 |
 |
 |
 |
 |
 |
 |
 |
 |
 |
 |
 |
 |
 |
കൊച്ചി: സത്യന് അന്തിക്കാട് തിരക്കഥയെഴുതി സംവിധാനം ചെയ്യുന്ന പുതിയ ചിത്രത്തിന് ‘സ്നേഹവീട്’ എന്നു പേരിട്ടു. പതിവുപോലെ ചിത്രീകരണം പൂര്ത്തിയായശേഷമാണ് പേരിട്ടത്. മോഹന്ലാല് നായകനാകുന്ന ചിത്രത്തില് ഷീല അമ്മ വേഷത്തിലെത്തുന്നു. ഇന്നസെന്റ്, ബിജു മേനോന്, മാമുക്കോയ, ചെമ്പില് അശോകന്, കെ.പി.എ.സി. ലളിത, പദ്മപ്രിയ, ലെന, ഊര്മിള ഉണ്ണി, പുതുമുഖതാരങ്ങളായ രാഹുല്, അരുന്ധതി എന്നിവര് അഭിനയിക്കുന്നു. ചിത്രത്തിന്റെ ഡബ്ബിങ് ജോലികള് കൊച്ചിയില് പുരോഗമിക്കുകയാണ്.
- ലിജി അരുണ്
വായിക്കുക: filmmakers, mohanlal
കൊച്ചി: സിനിമാ സംവിധായകനും എഴുത്തുകാരനുമായ രൂപേഷ് പോളിനെ തട്ടിക്കൊണ്ടുപോയി പണം തട്ടിയ കേസിലെ പ്രതി തമിഴ് സിനിമാ നിര്മ്മാതാവ് കെ പി അംജത്ത് (31) പിടിയിലായി. രൂപേഷ് പോള് സംവിധാനം ചെയ്യാനിരുന്ന ‘കതിര വെയില്’ എന്ന സിനിമയ്ക്ക് പണം മുടക്കാമെന്നുപറഞ്ഞാണ് പണം തട്ടിയത്. രൂപേഷിനെ ഇടുക്കി അണക്കെട്ടിന് സമീപമുള്ള ഒരു വീട്ടിലേക്ക് തന്ത്രപൂര്വം കൂട്ടിക്കൊണ്ടുപോയി നഗ്നയായ യുവതിക്കൊപ്പം നിറുത്തി ഫോട്ടോയെടുത്ത ശേഷം പണം ആവശ്യപ്പെടുകയായിരുന്നു. ഫോട്ടോ പരസ്യപ്പെടുത്തുമെന്ന് ഭീഷണിപ്പെടുത്തി 30 ലക്ഷം രൂപയാണ് ഇയാള് ആവശ്യപ്പെട്ടു. രൂപേഷിന്റെ പിതാവ് അന്നുതന്നെ പത്ത് ലക്ഷം രൂപ എത്തിച്ചുകൊടുക്കുകയും ചെയ്തു. ബാക്കി 20 ലക്ഷം നിശ്ചിത തീയതിക്കകം ആലുവയിലെ ഒരു ബാങ്ക് അക്കൌണ്ടിലൂടെ അംജത്തിന് കൈമാറിയതിനു ശേഷമാണ് രൂപേഷിനെ വിട്ടയച്ചത്. എന്നാല് വീണ്ടും പണം ആവശ്യപ്പെട്ടതിനെത്തുടര്ന്ന് അന്ന് ആലുവ എ എസ് പി യായിരുന്ന ജെ ജയനാഥിന് പരാതി നല്കി. ഇതേതുടര്ന്നുള്ള അന്വേഷണത്തിലാണ് അംജത്ത് പിടിയിലായത്. കളമശേരി പുത്തലേത്ത് റോഡില് വാടകയ്ക്ക് താമസിച്ചുവരികയായിരുന്നു അംജത്ത്.
.
-
വായിക്കുക: controversy, filmmakers
സാള്ട്ട് ആന്ഡ് പെപ്പെര് എന്ന ചിത്രം ഇറങ്ങിയപ്പോള് വാ തോരാതെ പുകഴ്ത്തിയവരൊന്നും എന്താണ് ചിത്രത്തിലെ വ്യത്യസ്തത എന്ന് പറയുന്നില്ല. ഫേസ്ബുക്ക് വഴി മലയാള സിനിമയുടെ പുതിയ കാലമെന്ന് പാടി നടക്കാനും ഒപ്പം അതിനെ പരമാവധി വികസിപ്പിക്കാനും ശ്രമിക്കുന്നതിനിടയില് ഇവരൊക്കെ ഏറെ വ്യത്യസ്തമായ എന്ത് പ്രമേയമാണ് ചിത്രം കൊണ്ടുവന്നിരിക്കുന്നത് പറയാന് മറന്നു . ഏറെ പഴകി പുളിഞ്ഞ ഒരു സാധാരണ പ്രണയ കഥയെ എന്തിനാണ് വെറുതെ ഇങ്ങനെ പാടി പുകഴ്ത്തുന്നത് എന്ന് മനസിലാകുന്നില്ല. ചിത്രത്തിലെ നായകന് കാളിദാസ് എന്ന ലാല് അവതരിപ്പിച്ച കഥാപാത്രം പുരാവസ്തുഗവേഷണ വകുപ്പില് ജോലിചെയ്യുന്ന ഉദ്യോഗസ്ഥനാണ്. ഒപ്പം അസ്സല് ഭക്ഷണ പ്രിയനും. ചിത്രത്തിന്റെ ആദ്യം തന്നെ ഒരു ആദിവാസി മൂപ്പനെ തട്ടി കൊണ്ടുവരുന്നതാണ്. പക്ഷെ എന്തിനായിരുന്നു ആ തട്ടി കൊണ്ടുവരല്. വെറുതെ അയാള് അവിടെ കിടക്കുന്നു. സിനിമയില് അതുമായി ഒരു ബന്ധവും കാണിക്കുന്നില്ല. മാത്രമല്ല അദ്ദേഹത്തിന്റെ ജോലി സംബന്ധിയായ ഷോട്ടുകളൊക്കെ മുഴച്ചു നില്ക്കുന്നു. അങ്ങിനെ പല കാര്യങ്ങളും പരസ്പരം ബന്ധപ്പെടാതെ കിടക്കുന്നു. ഒരു ദോശ ഉണ്ടാക്കിയ കഥ ഇത്രമാത്രം വ്യത്യസ്തമാണോ? ശരിയാണെങ്കില് മലയാള സിനിമ പിറകോട്ട് തന്നെ എന്ന് പറയാം. പ്രമേയത്തിലും അവതരണത്തിലും പുതുമയൊന്നും അവകാശപ്പെടാനില്ലാത്ത ഈ ചിത്രം മലയാള സിനിമയുടെ പുതു തരംഗം എന്ന് ഒരു മടിയുമില്ലാതെ ചിലര് വിളിച്ചു പറയുന്നു. ചിലര്ക്ക് മമ്മുട്ടിയും മോഹന്ലാലും ഇല്ലാതായാല് അത് വ്യത്യസ്തമാണ്, പുതു മുഖങ്ങളെ വെച്ച് പടം ചെയ്താല് അതും വ്യത്യസ്തം തന്നെ… മലയാള സിനിമ നേരിടുന്ന പ്രതിഭാ ദാരിദ്ര്യത്തെ നമ്മള് ഇത്തരം സൂത്രത്തിലൂടെ മാറ്റിമറിക്കാം എന്നാണു കരുതുന്നത് അബദ്ധമാണ്. കലാമൂല്യമുള്ള സിനിമകള് നമുക്ക് അന്യമാകുന്നു എന്ന സത്യം ഇനിയെങ്കിലും നാം തിരിച്ചറിയണം. അതിനിടയില് ഇത്തരം ചിത്രങ്ങളെ വെറുതെ പാടി പുകഴ്ത്തല് കൂടിയാകുമ്പോള് മലയാള സിനിമ രക്ഷപ്പെടുകയല്ല കൂടുതല് താഴ്ചയിലേക്ക് പതിക്കുകയാണ് ചെയ്യുക. ഈ ചിത്രത്തില് അവസാനം ഒരു പാട്ട് കൊടുത്തിടുണ്ട്. എന്തിനായിരുന്നു? ആ … ആര്ക്കറിയാം… ഇങ്ങനെ ആര്ക്കുമറിയാത്ത വ്യത്യസ്തത….. അത് തന്നെയാണ് സാള്ട്ട് ആന്ഡ് പേപ്പെര് നല്കുന്ന ഉത്തരവും. നല്ലതിനെ മാത്രം നമുക്ക് നല്ലതെന്നു പറഞ്ഞാല് പോരെ… മാര്ക്കെറ്റിംഗ് തന്ത്രത്തില് കുരുങ്ങി ചിലരെങ്കിലും ഇത്തരം ചിത്രങ്ങളെ മലയാള സിനിമയുടെ പുതിയ മുഖമെന്ന് പറയുന്നു…. കൂളായി തന്നെ. മലയാള സിനിമയുടെ ഭാവി ഇത്തരത്തില് ഹൈജാക്ക് ചെയ്യപ്പെടുമോ?
- എസ്. കുമാര്
വായിക്കുക: controversy, filmmakers, swetha-menon
രഞ്ജിത്തിന്റെ ഇന്ത്യന് റുപീയില് പ്രിഥ്വിയ്ക്കൊപ്പം അസിഫ് അലിയും വിനീത് ശ്രീനിവാസനും ഒന്നിക്കുന്നു. പണമുണ്ടാക്കാനായി എന്തും ചെയ്യുന്ന യുവത്വത്തിന്റെ കഥയാണ് ഇന്ത്യന് റുപ്പീയില് രഞ്ജിത് പറയുന്നത്. ആ നിലയ്ക്ക് പ്രാഞ്ചിയേട്ടന്റെ ഒന്നാം ഭാഗമായി ചിത്രത്തിനെ രഞ്ജിത്ത് വിശേഷിപ്പിക്കുന്നുമുണ്ട്.
റീമ കല്ലിങ്കലാണ് നായിക. തിലകന്, ബിജു മേനോന്, ജഗതി ശ്രീകുമാര്, മല്ലിക സുകുമാരന്, ബാബുരാജ്, ലാലു അലക്സ് എന്നിവര് പ്രധാന വേഷങ്ങളിലെത്തുന്നു. ഓഗസ്റ്റ് സിനിമയുടെ ബാനറില് പൃഥ്വിരാജ്, സന്തോഷ് ശിവന്, ഷാജി നടേശന് എന്നിവര് ചേര്ന്നാണ് ഇന്ത്യന് റുപ്പീ നിര്മ്മിക്കുന്നത്
- ലിജി അരുണ്
വായിക്കുക: filmmakers, prithviraj
മലയാളത്തില് സമീപകാലത്തെ മെഗാഹിറ്റായ സോള്ട്ട് ആന്റ് പെപ്പര് എന്ന ചിത്രം ഹിന്ദിയിലേക്ക് റീമേക്ക് ചെയ്യുന്നു. മലയാളത്തില് പുറത്തിറങ്ങിയ ഒട്ടുമിക്ക സൂപ്പര്ഹിറ്റുകളും ബോളിവുഡിലെത്തിച്ച സംവിധായകന് പ്രിയദര്ശനാണ് ഈ ചിത്രവും റീമേക്ക് ചെയ്യാന് ഒരുങ്ങുന്നത് . ജൂലൈ എട്ടിന് റിലീസായ സോള്ട്ട് ആന്റ് പെപ്പര് ഇതിനകം കോടികളുടെ ലാഭമാണ് നേടിയിരിക്കുന്നത്. ലാല്, ശ്വേത മേനോന്, മൈഥിലി, ബാബുരാജ്, ആസിഫ് അലി എന്നിവരാണ് പ്രധാന അഭിനേതാക്കള് . മലയാളത്തില് ഒരു പരീക്ഷണ ചിത്രമായി ഇറക്കിയ ‘സാള്ട്ട് ആന്റ് പെപ്പര് പ്രതീക്ഷിച്ചതിലും അധികം വിജയമാണ് നേടിയത്. ആഷിക് അബുവാണ് ചിത്രത്തിന്റെ സംവിധായകന് നവാഗതരായ ശ്യാം പുഷ്കരന്, ദിലീഷ് നായര് എന്നിവരാണ് തിരക്കഥ രചിച്ചത്. മണിച്ചിത്രത്താഴ്, താളവട്ടം, കഥപറയുമ്പോള് തുടങ്ങിയ പ്രിയദര്ശന് ബോളിവുഡിലെത്തിച്ച പ്രിയദര്ശനാണ് ഈ ചിത്രം ഹിന്ദിയിലെത്തിക്കുന്നത്. ഇതുസംബന്ധിച്ച പ്രാഥമിക ചര്ച്ചകള് പൂര്ത്തിയായി. ഹിന്ദിയിലേക്ക് മാത്രമല്ല, തമിഴിലേക്കും തെലുങ്കിലേക്കും കന്നഡയിലേക്കും സോള്ട്ട് ആന്റ് പെപ്പര് റീമേക്ക് ചെയ്യുകയാണ്. ഇതിന്റെ ചര്ച്ചകളും പുരോഗമിക്കുന്നു.
-
വായിക്കുക: bollywood, filmmakers, swetha-menon
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
