 |
 |
 |
 |
 |
 |
 |
 |
 |
 |
 |
 |
 |
 |
തിരുവനന്തപുരം : ഇടതു മുന്നണിയുടെ പുതിയ കണ്‍വീനര്‍ ആയി സി. പി. എം. കേന്ദ്ര കമ്മിറ്റി അംഗം ഇ. പി. ജയരാജനെ തീരുമാനിച്ചു. നിലവിലെ എൽ. ഡി. എഫ്. കണ്‍വീനര്‍ എ. വിജയരാഘവന്‍ പി. ബി. അംഗം ആയതിനെ തുടര്‍ന്നാണ് ഇ. പി. ജയരാജനെ ഈ സ്ഥാനത്തേക്ക് തെരഞ്ഞെടുത്തത്.
ഒന്നാം പിണറായി സർക്കാറിൽ വ്യവസായ മന്ത്രിയായി രുന്നു ഇ. പി. ജയരാജൻ. ബന്ധു നിയമന വിവാദത്തെ തുടർന്ന് രാജി വെച്ചു എങ്കിലും തിരിച്ചെത്തി. പിന്നീട് തെരഞ്ഞെടുപ്പു മല്‍സര രംഗത്തു നിന്നും മാറി നിന്നു പാര്‍ട്ടിയില്‍ സജീവമായി.
- pma
വായിക്കുക: കേരള രാഷ്ട്രീയം, കേരള രാഷ്ട്രീയ നേതാക്കള്‍, ബഹുമതി
മലപ്പുറം : മുസ്ലിം ലീഗ് സംസ്ഥാന കമ്മിറ്റി പ്രസിഡണ്ട് പദവിയിലേക്ക് സാദിഖലി ശിഹാബ് തങ്ങള്‍. ലീഗിന്‍റെ ഉന്നത അധികാര സമിതി യോഗത്തിലാണ് ലീഗ് ദേശീയ കമ്മിറ്റി പ്രസിഡണ്ട് കെ. എം. ഖാദര്‍ മൊയ്തീന്‍ പ്രഖ്യാപനം നടത്തിയത്.
ഇന്നലെ അന്തരിച്ച ഹൈദരലി ശിഹാബ് തങ്ങളുടെ സഹോദരനും മുസ്ലിം ലീഗ് മലപ്പുറം ജില്ലാ കമ്മിറ്റി പ്രസിഡണ്ടും ആയിരുന്നു സാദിഖലി തങ്ങള്‍.
- pma
വായിക്കുക: കേരള രാഷ്ട്രീയം, കേരള രാഷ്ട്രീയ നേതാക്കള്‍, ബഹുമതി
തിരുവനന്തപുരം : മുതിര്‍ന്ന കോണ്‍ഗ്രസ്സ് നേതാവ് കെ. സുധാകരനെ കെ. പി. സി. സി. യുടെ അദ്ധ്യക്ഷനായി നിയമിച്ചു. കോണ്‍ഗ്രസ്സ് ഹൈക്കമാന്‍ഡിന്റെ തീരുമാനം രാഹുല്‍ ഗാന്ധിയാണ് അറിയിച്ചത്.
വിദ്യാര്‍ത്ഥി സംഘടനയായ കെ. എസ്. യു. വിലൂടെ രാഷ്ട്രീയ പ്രവര്‍ത്തനം തുടങ്ങിയ കെ. സുധാകരന്‍ 1967 മുതല്‍ കെ. എസ്. യു. തലശ്ശേരി താലൂക്ക് കമ്മറ്റി പ്രസിഡണ്ട് ആയിരുന്നു. കെ. എസ്. യു. സംസ്ഥാന ജനറല്‍ സെക്രട്ടറി, യൂത്ത് കോണ്‍ഗ്രസ്സ് സംസ്ഥാന പ്രസിഡണ്ട് എന്നീ പദവികളില്‍ പ്രവര്‍ത്തിച്ചു.
കോണ്‍ഗ്രസ്സ് പിളര്‍ന്നപ്പോള്‍ ജനതാ പാര്‍ട്ടിയില്‍ ചേര്‍ന്നു. 1978 മുതല്‍ 1981 വരെ ജനതാ പാര്‍ട്ടി യുടെ യൂത്ത് വിംഗ് യുവ ജനതയുടെ സംസ്ഥാന പ്രസിഡണ്ട് ആയിരുന്നു. പിന്നീട് 1984 ല്‍ കോണ്‍ഗ്രസ്സിലേക്ക് തിരിച്ചെത്തി. കണ്ണൂര്‍ ഡി. സി. സി. പ്രസിഡണ്ട്, യു. ഡി. എഫ്. കണ്ണൂര്‍ ജില്ലാ ചെയര്‍മാന്‍, കെ. പി. സി. സി വര്‍ക്കിംഗ് പ്രസിഡണ്ട് എന്നീ നിലകളില്‍ പ്രവര്‍ത്തിച്ചു.
എ. കെ. ആന്റണി മന്ത്രിസഭയില്‍ വനംവകുപ്പു മന്ത്രി ആയിരുന്നു. രണ്ടു പ്രാവശ്യം ലോക് സഭയിലേക്കും തെരഞ്ഞെടുക്കപ്പെട്ടിട്ടുണ്ട്.
- pma
വായിക്കുക: കേരള രാഷ്ട്രീയം, കേരള രാഷ്ട്രീയ നേതാക്കള്‍
വോട്ടെണ്ണൽ തീരാൻ ഏതാനും മണിക്കൂറുകൾ മാത്രം ബാക്കി നിൽക്കേ ഇടത് പക്ഷം തന്നെ ഭരണത്തിൽ തുടരും എന്ന് ഉറപ്പായി. ഇടത് മുന്നണി വീണ്ടും അധികാരത്തിൽ വരുന്നതോടെ 44 വർഷത്തെ ചരിത്രമാണ് തിരുത്തി കുറിക്കുന്നത്.
ശബരിമല സ്ത്രീ പ്രവേശന വിഷയം ഉയർത്തിക്കാട്ടി അഴിമതി ആരോപണങ്ങളും വിവാദങ്ങളുമായി വമ്പൻ പ്രചരണം അഴിച്ചു വിട്ട ബി. ജെ. പി. ക്ക് പ്രധാന മന്ത്രിയും ആഭ്യന്തര മന്ത്രിയുമടക്കം ദേശീയ നേതാക്കളുടെ സാന്നിദ്ധ്യത്തിൽ നടത്തിയ പ്രചാരണം പോലും ഗുണം ചെയ്തില്ല. ആകെ ഉണ്ടായിരുന്ന ഒരു സീറ്റ് പോലും നിലനിർത്താൻ ആവാതെ വൻ പരാജയമാണ് ബി. ജെ. പി. ക്ക് ഏറ്റുവാങ്ങേണ്ടി വന്നത്.
തങ്ങളുടെ പ്രതീക്ഷകൾക്ക് വിരുദ്ധമാണെങ്കിലും ജനവിധിയെ യു. ഡി. ഏഫ്. മാനിക്കുന്നു എന്ന് പ്രതിപക്ഷ നേതാവ് രമേശ് ചെന്നിത്തല അറിയിച്ചു.
- ജെ.എസ്.
വായിക്കുക: കേരള രാഷ്ട്രീയം, തിരഞ്ഞെടുപ്പ്
തിരുവനന്തപുരം : മന്ത്രി കെ. ടി. ജലീല്‍ രാജി വെച്ചു. ബന്ധു നിയമന വിവാദ ത്തില്‍ മന്ത്രി സ്ഥാനത്ത് തുടരാന്‍ അര്‍ഹതയില്ല എന്നുള്ള ലോകായുക്ത ഉത്തരവിന് എതിരേയുള്ള കെ. ടി. ജലീലി ന്റെ ഹര്‍ജി ഹൈക്കോടതി യുടെ പരിഗണന യില്‍ ഇരിക്കെയാണ് രാജി. ‘എന്റെ രക്തം ഊറ്റിക്കുടിക്കാന്‍ വെമ്പുന്ന വര്‍ക്ക് തല്‍ക്കാലം ആശ്വസിക്കാം’ എന്ന് ഫേയ്സ് ബുക്കി ലൂടെ കെ. ടി. ജലീല്‍ പ്രതികരിച്ചു.
ജലീല്‍ അധികാര ദുര്‍വിനിയോഗവും സ്വജന പക്ഷ പാതവും സത്യപ്രതിജ്ഞാ ലംഘനവും നടത്തി എന്നുള്ള ലോകായുക്തയുടെ വിധി കഴിഞ്ഞ ദിവസമാണ് പുറത്തു വന്നത്. ലോകാ യുക്ത യില്‍ നിന്ന് ഇത്തരമൊരു വിധി വന്നതിനാല്‍ ധാര്‍മ്മികമായ വിഷയങ്ങള്‍ മുന്‍ നിറുത്തി രാജി വെക്കുന്നു എന്നാണ് കെ. ടി. ജലീല്‍ രാജി ക്കത്തില്‍ പറയുന്നത്.
- pma
വായിക്കുക: അഴിമതി, എതിര്പ്പുകള്, കുറ്റകൃത്യം, കേരള രാഷ്ട്രീയം, കേരള രാഷ്ട്രീയ നേതാക്കള്‍, വിവാദം
വാര്‍ത്തകള്‍ കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
