ചലച്ചിത്ര സംവിധായകന്‍ ശശി മോഹന്‍ അന്തരിച്ചു

October 1st, 2012
ചെന്നൈ: ചലച്ചിത്ര-സീരിയല്‍ സംവിധായകന്‍ ശശി മോഹന്‍ (56) അന്തരിച്ചു. കരള്‍ രോഗത്തെ തുടര്‍ന്ന് കോടമ്പാക്കത്തെ ഭാരതീശ്വര്‍ കോളനിയില്‍ ഉള്ള വസതിയില്‍ വച്ചായിരുന്നു അന്ത്യം. ശ്രീജിത്ത് രവിയെ നായകനക്കി ഓടുതളം എന്ന ചിത്രമാണ് അവസാനമായി സംവിധാനം ചെയ്ത ചിത്രം. കണ്ണൂര്‍ എടക്കാട് സ്വദേശിയായ ശശി മോഹന്‍ എ.ബി.രാജ്, ഐ.വി.ശശി, ഹരിഹരന്‍, ശശികുമാര്‍ തുടങ്ങിയവരുടെ സംവിധാന സഹായിയായിട്ട് പ്രവര്‍ത്തിച്ചിട്ടുണ്ട്. തിലകം, മിസ് ഇന്ത്യ, മൂക്കില്ലാ രാജ്യത്ത് മുറിമൂക്കന്‍ രാജാവ്,ചുവന്ന കണ്ണുകള്‍,നൂറ്റൊന്ന് രാവുകള്‍ തുടങ്ങിയ മലയാളം സിനിമകളും മാപ്പിളൈ വന്താച്ച്, ഭദ്രകാളിയമ്മന്‍ തുടങ്ങി മുപ്പതോളം സിനിമകള്‍ ഇദ്ദേഹ് സംവിധാനം ചെയ്തിട്ടുണ്ട്. ശ്രീരഞ്ജിനിയാണ് ഭാര്യ. വിഷ്ണു, ശ്രീബാല എന്നിവര്‍ മക്കളാണ്. മൃതദേഹം ജന്മനാടായ കണ്ണൂരിലെ എടക്കാട്ട് ചൊവ്വാഴ്ച സംസ്കരിക്കും.

- എസ്. കുമാര്‍

വായിക്കുക: ,

അഭിപ്രായം എഴുതുക »

ടി. എ. ഷാഹിദ് അന്തരിച്ചു

September 29th, 2012

ta-shahid-epathram

കോഴിക്കോട് : പ്രശസ്ത സിനിമാ തിരക്കഥാകൃത്ത് ടി. എ. ഷാഹിദ് അന്തരിച്ചു. ബാലേട്ടൻ‍, രാജമാണിക്യം തുടങ്ങിയ ഹിറ്റ്‌ സിനിമകളുടെ തിരക്കഥ രചിച്ചത് ഷാഹിദ് ആയിരുന്നു. ടി. എ. റസാക്കിന്റെ സഹോദനാണ്. കോഴിക്കോട്ടെ സ്വകാര്യ ആശുപത്രിയില്‍ ആയിരുന്നു അന്ത്യം.

- ഫൈസല്‍ ബാവ

വായിക്കുക: ,

അഭിപ്രായം എഴുതുക »

ബാച്ചിലര്‍ പാര്‍ട്ടി കണ്ടവര്‍ കുടുങ്ങി

September 8th, 2012

agent-jadoo-epathram

തിരുവനന്തപുരം: അമല്‍ നീരദ് സംവിധാനം ചെയ്ത മലയാള ചലച്ചിത്രം ‘ബാച്ചിലര്‍ പാര്‍ട്ടി‘ ഇന്റര്‍നെറ്റില്‍ അപ്‌ലോഡ് ചെയ്യുകയും ഷെയര്‍ ചെയ്യുകയും കാണുകയും ചെയ്തവര്‍ കുടുങ്ങി. ജാദു എന്ന പ്രത്യേക സോഫ്‌റ്റ് വെയറിന്റെ സഹായത്താലാണ് ലോകത്തിന്റെ വിവിധ ഭാഗങ്ങളില്‍ നിന്നായി അനധികൃതമായി ബാച്ചിലര്‍ പാര്‍ട്ടി എന്ന ചിത്രം അപ്‌ലോഡ് ചെയ്യുകയും ആസ്വദിക്കുകയും ചെയ്തവരെ കണ്ടെത്തിയത്.

ചിത്രത്തിന്റെ ഡി. വി. ഡി. ഫയല്‍ ഇന്റര്‍നെറ്റില്‍ അപ്‌ലോഡ് ചെയ്തവരില്‍ 16 പേരെ പ്രതികളാക്കി എഫ്. ഐ. ആര്‍. ആന്റി പൈറസി സെല്‍ കോടതിയില്‍ സമര്‍പ്പിച്ചു. ചിത്രത്തിന്റെ ഡി. വി. ഡി. റിലീസായതിന്റെ തൊട്ടടുത്ത ദിവസങ്ങളില്‍ ഇന്റര്‍നെറ്റില്‍ നിന്നും വ്യാജ പതിപ്പ് കണ്ടത് ഏതാണ്ട് 33,000 പേരാണ്. ഇതില്‍ 1010 പേര്‍ ഡൌണ്‍ലോഡ് ചെയ്യുകയും ചെയ്തിട്ടുണ്ട്. ജാദുവിന്റെ സഹായത്താല്‍ ചിത്രം കണ്ട ആയിരകണക്കിന് ഐ. പി. അഡ്രസ്സുകളാണ്‌ ശേഖരിച്ചത്. ഇതില്‍ നിന്നും ഐ. പി. ഉടമകളെ കണ്ടെത്തുവാന്‍ കഴിയും.

പ്രമുഖ സിനിമാ നിർമ്മാതാവും നടനുമായ പ്രകാശ് ബാരെയുടെ നേതൃത്വത്തിൽ വികസിപ്പിച്ച ജാദു എന്ന സോഫ്‌റ്റ്വെയറിന്റെ സേവനം ആരംഭിച്ചത് ഏതാനും മാസങ്ങൾ മുൻപാണ്. അനധികൃതമായി ഇന്റര്‍നെറ്റില്‍ സിനിമകള്‍ അപ്‌ലോഡ് ചെയ്യുന്നത് സിനിമാ വ്യവസായത്തിനു വന്‍ ഭീഷണിയായി മാറിക്കൊണ്ടിരിക്കുകയാണ്. ബോക്സോഫീസില്‍ രമ്യാ നമ്പീശൻ, പത്മപ്രിയ തുടങ്ങിയവരുടെ ഐറ്റം ഡാന്‍സ് ചിത്രത്തിന്റെ ഹൈലൈറ്റ് ആയിരുന്നു എങ്കിലും ബാച്ചിലര്‍ പാര്‍ട്ടി വന്‍ വിജയം ആയിരുന്നില്ല. ചിത്രത്തിന്റെ സി. ഡി. പുറത്തിറക്കിയ കമ്പനിയാണ് അനധികൃതമായി ഇന്റര്‍നെറ്റില്‍ ചിത്രത്തിന്റെ കോപ്പികള്‍ ഷെയര്‍ ചെയ്യുകയും അപ്‌ലോഡ് ചെയ്യുകയും ചെയ്തവര്‍ക്കെതിരെ ജാദുവിന്റെ സഹായം തേടിയത്.

- ജെ.എസ്.

വായിക്കുക: , ,

1 അഭിപ്രായം »

ചാപ്റ്റേഴ്സ് ഒക്ടോബറിൽ വരുന്നു

September 7th, 2012

chapters-nivin-pauly-gauthami-nair-epathram

ക്യാമ്പസ് ഓക്സ്, കുർബാൻ ഫിലിംസ് (ഷഫീർ സേഠ്) എന്നിവർ ചേർന്ന് നിർമ്മിക്കുന്ന ചാപ്റ്റേഴ്സ് ഒക്ടോബറിൽ പുറത്തിറങ്ങും. നവാഗത സംവിധായകനായ സുനിൽ ഇബ്രാഹിം കഥ എഴുതി സംവിധാനം ചെയ്ത ചാപ്റ്റേഴ്സിൽ പ്രമുഖ വേഷങ്ങളിൽ ശ്രീനിവാസൻ, കെ. പി. എ. സി. ലളിത, നിവിൻ പോളി, ഹേമന്ത്, ഗൌതമി നായർ, ലെന എന്നിവരാണ് അഭിനയിക്കുന്നത്. വി. ആർ. വിപി ആണ് തിരക്കഥ. ക്യാമറ ക്രിഷ് കൈമൾ, എഡിറ്റിങ്ങ് വി. സാജൻ. റഫീൿ അഹമ്മദിന്റെ ഗാനങ്ങൾക്ക് സംഗീതം പകർന്നത് മെജോ ജോസഫ് ആണ്.

- ജെ.എസ്.

വായിക്കുക: , ,

അഭിപ്രായം എഴുതുക »

സംവിധാനം റസൂല്‍ പൂക്കുട്ടി, അഭിനയിക്കുന്നത് ബിഗ്ബി

August 30th, 2012

rasool-pookkutty-epathram
മലയാളിയായ ഓസ്കാര്‍ അവാര്‍ഡ് ജേതാവ് റസൂല്‍ പൂക്കുട്ടി സംവിധായകനാകുന്നു. ചിത്രത്തില്‍ പാക്കിസ്ഥാന്‍ പൌരന്റെ വേഷത്തില്‍  അമിതാഭ് ബച്ചന്‍ അഭിനയിക്കുമെന്ന് റിപ്പോര്‍ട്ട്. പശ്ചാത്തല സംഗീതത്തിന് ഇന്ത്യയുടെ പേര് ലോകത്തിന്റെ  നെറുകയില്‍ എത്തിച്ച റസൂല്‍ പൂക്കുട്ടി സംവിധാനം ചെയ്യുന്ന പ്രഥമ ചിത്രമാണ് ഇത്. കഥാപാത്രത്തെക്കുറിച്ച് ബിഗ്ബിയുമായി സംസാരിച്ചു കഴിഞ്ഞുവെന്നും പൂക്കുട്ടിയെ ഉദ്ധരിച്ച് മുംബൈ മിറര്‍ റിപ്പോര്‍ട്ട് ചെയ്തു. ഇന്ത്യ പാക്കിസ്ഥാന്‍ അതിര്‍ത്തിക്കിടയിലെ കഥ പറയുന്ന ചിത്രം ഒരു രാഷ്ട്രീയ ചിത്രമല്ലെന്നും തികച്ചും വ്യത്യസ്തമായ ഒരു കഥ പറയാനാണ് ശ്രമിക്കുന്നതെന്നും റസൂല്‍ പറഞ്ഞു. അദ്ദേഹത്തിന്റെ തന്നെ സുഹൃത്തായ അമിതാഭ് സിങ്ങിന്റെയാണ് തിരക്കഥ. മറ്റു കഥാപാത്രങ്ങള്‍ ആരോക്കെ ചെയ്യുന്നതെന്നും, ഏതെല്ലാം ഭാഷകളില്‍ എടുക്കുന്നു എന്നൊന്നും റസൂല്‍ പൂക്കുട്ടി വ്യക്തമാക്കിയില്ല.

- ഫൈസല്‍ ബാവ

വായിക്കുക: ,

Comments Off on സംവിധാനം റസൂല്‍ പൂക്കുട്ടി, അഭിനയിക്കുന്നത് ബിഗ്ബി

20 of 36« First...10...192021...30...Last »

« Previous Page« Previous « മമ്മൂട്ടി രഞ്ജിത്ത് ടീം വീണ്ടും
Next »Next Page » ചലച്ചിത്ര നിര്‍മ്മാതാവ് വിന്ധ്യന്‍ അന്തരിച്ചു »



ജോണ്‍ എബ്രഹാം സ്മാരക ഹ്രസ...
രജനികാന്ത് ചിത്രത്തിൽ മഞ്...
“നിങ്ങള്‍ നനയുമ്പോള്‍ എനി...
ഹൊറര്‍ ചിത്രത്തിലൂടെ തമന്...
'ഞാന്‍ പന്ത്രണ്ടാം ക്ലാസു...
'ലൂസിഫറി'ന് ശേഷം ‘ഉണ്ട’; ...
ഗിരീഷ് കര്‍ണാട് അന്തരിച്ച...
എവിടെ ജോണ്‍?...
ജോസ് പ്രകാശിന് ജെ. സി ഡാ...
നടന്‍ ജഗതിശ്രീകുമാറിനു കാ...
ബാരി മികച്ച ചിത്രം; വിദ്യ...
ജോണ്‍ അബ്രഹാം പ്രത്യേക പു...
പത്മശ്രീ ഭരത് ഡോക്ടര്‍ സര...
പ്രണയം : മലയാളിയുടെ ലൈംഗി...
ബ്ലെസിയുടെ ‘പ്രണയം’ കോപ്...
കോളിളക്കം വീണ്ടും വരുന്നു...
എം. ജി. ശ്രീകുമാറും പാട്ട...
പ്രാഞ്ചിയേട്ടന്‍റെ ഒന്നാം...
ആദാമിന്റെ മകന്‍ അബുവിനു വ...
നടി ശ്വേതാ മേനോന്‍ വിവാഹി...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine