മമ്മൂട്ടിയാണ് തന്റെ റോള്‍ മോഡല്‍ എന്ന് പറയുന്നതു വേറെയാരുമല്ല കോളിവുഡിലെ ചിയാന്‍ വിക്രമാണ്. തെന്നിന്ത്യയിലെ ഈ സൂപ്പര്‍ സ്റ്റാറിനും റോള്‍ മോഡല്‍ മമ്മൂട്ടിതന്നെ. വിക്രം തന്നെയാണ് ഇക്കാര്യം വെളിപ്പെടുത്തിയത്. മമ്മൂട്ടിയുടെ അഭിനയവും വ്യത്യസ്തമായ വേഷങ്ങളും തന്നെ വളരെയേറെ സ്വാധീനിച്ചിട്ടുണ്ടെന്ന് വിക്രം പറയുന്നു. പ്രത്യേകിച്ച് മമ്മൂട്ടിയുടെ പൊലീസ് വേഷങ്ങള്‍. പോലീസ്‌ ഓഫീസറായി ഒട്ടേറെ ചിത്രങ്ങളില്‍ വേഷമിട്ടിട്ടുണ്ടെങ്കിലും അതെല്ലാംതന്നെ ഒന്നിനൊന്ന് വ്യത്യസ്തമാണെന്നും അതെല്ലാംതന്നെ ആകര്‍ഷിച്ചതായും വിക്രം സമ്മതിക്കുന്നു.
എന്നാല്‍ മമ്മൂട്ടിയുള്‍പ്പെടെ ആരെയും അനുകരിയ്ക്കാന്‍ താത്പര്യമില്ലെന്നും വൈവിധ്യമുള്ള വേഷങ്ങള്‍ ചെയ്യാനാണ് ആഗ്രഹമെന്നും വിക്രം പറഞ്ഞു. വിക്രത്തിന്റെ ഏറ്റവും പുതിയ ചിത്രമായ ദൈവത്തിരുമകള്‍ ജൂലൈ 15നാണ് തിയറ്ററുകളിലെത്തുന്നത്. ഹോളിവുഡ് ചിത്രമായ ഐ സാമിന്റെ റീമേക്കായ ചിത്രത്തിലെ വിക്രമിന്റെ പ്രകടനം ഗംഭീരമെന്നാണ് റിപ്പോര്‍ട്ടുകള്‍.
