അബുദാബി : ഇന്ത്യാ സോഷ്യല്‍ സെന്റര്‍ നടത്തിയ ഇന്ത്യ ഫെസ്റ്റ് -2012 ല്‍ വടക്കേ മലബാറിലെ പൂരക്കളി ഗള്‍ഫില്‍ ആദ്യമായി തനതു രീതിയില്‍ അവതരിപ്പിച്ചു കൊണ്ട് സഹൃദയ സഹസ്രങ്ങളുടെ പ്രശംസ പിടിച്ചു പറ്റിയ വി. ടി. വി. ദാമോദരന് ഐ. എസ്. സി. പ്രസിഡന്റ്‌ രമേശ്‌ പണിക്കര്‍ മോമെന്റോ നല്‍കി ആദരിച്ചു. ഇന്ത്യാ സോഷ്യല്‍ സെന്‍ററില്‍ നടന്ന ചടങ്ങില്‍ ഐ. എസ്. സി. ജനറല്‍ സെക്രട്ടറി അബ്ദുല്‍ സലാം, മാനേജിംഗ് കമ്മിറ്റി അംഗങ്ങള്‍ , ഇന്ത്യ ഫെസ്റ്റ് മുഖ്യ പ്രായോജകരായ ജമിനി ബില്‍ഡിംഗ് മെറ്റീരിയല്‍ ഗണേഷ്‌ ബാബു എന്നിവര്‍ സന്നിഹിത രായിരുന്നു.
വി. ടി. വി. ദാമോദരന് നേതൃത്വം നല്‍കിയ ' പൂരക്കളി ' ഇന്ത്യാ ഫെസ്റ്റ് വേദിയില്‍
ഫോക് ലോര്‍ അക്കാദമി അവാര്‍ഡ്‌ ജേതാവും 2010 ലെ മലയാള ഭാഷാ പാഠശാല യുടെ പ്രവാസി സംസ്കൃതി പുരസ്കാര ജേതാവും അക്ഷയ ദേശീയ പുരസ്കാര ജേതാവു കൂടിയായ വി. ടി. വി. ദാമോദരന് യു. എ. ഇ. യിലെ കലാ സാംസ്കാരിക ജീവകാരുണ്യ പ്രവര്‍ത്തന രംഗങ്ങളിലെ സജീവ സാന്നിദ്ധ്യ വുമാണ്.
- pma
അനുബന്ധ വാര്‍ത്തകള്‍
വായിക്കുക: ഇന്ത്യ സോഷ്യല്‍ സെന്റര്‍, ബഹുമതി, സംഘടന
