അബുദാബി : മലയാളി സമാജം കലാ വിഭാഗം സംഘടിപ്പി ക്കുന്ന ഹ്രസ്വ സിനിമ കളുടെ മല്‍സര ത്തിലേക്കുള്ള സൃഷ്ടികള്‍ സ്വീകരിക്കുന്ന തിന്‍റെ കാലാവധി ജൂലായ് 10 വരെ നീട്ടിയിരിക്കുന്നു എന്ന് കലാ വിഭാഗം സിക്രട്ടറി അറിയിച്ചു. ഏറ്റവും നല്ല ചിത്രം, മികച്ച രണ്ടാമത്തെ ചിത്രം, മികച്ച സംവിധായകന്‍, മികച്ച നടന്‍, മികച്ച നടി, ഛായാഗ്രഹണം, ശബ്ദമിശ്രണം, മികച്ച വിഷയം എന്നീ വിഭാഗ ങ്ങളിലാണ് മത്സരം.
മത്സരവു മായി ബന്ധപ്പെട്ട നിബന്ധനകള്‍:
1. സിനിമ മുഴുവനായും യു. എ. ഇ. യില്‍ ചിത്രീകരിച്ചത് ആയിരിക്കണം.
2. അഭിനേതാക്കളും സാങ്കേതിക വിദഗ്‌ദരും യു. എ. ഇ. വിസ ഉള്ളവരും ആയിരിക്കണം.
3. ഓരോ സിനിമ കളുടെയും ദൈര്‍ഘ്യം പരമാവധി 10 മിനിറ്റ് ആയിരിക്കും.
4. സൃഷ്ടികള്‍ 2010 ജൂലായ് 10 ന് അബുദാബി മലയാളി സമാജ ത്തില്‍ ലഭിച്ചിരിക്കണം.
നാട്ടില്‍ നിന്നുള്ള പ്രഗത്ഭരായ കലാ കാരന്മാര്‍ അടങ്ങുന്ന ജൂറിയായിരിക്കും വിധി നിര്‍ണ്ണയിക്കുക. കൂടുതല്‍ വിവരങ്ങള്‍ക്ക് ബിജു കിഴക്കനേല യുമായി 055 452 60 50, 056 617 53 78 എന്നീ നമ്പരുകളില്‍ ബന്ധപ്പെടണം.
.
അബുദാബി : കല അബുദാബിയുടെ ഈ വര്‍ഷത്തെ പ്രവര്‍ത്താനോ ല്‍ഘാടനത്തോട് അനുബന്ധിച്ച് അവതരിപ്പിച്ച കഥകളി ‘ലവണാസുര വധം’ അബുദാബി ഇന്ത്യാ സോഷ്യല്‍ സെന്‍റര്‍ ഓഡിറ്റോറിയ ത്തില്‍ അരങ്ങേറി. കേരളീയം 2010 എന്ന പേരില്‍ അവതരിപ്പിച്ച കല പ്രവര്‍ത്ത നോല്‍ഘാടന ത്തില്‍ കലാ നിലയം ഗോപി ആശാനും സംഘവും ഒരുക്കിയ കഥകളി കൂടാതെ കേളി, തായമ്പക, വിവിധ നൃത്യ നൃത്ത്യങ്ങള്‍ എന്നിവയും അരങ്ങേറി.
അബുദാബി : കേരളാ സോഷ്യല്‍ സെന്‍റര്‍ ബാലവേദി ഉദ്ഘാടനം ബാല താരങ്ങളായ നിരഞ്ജന യും നിവേദിത യും ചേര്ന്ന് നിര്‍വ്വഹിക്കും. ജൂണ്‍ 3 വ്യാഴാഴ്ച രാത്രി 8 മണിക്ക് കെ. എസ്. സി. അങ്കണത്തില്‍ നടക്കുന്ന “നിലാ ശലഭങ്ങള്‍” എന്ന പരിപാടിയില്‍ ഗാനമേള, മോണോ ആക്റ്റ്‌, വിവിധ നൃത്തങ്ങള്‍ എന്നിവ ഉണ്ടായിരിക്കും. 
അബുദാബി : വ്യത്യസ്തമായ ഒരു കലാ വിരുന്ന് “ധ്വനി തരംഗ് ” ഇന്ന് രാത്രി (7-05-2010) 8.30ന് കേരളാ സോഷ്യല്‍ സെന്ററില്‍ അരങ്ങേറും . സംഗീത രംഗത്തെ അതുല്യ പ്രതിഭകള്‍ ആയ ഡോ. നന്ദിനി മുത്തു സ്വാമി , പണ്ഡിറ്റ്‌ തരുണ്‍ ഭട്ടാചാര്യ , അഭിഷേക് ബസു എന്നിവര്‍ ചേര്ന്ന് ഒരുക്കുന്ന ഫ്യൂഷന്‍ സംഗീത സംഗമവും , ശ്രീലങ്കയുടെ സാംസ്കാരിക പൈതൃകം വിളിച്ചോതുന്ന നൃത്ത രൂപങ്ങളുമായി ചന്ദന വിക്രമ സിംഗെ യും സംഘവും, ഭാരതത്തിന്റെ തനത് കലാ രൂപങ്ങളുമായി സമുദ്ര ആര്‍ട്സിലെ കലാ കാരന്മാരും ചേര്ന്ന് ‘ധ്വനി തരംഗ് ‘ അവിസ്മരണീയമാക്കി തീര്‍ക്കുന്നു.
