മണി കൗള്‍ അന്തരിച്ചു

July 7th, 2011

mani-kaul-epathram

ന്യൂഡല്‍ഹി: ആധുനിക ഇന്ത്യന്‍ സിനിമയ്‌ക്കു ശ്രദ്ധേയമായ സംഭാവനകള്‍ നല്‍കിയ വിഖ്യാത ഇന്ത്യന്‍ ചലച്ചിത്രകാരന്‍ മണി കൗള്‍ (66) അന്തരിച്ചു. ദീര്‍ഘ കാലമായി ചികിത്സയിലായിരുന്നു. നവീന ആശയങ്ങള്‍ ഇന്ത്യന്‍ സിനിമയില്‍ കൊണ്ടു വരുന്നതില്‍ നിര്‍ണായ പങ്ക്‌ വഹിച്ചയാളായാണു കൗള്‍ അറിയപ്പെടുന്നത്‌. 1969-ല്‍ പുറത്തിറങ്ങിയ കന്നിച്ചിത്രമായ ‘ഉസ്‌കി റോട്ടി’ ഏറെ ശ്രദ്ധ നേടിയിരുന്നു. ഈ ചിത്രം മികച്ച ചിത്രത്തിനുള്ള ഫിലിം ക്രിട്ടിക്‌സ് അവാര്‍ഡ്‌ നേടി. ആഷാഡ്‌ കാ ഏക്‌ ദിന്‍, ദുവിധ, ഇഡിയറ്റ്‌ എന്നീ അദ്ദേഹത്തിന്റെ ചിത്രങ്ങളും നിരവധി പുരസ്കാരങ്ങള്‍ കരസ്‌ഥമാക്കി. സിദ്ധേശ്വരി എന്ന ചിത്രം 1989ല്‍ മികച്ച ഡോക്യുമെന്ററിക്കുള്ള ദേശീയ അവാര്‍ഡ്‌ നേടി.

-

വായിക്കുക: , , ,

അഭിപ്രായം എഴുതുക »

നടന്‍ വിനീത് ഹിജഡയായി അഭിനയിക്കുന്നു

May 22nd, 2011

queens destiny of dance-epathram

മുംബൈ: ഡേവിഡ് ആസ്കിന്‍സ് സംവിധാനം ചെയ്യുന്ന ‘ക്വീന്‍സ് ഡെസ്റ്റിനി ഓഫ് ഡാന്‍സ്’ എന്ന ഹിന്ദി ചിത്രത്തില്‍ നടന്‍ വിനീത് ഹിജഡയുടെ വേഷത്തില്‍ അഭിനയിക്കുന്നു. ചിത്രത്തില്‍ മുക്ത എന്ന നൃത്തകിയായ ഹിജഡയായി വിനീത് വേഷമിടുന്നു. വിനീതിന്റെ രണ്ടാമത്തെ ഹിന്ദി ചിത്രമാണിത്. അര്‍ച്ചനാ ഗുപ്തയാണ് ഇതില്‍ നായിക. ഭൂലന്‍ ദേവിയായി  തിളങ്ങിയ സീമ ബിശ്വാസും ചിത്രത്തില്‍ മറ്റൊരു പ്രധാനവേഷത്തില്‍ അഭിനയിക്കുന്നു. ആഡംബര ജീവിതം നയിക്കുന്ന ഏതാനും ഹിജഡകളുടെ കഥ പറയുന്ന ഈ സിനിമ മുഖ്യമായും രാജസ്ഥാനില്‍ ആണ് ചിത്രീകരിച്ചിരിക്കുന്നത്. ജയ്പൂര്‍, മുംബൈ എന്നിവടങ്ങളിലായി ചിത്രം ഏതാണ്ട് പൂര്‍ത്തിയായിക്കഴിഞ്ഞു.

ഭൂല്‍ ഭുലൈയ്യ എന്ന ചിത്രത്തിലാണ് വിനീത് ആദ്യമായി ഹിന്ദിയില്‍ അഭിനയിച്ചത്. പ്രിയദര്‍ശന്‍ സംവിധാനം ചെയ്ത ഈ ചിത്രം മലയാള സിനിമയായ മണിച്ചിത്രത്താഴിന്റെ ഹിന്ദി പകര്‍പ്പായിരുന്നു. നര്‍ത്തകനായ രാമനാഥന്റെ വേഷം ആയിരുന്നു ഇതില്‍ വിനീതിന്. കാല്‍ച്ചിലമ്പ്, ഐഡിയല്‍ കപ്പിള്‍സ് എന്നെ ചിത്രങ്ങളാണ് വിനീതിന്റെ ഏറ്റവും പുതിയ മലയാളം ചിത്രങ്ങള്‍

- ലിജി അരുണ്‍

വായിക്കുക:

അഭിപ്രായം എഴുതുക »

സിനിമയ്ക്കു വേണ്ടി നഗ്നയാകില്ല : പൂനം പാണ്ഡെ

April 17th, 2011

poonam-pandey-epathram

മുംബൈ : ലോകകപ്പ് ക്രിക്കറ്റിന്റെ ഫൈനലില്‍ ഇന്ത്യ വിജയിച്ചാല്‍ നഗ്നയാകുമെന്ന് പ്രഖ്യാപിച്ച മോഡല്‍ പൂനം പാണ്ഡെ സിനിമയില്‍ നഗ്നയാകാന്‍ ഇല്ലെന്ന് വ്യക്തമാക്കി. ഇന്ത്യന്‍ ടീം വിജയിച്ചാല്‍ നഗ്നയാകുമെന്ന വാര്‍ത്ത ഏറേ മാധ്യമ ശ്രദ്ധ പിടിച്ചു പറ്റിയിരുന്നു. ഇതിന്റെ ഭാഗമായുള്ള പബ്ലിസിറ്റി മുതലെടുക്കുവാന്‍ ബോളിവുഡ് സിനിമകളില്‍ നിന്നും പൂനത്തെ തേടി ധാരാളം ഓഫറുകള്‍ വന്നിരുന്നു.
poonam-pandey-indian-team-epathram
എന്നാല്‍ സിനിമയില്‍ മറ്റു നടിമാരെ പോലെ മാത്രമേ താനും ശരീര പ്രദര്‍ശനം നടത്തൂ എന്ന് അവര്‍ വ്യക്തമാക്കി. പണത്തിനു വേണ്ടിയല്ല രാജ്യത്തിനു വേണ്ടിയാണ് നഗ്നകാകുന്നത് എന്നായിരുന്നു പൂനത്തിന്റെ വിശദീകരണം.

പൂനത്തിനെതിരെ ചില സംഘടനകള്‍ പ്രതിഷേധവുമായി രംഗത്തെത്തിയിരുന്നു. പക്ഷെ, ഫൈനലില്‍ ഇന്ത്യ വിജയിച്ചെങ്കിലും പൂനം നഗ്നയായില്ല. അവര്‍ ആ സമയത്ത് ഓപ്പറേഷനെ തുടര്‍ന്ന് ആശുപത്രിയില്‍ ആയിരുന്നു എന്നും ടീമിനു വേണ്ടി ഇന്ത്യക്കു വെളിയില്‍ പാരീസിലോ മറ്റോ വച്ച് നഗ്നയാകുവാന്‍ പൂനം തയ്യാറാണെന്നും അവരുമായി ബന്ധപ്പെട്ട വൃത്തങ്ങള്‍ വ്യക്തമാക്കിയിരുന്നു.

- എസ്. കുമാര്‍

വായിക്കുക: , ,

അഭിപ്രായം എഴുതുക »

വിദ്യാ ബാലനോടൊപ്പം എര്‍ത്ത്‌ അവര്‍

March 26th, 2011

vidya-balan-earth-hour-plus-epathram

മുംബൈ : ബോളിവുഡ്‌ നടി വിദ്യാ ബാലന്‍ ഇന്ത്യയിലെ എര്‍ത്ത്‌ അവര്‍ ആചരണത്തിന് പിന്തുണയുമായി എത്തി. ഇന്ത്യയിലെ എര്‍ത്ത്‌ അവര്‍ പരിപാടികള്‍ക്ക്‌ ചുക്കാന്‍ പിടിക്കുന്ന വേള്‍ഡ്‌ വൈഡ്‌ ഫണ്ട് ഫോര്‍ നേച്ചര്‍ ഇന്ത്യ (WWF-India World Wide Fund for Nature – India) മുംബയില്‍ സംഘടിപ്പിച്ച പത്ര സമ്മേളനത്തില്‍ എര്‍ത്ത്‌ ഹവര്‍ ലോഗോയില്‍ വിദ്യയുടെ വക ഒരു അധിക ചിഹ്നം (+) നല്‍കി.

vidya-balan-earth-hour-epathram

എര്‍ത്ത്‌ അവര്‍ ആചരിക്കുന്ന 60 മിനിട്ടുകള്‍ക്ക് ശേഷവും ഈ പ്രതിബദ്ധത ജീവിതത്തില്‍ തുടരാനായി ദിവസേന പരിസ്ഥിതിയെ സഹായിക്കുന്ന ഒരു കാര്യമെങ്കിലും ചെയ്യുക എന്ന സന്ദേശമാണ് ധനാത്മകതയുടെ ഈ + ചിഹ്നം കൊണ്ട് ഉദ്ദേശിക്കുന്നത് എന്ന് വിദ്യ പറയുന്നു.

- ജെ.എസ്.

വായിക്കുക: , , ,

അഭിപ്രായം എഴുതുക »

ഹേമമാലിനി രാജ്യസഭയിലേക്ക്

March 5th, 2011

hemamalini-epathram

തിരുവനന്തപുരം: ബോളിവുഡിലെ ഡ്രീം ഗേളും, ബി. ജെ. പി. യുടെ പ്രമുഖ നേതാവുമായ ഹേമ മാലിനിയെ കര്‍ണ്ണാടകത്തില്‍ നിന്നും രാജ്യ സഭയിലേക്ക് തിരഞ്ഞെടുത്തു. കോണ്‍ഗ്രസ് സ്ഥാനാര്‍ഥിയും പ്രമുഖ കന്നഡ സാഹിത്യ കാരനുമായ മ‌രുല സിദ്ധപ്പയ്ക്കെതിരെ 94 നെതിരെ 106 വോട്ടുകള്‍ നേടിയാണ് അവര്‍ വിജയിച്ചത്. 2012 വരെ ആണ് രാജ്യ സഭയിലെ കാലാവധി. ബി. ജെ. പി. യുടെ ദേശീയ വൈസ് പ്രസിഡണ്ട് കൂടിയായ ഹേമമാലിനി മുന്‍‌പ് 2003 മുതല്‍ 2009 വരെ ബി. ജെ. പി. യുടെ രാജ്യ സഭാംഗമായി ഇരുന്നിട്ടുണ്ട്. രാജ്യ സഭാംഗമായ എം. രാജശേഖര മൂര്‍ത്തി അന്തരിച്ച ഒഴിവിലേക്കാണ് തിരഞ്ഞെടുപ്പ് നടന്നത്.

- എസ്. കുമാര്‍

വായിക്കുക: , ,

അഭിപ്രായം എഴുതുക »

10 of 10« First...8910

« Previous Page « സനൂഷ ദിലീപിന്‍റെ നായികയാവുന്നു
Next » പി. ജെ. ആന്റണി »



ജോണ്‍ എബ്രഹാം സ്മാരക ഹ്രസ...
രജനികാന്ത് ചിത്രത്തിൽ മഞ്...
“നിങ്ങള്‍ നനയുമ്പോള്‍ എനി...
ഹൊറര്‍ ചിത്രത്തിലൂടെ തമന്...
'ഞാന്‍ പന്ത്രണ്ടാം ക്ലാസു...
'ലൂസിഫറി'ന് ശേഷം ‘ഉണ്ട’; ...
ഗിരീഷ് കര്‍ണാട് അന്തരിച്ച...
എവിടെ ജോണ്‍?...
ജോസ് പ്രകാശിന് ജെ. സി ഡാ...
നടന്‍ ജഗതിശ്രീകുമാറിനു കാ...
ബാരി മികച്ച ചിത്രം; വിദ്യ...
ജോണ്‍ അബ്രഹാം പ്രത്യേക പു...
പത്മശ്രീ ഭരത് ഡോക്ടര്‍ സര...
പ്രണയം : മലയാളിയുടെ ലൈംഗി...
ബ്ലെസിയുടെ ‘പ്രണയം’ കോപ്...
കോളിളക്കം വീണ്ടും വരുന്നു...
എം. ജി. ശ്രീകുമാറും പാട്ട...
പ്രാഞ്ചിയേട്ടന്‍റെ ഒന്നാം...
ആദാമിന്റെ മകന്‍ അബുവിനു വ...
നടി ശ്വേതാ മേനോന്‍ വിവാഹി...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine