തിരുവനന്തപുരം: മന്ത്രിസഭയില് ഒന്നിനും കൊള്ളാത്ത അംഗങ്ങള് ഉണ്ടെന്ന് മുതിര്ന്ന കോണ്ഗ്രസ് നേതാവും മുന് മന്ത്രിയുമായ വി. എം. സുധീരൻ പ്രസ്താവിച്ചു. ചില മന്ത്രിമാര് ഒന്നിനും കൊള്ളാത്തവരാണെന്നും അവരോടുള്ള ആദരവ് കുറഞ്ഞതു കൊണ്ടല്ല ഇങ്ങനെ പറയുന്നതെന്നും പറഞ്ഞ സുധീരന് കേരളത്തില് എന്താണ് നടക്കുന്നതെന്നു പോലും അറിയാത്ത മന്ത്രിമാര് ഉണ്ടെന്നും പലരും പേഴ്സണല് സ്റ്റാഫിന്റെ പിടിയിലാണെന്നും തുറന്നടിച്ചു.
മുഖ്യമന്ത്രി അധ്വാനിക്കുന്നുണ്ടെന്നും അദ്ദേഹത്തെ പോലെ മറ്റുള്ളവരും അധ്വാനിച്ചാലേ കാര്യമുള്ളൂ എന്നും മന്ത്രിസഭയിലെ പലര്ക്കും ശ്രദ്ധയില്ലെന്നും സുധീരന് പറഞ്ഞു.
എല്. ഡി. എഫ്. സര്ക്കാര് ചെയ്ത തെറ്റുകള് സൌകര്യമായെടുത്ത് യു. ഡി. എഫ്. സര്ക്കാര് ആവര്ത്തിക്കുകയാണ്. വേണ്ടത്ര ചര്ച്ചകള് നടക്കാതെയാണ് സര്ക്കാര് തീര്മാനം എടുക്കുന്നതെന്നും സുധീരന് കുറ്റപ്പെടുത്തി. യൂത്ത് കോണ്ഗ്രസിന്റെ ക്യാമ്പയിനില് സംസാരിക്കവെ ആണ് അദ്ദേഹം സര്ക്കാരിനെതിരെ രൂക്ഷമായ വിമര്ശനങ്ങള് നടത്തിയത്.
