അബൂദാബി : എസ്. കെ. എസ്. എസ്. എഫ്. മുഖ പത്ര മായ സത്യധാര യുടെ ഗള്ഫ് എഡിഷന് പ്രസിദ്ധീകരണം ആരംഭിക്കുന്നു. കുടുംബ മാസിക യായിട്ടാവും ഗള്ഫ് സത്യധാര പുറത്തിറ ങ്ങുന്നത്. ഒട്ടനവധി മലയാളി കുടുംബങ്ങള് അധിവസിക്കുന്ന ഗള്ഫില് ധാര്മിക ബോധം വളര്ത്താന് സഹായമാകുന്ന കുടുംബ മാസികയുടെ അഭാവം പ്രകടമാണ്. ആ വിടവ് നികത്തുകയും ഒറ്റപ്പെടലിന്റെ സാഹചര്യങ്ങളില് ലഭിക്കാതെ പോകുന്ന ധാര്മിക ബോധവും തുടര് വിദ്യാഭ്യാസ അവസരവും സൃഷ്ടിക്കുകയും ചെയ്യുക എന്നതാണ് ഗള്ഫ് സത്യധാര ലകഷ്യമിടുന്നത്.
ജോലി, വിശ്രമം, പണത്തിന്റെ വിനിമയ നിരക്ക് എന്നീ വാക്ക് ത്രയങ്ങളില് ഒതുങ്ങുകയും ചുരുങ്ങുകയും ചെയ്യുന്ന ഗള്ഫ് മലയാളിക്ക് ലളിത വായന യിലേക്ക് പ്രചോദനം നല്കുക എന്നതാണ് ഗള്ഫ് സത്യധാര യുടെ മറ്റൊരു ലക്ഷ്യം. യു. എ. ഇ. യില് നിന്ന് പ്രസിദ്ധീകരിക്കുന്ന ഗള്ഫ് സത്യധാര ഏപ്രില് ലക്കം മുതല് എല്ലാ ഗള്ഫ് രാജ്യങ്ങളിലും വിതരണ ത്തിനെത്തും.
22നു അബൂദാബി ഇന്ത്യന്ഇസ്ലാമിക് സെന്ററില് വെച്ച് നടക്കുന്ന പരിപാടിയില് വെച്ച് സയ്യിദ് ഹൈദര് അലി ശിഹാബ് തങ്ങള് ഗള്ഫ് സത്യധാര യുടെ പ്രകാശന കര്മം നിര്വഹിക്കും. യു. എ. ഇ ഭരണാധികാരിയുടെ മത കാര്യ ഉപദേഷ്ടാവ് ഷെയ്ഖ് അലി അല് ഹാശിമി പരിപാടി ഉദ്ഘാടനം ചെയ്യും.
എം. കെ. ഗ്രൂപ്പ് മാനേജിംഗ് ഡയരക്ടര് പത്മശ്രീ യൂസുഫ് അലി എം. എ. വിശിഷ്ടാതിഥി യായി സംബന്ധിക്കും. സത്യധാര മാനേജിംഗ് ഡയരക്ടര് സയ്യിദ് സ്വാദിഖ് അലി ശിഹാബ് തങ്ങള്, ചീഫ് എഡിറ്റര് അബ്ദുല് ഹമീദ് ഫൈസി അമ്പലക്കടവ്, S K S S F സംസ്ഥാന ജനറല് സെക്രട്ടറി അഡ്വ: ഓണമ്പിള്ളി മുഹമ്മദ് ഫൈസി തുടങ്ങിയ മത സാമൂഹിക സാംസ്കാരിക മേഖലയിലെ പ്രമുഖര് സംബന്ധിക്കും.
- pma
അനുബന്ധ വാര്ത്തകള്
വായിക്കുക: കെ.എം.സി.സി., പ്രവാസി, മാധ്യമങ്ങള്, സംഘടന
