ആര്‍.എസ്.പി. യുടെ എതിര്‍പ്പിനെ മറി കടന്ന് കേരള കോണ്‍ഗ്രസ്സ് പി. സി. തോമസ് വിഭാഗത്തെ എല്‍. ഡി. എഫില്‍ എടുക്കുവാന്‍ ധാരണയായി. ഇന്ന് ചേര്‍ന്ന ഇടതു മുന്നണി യോഗ ത്തിലാണ് കേരള കോണ്‍ഗ്രസ്സ് ജോസഫ് വിഭാഗത്തില്‍ നിന്നും എല്‍. ഡി. എഫിനൊപ്പം നില്‍ക്കുവാന്‍ തയ്യാറായവരെ ഇടതു മുന്നണിയില്‍ ഘടക കക്ഷി യാക്കുന്നതില്‍ തീരുമാനമായത്.
ആര്‍. എസ്. പി. യെ കൂടാതെ സി. പി. ഐ. യും എതിര്‍പ്പ് പ്രകടിപ്പിച്ചിരുന്നു എങ്കിലും സി. പി. എമ്മിന്റെ നിലപാടിനെ മറി കടക്കുവാന്‍ ആയില്ല. എന്നാല്‍ പി. സി. തോമസ് വിഭാഗത്തിലെ സുരേന്ദ്രന്‍ പിള്ളയെ മന്ത്രിയാക്കണോ എന്ന കാര്യത്തില്‍ ഇന്നത്തെ യോഗത്തില്‍ തീരുമാനം ആയില്ല. യോഗത്തില്‍ പി. സി. തോമസ് പങ്കെടുത്തിരുന്നില്ല.
ചിരിയും ചിന്തയും സമന്വയിപ്പിച്ച്, കുറിക്കു കൊള്ളുന്ന കാര്‍ട്ടൂണുകള്‍ വരക്കുന്ന ടി. കെ. സുജിത്തിന് തുടര്‍ച്ചയായി മൂന്നാം തവണയും സംസ്ഥാന അവാര്‍ഡ് ലഭിച്ചു. കേരള കൌമുദിയിലെ സ്റ്റാഫ് കാര്‍ടൂണിസ്റ്റായ ഇദ്ദേഹം, 2009 ഡിസംബര്‍ 27 നു കേരള കൌമുദിയുടെ വാരാന്ത്യ കൌമുദിയില്‍ വരച്ച “നവരസങ്ങള്‍” എന്ന രാഷ്ടീയ കാര്‍ട്ടൂണാണ് അവാര്‍ഡിന് അര്‍ഹമായത്. തോമസ് ജേക്കബ്, യേശുദാസന്‍, പ്രസന്നന്‍ ആനിക്കാട് എന്നിവരാണ് അവാര്‍ഡ് നിര്‍ണയിച്ചത്.
