സെ​ന്‍റ് ജോ​ർ​ജ്ജ് ഓ​ർ​ത്ത​ഡോ​ക്സ് ദേ​വാ​ല​യ​ത്തി​ന്‍റെ ശി​ലാ​ സ്ഥാ​പ​നം നിര്‍വ്വഹിച്ചു

December 29th, 2022

foundation-stone-laying-of-st-george-orthodox-church-ePathram
അബുദാബി : മലങ്കര ഓർത്തഡോക്സ് സുറിയാനി സഭയുടെ അബുദാബി സെന്‍റ് ജോർജ്ജ് ഓർത്തഡോക്സ് കത്തീഡ്രൽ പുതിയ ദേവാലയത്തിന്‍റെ ശിലാസ്ഥാപനം നടത്തി. ക്രിസ്തുമസ് ദിനത്തില്‍ നടന്ന ചടങ്ങില്‍ കൊല്ലം ഭദ്രാസന മെത്രാപ്പോലീത്ത ഡോ. ജോസഫ് മാർ ദീവന്നാസിയോസ്, റാന്നി – നിലക്കൽ ഭദ്രാസന മെത്രാപ്പോലീത്ത ഡോ. ജോഷ്വാ മാർ നിക്കോദിമോസ് എന്നിവരുടെ സഹ കാർമ്മികത്വത്തില്‍ ബ്രഹ്മവാർ ഭദ്രാസന മെത്രാപ്പോലീത്ത യാക്കോബ് മാർ ഏലിയാസ് തിരുമേനിയുടെ മുഖ്യ കാർമ്മികത്വത്തില്‍ ശിലാ സ്ഥാപന കൂദാശ നിർവ്വഹിച്ചു.

abudhabi-st-george-orthodox-new-church-foundation-stone-laying-ePathram

ഇടവക വികാരി ഫാദർ എൽദോ എം. പോൾ സഹ വികാരി ഫാദർ മാത്യു ജോൺ, യു. എ. ഇ. യിലെ വിവിധ എമിറേറ്റു കളിലെ ഓർത്തഡോക്സ് ദേവാലയ ങ്ങളിലെ വൈദികരും അബുദാബി മാർത്തോമാ ഇടവകയിലെ വൈദികരും ഇടവക അംഗങ്ങളും എല്ലാ ഓർത്തഡോക്സ് ദേവാലയങ്ങളിലെ സെക്രട്ടറിമാര്‍, ട്രസ്റ്റിമാര്‍ മറ്റു അംഗങ്ങളും അഭ്യുദയ കാംക്ഷികളും ചടങ്ങിൽ സംബന്ധിച്ചു.

st-george-orthodox-cathedral-design-new-building-ePathram

കത്തീഡ്രൽ ട്രസ്റ്റി തോമസ് ജോർജ്ജ്, സെക്രട്ടറി ഐ. തോമസ്, മാനേജിംഗ് കമ്മിറ്റി അംഗങ്ങൾ, നിർമ്മാണ കമ്മിറ്റി ജനറൽ കൺവീനർ പി. ജി. ഇട്ടി പണിക്കർ, ഫൈനാൻസ് കൺവീനർ നൈനാൻ ഡാനിയൽ, ടെക്നിക്കൽ കമ്മിറ്റി അംഗങ്ങൾ ഫൈനാൻസ് കമ്മിറ്റി അംഗങ്ങൾ തുടങ്ങിയവര്‍ ക്രമീകരണങ്ങൾക്ക് നേതൃത്വം നൽകി.

- pma

വായിക്കുക: , , , , ,

അഭിപ്രായം എഴുതുക »

സെ​ന്‍റ്​ ജോ​ര്‍ജ്ജ് ഓ​ര്‍ത്ത​ഡോ​ക്‌​സ് ക​ത്തീ​ഡ്ര​ല്‍ കല്ലിടല്‍ ക്രിസ്തുമസ് ദിനത്തില്‍

December 25th, 2022

st-george-orthodox-cathedral-design-new-building-ePathram
അബുദാബി : പുതുക്കിപ്പണിയുന്ന സെന്‍റ് ജോര്‍ജ്ജ് ഓര്‍ത്തഡോക്‌സ് കത്തീഡ്രല്‍ ദേവാലയത്തിന്‍റെ ശിലാ സ്ഥാപന കര്‍മ്മം ക്രിസ്തുമസ് ദിനത്തില്‍ നടക്കും എന്ന് ഇടവക ഭരണ സമിതി വാര്‍ത്താ സമ്മേളനത്തില്‍ അറിയിച്ചു.

press-meet-foundation-stone-laying-of-st-george-orthodox-church-ePathram

മലങ്കര ഓര്‍ത്തഡോക്‌സ് സുറിയാനി സഭയുടെ ബ്രഹ്‌മവാര്‍ ഭദ്രാനസ മെത്രാപ്പോലീത്ത യാക്കോബ് മാര്‍ ഏലിയാസ് കല്ലിടല്‍ കര്‍മ്മം നിര്‍വ്വഹിക്കും. കൊല്ലം ഭദ്രാസന മെത്രാപ്പൊലീത്ത ഡോ. ജോസഫ് മാർ ദീവന്നാസിയോസ്, റാന്നി-നിലക്കൽ ഭദ്രാസന മെത്രാപ്പൊലീത്ത ഡോ. ജോഷ്വാ മാർ നിക്കോദീമോസ് എന്നിവർ സഹകാർമ്മികര്‍ ആയിരിക്കും. യു. എ. ഇ. യിലെ വിവിധ ഇടവക കളിലുള്ള വൈദികരും വിശ്വാസികളും സംബന്ധിക്കും.

1.35 കോടി ദിർഹം ചെലവിൽ 20 മാസം കൊണ്ട് പണി പൂർത്തിയാക്കുന്ന പുതിയ ദേവലായത്തിൽ ഒരേ സമയം 2000 പേർക്ക് ആരാധനയില്‍ പങ്കെടുക്കാം. ഇന്ത്യ യുടെയും യു. എ. ഇ. യുടെയും പൈതൃകം ഉൾ ക്കൊള്ളും വിധത്തിലാണ് ചര്‍ച്ചിന്‍റെ രൂപ കൽപന നിര്‍വ്വഹിച്ചിട്ടുള്ളത്.

വാര്‍ത്താ സമ്മേളനത്തില്‍ യാക്കോബ് മാര്‍ ഏലിയാസ് മെത്രാപ്പൊലീത്ത, ഇടവക വികാരി ഫാ. എൽദോ എം. പോൾ, സഹ വികാരി ഫാ. മാത്യു ജോൺ, ട്രസ്റ്റി തോമസ് ജോർജ്, സെക്രട്ടറി ഐ.തോമസ്, ചര്‍ച്ച് നിർമ്മാണ കമ്മിറ്റി ജനറൽ കൺവീനർ പി. ജി. ഇട്ടി പണിക്കർ എന്നിവർ സംബന്ധിച്ചു.

- pma

വായിക്കുക: , ,

അഭിപ്രായം എഴുതുക »

നാടിൻ്റെ ഉത്സവമായി കൊയ്ത്തുത്സവം

November 29th, 2022

inauguration-st-george-orthodox-cathedral-harvest-festival-2022-ePathram
അബുദാബി : സെന്‍റ് ജോർജ്ജ് ഓർത്തഡോൿസ്‌ ദേവാലയം സംഘടിപ്പിച്ച കൊയ്ത്തുത്സവം വിപുലമായ പരിപാടികളോടെ ദേവാലയ അങ്കണ ത്തില്‍ നടന്നു. ആദ്യ വിളവെടുപ്പ് ദേവാലയത്തിനു സമർപ്പിക്കുന്ന ഹാർവെസ്റ്റ് ഫെസ്റ്റിവലിൽ ഇത്തവണ വൈവിധ്യങ്ങൾ ഏറെയായിരുന്നു.

കേരളീയ രുചിക്കൂട്ടുകളുടെ സമന്വയ ത്തോടൊപ്പം അബുദാബി മലയാളികളുടെ സംഗമ ഭൂമി കൂടിയായി മാറി സെന്‍റ് ജോർജ്ജ് ഓർത്ത ഡോക്സ് പള്ളിയങ്കണം. കപ്പയും മീൻ കറിയും തട്ടുകട വിഭവങ്ങൾ, നസ്രാണി പലഹാരങ്ങൾ, സോഡാ നാരങ്ങാ വെള്ളം, പുഴുക്ക്, പായസം മുതലായ നാടൻ വിഭവങ്ങളും വിവിധയിനം ബിരിയാണികൾ, അറബിക് ഭക്ഷ്യ വിഭവങ്ങൾ, ഗ്രിൽ ഇനങ്ങൾ, ഔഷധ സസ്യങ്ങൾ എന്നിവയും ഉൾപ്പെടു ത്തിയായിരുന്നു കൊയ്ത്തുത്സവം സംഘടിപ്പിച്ചത്‌.

inaugural-function-st-george-orthodox-church-harvest-fest-2022-ePathram
യു. എ. ഇ. യുടെ 51–ാം ദേശീയ ദിന ആഘോഷത്തോട് ഐക്യ ദാർഢ്യം പ്രകടിപ്പിച്ചു കൊണ്ടാണ് 51 സ്റ്റാളുകള്‍ കൊയ്ത്തുത്സവത്തില്‍ ഒരുക്കിയത്. ഇരു രാജ്യങ്ങളു ടേയും തനതു കലാ രൂപങ്ങൾ ഉൾപ്പെടുത്തി വര്‍ണ്ണാഭമായ സാംസ്കാരിക-സംഗീത പരിപാടികളും  കൊയ്ത്തുത്സവ ആഘോഷങ്ങളുടെ ഭാഗമായി അരങ്ങേറി.

ബ്രഹ്മവർ ഭദ്രാസന മെത്രപ്പോലീത്ത യാക്കോബ് മാർ ഏലിയാസ് അദ്ധ്യക്ഷനായ ചടങ്ങിൽ ഇന്ത്യൻ എംബസി കോൺസൽ ബാലാജി രാമസ്വാമി, ക്രിക്കറ്റ് താരം എസ്. ശ്രീശാന്ത്, അബുദാബിയിലെ സാമൂഹ്യ സാംസ്കാരിക സംഘടനാ സാരഥികൾ തുടങ്ങി പ്രമുഖർ സംബന്ധിച്ചു.

ഇടവക വികാരി റവ. ഫാദര്‍ എൽദോ എം. പോൾ, സ്വാഗതം ആശംസിച്ചു. കത്തീഡ്രല്‍ സെക്രട്ടറി ഐ. തോമസ്, ജനറൽ കൺവീനർ റെജി ഉലഹന്നാൻ, ട്രസ്റ്റി തോമസ് ജോർജ്ജ്, ജോയിന്‍റ് ഫിനാൻസ് കൺവീനർ റോയ് മോൻ ജോയ്, മീഡിയ കൺവീനർ ജോസ് തരകൻ എന്നിവർ നേതൃത്വം നൽകി.

- pma

വായിക്കുക: , , , ,

അഭിപ്രായം എഴുതുക »

സെന്‍റ് ജോർജ്ജ് ഓർത്തഡോൿസ്‌ കത്തീഡ്രല്‍ കൊയ്ത്തുത്സവം നവംബർ 27 ന്

November 26th, 2022

harvest-festival-2022-st-george-orthodox-church-ePathram
അബുദാബി : സെന്‍റ് ജോർജ്ജ് ഓർത്തഡോൿസ്‌ കത്തീഡ്രലിലെ ഈ വര്‍ഷത്തെ കൊയ്ത്തുത്സവം നവംബർ 27 ഞായറാഴ്ച ഉച്ചക്ക് 3.30 മുതൽ ദേവാലയ അങ്കണത്തിൽ വെച്ച് നടക്കും.

ബ്രഹ്മവാർ ഭദ്രാസനാധിപൻ യാക്കോബ് മാർ ഏലിയാസ് അദ്ധ്യക്ഷത വഹിക്കുന്ന ഉല്‍ഘാടന ചടങ്ങില്‍ ഇടവക വികാരി റവ. ഫാദര്‍ എൽദോ എം. പോൾ നേതൃത്വം നൽകും. ഇന്ത്യൻ എംബസി കോൺസൽ ബാലാജി രാമസ്വാമി, ക്രിക്കറ്റ് താരം എസ്. ശ്രീശാന്ത് എന്നിവർ മുഖ്യ അതിഥികള്‍ ആയി സംബന്ധിക്കും.

ഇന്ത്യയുടെ 75-ാം സ്വാതന്ത്ര്യ ദിന വർഷിക ആഘോഷവും യു. എ. ഇ. യുടെ 51–ാംദേശീയ ദിന ആഘോഷ ങ്ങളും കൊയ്ത്തുത്സവ ത്തിന്‍റെ ഭാഗമായി നടക്കും.

press-meet-abu-dhabi-st-george-orthodox-cathedral-harvest-fest-2022-ePathram

ഇടവകാംഗങ്ങൾ തയ്യാറാക്കുന്ന രുചികരമായ നാടൻ ഭക്ഷണ പദാര്‍ത്ഥങ്ങള്‍, മധുര പലഹാരങ്ങൾ, അറബിക് ഭക്ഷ്യ വിഭവങ്ങള്‍, വീട്ടുപകരണങ്ങള്‍, വിദ്യാഭ്യാസ സാമഗ്രികളും വ്യത്യസ്ത ഇനം സസ്യങ്ങളും മറ്റും ഉൾപ്പെത്തിയിട്ടുള്ള 51 സ്റ്റാളുകള്‍ ഒരുക്കും.

യു. എ. ഇ. യുടെ 51–ാം ദേശീയ ദിന ആഘോഷത്തോട് ഐക്യ ദാർഢ്യം പ്രകടിപ്പിച്ചു കൊണ്ടാണ് 51 സ്റ്റാളുകള്‍ കൊയ്ത്തുത്സവത്തിന്‍റെ ഭാഗമാവുന്നത്. കുട്ടികൾക്കും മുതിർന്നവർക്കും ഒരുപോലെ ആസ്വദിക്കാൻ വിജ്ഞാനവും വിനോദവും നിറഞ്ഞ കളികളും ഒരുക്കും.

കലാ – സംഗീത പ്രേമികള്‍ക്കായി വൈവിധ്യമാർന്ന സ്റ്റേജ് പ്രോഗ്രാമുകൾ ഉൾപ്പെടുത്തിയിരിക്കുന്നു. അബുദാബി യിൽ നിന്ന് ഉപരി പഠനത്തിനായി പോയ നിരവധി വിദ്യാർത്ഥി ഇടവകാംഗങ്ങളും പ്രവാസ ജീവിതം അവസാനിപ്പിച്ചു പോയ മുതിർന്നവരും ഈ ആഘോഷ വേളയിൽ കത്തീഡ്രൽ വീണ്ടും സന്ദർശിക്കുന്നത് പതിവാണ്. അതു കൊണ്ടു തന്നെ കൊയ്ത്തുത്സവ വേദി ഒരു പുനഃസമാഗമ സംഗമ ഭൂമി ആയി മാറും.

വിവിധ മന്ത്രാലയങ്ങൾ നടത്തി വരുന്ന പ്രകൃതി സംരക്ഷണം, വനവൽക്കരണം, ജല സംരക്ഷണം, ഭൗമ സംരക്ഷണം എന്നീ പദ്ധതികളുമായി കത്തീഡ്രൽ സജീവ സാന്നിദ്ധ്യമായി നില കൊണ്ടിട്ടുണ്ട്.

ബ്രഹ്മവാർ ഭദ്രാസനാധിപൻ യാക്കോബ് മാർ ഏലിയാസ്, ഇടവക വികാരി റവ. ഫാ. എൽദോ എം. പോൾ, ട്രസ്റ്റി തോമസ് ജോർജ്ജ്, സെക്രട്ടറി ഐ. തോമസ്, ജനറൽ കൺവീനർ റെജി ഉലഹന്നാൻ, ജോയിന്‍റ് ഫിനാൻസ് കൺവീനർ റോയ് മോൻ ജോയ്, മീഡിയ കൺവീനർ ജോസ് തരകൻ എന്നിവർ വാർത്താ സമ്മേളനത്തിൽ സംബന്ധിച്ചു.

- pma

വായിക്കുക: , , , , , ,

അഭിപ്രായം എഴുതുക »

ദേശീയ ദിനാഘോഷം : സെൻറ് ജോർജ് ഓർത്തഡോക്സ് കത്തീഡ്രല്‍ ഒരുക്കിയ വേറിട്ട അവതരണം

December 3rd, 2020

sheikh-zayed-uae-national-day-celebration-ePathram
അബുദാബി : യു. എ. ഇ. യുടെ 49-ാം ദേശീയ ദിന ആഘോഷത്തിന്റെ ഭാഗമായി അബുദാബി സെൻറ് ജോർജ് ഓർത്ത ഡോക്സ് കത്തീഡ്രല്‍ വേറിട്ട സ്നേഹോ പഹാരം സമര്‍പ്പിച്ചു.

രാജ്യത്തി ന്റെ ചരിത്രവും ഭരണാധി കാരി കളോടുള്ള ആദരവും വരച്ചു കാണിക്കുന്ന സാന്‍ഡ് ആര്‍ട്ട് ചിത്രീ കരിച്ചു കൊണ്ടാണ് വീഡിയോ ഒരുക്കിയത്.

ഇടവക ഈ വര്‍ഷം ‘ഗ്ലോറിയ-2020’ എന്ന പേരില്‍ സംഘടി പ്പിച്ച കൊയ്ത്തു ത്സവ ത്തിന്റെ ഭാഗമായി കൊണ്ടാണ്ചിത്രീകരണം ഒരുക്കിയത്. ഇംഗ്ലീഷിലും അറബിയിലും വിശദാംശ ങ്ങള്‍ അവതരിപ്പിച്ചു കൊണ്ട് റിലീസ് ചെയ്ത വീഡിയോക്ക് സമൂഹ മാധ്യമ ങ്ങളിൽ വൻ സ്വീകാര്യതയാണ് ലഭിക്കുന്നത്.

വിവിധ നാടുകളില്‍ നിന്നും ഇവിടെ എത്തി സഹാനു ഭൂതി യോടെ, സാഹോദര്യ ത്തോടെ, സഹി ഷ്ണുത യോടെ, ഏവരും സന്തോഷത്തോടെ സഹവസിക്കാൻ ഈ രാജ്യത്തിന്റെ ഭരണാധി കാരി കൾ കാണിക്കുന്ന വലിയ മനസ്സിന് എന്നും നന്ദിയുള്ളവര്‍ ആയിരിക്കും എന്ന് ഇടവക വികാരി ഫാദർ ബെന്നി മാത്യു പറഞ്ഞു.

ഇടവകയുടെ ഈ വർഷത്തെ കൊയ്ത്തു ഉത്സവ ത്തിന്റെ ഭാഗമായി, ഈ രാജ്യ ത്തി ന്റെ അനുഗ്രഹ ത്തിന് വേണ്ടി സെന്റ് ജോർജ് ഓർത്ത ഡോക്സ് കത്തീഡ്രൽ നടത്തുന്ന രണ്ടു മാസത്തെ പ്രാർത്ഥനാ യജ്ഞമായ ഗ്ലോറിയ 2020, ഡിസംബർ 25 ന് സമാപിക്കും എന്ന് കത്തീഡ്രൽ ട്രസ്റ്റി നൈനാൻ തോമസ് പണിക്കർ, സെക്രട്ടറി ജോൺസൺ കാട്ടൂർ, ജോയിന്റ് ട്രസ്റ്റി സജി തോമസ്, ജോയിന്റ് സെക്രട്ടറി. ജോബി ജോർജ് എന്നിവർ അറിയിച്ചു.

- pma

വായിക്കുക: , , ,

അഭിപ്രായം എഴുതുക »

1 of 212

« Previous « പള്ളികളിലെ വെള്ളിയാഴ്ച പ്രാർത്ഥന ഡിസംബർ 4 മുതൽ
Next Page » ‘യാ സലാം ഇമാറാത്ത്’ സര്‍ബ്ബത്ത് ടീംസ് ഒരുക്കിയ ദേശീയദിന ഗാനം ശ്രദ്ധ നേടി മുന്നേറുന്നു. »



  • ടി. വി. കൊച്ചു ബാവ സ്മാരക സാഹിത്യ പുരസ്കാരങ്ങൾ പ്രഖ്യാപിച്ചു
  • തൊഴിൽ നഷ്ട ഇൻഷ്വറൻസില്‍ അംഗത്വം എടുക്കാത്തവര്‍ക്ക് 400 ദി​ർഹം​ പിഴ
  • ഇന്‍റര്‍ നാഷണൽ പീസ് കോൺഫറൻസിൽ സലാം പാപ്പിനിശ്ശേരി മുഖ്യാതിഥി
  • ഫോറം ഫോർ പീസ് പത്താം പതിപ്പ് അബുദാബിയില്‍
  • കറൻസികൾ അംഗീകൃത മാർഗ്ഗങ്ങളിലൂടെ കൈമാറ്റം ചെയ്യണം
  • നബിദിനം : സെപ്റ്റംബർ 29 വെള്ളിയാഴ്ച പൊതു അവധി
  • ഗർഭ പാത്രത്തിലുള്ള കുഞ്ഞിൻ്റെ സങ്കീർണ്ണ ശസ്ത്ര ക്രിയ വിജയകരം
  • മുജീബ് മൊഗ്രാൽ സ്മരണാര്‍ത്ഥം നാനോ ക്രിക്കറ്റ് ടൂർണ്ണമെന്‍റ് സംഘടിപ്പിച്ചു
  • ഗള്‍ഫ് കര്‍ണാടക രത്‌ന അവാര്‍ഡുകള്‍ സമ്മാനിച്ചു
  • സെസ്സ് യു. എ. ഇ. സംഗമം സംഘടിപ്പിച്ചു
  • സാമൂഹ്യ പ്രവർത്തകർ കൈകോർത്തു : വഴിയോരത്തു കഴിഞ്ഞ മലയാളി നാട്ടിലേക്ക് തിരിച്ചു
  • കെ. എസ്. സി. പൂക്കള മത്സരം ഞായറാഴ്ച
  • വേറിട്ട അനുഭവമായി Inspiro 2023 പ്രവർത്തക ക്യാമ്പ്
  • 1000 പേര്‍ ചേര്‍ന്ന് ഒരുക്കിയ പൂക്കളവും 31 രാജ്യക്കാര്‍ അണി നിരന്ന് ഓണ ക്കളിയും
  • ബുറൈമിയും അൽ ഐനും ബന്ധപ്പെടുത്തി പ്രതിദിന ബസ്സ് സര്‍വ്വീസ്
  • ഏക ദിന പഠന ക്യാമ്പ് ‘RECAP’ ശ്രദ്ധേയമായി
  • മലയാളി സമാജത്തിൽ തിരുവോണം വരെ പൂക്കളം
  • പ്രവാസി സംഘടനകളുടെ സ്വാതന്ത്യ്ര ദിന ആഘോഷം ശ്രദ്ധേയമായി
  • ഉപന്യാസ മത്സരം : റഫീഖ് സക്കറിയ ഒന്നാം സ്ഥാനം നേടി
  • എം. എൻ. കാരശ്ശേരിക്ക് മലയാളി സമാജം സാഹിത്യ പുരസ്കാരം



  • കിയാല്‍ മറുപടി പറയണം : വെ...
    എയര്‍ ഇന്ത്യ ബാഗേജ് പത്ത്...
    ഒ.ഐ.സി.സി. ജില്ലാ കൺവെൻഷൻ...
    പ്രവാസി ക്ഷേമനിധി പ്രായ പ...
    സിറിയ : വെടിനിർത്തൽ അടുക്...
    സമാജം യുവജനോത്സവം : ഗോപിക...
    ജലീല്‍ രാമന്തളി യുടെ നേര്...
    ഭൂമിക്കായി ഒരു മണിക്കൂര്‍...
    അബുദാബി പുസ്തക മേളക്ക് തു...
    ജലീല്‍ രാമന്തളി യുടെ നോവല...
    മാധ്യമങ്ങള്‍ സത്യ ത്തിന്റ...
    ഇ. എം. എസ്. ആഗ്രഹിച്ച രീത...
    ഇന്ത്യന്‍ എംബസി യിലെ കമ്യ...
    ഷാര്‍ജയില്‍ തീ : മലയാളിയു...
    ഖത്തര്‍ : ലോകത്തെ ഏറ്റവും...
    യു.എ.ഇ.യില്‍ ആനയുടെ കാല്‍...
    ഏറ്റവും ആദരിക്കുന്ന നേതാവ...
    ഇന്ത്യന്‍ സിനിമകള്‍ ജീവിത...
    ബഷീര്‍ അനുസ്മരണവും സാഹിത്...
    സൌദിയില്‍ അറസ്റ്റിലായ ഗായ...

    Click here to download Malayalam fonts
    Click here to download Malayalam fonts
    Your Ad Here
    Club Penguin


    ePathram Magazine