അബുദാബി : കേരള കൗണ്‍സില്‍ ഓഫ് ചര്‍ച്ചസ് അബുദാബി ചാപ്റ്റര്‍ സംഘടിപ്പിച്ച ഈസ്റ്റര്‍ കരോള്‍ ഈവനിംഗ് ശ്രദ്ധേയമായി.
ഇവാഞ്ചലിക്കല്‍ ചര്‍ച്ച് സെന്ററില്‍ വെച്ചു നടന്ന കെ. സി. സി. ഈസ്റ്റര്‍ സംഗമ ത്തില്‍ സി. എസ്. ഐ. ചര്‍ച്ച് ഡെപ്യൂട്ടി മോഡറേറ്റര്‍ റവറന്റ് തോമസ് കെ. ഉമ്മന്‍ മുഖ്യ പ്രഭാഷണവും ഈസ്റ്റര്‍ സന്ദേശവും നല്‍കി.
സി. എസ്. ഐ. മലയാളം പാരിഷ്, അബുദാബി മാര്‍തോമാ പാരിഷ്, സെന്റ് സ്റ്റീഫന്‍സ് ജാക്കോബൈറ്റ് ഇടവക ക്വയര്‍ ഗ്രൂപ്പുകള്‍ ഈസ്റ്റര്‍ ഗാനങ്ങള്‍ ആലപിച്ചു.
കെ. സി. സി. അബുദാബി യുടെ വെബ് സൈറ്റ് ഉല്‍ഘാടനവും സ്ഥലം മാറി പോകുന്ന പുരോഹിതന്മാരായ ഫാദര്‍ വി. സി. ജോസ്, ഡോക്ടര്‍ ജോണ്‍ ഫിലിപ്പ്, ഷാജി തോമസ്, മാത്യു മാത്യു, ജോബി കെ. ജേക്കബ് എന്നിവര്‍ക്കു യാത്രയയപ്പും നല്‍കി.
ഫാദര്‍ സി. സി. ഏലിയാസ്, ജോണ്‍ തോമസ്, ബിജു ജോണ്‍, ബിജു ഫിലിപ്പ് എന്നിവര്‍ ആശംസകള്‍ നേര്‍ന്നു.
- pma
