 |
 |
 |
 |
 |
 |
 |
 |
 |
 |
 |
 |
 |
 |
അബുദാബി : കല അബുദാബി യുടെ ഓണം – ഈദ്‌ ആഘോഷം, വിവിധ കലാ പരിപാടി കളോടെ സെപ്തംബര്‍ 23 വ്യാഴാഴ്ച വൈകീട്ട് 7.30 നു അബുദാബി കേരളാ സോഷ്യല്‍ സെന്റര് അങ്കണത്തില്‍ നടക്കും. തെയ്യം, കാവടിയാട്ടം, പുലിക്കളി, വിവിധ നാടന്‍ കലാരൂപങ്ങള്‍, മാപ്പിളപ്പാട്ട്, ഒപ്പന, വിവിധ ങ്ങളായ നൃത്തങ്ങള്‍ എന്നിവ ഉള്‍ക്കൊള്ളിച്ചു കൊണ്ടുള്ള ഈ പരിപാടി യിലേക്ക് പ്രവേശനം സൌജന്യ മായിരിക്കും.
- pma
വായിക്കുക: കല, കേരള സോഷ്യല്‍ സെന്റര്
നോണ്‍ റസിഡന്റ് മാവേലിക്കര അസോസിയേഷന്‍ (നോര്‍മ യു.എ.ഇ.) സംഘടിപ്പിച്ച 6ആമത് രാജാ രവി വര്‍മ മെമോറിയല്‍ ചിത്ര രചനാ മത്സരത്തിലെ വിജയികളെ പ്രഖ്യാപിച്ചു. സബ്‌ ജൂനിയര്‍, ജൂനിയര്‍, സബ്‌ സീനിയര്‍, സീനിയര്‍ എന്നീ 4 വിഭാഗങ്ങളിലായി ആണ്‍ കുട്ടികള്‍ക്കും, പെണ്‍ കുട്ടികള്‍ക്കും പ്രത്യേകമായിരുന്നു മല്‍സരം.
ഏറ്റവും കൂടുതല്‍ പോയിന്റുകള്‍ നേടി അല്‍ ഐന്‍ ഇന്ത്യന്‍ സ്ക്കൂള്‍ ഓവറോള്‍ ചാമ്പ്യന്‍ ഷിപ്പ് കരസ്ഥമാക്കി. വിജയികള്‍ക്കുള്ള ട്രോഫികളും, മല്‍സരത്തില്‍ പങ്കെടുത്ത കുട്ടികള്‍ക്കുള്ള സര്‍ട്ടിഫിക്കറ്റുകളും സെപ്തംബര്‍ 24ന് 02:30ന് അജ്മാന്‍ അല്‍ മനാമ ഹൈപ്പര്‍ മാര്‍ക്കറ്റ്‌ ആഡിറ്റോറിയത്തില്‍ നോര്‍മ സംഘടിപ്പിക്കുന്ന ഓണാഘോഷത്തിന്റെ സമാപന സമ്മേളനത്തില്‍ വിതരണം ചെയ്യുമെന്ന് ജനറല്‍ സെക്രട്ടറി പോള്‍ ജോര്‍ജ്‌ പൂവത്തേരില്‍ അറിയിച്ചു.
- ജെ.എസ്.
വായിക്കുക: കല, കുട്ടികള്‍, സംഘടന
ദുബായ്‌ : ദുബായ്‌ കമ്മ്യൂണിറ്റി തിയ്യേറ്റര്‍ ആന്റ് ആര്ട്ട്സ് സെന്റര് (DUCTAC) ഒരുക്കുന്ന ‘കലിമാത്ത് ഇന്റര്‍നാഷണല്‍ എക്സിബിഷനില്‍’ ഈ വര്‍ഷവും ഖലീലുല്ലാഹ് ചെമ്നാടിന്റെ കാലിഗ്രാഫികള്‍ പ്രദര്‍ശന ത്തിനുണ്ടാകും. പുണ്യങ്ങളുടെ പൂക്കാലമായ റംസാന്‍ മാസത്തില്‍ ആഗസ്റ്റ് 17 മുതല്‍ സെപ്തമ്പര്‍ 13 വരെ മാള്‍ ഓഫ് എമിറേറ്റ്സിലെ ‘ഗാലറി ഓഫ് ലൈറ്റില്‍’ വെച്ച് നടക്കുന്ന എക്സിബിഷനില്‍ ലോകത്തിന്റെ വിവിധ ഭാഗങ്ങളില്‍ നിന്നുമുള്ള പ്രശസ്തരായ പത്ത് കലാകാരന്‍മാരാണ്‌ പങ്കെടുക്കുന്നത്.
ഖലീലുല്ലാഹ് ചെമ്നാട് യു.എ.ഇ.യിലെ പ്രശസ്ത ചിത്രകാരനും, എമിറേറ്റ്സ് ഫൈന്‍ ആര്ട്ട്സ് സൊസൈറ്റി ചെയര്‍മാനുമായ ഖലീല്‍ അബ്ദുല്‍ വാഹിദിനൊപ്പം
“പരമ്പരാഗത അറേബ്യന്‍ ചിത്ര രചനാ ശൈലിയും, നൂതനമായ സമകാലീന ചിത്ര രചനാ ശൈലിയും സമന്വയിക്കുന്ന ഒരു വേദിയാണ്‌ കലിമാത്ത്. അതോടൊപ്പം അക്ഷര ക്രമീകരണങ്ങളുടെ ചിത്രീകരണങ്ങളില്‍ റംസാന്റെ വിശുദ്ധി നിറഞ്ഞു നില്‍ക്കുന്ന കാലിഗ്രാഫികളും പ്രദര്‍ശനത്തിനുണ്ടാകും.” ദുബൈ കമ്മ്യൂണിറ്റി തിയ്യേറ്റര്‍ ആന്റ് ആര്ട്ട്സ് സെന്റര് (Dubai Community Theatre & Arts Centre – DUCTAC) വിഷ്വല്‍ ആര്‍ട്ട് ആന്റ് സ്പെഷ്യല്‍ പ്രൊജെക്റ്റ് മാനേജര്‍ ഫാത്വിമ മൊഹിയുദ്ധീന്‍ പറഞ്ഞു.
ശൈഖ് മുഹമ്മദ് ബിന്‍ റാഷിദ് അല്‍ മക്തൂം എന്ന് അറബിയില്‍ എഴുതി വരച്ച അനാട്ടമിക് കാലിഗ്രാഫി
വ്യത്യസ്തമായ രചനാ ശൈലികളിലൂടെ ഇതിനോടകം ലോക ശ്രദ്ധ നേടിയ യു. കെ. യില്‍ നിന്നുള്ള ഉമ്മു ആയിശ, ജൂലിയ ഇബ്ബിനി, ഒമാനില്‍ നിന്നുള്ള സ്വാലിഹ് അല്‍ ഷുഖൈരി, സല്‍മാന്‍ അല്‍ ഹജ്രി തുടങ്ങിയ പ്രശസ്തരായ കലാകാര ന്മാരാണ്‌ കലിമാത്തിന്‌ എത്തുന്നത്.
പ്രദര്‍ശനത്തില്‍ നിന്നും ഒരു ദൃശ്യം
കലിമാത്ത് പ്രദര്‍ശനത്തിന്റെ ഔദ്യോഗിക ഉദ്ഘാടനം ആഗസ്റ്റ് 17ആം തിയ്യതി വൈകുന്നേരം ഏഴ് മണിക്ക് നന്നു.
ലോകത്തിലെ ഏറ്റവും വലിയ കാലിഗ്രാഫി യുടെ രചനയില്‍
റെഡ് ഈവെന്റ് ആര്‍ട്ടിസ്റ്റും, ലോക റെക്കോര്‍ഡ് ജേതാവുമായ ഖലീലുല്ലാഹ് ചെമ്നാടിന്റെ ‘ലോകത്തിലെ ഏറ്റവും വലിയ അറബിക്ക് കാലിഗ്രാഫിയായ ‘ഹിസ് ഹൈനസ്സ് ഷൈഖ് മുഹമ്മദ് ബിന്‍ റാഷിദ് ആല്‍ മക്ത്തൂമിന്റെ അനാട്ടമിക്ക് കാലിഗ്രാഫിയാണ്‌ ‘കലിമാത്തിലെ പ്രധാന ആകര്‍ഷണം. കൂടാതെ ഖലീലിന്റെ മറ്റു മൂന്ന്‌ കാലിഗ്രാഫികള്‍ കൂടി പ്രദര്‍ശനത്തിനുണ്ടാകും. തുടര്‍ച്ചയായി രണ്ടാം തവണയാണ്‌ ഖലീലുല്ലാഹ് കലിമാത്ത് ഇന്റെര്‍നഷണല്‍ എക്സിബിഷനില്‍ പങ്കെടുക്കുന്നത്.
- ജെ.എസ്.
ഷാര്‍ജ: 15000 ത്തിലേറെ പേരുടെ മരണത്തിനിടയാക്കിയ ഒരു അപകടം നടന്നിട്ട് കേസിനൊരു വിധി പറയാന്‍ 26 വര്‍ഷങ്ങള്‍ വേണ്ടി വന്നു എന്നത് നമ്മുടെ രാഷ്ട്രീയ ഇച്ഛാശക്തിക്ക് എന്നുമൊരു കളങ്കമായി നിലനില്‍ക്കുന്നു എന്ന് “ഭോപ്പാല്‍ ദുരന്തവും കോടതി വിധിയും” എന്ന വിഷയത്തെ ആസ്പദമാക്കി “പ്രസക്തി” ഷാര്‍ജയുടെ ആഭിമുഖ്യത്തില്‍ നടത്തിയ സെമിനാറില്‍ സംസാരിക്കവേ പ്രമുഖ പരിസ്ഥിതി പ്രവര്‍ത്തകനും e പത്രം കോളമിസ്റ്റുമായ ഫൈസല്‍ ബാവ അഭിപ്രായപ്പെട്ടു.
കമ്പനി മുതലാളിയായ വാറന്‍ ആന്‍ഡേഴ്‌സനെ ലോക ചരിത്രത്തിലെ ഏറ്റവും വലിയ വാതക ദുരന്തം നടന്നു മണിക്കൂറുകള്‍ക്കകം ഇന്ത്യയില്‍ നിന്നും സുരക്ഷിതമായി അമേരിക്കയിലേക്ക്‌ കടക്കാന്‍ സൗകര്യം ചെയ്തു കൊടുത്ത കക്ഷികള്‍ തന്നെയാണ് ഇന്നും ഇന്ത്യ ഭരിക്കുന്നത്. ഇന്ത്യന്‍ നീതിന്യായ വ്യവസ്ഥയെ പുച്ഛത്തോടെ തള്ളിക്കളഞ്ഞു കോടതിക്ക് മുന്‍പില്‍ ഹാജരാവാന്‍ കൂട്ടാക്കാത്ത ഇയാളെ കോടതി പിടികിട്ടാപ്പുള്ളിയായി പ്രഖ്യാപിച്ചിട്ടും, കുറ്റവാളികളെ കൈമാറുന്ന നിയമം ഉപയോഗിച്ചു ഇന്ത്യയിലേക്ക്‌ നിയമാനുസൃതം കൊണ്ട് വരാന്‍ സര്‍ക്കാര്‍ ഗൌരവമായി ശ്രമിച്ചിട്ടില്ല.
ഇത്തരമൊരു ദുരന്തം ഇനിയും നമ്മുടെ നാട്ടില്‍ ആവര്‍ത്തിക്കാതിരിക്കാന്‍ നമുക്ക്‌ എന്ത് ചെയ്യാനാവും എന്ന് ഗൌരവമായി ചിന്തിക്കേണ്ടിയിരിക്കുന്നു. “പ്രസക്തി” പോലുള്ള ഓരോ കൂട്ടായ്മയും ഈ ഉത്തരവാദിത്തം ഏറ്റെടുക്കണം. ജാഗ്രതയുള്ള ഒരു സമൂഹമാണ് ജനാധിപത്യത്തിന്റെ ഏറ്റവും ആത്യാവശ്യ ഘടകം. ഇത്തരം ചര്‍ച്ചകളിലൂടെ പ്രശ്നത്തിന്റെ വിവിധ വശങ്ങള്‍ പഠിക്കുകയും രാഷ്ട്രീയ ഇടപെടലുകള്‍ക്ക്‌ പ്രേരകമായി വര്‍ത്തിക്കുകയും ചെയ്യുക എന്നതാണ് ഈ ജാഗ്രത വളര്ത്തിയെടുക്കുവാനുള്ള വഴി.
കലയ്ക്കും കവിതയ്ക്കും സമൂഹ മനസ്സാക്ഷിയെ തൊട്ടുണര്‍ത്താനും ചിന്തിപ്പിക്കുവാനും സാധിക്കുന്നു. ഭോപ്പാല്‍ ദുരന്തത്തെ കുറിച്ചുള്ള ഈ ചര്‍ച്ചാ വേളയില്‍ യു.എ.ഇ. യിലെ ചിത്രകാരന്മാരുടെ കൂട്ടായ്മയായ ആര്‍ട്ടിസ്റ്റ ഗ്രൂപ്പും, ഒരു സംഘം കവികളും പങ്കെടുത്തത് ഈ ജൈവ ബന്ധത്തിന്റെ സൂചകമാണ്.
ഭോപ്പാല്‍ ദുരന്തം കൈകാര്യം ചെയ്ത രീതിയെ പറ്റി സമഗ്രമായി പ്രതിപാദിച്ച പ്രമുഖ പരിസ്ഥിതി പ്രവര്‍ത്തകന്‍ ഡോ. അബ്ദുല്‍ ഖാദര്‍ വിഷയത്തില്‍ ഉടനീളം സര്‍ക്കാര്‍ പ്രകടിപ്പിച്ച അമേരിക്കന്‍ വിധേയത്വത്തെ നിശിതമായി വിമര്‍ശിച്ചു. ഓരോ ഘട്ടത്തിലും സാമാന്യ നീതി നിഷേധിച്ച സമീപനമാണ് സര്‍ക്കാര്‍ സ്വീകരിച്ചത് എന്നും അദ്ദേഹം വിശദീകരിച്ചു.
ശിവ പ്രസാദ്‌, അജി രാധാകൃഷ്ണന്‍ എന്നിവരും സെമിനാറില്‍ പങ്കെടുത്തു സംസാരിച്ചു. നവാസ്‌ അദ്ധ്യക്ഷത വഹിച്ചു.
ടി.എ. ശശി, അസ്മോ പുത്തന്‍ചിറ
കവി സമ്മേളനത്തില്‍ പ്രമുഖ പ്രവാസ കവികളായ അസ്മോ പുത്തന്‍ചിറ, ഗഫൂര്‍ പട്ടാമ്പി, ശിവ പ്രസാദ്‌, ശശി ടി. എ., എന്നിവര്‍ കവിതകള്‍ അവതരിപ്പിച്ചു.
കൂടുതല്‍ ചിത്രങ്ങള്‍ക്ക് മുകളില്‍ ക്ലിക്ക്‌ ചെയ്യുക
ഭോപ്പാല്‍ ദുരന്തത്തെ പ്രമേയമാക്കി ആര്‍ട്ടിസ്റ്റ ഗ്രൂപ്പിന്റെ ആഭിമുഖ്യത്തില്‍ യു.എ.ഇ. യിലെ പ്രമുഖ ചിത്രകാരന്മാര്‍ ചിത്രങ്ങള്‍ രചിച്ചു. നസറുദ്ദീന്‍, ലക്ഷ്മണന്‍, സിന്‍ഡോ, രാജീവ്‌, മുരുകാനന്ദം, ഷാബു, ഷാഹുല്‍, ഹരീഷ് തച്ചോടി, റോയ് ച്ചന്‍ , ശ്രീകുമാര്‍, അനില്‍ കരൂര്‍, ഹരീഷ് ആലപ്പി, ശശിന്‍സ്, രഞ്ജിത്ത്, കിരണ്‍ എന്നീ ചിത്രകാരന്മാര്‍ പങ്കെടുത്തു.
- ജെ.എസ്.
അബുദാബി: ലിംക ബുക്ക് ഓഫ് വേള്ഡ് റെക്കോര്‍ഡില്‍, ലോകത്തിലെ ഒരേ ഒരു അനാട്ടമിക് കാലിഗ്രാഫര്‍ എന്ന ബഹുമതി യോടെ ഖലീലുല്ലാഹ് ചെമ്നാട് സ്ഥാനം നേടി. ആദ്യമായാണ്‌ ഒരു മലയാളി കലാകാരന്‍ ‘കാലിഗ്രാഫി ചിത്രകല’ യുടെ മികവില്‍ ലിംക ബുക്കില്‍ എത്തുന്നത്. അറബി യില്‍ ഒരാളുടെ പേര്‍ എഴുതു മ്പോള്‍ അത് അക്ഷര ചിത്രങ്ങളുടെ ക്രമീകരണ ങ്ങളിലുടെ ആ വ്യക്തി യുടെ രൂപമായി മാറുന്ന നൂതന വും വൈവിദ്ധ്യ മാര്‍ന്നതു മായ ഒരു കാലിഗ്രാഫിക് ശൈലി യാണ്‌ ‘അനാട്ടമിക് കാലിഗ്രാഫി.
യു. എ. ഇ. യുടെ പ്രഥമ പ്രസിഡന്‍റ്, ‘ശൈഖ് സായിദ് ബിന്‍ സുല്‍ത്താന്‍ അല്‍ നഹ്‌യാന്‍’ എന്ന് അറബിയില്‍ ഉള്ള പേരു കൊണ്ട് പതിനെട്ട് വര്‍ഷ ങ്ങള്‍ക്ക് മുമ്പ് ഖലീല്‍ വരച്ച കാലിഗ്രാഫി യാണ്‌ ലോകത്തിലെ ഏറ്റവും ആദ്യത്തെ അനാട്ടമിക് കാലിഗ്രാഫി.
ശൈഖ് സായിദ് ബിന്‍ സുല്‍ത്താന്‍ അല്‍ നഹ്‌യാന്‍ - ആദ്യത്തെ അനാട്ടമിക് കാലിഗ്രാഫി
ഇത്തരം ഒരു നൂതന ചിത്ര സങ്കേതമാണ്‌ ‘ഖലീലുല്ലാഹ് ചെമ്നാടിനെ ലിംക ബുക്ക് ഓഫ് വേള്ഡ് റെക്കോര്‍ഡില്‍ എത്തിച്ചത്. യു.എ. ഇ. വൈസ് പ്രസിഡണ്ടും പ്രധാന മന്ത്രിയും ദുബൈ ഭരണാധി കാരിയു മായ ഹിസ് ഹൈനസ്സ് ശൈഖ് മുഹമ്മദ് ബിന്‍ റാഷിദ് അല്‍ മക്ത്തൂമിന്റെ ‘ലോകത്തിലെ ഏറ്റവും വലിയ’ കാലിഗ്രാഫി വരച്ച് ഈ കലയില്‍ ഇതിനോടകം ഒട്ടേറേ നേട്ടങ്ങള്‍ കൈ വരിച്ചിട്ടുള്ള ഖലീലുല്ലാഹ് ഈ അടുത്ത കാലത്ത് അള്‍ജീറിയ യില്‍ വെച്ച് നടന്ന ‘ഇന്‍റ്ര്‍നാഷണല്‍ ഫെസ്റ്റിവല്‍ ഓഫ് കാലിഗ്രാഫി യില്‍’ ഇന്ത്യയെ പ്രതിനിധീ കരിച്ച് പങ്കെടുക്കു കയും പുരസ്കാര മായി യോഗ്യതാ പത്രം നേടുകയും ചെയ്തിരുന്നു.
ലോകത്തിലെ ഏറ്റവും വലിയ കാലിഗ്രാഫി യുടെ രചനയില്‍
കാസര്‍ഗോഡ് സ്വദേശിയും, പ്രവാസി യുമായ ഖലീലുല്ലാഹ് ചെമ്നാട്, നൂതന മായ ഈ കലാ രംഗത്ത്‌ എത്തിയത് വളരെ ആശ്ചര്യകരമായി തോന്നാം.
പിതാവിന്‍റെ മേല്‍‌വിലാസ ത്തില്‍ എത്തിയിരുന്ന അറബിക്ക് പുസ്തക ങ്ങളിലെ അക്ഷര ങ്ങളുടെ മനോഹാരിത യില്‍ ആകൃഷ്ടനായ ഖലീല്‍, വളരെ ചെറുപ്പത്തില്‍ തന്നെ കാലിഗ്രാഫി ചിത്രങ്ങള്‍ വരക്കുകയും പ്രസിദ്ധീകരി ക്കുകയും ചെയ്തിരുന്നു. പിന്നീട് ക്ലാസ്സിക് കാലിഗ്രാഫി കളായ ഖൂഫി, ദീവാനി, സുലുസ് തുടങ്ങിയ നിയമ ങ്ങളില്‍ നിന്നും വിത്യസ്ഥനായി നടന്ന ഖലീല്‍ ‘അനാട്ടമിക്ക് കാലിഗ്രാഫി’ എന്ന ഒരു പുതിയ വഴി കണ്ടെത്തുക യായിരുന്നു. ഇപ്പോഴിതാ ലോകത്തിലെ ഒരേ ഒരു അനാട്ടമിക് കാലിഗ്രാഫര്‍ എന്ന ബഹുമതി യോടെ ലിംക ബുക്കില്‍ സ്ഥാനം നേടിയിരിക്കുന്നു.
ശൈഖ് മുഹമ്മദ് ബിന്‍ റാഷിദ് അല്‍ മക്തൂം എന്ന് അറബിയില്‍ എഴുതി വരച്ച അനാട്ടമിക് കാലിഗ്രാഫി
‘ഈ പ്രവര്‍ത്തന ങ്ങളും നേട്ടങ്ങളും ഇന്ത്യന്‍ ചിത്രകല യില്‍ കാലിഗ്രാഫി യെ കുടുതല്‍ സുപരിചിത മാക്കുകയും, പുതിയ തലമുറ ഈ കലയെ കുറിച്ച് പഠിക്കുക യും കുടുതല്‍ ഉയര ങ്ങളിലേക്ക് എത്തുകയും ചെയ്യണമെന്ന്‌ ഞാന്‍ ആഗ്രഹിക്കുന്നു’ എന്ന് ഖലീലുല്ലാഹ് പറഞ്ഞു.
ഖലീലിന്റെ വെബ്സൈറ്റായ www.worldofcalligraphy.com സന്ദര്‍ശിച്ച ലിംക ബുക്ക് എഡിറ്റര്‍ വിജയ ഘോഷ് എഴുതിയത് “You are very talented! The pics on your website were fantastic indeed” എന്നാണ്‌.
കേരള കാര്‍ട്ടൂണ്‍ അക്കാദമി രജത ജൂബിലി ആഘോഷങ്ങളുടെ ഭാഗമായി സംഘടിപ്പിച്ച ‘കാര്‍ട്ടൂണ്‍ പ്രദര്‍ശനവും’ റെക്കോര്‍ഡു കളുടെ കൂട്ടത്തില്‍ ഉണ്ട്.
അക്കാദമി യുടെ മെമ്പര്‍ കൂടിയായ ഖലീല്‍, കാര്‍ട്ടൂണ്‍ അക്കാദമിയുടെ നേട്ടത്തില്‍ സന്തോഷം പ്രകടിപ്പികുകയും, സെക്രട്ടറി സുധീര്‍നാഥിന്‍റെ പ്രയത്നങ്ങളെ അഭിനന്ദിക്കുകയും ചെയ്തു.
- pma
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
