അബുദാബി: സയ്യിദ്‌ മുഹമ്മദലി ശിഹാബ്‌ തങ്ങളുടെ ഓര്‍മ്മ ചിത്രങ്ങള്‍ നിരത്തി അബുദാബി സര്‍ഗ്ഗധാര ഒരുക്കുന്ന ‘ആര്‍ദ്ര മൌനത്തിലേക്കൊരു ജാലകം’ എന്ന ഫോട്ടോ പ്രദര്‍ശനം നവംബര്‍ 5 വൈകീട്ട് 4 .30 ന് അബുദാബി കേരളാ സോഷ്യല്‍ സെന്‍ററില്‍.
ചന്ദ്രിക ദിനപ്പത്ര ത്തിന്‍റെ ഫോട്ടോഗ്രാഫര്‍ ഷംസീര്‍, ശിഹാബ്‌ തങ്ങളുടെ കൂടെ നടന്ന് എടുത്തിരുന്ന അപൂര്‍വ്വ ചിത്രങ്ങള്‍ പ്രദര്‍ശിപ്പിക്കുന്ന ഈ പരിപാടിയോടനു ബന്ധിച്ച് സ്കൂള്‍ വിദ്യാര്‍ത്ഥികള്‍ ക്കായി ചിത്ര രചനാ മത്സരവും ഒരുക്കിയിരിക്കുന്നു. അന്നേ ദിവസം ഉച്ച തിരിഞ്ഞ് 3 മണി മുതല്‍ മത്സരം നടക്കും. പങ്കെടുക്കാന്‍ ആഗ്രഹിക്കുന്ന കുട്ടികള്‍ / രക്ഷിതാക്കള്‍, 056 134 70 59 എന്ന നമ്പറിലോ sargadharaabudhabi അറ്റ്‌gmail ഡോട്ട് കോം എന്ന ഇ-മെയില്‍ വിലാസത്തിലോ ബന്ധപ്പെടുക.
അബുദാബി : കല അബുദാബി യുടെ വാര്‍ഷികാ ഘോഷം ‘കലാഞ്ജലി 2010’ ഒക്ടോബര്‍ 29 മുതല്‍ ഡിസംബര്‍ 3 വരെ വിവിധ പരിപാടി കളോടെ വിവിധ വേദി കളിലായി അരങ്ങേറുക യാണ്. കലാഞ്ജലി യുടെ ഭാഗമായി ഈ വര്‍ഷത്തെ അവാര്‍ഡ് ദാന ചടങ്ങും ഉണ്ടായിരിക്കും.
