അബുദാബി : മാധ്യമ പ്രവർത്തകരുടെ കൂട്ടായ്മ ഇന്ത്യൻ മീഡിയ അബുദാബി (ഇമ) ഓണാഘോഷവും കുടുംബ സംഗമവും നടത്തി. ബുർജീൽ ഹോൾഡിംഗ്‌സ്, നോട്ട് ബുക്ക് റസ്റ്റോറന്റ് എന്നിവരുടെ സഹകരണത്തോടെ അബുദാബി മദീനാ സായിദ് ഷോപ്പിംഗ് സെൻ്റർ ഫുഡ് കോർട്ടിലെ നോട്ട് ബുക്ക് റസ്റ്റോറന്റിൽ നടന്ന പരിപാടി യിൽ ഇമ അംഗങ്ങളും കുടുംബാംഗങ്ങളും പങ്കെടുത്തു.
ചടങ്ങിൽ ബുർജീൽ ഹോൾഡിംഗ്സിനുള്ള ഉപഹാരം റീജ്യണൽ മാനേജർ (ബിസിനസ്സ് ഡവലപ്പ് മെന്റ്) സി. എം. നിർമ്മൽ, നോട്ട് ബുക്ക് റസ്റ്റോറ ന്റ് ഗ്രൂപ്പിനുള്ള ഉപഹാരം എം. ഡി. സതീഷ് കുമാർ മാനേജർ ഷംലാക് പുനത്തിൽ എന്നിവർ ചേർന്ന് ഏറ്റു വാങ്ങി.
ഇന്ത്യൻ മീഡിയ അബുദാബി പ്രസിഡണ്ട് എൻ. എം.അബൂബക്കർ, ജനറൽ സെക്രട്ടറി ടി. എസ്. നിസാമുദ്ദീൻ, ട്രഷറർ ഷിജിന കണ്ണൻദാസ്, വൈസ് പ്രസിഡണ്ട് പി. എം. അബ്ദുൽ റഹിമാൻ, ജോയിന്റ് സെക്രട്ടറി അനിൽ സി. ഇടിക്കുള എന്നിവർ ചേർന്നാണ് ഉപഹാരം സമ്മാനിച്ചത്.
യു. എ. ഇ. ഗോൾഡൻ വിസ നേടിയ റാഷിദ് പൂമാടം, അംഗങ്ങളുടെ മക്കളിൽ വിദ്യാഭ്യാസ മികവു പുലർത്തിയ ഹനാൻ റസാഖ്, ആമിന പി. എം. എന്നിവരെയും ആദരിച്ചു. എൻ. എം. അബൂബക്കർ അദ്ധ്യക്ഷത വഹിച്ചു. ടി. എസ്. നിസാമുദ്ദീൻ സ്വാഗതവും ഷിജിന കണ്ണൻദാസ് നന്ദിയും പറഞ്ഞു. റസാഖ് ഒരുമനയൂർ, സമീർ കല്ലറ തുടങ്ങിയവർ നേതൃത്വം നൽകി.
- pma
അനുബന്ധ വാര്‍ത്തകള്‍
വായിക്കുക: onam, social-media, കുട്ടികള്‍, പൂര്‍വ വിദ്യാര്‍ത്ഥി, പ്രവാസി, ബഹുമതി, മാധ്യമങ്ങള്‍, വിദ്യാഭ്യാസം
