അബുദാബി : കല അബുദാബി യുടെ ഒരു മാസം നീണ്ടു നിന്ന വാര്‍ഷികാഘോഷങ്ങള്‍ ‘കലാഞ്ജലി2010’ ഇന്ന് സമാപനം. കലയുടെ ഈ വര്‍ഷത്തെ ‘നാട്യകലാ പുരസ്കാരം’ ചലച്ചിത്ര നടന്‍ ലാലു അലക്‌സും ‘മാധ്യമശ്രീ പുരസ്കാരം’ ഏഷ്യാനെറ്റ് ന്യൂസ് ഡല്‍ഹി ബ്യൂറോ ചീഫ് പ്രശാന്ത് രഘുവംശ വും ഏറ്റു വാങ്ങും.
മൂന്ന് ദശാബ്ദക്കാലമായി മലയാള സിനിമയ്ക്കു നല്‍കിയ സമഗ്ര സംഭാവന പരിഗണിച്ചാണ് ലാലു അലക്‌സിന് അവാര്ഡ് നല്‍കുന്നത്. ഡല്‍ഹി യിലെയും ഉത്തര ഭാരതത്തിലെ മറ്റു സംഭവ വികാസങ്ങളും മലയാളികള്‍ക്ക് എത്തിക്കാന്‍ പ്രശാന്ത് രഘുവംശം കാണിക്കുന്ന മികവാണ് ‘മാധ്യമശ്രീ’ പുരസ്കാര ത്തിന് അദ്ദേഹത്തെ അര്‍ഹനാക്കിയത്.
അബുദാബി ഇന്ത്യാ സോഷ്യല്‍ സെന്‍ററില്‍ ഇന്ന്(വ്യാഴാഴ്ച) വൈകീട്ട് 7 . 30 മുതല്‍ നടക്കുന്ന ‘കലാഞ്ജലി 2010’ ല്‍ മലബാറിലെ പ്രശസ്ത തെയ്യം കലാ കാരന്മാരായ പയ്യന്നൂര്‍ ചന്തു പ്പണിക്കരും സുരേന്ദ്രന്‍ പണിക്കരും അവതരി പ്പിക്കുന്ന തെയ്യവും ദുബായ് ഭരതം കലാകേന്ദ്രം അവതരിപ്പിക്കുന്ന തായമ്പക കച്ചേരിയും അരങ്ങേറും. യു. എ. ഇ. യിലെ പ്രഗല്‍ഭരായ നൃത്താദ്ധ്യാപകര്‍ ഒരുക്കുന്ന വിവിധ കലാ പരിപാടി കളും കലാഞ്ജലിക്ക് മാറ്റു കൂട്ടും.
അബുദാബി : കല അബുദാബി യുടെ വാര്‍ഷികാഘോഷം ‘കലാഞ്ജലി 2010’ ഒരു മാസം നീണ്ടു നില്‍ക്കുന്ന വിവിധ പരിപാടി കളോടെ നടത്തുന്നു. ‘കലാഞ്ജലി 2010’ നവംബര്‍ 12ന് വെള്ളിയാഴ്ച അബുദാബി മലയാളി സമാജ ത്തില്‍ ചിത്ര രചനാ മത്സര ത്തോടെ ആരംഭിക്കും. തുടര്‍ന്ന് വിവിധ ദിവസ ങ്ങളിലായി പാചക മല്‍സരം, സിനിമാറ്റിക് നൃത്ത മത്സരം, ഒപ്പന മത്സരം, ഫോട്ടോ പ്രദര്‍ശനം, ഹ്രസ്വചിത്ര ങ്ങളുടെ പ്രദര്‍ശനം, കവിതാ പാരായണ മത്സരം, തുടങ്ങിയവ വിവിധ വേദികളി ലായി അരങ്ങേറും.
