ഷാർജ : കൊടുങ്ങല്ലൂർ കെ. കെ. ടി. എം. ഗവ. കോളേജ് അലുംനി അസോസിയേഷൻ യു. എ. ഇ. ചാപ്റ്റർ കുടുംബ സംഗമം സംഘടിപ്പിച്ചു. മസാഫി യിലെ ഫാം ഓഡിറ്റോറിയ ത്തിൽ നടന്ന ചടങ്ങിൽ പ്രമുഖ ബിസിനസ്സുകാരന്‍ സജി ചെറിയാൻ, പിന്നണി ഗായകൻ പ്രദീപ് ബാബു, പ്രശസ്ത ചിത്ര കാരൻ ഡാവിഞ്ചി സുരേഷ്, എ.കെ ബീരാൻ കുട്ടി, മനോജ് രാധാകൃഷ്ണൻ, വിജയകുമാർ തുടങ്ങിയവർ മുഖ്യ അതിഥികളായി പങ്കെടുത്തു. ഗാനമേള, നൃത്ത നൃത്യങ്ങൾ, വിവിധ മത്സരങ്ങൾ എന്നിവ കുടുംബ സംഗമത്തില്‍ അരങ്ങേറി.
അലുംനി ഭാരവാഹിയും ദിബ്ബ മുനിസിപ്പാലിറ്റി ഉദ്യോഗസ്ഥനുമായ സുനിലിന്‍റെ പിതാവ് 95 വയസ്സുള്ള ശക്തീധരന്‍റെ കാരിക്കേച്ചർ, ഡാവിഞ്ചി സുരേഷ് പരിപാടി യിൽ ലൈവ് ആയി വരച്ചു. മത്സരങ്ങളിൽ വിജയികള്‍ ആയവർക്കും ചിത്രങ്ങൾ വരച്ചു നൽകി.
കുടുംബ സംഗമത്തില്‍ പങ്കെടുത്തവർക്ക് സുനിലിന്‍റെ കൃഷിയിടത്തിൽ വളർത്തി എടുത്ത ചെടികളും, പച്ച ക്കറികളും, പാകപ്പെടുത്തിയ മരച്ചീനിയും നൽകി.
അലുംനി ജനറൽ സെക്രെട്ടറി രമേഷ് മാധവൻ, ട്രഷറർ അഷ്‌റഫ് കൊടുങ്ങല്ലൂർ, കൺവീനർ നജീബ് ഹമീദ് ഭാരവാഹികളായ നിലേഷ് വിശ്വനാഥൻ, ഷാജഹാൻ കരുവന്നൂർ, സുനിൽ രാജ്, അജിത്ത് പോളക്കുളത്ത്, ബാബു ഡേവിസ്, ജിംജി വാഴപ്പുള്ളി, ഷിബു, ഗോപാല കൃഷ്ണൻ, മോജിത്ത്, ഷാജു ജോർജ്, അനിൽ ധവാൻ, സേതു തുടങ്ങിയവർ നേതൃത്വം നൽകി.
വനിതാ വിഭാഗത്തിന്‍റെ നേതൃത്വത്തിൽ പ്രിഷ നിലേഷ്, ജൂബി ബാബു, സന്ധ്യ രമേഷ്, നാൻസി ഷാജു, രാജി സുനിൽ, ദിഷ അനിൽ തുടങ്ങിയവർ കലാ പരിപാടികള്‍ നിയന്ത്രിച്ചു.
- pma
അനുബന്ധ വാര്‍ത്തകള്‍
വായിക്കുക: പൂര്‍വ വിദ്യാര്‍ത്ഥി, പ്രവാസി, സംഘടന
