- ലിജി അരുണ്
വായിക്കുക: അപകടം, ആനക്കാര്യം, വന്യജീവി
തൃശ്ശൂര് : കേരളത്തില് ഇനി ഉത്സവകാലമാണ്. മിക്കവാറും അമ്പലങ്ങളിലും ക്ഷേത്രങ്ങളിലും ഫെബ്രുവരി മുതല് ഏപ്രില് വരെ മാസങ്ങളിലാണ് ഉത്സവങ്ങള് അരങ്ങേറുന്നത്. വേനല് ചൂടിന്റെ കാഠിന്യം ഉച്ചസ്ഥായിയില് നില്ക്കുന്ന ഈ സമയത്ത് മതത്തിന്റെയും വിനോദ സഞ്ചാരത്തിന്റെയും പേരില് മിണ്ടാപ്രാണികളായ ആനകളെ വേഷം കെട്ടിച്ച് മണിക്കൂറുകളോളം എഴുന്നെള്ളിച്ച് നിര്ത്തുന്ന ദയനീയമായ കാഴ്ച കേരളം അങ്ങോളമിങ്ങോളം കാണാനാവുന്ന പീഡന കാലമാണിത്. മതാചാരത്തിന്റെ പേരില് ചുട്ടുപൊള്ളുന്ന ടാറിട്ട റോഡിലൂടെ ആനകളെ ദിവസങ്ങളോളം തന്നെ കൊടും വെയിലില് നിര്ത്തുകയും നടത്തുകയുമൊക്കെ ചെയ്യുന്നത് മൃഗസ്നേഹികളെ ഏറെ വേദനിപ്പിക്കുന്നു. പലപ്പോഴും ഇവയെ മതിയായ ഉറക്കമോ, ഭക്ഷണമോ, കുടിവെള്ളമോ നല്കാതെയാണ് ഇങ്ങനെ കാഴ്ച വസ്തുക്കളായി കെട്ടി എഴുന്നെള്ളിക്കുന്നത്.
മുപ്പതിനായിരം മുതല് ഒരു ലക്ഷം രൂപ വരെയാണ് ഇങ്ങനെ അമ്പലങ്ങളില് എഴുന്നെളിഇകുന്ന ആനകളുടെ ഉടമകള്ക്ക് ലഭിക്കുന്ന ദിവസ വാടക. അതിനാല് തന്നെ ഈ ഉത്സവകാലം ആന ഉടമള്ക്കും, കോണ്ട്രാക്ടര്മാര്ക്കും, പാപ്പാന്മാര്ക്കും കൊയ്ത്തുകാലം കൂടിയാണ്.
എഴുന്നെള്ളിക്കുന്ന ആനകള് അമ്പല പറമ്പില് അക്രമാസക്തമാവുന്ന നടുക്കുന്ന ദൃശ്യങ്ങള്ക്ക് കേരളം അടുത്തയിടെ ഒരുപാട് തവണ സാക്ഷിയായിട്ടുണ്ട്.
ഉത്സവങ്ങളുടെയും ആചാരങ്ങളുടെയും വിനോദ സഞ്ചാരത്തിന്റെയും പേര് പറഞ്ഞ് ആനകളോട് കാണിക്കുന്ന ഈ ക്രൂരത തടയാന് നടപടി സ്വീകരിക്കേണ്ട കാലം അതിക്രമിച്ചിരിക്കുന്നു.
- ജെ.എസ്.
വായിക്കുക: ആനക്കാര്യം
വടകര: സി. പി. എമ്മും സി. പി. ഐയും പോര് മുറുകുന്നതിനിടയില് റവലൂഷണറി മാര്ക്സിസ്റ്റ് പാര്ട്ടിയുമായി ഒന്നിക്കാന് തയ്യാറാണെന്ന് സി. പി. ഐ. നേതാവും മുന്മ ന്ത്രിയുമായ ബിനോയ് വിശ്വം പറഞ്ഞു. റവലൂഷണറിയുടെ ഒഞ്ചിയം ഏരിയാ സമ്മേളനത്തിന്റെ മുന്നോടിയായി കുഞ്ഞിപ്പള്ളിയില് നടന്ന സെമിനാറില് സംസാരിക്കുകയായിരുന്നു അദ്ദേഹം. റവലൂഷണറി മാര്ക്സിസ്റ്റ് പാര്ട്ടിയുടെ യാത്ര ഇടത്തോട്ടേക്ക് തന്നെയാണെങ്കില് ആ യാത്രയില് പങ്കാളികളാകാനും തുല്യതയോടെ സംസാരിക്കാനും തയ്യാറാണെന്നാണ് റവലൂഷണറി മാര്ക്സിസ്റ്റ് പാര്ട്ടിയെ സി. പി. ഐ. യിലേക്ക് ക്ഷണിക്കുന്ന രീതിയില് ബിനോയ് വിശ്വം സംസാരിച്ചത്.
അധിക കാലമൊന്നും ഇങ്ങനെ ഒറ്റപ്പെട്ട നിലയില് കഴിയാന് പറ്റുമെന്ന് ചിന്തിക്കണമെന്ന് റവലൂഷണറി പ്രവര്ത്തകരോട് അദ്ദേഹം ഓര്മ്മിപ്പിച്ചു. എന്നാല് ഇന്ത്യയില് ഇപ്പോഴുള്ള രണ്ട് കമ്യൂണിസ്റ്റ് പാര്ട്ടികളേക്കാള് ഇടത്തോട്ടേക്ക് പോകാനാണ് തങ്ങളുടെ ആഗ്രഹമെന്നായിരുന്നു അധ്യക്ഷ സ്ഥാനം വഹിച്ച ഇടത് ഏകോപനസമിതി നേതാവ് കെ. എസ്. ഹരിഹരന് ഇതിനു നല്കിയ മറുപടി. ബിനോയ് വിശ്വത്തിന്റെ ഈ പ്രസ്താവന ഇടത് മുന്നണിയില് പല ചേരിതിരിവിനും കാരണമായി മാറാന് സാധ്യത ഉണ്ടെന്നാണ് രാഷ്ട്രീയ നിരീക്ഷകരുടെ വിലയിരുത്തല്
- ന്യൂസ് ഡെസ്ക്
വായിക്കുക: കേരള രാഷ്ട്രീയം, കേരള രാഷ്ട്രീയ നേതാക്കള്
കണ്ണൂര്: ബി. ജെ. പി പ്രവര്ത്തകന് മനോജിന്റെ (40) കൊലപാതാകത്തെ തുടര്ന്ന് കണ്ണൂര് ജില്ലയിലെ പയ്യോളിയിലും പരിസരങ്ങളിലും സംഘര്ഷം തുടരുന്നു. ഞായറാഴ്ച രാത്രിയാണ് മുഖം മൂടി ധരിച്ചെത്തിയ ഒരു സംഘം മനോജിന്റെ വീട്ടില് കയറി വെട്ടിയത്. അമ്മയുടേയും ഭാര്യയുടേയും മുമ്പിലിട്ട് തലങ്ങും വിലങ്ങും വെട്ടുകയായിരുന്നു. വീട്ടുകാരുടെ നിലവിളികേട്ട് അയല്ക്കാര് ഓടിയെത്തിയെങ്കിലും അക്രമി സംഘം അവര്ക്കു നേരെയും മാരകായുധങ്ങളുമായി ഭീഷണി മുഴക്കി. അക്രമികള് പോയതിനു ശേഷമാണ് മനോജിനെ ആശുപത്രിയിലേക്ക് മാറ്റുവാനായത്. തലയ്ക്കും കാലുകള്ക്കും ഗുരുതരമായി പരിക്കേറ്റ മനോജിനെ മേഡിക്കല് കോളേജില് പ്രവേശിപ്പിച്ചെങ്കിലും തിങ്കളാഴ്ച പുലര്ച്ചയോടെ മരിക്കുകയായിരുന്നു.
മനോജിന്റെ കൊലപ്പെടുത്തിയതറിഞ്ഞ് നൂറു കണക്കിനു ബി. ജെ. പി-ആര്. എസ്. എസ് പ്രവര്ത്തകര് സംഭവ സ്ഥലത്ത് തടിച്ചു കൂടി. അക്രമത്തിനു പിന്നില് സി. പി. എം ആണെന്ന് ബി. ജെ. പി ആരോപിച്ചു. രോഷാകുലരായ ബി. ജെ. പി പ്രവര്ത്തകര് സി. പി. എമ്മിന്റെ ഓഫീസുകള് അടിച്ചു തകര്ക്കുകയും തീയിടുകയും ചെയ്തു. വടകര ഡി. വൈ. എസ്. പിയുടെ നേതൃത്വത്തില് പ്രദേശത്തെ സംഘര്ഷ സാധ്യത കണക്കിലെടുത്ത് കൂടുതല് പോലീസിനെ വിന്യസിച്ചിട്ടുണ്ട്. മൃതദേഹം പൊതു ദര്ശനത്തിനു വച്ചപ്പോള് നൂറു കണക്കിനു പേര് അന്തിമോപചാരം അര്പ്പിക്കുവാന് എത്തിയിരുനു. ഇതിനിടയില് ബി. ജെ. പി പ്രവര്ത്ത്കര് സി. പി. എം ഓഫീസിനു തീയിടുവാന് ശ്രമിച്ചപ്പോള് ബി.ജെ.പി സംസ്ഥാന നേതാക്കള് ഇടപെട്ട് ശാന്തരാക്കി.മനോജിന്റെ മൃതദേഹം വൈകീട്ട് സംസ്കാരം നടത്തി. പുഷ്പയാണ് മനോജിന്റെ ഭാര്യ. നന്ദ, ആര്യ എന്നിവര് മക്കളാണ്.
- ലിജി അരുണ്
വായിക്കുക: കേരള രാഷ്ട്രീയം, ദുരന്തം, പോലീസ് അതിക്രമം
- ലിജി അരുണ്
വായിക്കുക: എതിര്പ്പുകള്, കേരള രാഷ്ട്രീയം