അബുദാബി : എക്‌സിക്യൂട്ടീവ് കൗണ്‍സില്‍ പുന സംഘടിപ്പിച്ചു. ചെയര്‍മാനായി അബുദാബി കിരീടാ വകാശിയും യു. എ. ഇ. സായുധ സേന ഡെപ്യൂട്ടി സുപ്രീം കമാണ്ടറുമായ ശൈഖ് മുഹമ്മദ് ബിന്‍ സായിദ് അല്‍ നഹ്യാനെ നിയമിച്ചു
യു. എ. ഇ. പ്രസിഡണ്ട് ശൈഖ് ഖലീഫ ബിന്‍ സായിദ് അല്‍ നഹ്യാന്‍ ഒരു പ്രത്യേക ഉത്തരവി ലൂടെയാണ് അബുദാബി എക്‌സിക്യൂട്ടീവ് കൗണ്‍സിലിന്റെ ചെയര്‍മാനായി മുഹമ്മദ് ബിന്‍ സായിദ് അല്‍ നഹ്യാനെ നിയമിച്ചത്.
ശൈഖ് ഹസ്സ ബിന്‍ സായിദ് അല്‍ നഹ്യാനാണ് പുതിയ വൈസ് ചെയര്‍മാന്‍. ശൈഖ് ഹമദ് ബിന്‍ സായീദ് അല്‍ നഹ്യാന്‍ ക്രൗണ്‍ പ്രിന്‍സ് കോര്‍ട്ട് മേധാവി യായും നിയോഗിക്കപ്പെട്ടു.
ശൈഖ് മുഹമ്മദ് ബിന്‍ ഖലീഫ അല്‍ നഹ്യാന്‍, ശൈഖ് സുല്‍ത്താന്‍ ബിന്‍ തഹ്നൂണ്‍ അല്‍ നഹ്യാന്‍, ഡോ. അഹമ്മദ് മുബാറക് അല്‍ മസ്റൂയി, ഖല്‍തൂണ്‍ ഖലീഫ അല്‍ മുബാറക്, ഹമദ് മുഹമ്മദ് അല്‍ സുവൈദി, നാസര്‍ അഹ്മദ് അല്‍ സുവൈദി, ഡോ. മുഹീര്‍ ഖമീസ് അല്‍ ഖായിലി, സയീദ് അല്‍ ഗാഫ്ലി, അലി മജീദ് അല്‍ മന്‍സൂറി, ഡോ. അമല്‍ അബ്ദുള്ള അല്‍ ഖുബൈസി, മുഹമ്മദ് ഖല്‍ഫാന്‍ അല്‍ റുമൈതി എന്നിവരാണ് പുന സംഘടിപ്പിച്ച എക്‌സിക്യൂട്ടീവ് കൗണ്‍സിലിലെ അംഗ ങ്ങള്‍.
- pma
