മലയാള സിനിമയില്‍ പട്ടാള കഥകളുമായി വന്നു വിസ്മയം തീര്‍ത്ത മേജര്‍ രവിയും മോഹന്‍ലാലും വീണ്ടും ഒന്നിക്കുന്നു, കീര്‍ത്തിചക്ര കാണ്ഡഹാര്‍ എന്നീ ചിത്രങ്ങള്‍ക്ക് ശേഷം ഇവര്‍ വീണ്ടും ഒന്നിക്കുമ്പോള്‍ മറ്റൊരു സൂപ്പര്‍ ഹിറ്റ് പ്രതീക്ഷയിലാണ് പ്രേക്ഷകര്‍ . പതിവില്‍ നിന്നും വ്യത്യസ്തമായി ഇത്തവണ പട്ടാള കഥക്ക് പകരം മറ്റൊരു അന്വേഷണാത്മക പശ്ചാത്തലത്തിലുള്ള ചിത്രമാണ് ഒരുക്കുന്നത്. പുത്തന്‍ തലമുറയ്ക്ക് ഒഴിച്ചുകൂടാനാവാത്ത മൊബൈല്‍ ഫോണ്‍ സൃഷ്ടിയ്ക്കുന്ന പ്രശ്‌നങ്ങളാണ് സിനിമയുടെ പ്രമേയം. ‘ദ ചേസ്’ എന്നു പേരിട്ടിരിക്കുന്ന സിനിമ ആഗസ്ത് ആദ്യവാരം ഷൂട്ടിങ് ആരംഭിക്കുമെന്ന് സംവിധായകന് മേജര്‍ രവി കൊച്ചിയില്‍ പറഞ്ഞു. മുംബൈ, കൊച്ചി, മൂന്നാര്‍, നാഗര്‍കോവില്‍ എന്നിവിടങ്ങളാണ് ലൊക്കേഷന്‍. കേരളാ കഫേ മാതൃകയില്‍ അഞ്ചു സംവിധായകര്‍ ഒരുക്കുന്ന ഹൃസ്വചിത്രങ്ങളുടെ കൂട്ടായ്മയില്‍ ‘ഒരു യാത്രയില്‍’ എന്ന ചിത്രം ഒരുക്കിയത് മേജര്‍ രവിയാണ്. ഈ സിനിമ അടുത്ത മാസം റിലീസ് ചെയ്യും.
- ന്യൂസ് ഡെസ്ക്
അനുബന്ധ വാര്‍ത്തകള്‍
വായിക്കുക: filmmakers, mohanlal
