരോപണത്തിലും കഴമ്പില്ല. തങ്ങളെ യഥാര്‍ത്ഥത്തില്‍ അമേരിക്ക എങ്ങനെയാണ് കാണുന്നത് എന്ന വ്യക്തമായ ചിത്രം ഈ രാജ്യങ്ങളിലെ ഭരണാധികാരികള്‍ക്ക് ലഭിക്കുന്നതോടെ ന്യായമായ ഒരു പൊതു നിലപാട്‌ സ്വീകരിച്ചു കൊണ്ട് സമാധാന ചര്‍ച്ചകളില്‍ ഏര്‍പ്പെടാന്‍ ഗള്‍ഫ്‌ രാഷ്ട്രങ്ങള്‍ക്ക് സാദ്ധ്യമാവുകയും ഇത് ഈ പ്രദേശത്തെ സമാധാന പ്രക്രിയക്ക്‌ ആക്കം കൂട്ടുകയും ചെയ്യും എന്നും വിക്കി ലീക്ക്സ്‌ പ്രത്യാശ പ്രകടിപ്പിക്കുന്നു.
- ജെ.എസ്.
വായിക്കുക: അമേരിക്ക, കുറ്റകൃത്യം, മനുഷ്യാവകാശം, യുദ്ധം
കാഠ്മണ്ഡു: സി. എന്‍. എന്‍. ഹീറോ ഓഫ് ദ ഇയര്‍ പുരസ്കാരം നേപ്പാളി സ്വദേശിനിയും സാമൂഹ്യ പ്രവര്‍ത്തകയുമായ അനുരാധാ കൊയ്‌രാളയ്ക്ക് ലഭിച്ചു. ലൈംഗിക തൊഴിലാളികളെ പുനരധിവ സിപ്പിക്കുവാന്‍ നടത്തുന്ന പ്രവര്‍ത്തനങ്ങളെ മുന്‍ നിര്‍ത്തിയാണ് അനുരാധ കൊയ്‌രാളയെ തിരഞ്ഞെടുത്തത്. ഒരു ലക്ഷം ഡോളറാണ് സമ്മാ‍നത്തുക. ഓണ്‍ലൈന്‍ വോട്ടെടുപ്പിലൂടെ ആയിരുന്നു സമ്മാനാര്‍ഹയെ നിശ്ചയിച്ചത്.
മൈഥി നേപ്പാള്‍ എന്ന സംഘടനയുടെ നേതാക്കളില്‍ ഒരാളാണ് അനുരാധാ കൊയ്‌രാള.
പല കാരണങ്ങളാല്‍ വേശ്യാ വൃത്തിയിലേക്ക് എത്തപ്പെടുന്ന ആയിര ക്കണക്കിനു സ്ത്രീകളെ ഇവര്‍ അതില്‍ നിന്നും രക്ഷപ്പെടുത്തി പുനരധിവസിപ്പിച്ചിട്ടുള്ള നേപ്പാളിലെ പ്രധാനപ്പെട്ട എന്‍. ജി. ഓ. കളില്‍ ഒന്നാണ് മൈഥി നേപ്പാള്‍.
സി. എന്‍. എന്‍. 2010ലെ ഹീറോ ഓഫ് ദി ഇയര്‍ മല്‍സരത്തില്‍ പങ്കെടുക്കാന്‍ ആഗോള തലത്തില്‍ തെരഞ്ഞെടുക്കപെട്ട പത്തു പേരില്‍ ഇന്ത്യയില്‍ നിന്നും മധുര നിവാസിയായ നാരായണന്‍ കൃഷ്ണനും ഉള്‍പ്പെട്ടിരുന്നു.
- എസ്. കുമാര്‍
വായിക്കുക: പീഡനം, ബഹുമതി, മനുഷ്യാവകാശം, സാമൂഹ്യ-സേവനം, സ്ത്രീ
വാര്‍ത്തകള്‍ കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
