റീമ കല്ലിങ്ങലും സനുഷയും ഗര്‍ഭിണികള്‍ ആശ ശരത്ത് ഗര്‍ഭിണിയല്ല !!

September 5th, 2013

സക്കറിയയുടെ ഗര്‍ഭിണികല്‍ എന്ന ചിത്രത്തില്‍ റീമ കല്ലിങ്ങലും, സനുഷയും, ഗീതയും, സാന്ദ്രാതോമസും ഗര്‍ഭിണികള്‍ ആയി അഭിനയിക്കുന്നു. എന്നാല്‍ ആശ ശരത്ത് അവതരിപ്പിക്കുന്ന കഥാപാത്രം ഗര്‍ഭിണിയല്ല. ഒരു ഗൈനക്കോളേജിസ്റ്റും അദ്ദേഹത്തിന്റെ അടുത്തത്തുന്ന അഞ്ചു സ്ത്രീകളും മുഖ്യകഥാപാത്രങ്ങളാകുന്ന ചിത്രമാണ് സക്കറിയയുടെ ഗര്‍ഭിണികള്‍. ലാലാണ് നായകന്‍. ലാലിന്റെ ഭാര്യയായാണ് ആശ ശരത്ത് അഭിനയിക്കുന്നത്. അനീഷ് അന്‍‌വര്‍ ആണ് ചിത്രം സംവിധാനം ചെയ്യുന്നത്.

സ്ത്രീയുടെ ഗര്‍ഭവും അതുമായി ബന്ധപ്പെട്ടുണ്ടാകുന്ന വിഷയവും മുഖ്യ പ്രമേയമാകുന്ന ചിത്രങ്ങള്‍ അടുത്തടുത്ത് ഇറങ്ങുന്നത് ആദ്യമായാണ്. ശ്വേതാ മേനോനെ നായികയാക്കി ബ്ലസ്സി സംവിധാനം ചെയ്ത കളിമണ്ണ് റിലീസ് ചെയ്തിട്ട് ഏതാനും ദിവസങ്ങളേ ആയിട്ടുള്ളൂ. പ്രസവ രംഗം ചിത്രീകരിച്ചു എന്നതിന്റെ പേരില്‍ ചിത്രം റിലീസ് ചെയ്യുന്നതിനു മുമ്പ് ഒരുപാട് വിവാദങ്ങള്‍ ഉണ്ടായെങ്കിലും ചിത്രത്തില്‍ അത്തരം രംഗങ്ങള്‍ ഉള്‍പ്പെടുത്തിയിട്ടില്ല.

- എസ്. കുമാര്‍

വായിക്കുക: , ,

അഭിപ്രായം എഴുതുക »

വേണ്ടി വന്നാല്‍ വിവസ്ത്ര യായി അഭിനയിക്കാനും തയ്യാര്‍ : ശ്വേതാ മേനോന്‍

August 27th, 2013

swetha-menon-kayam-epathram
അഭിനയം തന്റെ ജോലിയാണ്. അതിന്റെ ഭാഗമായി വിവസ്ത്ര യായി അഭിനയിക്കേണ്ടി വന്നാലും തനിക്ക്‌ ലജ്ജയില്ല എന്നു ശ്വേതാ മേനോന്‍ പറഞ്ഞു. ജോലി ചെയ്യുമ്പോള്‍ തനിക്ക് നാണിക്കേണ്ട കാര്യമില്ല. തൊഴില്‍ ആവശ്യപ്പെടുന്ന കാര്യങ്ങള്‍ താന്‍ ആത്മാര്‍ത്ഥത യോടെ ചെയ്യുന്നു എന്നേ ഉള്ളൂ. മംഗളം വാരികയിലാണ് ശ്വേതാ മേനോന്റെ ഈ അഭിപ്രായം അച്ചടിച്ചു വന്നത്.

ടെലിവിഷന്‍ പരിപാടി അവതരി പ്പിക്കാന്‍ തന്നെയാണ് തനിക്ക്‌ കൂടുതല്‍ ഇഷ്ടം. സിനിമ യില്‍ സ്വന്തം വ്യക്തിത്വ ത്തിനു സ്ഥാനം ഇല്ല. നമ്മള്‍ കഥാ പാത്രമായി മാറുക യാണ്. ടി. വി. പരിപാടി അവതരി പ്പിക്കുമ്പോള്‍ ശ്വേതാ മേനോന്റെ വ്യക്തിത്വ മാണ് പുറത്തു വരുന്നത് .

താനും അല്പം നാണം കൂടുതലുള്ള കൂട്ടത്തിലാണ് എന്നും ഇവര്‍ പറയുന്നു. എന്നാല്‍ കഥാപാത്ര മാവാന്‍ വേണ്ടി ക്യാമറയ്ക്ക് മുന്നില്‍ വിവസ്ത്ര യായി അഭിനയിക്കാനും തയ്യാര്‍ എന്ന ശ്വേതാ മേനോന്റെ പ്രസ്താവന സിനിമാ രംഗത്ത് കൂടുതല്‍ ചര്‍ച്ച കള്‍ക്കു വഴി വെക്കും.

- pma

വായിക്കുക: , ,

അഭിപ്രായം എഴുതുക »

കളിമണ്ണിന്റെ പ്രദർശനം കോടതി തടയില്ല

August 10th, 2013

kalimannu-shweta-menon

തിരുവനന്തപുരം: ശ്വേതാ മേനോന്റെ പ്രസവ രംഗങ്ങൾ ഉൾപ്പെട്ട കളിമണ്ണ് എന്ന സിനിമയുടെ പ്രദർശനം തടയണം എന്ന ഹർജി ഹൈക്കോടതി തള്ളി. സെൻസർ ബോർഡ് അനുമതി നൽകിയത് സിനിമ കണ്ട് ബോദ്ധ്യപ്പെട്ടതിനു ശേഷമാണ് എന്ന സർക്കാരിന്റെ നിലപാട് കോടതി അംഗീകരിച്ചു. വനിതകൾ കൂടി ഉൾപ്പെടുന്നതാണ് സെൻസർ ബോർഡ് എന്ന് സർക്കാർ കോടതിയെ അറിയിച്ചു.

ബ്ലെസി സംവിധാനം ചെയ്ത സിനിമയിലെ ചില രംഗങ്ങൾ സ്ത്രീകളുടെ മൌലിക അവകാശങ്ങളുടെ ലംഘനമാണ് എന്നായിരുന്നു പീരുമേട് സ്വദേശിയായ മാടസ്വാമി കോടതിയിൽ സമർപ്പിച്ച ഹർജിയിലെ ആരോപണം. എന്നാൽ ഈ വാദം തെറ്റാണെന്ന് കോടതി വിലയിരുത്തി.

- ജെ.എസ്.

വായിക്കുക: ,

അഭിപ്രായം എഴുതുക »

കളിമണ്ണില്‍ ശ്വേതയുടെ പ്രസവവും ഗ്ലാമര്‍ നൃത്തവും

June 13th, 2013

swetha-menon-item-dance-epathram

ശ്വേതാ മേനോന്റെ പ്രസവ ചിത്രീകരണത്തോടെ ഏറെ വിവാദമായ കളിമണ്ണ് എന്ന സിനിമയില്‍ അവരുടെ ഗ്ലാമര്‍ നൃത്തം കൂടെ. സംവിധാകന്‍ ബ്ലസ്സിയാണ് ഇക്കാര്യം പുറത്ത് വിട്ടത്. മുംബൈയിലെ ഒരു തെരുവിന്റെ പശ്ചാത്തലത്തിലാണ് നൃത്തം. ഗാനരംഗങ്ങള്‍ ഇതിനോടകം ചിത്രീകരിച്ചു കഴിഞ്ഞു. ശ്വേതയ്ക്കൊപ്പം സുനില്‍ ഷെട്ടിയും അഭിനയിക്കും. അധോലോകവുമായി ബന്ധമുള്ള കഥാപാത്രത്തെ തേടിയെത്തുന്ന അന്വേഷണ ഉദ്യോഗസ്ഥയായാണ് ശ്വേത എത്തുന്നത്. ബ്ലസ്സി ചിത്രങ്ങളില്‍ ഗ്ലാമര്‍ നൃത്ത രംഗങ്ങള്‍ക്ക് പ്രാധാന്യം നല്‍കാറില്ല. എന്നാല്‍ കളിമണ്ണില്‍ അതില്‍ നിന്നും വ്യത്യസ്ഥമായ പാതയാണ് സംവിധായകന്‍ തിരഞ്ഞെടുത്തിരിക്കുന്നത്. ശ്വേതയുടെ പ്രസവവും നൃത്തവും ചിത്രത്തിന്റെ ഹൈലൈറ്റുകള്‍ ആകും എന്നാണ് സൂചന. ഭരതന്‍ പത്മരാജന്‍ കൂട്ടുകെട്ടിന്റെ രതിനിര്‍വ്വേദത്തിന്റെ റീമേക്കിനു ശേഷം ഇത്രയും ചര്‍ച്ച ചെയ്യപ്പെടുന്ന ഒരു ചിത്രം ശ്വേതയുടെ കരിയറില്‍ ഉണ്ടായിട്ടില്ല. ശ്വേതയുടെ പ്രസവ രംഗങ്ങള്‍ ചിത്രീകരിച്ചതിനെതിരെ വന്‍ വിവാദം ഉണ്ടായിരുന്നു. അടുത്ത പ്രസവം പൂരപ്പറമ്പില്‍ ടിക്കറ്റ് വെച്ചു നടത്തുമോ എന്നായിരുന്നു ഒരു പ്രമുഖ രാഷ്ടീയ സംഘടനയുടെ വനിതാ നേതാവ് അതിനോട് പ്രതികരിച്ചത്.

- എസ്. കുമാര്‍

വായിക്കുക: , ,

അഭിപ്രായം എഴുതുക »

ശ്വേതാ മേനോന്റെ പ്രസവ രംഗങ്ങള്‍ ലോക്കറില്‍

October 10th, 2012

shweta-menon-baby-epathram

പ്രശസ്ത നടിയും മോഡലുമായ ശ്വേതാ മേനോന്റെ പ്രസവ രംഗങ്ങള്‍ ചിത്രീകരിച്ച ടേപ്പ് അതീവ സുരക്ഷാ സംവിധാനങ്ങള്‍ ഉള്ള ലോക്കറിലേക്ക് മാറ്റി. കഴിഞ്ഞ ആഴ്ചയായിരുന്നു മുംബൈയിലെ ഒരു ആശുപത്രിയില്‍ വെച്ച് നടന്ന ശ്വേതയുടെ പ്രസവം ചിത്രീകരിച്ചത്. ബ്ലസ്സി സംവിധാനം ചെയ്യുന്ന കളിമണ്ണ് എന്ന ചിത്രത്തിലേക്ക് വേണ്ടിയാണ് ഈ രംഗങ്ങള്‍  ക്യാമറയില്‍ പകര്‍ത്തിയത്. പ്രസവ രംഗങ്ങള്‍ ചെന്നൈയില്‍ വച്ച് എഡിറ്റ് ചെയ്തിരുന്നു. ഈ രംഗങ്ങള്‍ പുറത്തു പോകാതിരിക്കുവാനാണ് ഇവ ലോക്കറില്‍ സൂക്ഷിക്കുന്നത്. പ്രസവത്തിനു മുമ്പുള്ള ഏതാനും രംഗങ്ങള്‍ ചിത്രീകരിച്ചിരുന്നു. സിനിമയുടെ ബാക്കി ഭാഗങ്ങളുടെ ചിത്രീകരണം പിന്നീട് നടക്കും. ഇന്ത്യയില്‍ ആദ്യമായാണ് ഒരു നടിയുടെ  യഥാർത്ഥ പ്രസവ രംഗങ്ങള്‍ സിനിമയ്ക്ക് വേണ്ടി ചിത്രീകരിക്കുന്നത്.

- എസ്. കുമാര്‍

വായിക്കുക: ,

അഭിപ്രായം എഴുതുക »

1 of 5123...Last »

« Previous « കനിഹ വീണ്ടും മോഹന്‍ ലാലിന്റെ നായികയാകുന്നു
Next Page » അബുദാബി അന്താരാഷ്ട്ര ചലച്ചിത്രോത്സവം : മമ്മൂട്ടി അതിഥിയായി എത്തി »



ജോണ്‍ എബ്രഹാം സ്മാരക ഹ്രസ...
രജനികാന്ത് ചിത്രത്തിൽ മഞ്...
“നിങ്ങള്‍ നനയുമ്പോള്‍ എനി...
ഹൊറര്‍ ചിത്രത്തിലൂടെ തമന്...
'ഞാന്‍ പന്ത്രണ്ടാം ക്ലാസു...
'ലൂസിഫറി'ന് ശേഷം ‘ഉണ്ട’; ...
ഗിരീഷ് കര്‍ണാട് അന്തരിച്ച...
എവിടെ ജോണ്‍?...
ജോസ് പ്രകാശിന് ജെ. സി ഡാ...
നടന്‍ ജഗതിശ്രീകുമാറിനു കാ...
ബാരി മികച്ച ചിത്രം; വിദ്യ...
ജോണ്‍ അബ്രഹാം പ്രത്യേക പു...
പത്മശ്രീ ഭരത് ഡോക്ടര്‍ സര...
പ്രണയം : മലയാളിയുടെ ലൈംഗി...
ബ്ലെസിയുടെ ‘പ്രണയം’ കോപ്...
കോളിളക്കം വീണ്ടും വരുന്നു...
എം. ജി. ശ്രീകുമാറും പാട്ട...
പ്രാഞ്ചിയേട്ടന്‍റെ ഒന്നാം...
ആദാമിന്റെ മകന്‍ അബുവിനു വ...
നടി ശ്വേതാ മേനോന്‍ വിവാഹി...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine