അഞ്ഞൂറില്‍ അധികം ഡോക്ടർമാർക്ക് ഗോൾഡൻ വിസ സമ്മാനിച്ചു.

October 7th, 2021

logo-uae-ministry-of-health-ePathram.jpg
അബുദാബി : യു. എ. ഇ. യിൽ അഞ്ഞൂറില്‍ ഏറെ ഡോക്ടർമാർക്ക് ഗോൾഡൻ വിസ നല്‍കി. ആരോഗ്യ മേഖലക്ക് സർക്കാർ നൽകുന്ന പ്രാധാന്യത്തെയും ആരോഗ്യ മേഖല യിൽ കഴിവു തെളിയിച്ചവരെ രാജ്യത്ത് നില നിർത്തേണ്ട ആവശ്യകതയും പരിഗണിച്ചു കൊണ്ടാണ് ഇത്രയധികം പേർക്ക് ഗോൾഡന്‍ വിസ നല്‍കിയത്.

വിജയകരമായ അപേക്ഷകർക്ക് 10 വർഷം വരെ വിസ നൽകുന്നു, ഗോൾഡൻ ഉടമകൾക്ക് ഒരു സ്പോൺസറുടെ ആവശ്യം ഇല്ലാതെ എമിറേറ്റിൽ ജീവിക്കാനും ജോലി ചെയ്യു വാനും പഠിക്കുവാനും കഴിയും.

ആരോഗ്യ പരിപാലനം ഉൾപ്പെടെ എമിറേറ്റിന്റെ പ്രധാന മേഖലകളിൽ ജോലി ചെയ്യുന്നവര്‍ക്കും പഠിക്കുന്നവര്‍ക്കും മറ്റു വിവിധ മേഖലകളില്‍ മികവ് പുലർത്തുന്നവര്‍ക്കും എല്ലാ അപേക്ഷകർക്കും വിശാലമായ വിസ ഓപ്ഷനുകൾ ലഭ്യമാണ് എന്നും അധികൃതര്‍ പറഞ്ഞു. ആഗോള പ്രതിഭകൾക്കും നിക്ഷേപകർക്കും യു. എ. ഇ. യുടെ ഗോൾഡൻ വിസ അബുദാബിയിൽ ലഭ്യമാണ്.

ഡോക്ടർമാർക്കും അവരുടെ കുടുംബങ്ങൾക്കും 10 വർഷത്തെ ദീർഘകാല റസിഡൻസി പ്രയോജനപ്പെടു ത്തുന്നതിന് രാജ്യത്ത് താമസിക്കുന്ന ഡോക്ടർമാരോട് ഗോൾഡൻ വിസക്കു വേണ്ടി അപേക്ഷിക്കുവാൻ യു. എ. ഇ. സർക്കാർ ആവശ്യപ്പെട്ടു.

ഗോൾഡൻ വിസയിലൂടെ ഈ മേഖല യിലെ മികച്ച പ്രതിഭകളെ ആകർഷിക്കുവാനും രാജ്യത്തും ലോകത്തും ഉയർന്ന നിലവാരമുള്ള ആരോഗ്യ പരിരക്ഷാ സേവന ങ്ങൾ തുടർച്ചയായി എത്തിക്കുവാനും സാധിക്കും.

 

- pma

വായിക്കുക: , , , , , , , ,

അഭിപ്രായം എഴുതുക »

വേള്‍ഡ് എക്സ്പോ : ലോകം ഇനി ദുബായില്‍

October 2nd, 2021

expo-2020-dubai-uae-new-logo-ePathram
ദുബായ് : വര്‍ണ്ണാഭമായ പരിപാടികളോടെ ദുബായ് വേള്‍ഡ് എക്സ്പോ-2020 ക്കു തുടക്കം കുറിച്ചു. വ്യാഴാഴ്ച രാത്രിയില്‍ നടന്ന ഉല്‍ഘാടന പ്രോഗ്രാമിനു ശേഷം ഒക്ടോബർ 1 വെള്ളിയാഴ്ച മുതൽ ദുബായ് എക്സ്‌പോ നഗരി യിലേക്ക് ജന പ്രവാഹമാണ്. 192 രാജ്യങ്ങൾ എക്സ്പോ യിൽ പങ്കാളികള്‍ ആവുന്നുണ്ട്.

2022 മാർച്ച് 31 വരെ 182 ദിവസ ങ്ങളിലെ ആഗോള സംഗമ ഭൂമിയാണ് ദുബായ് വേള്‍ഡ് എക്സ്‌പോ. ഒരു ദിവസ ത്തെ പ്രവേശനത്തിന് 95 ദിർഹം ടിക്കറ്റ് നിരക്ക്. എക്സ്പോ യുടെ വെബ് സൈറ്റ് വഴി പ്രവേശന ടിക്കറ്റ് എടുക്കാം. 30 ദിവസവും പ്രവേശിക്കുവാന്‍ ടിക്കറ്റ് നിരക്ക് 195 ദിര്‍ഹം. സീസണ്‍ ടിക്കറ്റ് 495 ദിർഹം. ഇതില്‍ ആറു മാസക്കാലം എപ്പോള്‍ വേണമെങ്കിലും ദുബായ് വേള്‍ഡ് എക്സ്പോ സന്ദര്‍ശിക്കാം.

സന്ദര്‍ശകരില്‍ 18 വയസ്സിനു മുകളില്‍ ഉള്ളവര്‍ക്ക് കൊവിഡ് വാക്സിനേഷൻ സർട്ടിഫിക്കറ്റ് അല്ലെങ്കിൽ 72 മണിക്കൂറിനുള്ളിൽ എടുത്ത പി. സി. ആർ. നെഗറ്റീവ് ടെസ്റ്റ് റിസള്‍ട്ട് ഹാജരാക്കണം. വിവിധ എമിറേറ്റു കളില്‍ നിന്നും എക്സ്പോ നഗരിയിലേക്ക് പൊതു ഗതാഗത സൗകര്യവും ദുബായ് മെട്രോ സര്‍വ്വീസ് എന്നിവ ഏര്‍പ്പാട് ചെയ്തിട്ടുണ്ട്.

- pma

വായിക്കുക: , , , , , , , , , , , ,

അഭിപ്രായം എഴുതുക »

ആദ്യത്തെ ഒമാന്‍ ദീര്‍ഘ കാല റെസിഡന്‍സ് വിസ എം. എ. യൂസഫലിക്ക്

September 30th, 2021

ma-yousufali-epathram
മസ്‌കത്ത് : വിദേശികളായ നിക്ഷേപകര്‍ക്കു വേണ്ടി ഒമാന്‍ ആദ്യമായി ഏര്‍പ്പെടുത്തിയ ദീര്‍ഘ കാല റെസിഡന്‍സ് വിസാ സംവിധാന ത്തില്‍ ലുലു ഗ്രൂപ്പ് ചെയര്‍ മാനും അബുദാബി ചേംബര്‍ വൈസ് ചെയര്‍ മാനുമായ എം. എ. യൂസഫലിക്ക് അംഗീകാരം.

മസ്‌കറ്റില്‍ നടന്ന ചടങ്ങില്‍ ഒമാന്‍ വാണിജ്യ വ്യവസായ മന്ത്രി ഖൈസ് ബിന്‍ മുഹമ്മദ് അല്‍ യൂസഫില്‍ നിന്ന് ആദ്യത്തെ റെസിഡന്‍സ് വിസ എം. എ. യൂസഫലി ഏറ്റു വാങ്ങി.

യു. എ. ഇ. യുടെ ഗോള്‍ഡന്‍ വിസ, സൗദി അറേബ്യയുടെ പ്രീമിയം റസിഡന്‍സി എന്നിവ യും ഇതിനു മുമ്പ് എം. എ. യൂസഫലിക്ക് ലഭിച്ചിരുന്നു. യു. എ. ഇ. യുടെ ഉന്നത സിവിലിയൻ ബഹുമതിയായ ‘അബുദാബി അവാര്‍ഡ്’ ജേതാവു കൂടിയാണ് അദ്ദേഹം.

കൂടുതല്‍ തൊഴില്‍ അവസരങ്ങള്‍ സൃഷ്ടിക്കുക, തദ്ദേശ ഉല്‍പ്പന്നങ്ങള്‍ക്ക് കൂടുതല്‍ വിപണന സാദ്ധ്യത നല്‍കുക, ഒമാന്റെ സാമ്പത്തിക ഘടനയെ ശക്തി പ്പെടുത്തുക, നിക്ഷേപ ത്തില്‍ ഗുണ പരത ഉറപ്പു വരുത്തുക തുടങ്ങി യവയിലൂടെ നിര്‍ണ്ണായക നീക്കങ്ങള്‍ നടത്തുന്ന മുന്‍നിര നിക്ഷേ പകര്‍ക്കാണ് ഒമാന്‍ ഇത്തര ത്തില്‍ ദീര്‍ഘ കാല റെസിഡന്‍സ് വിസാ പരിഗണന നല്‍കുന്നത്.

എം. എ. യൂസഫലി അടക്കം വിവിധ രാജ്യക്കാരായ 22 പ്രമുഖ പ്രവാസി നിക്ഷേപകര്‍ക്ക് ഒന്നാം ഘട്ട ത്തില്‍ ഒമാന്‍ ദീര്‍ഘ കാല റെസിഡന്‍സ് വിസ നല്‍കി.

- pma

വായിക്കുക: , , , , , , ,

അഭിപ്രായം എഴുതുക »

അബുദാബി ചേംബര്‍ ഡയറക്ടര്‍ ബോര്‍ഡ് : എം. എ. യൂസഫലി വൈസ് ചെയര്‍മാന്‍

July 26th, 2021

sheikh-muhammed-present-abudhabi-award-yusuffali-ePathram
അബുദാബി : പ്രമുഖ വ്യവസായിയും ലുലു ഗ്രൂപ്പ് ചെയര്‍മാനുമായ എം. എ. യൂസഫലിയെ അബുദാബി ചേംബര്‍ ഡയറക്ടര്‍ ബോര്‍ഡ് വൈസ് ചെയര്‍മാനായി നിയമിച്ചു. അബുദാബി കിരീട അവകാശിയും യു. എ. ഇ. സായുധ സേനാ ഡെപ്യൂട്ടി സുപ്രീം കമാന്‍ഡറുമായ ശൈഖ് മുഹമ്മദ് ബിൻ സായിദ് അൽ നഹ്യാനാണ് ചേംബർ ഡയറക്ടർ ബോർഡിന്‍റെ പുന: സംഘടന നടത്തി ഉത്തരവ് ഇറക്കിയത്. ചേംബര്‍ ഡയറക്ടർ ബോർഡിലെ ഏക ഇന്ത്യ ക്കാരനാണ് എം. എ. യൂസഫലി. വ്യവസായ രംഗത്തെ 29 പ്രമുഖരെ യാണ് ഡയറക്ടർ ബോർഡിൽ നിയമിച്ചത്.

അബുദാബിയുടെ വാണിജ്യ- വ്യവസായ മേഖലകളില്‍ നല്‍കിയ സംഭാവനകള്‍ക്കും ജീവ കാരുണ്യ രംഗത്ത് നല്‍കുന്ന മികച്ച പിന്തുണക്കും ഉള്ള അംഗീകാരം ആയി യു. എ. ഇ. യുടെ ഉന്നത സിവിലിയന്‍ ബഹു മതിയായ ‘അബുദാബി അവാര്‍ഡ്’ നല്‍കി അബുദാബി സര്‍ക്കാര്‍ യൂസഫലിയെ ആദരിച്ചിരുന്നു. അതിനു തൊട്ടു പിറകെ യാണ് പുതിയ അംഗീകാരം.

വിനയത്തോടെയും അഭിമാനത്തോടെ യുമാണ് അബു ദാബി ചേംബർ ഡയറക്ടർ ബോർഡി ലേക്കുള്ള നിയമന ത്തെ കാണുന്നത് എന്ന് എം. എ. യൂസഫലി പ്രതികരിച്ചു.

ഈ രാജ്യത്തിൻ്റെ ദീർഘ ദർശികളായ ഭരണാധികാരി കളോട് നന്ദി രേഖപ്പെടുത്തുന്നു. തന്നിൽ അർപ്പിതമായ ഉത്തരവാദിത്വം നിറവേറ്റുവാൻ ആത്‌മാർത്ഥമായി പ്രയത്നിക്കും. യു. എ. ഇ. യു ടെയും ഇന്ത്യയുടെയും സാമ്പത്തിക ഉന്നമനത്തിനായി തുടർന്നും പ്രവർത്തിക്കും എന്നും യൂസഫലി കൂട്ടിച്ചേർത്തു.

ലോകത്തെ പ്രമുഖ സാമ്പത്തിക ശക്തിയായ അബുദാബി യുടെ വാണിജ്യ വ്യവസായ രംഗ ത്ത് നിർണ്ണായക സ്വാധീനം ചെലുത്തുന്ന സ്ഥാപനമാണ് ചേംബര്‍ ഓഫ് കോമേഴ്സ്. അബുദാബി എമിറേറ്റിലെ വാണിജ്യ വ്യവസായ സ്ഥാപനങ്ങളും ചേംബറിൽ അംഗ ങ്ങളാണ്. സര്‍ക്കാറിനും വാണിജ്യ സമൂഹ ത്തിനും ഇടയിൽ ചാലക ശക്തി യായി പ്രവർത്തിക്കുകയും ചെയ്യുന്നു.

- pma

വായിക്കുക: , , , , , ,

അഭിപ്രായം എഴുതുക »

കൊവിഡ് മൂലം മരിച്ച പ്രവാസികളുടെ കുടുംബ ത്തിന് സാമ്പത്തിക സഹായം ഉറപ്പാക്കും : എ. എ. യൂസഫലി

July 4th, 2021

ma-yousufali-epathram
അബുദാബി : ഗൾഫ് രാജ്യങ്ങളിൽ വെച്ച് കൊവിഡ് ബാധിച്ചു മരണപ്പെട്ട പ്രവാസികളുടെ പേരും സർക്കാരി ന്റെ കണക്കിൽ ഉൾപ്പെടുത്താൻ പരിശ്രമിക്കും എന്ന് എം. എ. യൂസഫലി. ഇതുമായി ബന്ധപ്പെട്ട് നോർക്കയു മായും മുഖ്യമന്ത്രി യുമായും ചർച്ച നടത്തും അദ്ദേഹം പറഞ്ഞു.

മാധ്യമ പ്രവർത്തകരു മായി ഓൺ ലൈനി ലൂടെ നടത്തിയ മുഖാ മുഖ ത്തിൽ ആയിരുന്നു അദ്ദേഹം ഇക്കാര്യം പറഞ്ഞത്.

കിറ്റെക്സ് കമ്പനി കേരളം വിട്ടു പോകരുത് എന്ന് ആഗ്രഹിക്കുന്നു എന്നും എം. എ. യൂസ ഫലി പറഞ്ഞു. 3500 കോടിയുടെ നിക്ഷേപം ആയാലും ഒരു കോടി യുടെ നിക്ഷേപം ആയാലും അത് കേരളത്തിന് വലുതാണ്.

വ്യവ സായ സംരംഭങ്ങൾ കേരളം വിട്ടു പോകുന്നത് തെറ്റായ സന്ദേശം നൽകും. കിറ്റെക്സ് എം. ഡി. യുമായി ഇതു സംബന്ധിച്ച് താൻ സംസാരി ക്കും.

ഒക്ടോബർ ഒന്നിന് ആരംഭി ക്കുന്ന ദുബായ് വേൾഡ് എക്സ്പോ യുമായി ലുലു ഗ്രൂപ്പ് സഹകരിക്കും. ഇത് യു എ ഇ യുടെ വ്യാപാര വാണിജ്യ മേഖലക്ക് പുത്തൻ ഉണർവ്വ് നൽകും എന്നും യൂസഫലി കൂട്ടി ച്ചേർത്തു.

- pma

വായിക്കുക: , , , , , ,

അഭിപ്രായം എഴുതുക »

1 of 441231020»|

« Previous « സോട്രോ വിമാബ് കൊവിഡിനു ഫലപ്രദം
Next Page » മൊഡേണ വാക്സിൻ അടിയന്തര ഉപയോഗ ത്തിന് യു. എ. ഇ. യിൽ അനുമതി »



  • പി. സി. ആര്‍. ടെസ്റ്റ് : അതിവേഗ പരിശോധനാ ഫലം മുശ്രിഫ് മാളില്‍
  • രചനാ മല്‍സരം : സാഹിത്യ സൃഷ്ടികൾ ക്ഷണിച്ചു
  • കൊവിഡ് നിയന്ത്രണങ്ങളില്‍ ഇളവു വരുത്തി യു. എ. ഇ.
  • ഫ്ലൂ വാക്സിനേഷൻ ആരംഭിച്ചു
  • കാലാവസ്ഥയിലെ മാറ്റം : ഡ്രൈവര്‍മാര്‍ക്ക് ബോധവത്കരണം
  • ഇനി മാസ്ക് വേണ്ട : കൊവിഡ് മാനദണ്ഡങ്ങളില്‍ മാറ്റം
  • ആരോഗ്യ പ്രവര്‍ത്തകര്‍ക്ക് നാട്ടിലേക്ക് സൗജന്യ യാത്ര
  • നടന്‍ സിദ്ധീഖിനു യു. എ. ഇ. ഗോള്‍ഡന്‍ വിസ
  • നബിദിനം : സ്വകാര്യമേഖലയിൽ ശമ്പളത്തോടു കൂടിയുള്ള അവധി
  • പാചക മത്സരം ഒക്ടോബർ 29 ന്
  • സുരക്ഷാ ഉപകരണങ്ങള്‍ മനഃപ്പൂർവ്വം നശിപ്പിക്കുന്നവര്‍ക്ക് കടുത്ത ശിക്ഷ
  • കാലാവധി തീരുന്നതിന് ഒരു വർഷം മുമ്പ് പാസ്സ് പോര്‍ട്ട് പുതുക്കാം
  • അഞ്ഞൂറില്‍ അധികം ഡോക്ടർമാർക്ക് ഗോൾഡൻ വിസ സമ്മാനിച്ചു.
  • സുപ്രധാന വകുപ്പുകള്‍ ചേര്‍ത്ത് ഫെഡറൽ അഥോറിറ്റി പുനഃ സംഘടിപ്പിച്ചു
  • കാന്തപുരത്തിന് ഗോൾഡൻ വിസ
  • യു. എ. ഇ. കൊവിഡിനെ അതിജീവിച്ചു : ശൈഖ് മുഹമ്മദ് ബിന്‍ സായിദ്
  • സാംസ്കാരിക പരിപാടി കളോടെ എക്സ്പോ യില്‍ ഇന്ത്യന്‍ പ്രാതിനിധ്യം
  • ശ്രദ്ധയില്ലാതെ വാഹനം ഓടിക്കരുത് : വീഡിയോ പങ്കു വെച്ച് പോലീസ് മുന്നറിയിപ്പ്
  • വേള്‍ഡ് എക്സ്പോ : ലോകം ഇനി ദുബായില്‍
  • ആദ്യത്തെ ഒമാന്‍ ദീര്‍ഘ കാല റെസിഡന്‍സ് വിസ എം. എ. യൂസഫലിക്ക്



  • കിയാല്‍ മറുപടി പറയണം : വെ...
    എയര്‍ ഇന്ത്യ ബാഗേജ് പത്ത്...
    ഒ.ഐ.സി.സി. ജില്ലാ കൺവെൻഷൻ...
    പ്രവാസി ക്ഷേമനിധി പ്രായ പ...
    സിറിയ : വെടിനിർത്തൽ അടുക്...
    സമാജം യുവജനോത്സവം : ഗോപിക...
    ജലീല്‍ രാമന്തളി യുടെ നേര്...
    ഭൂമിക്കായി ഒരു മണിക്കൂര്‍...
    അബുദാബി പുസ്തക മേളക്ക് തു...
    ജലീല്‍ രാമന്തളി യുടെ നോവല...
    മാധ്യമങ്ങള്‍ സത്യ ത്തിന്റ...
    ഇ. എം. എസ്. ആഗ്രഹിച്ച രീത...
    ഇന്ത്യന്‍ എംബസി യിലെ കമ്യ...
    ഷാര്‍ജയില്‍ തീ : മലയാളിയു...
    ഖത്തര്‍ : ലോകത്തെ ഏറ്റവും...
    യു.എ.ഇ.യില്‍ ആനയുടെ കാല്‍...
    ഏറ്റവും ആദരിക്കുന്ന നേതാവ...
    ഇന്ത്യന്‍ സിനിമകള്‍ ജീവിത...
    ബഷീര്‍ അനുസ്മരണവും സാഹിത്...
    സൌദിയില്‍ അറസ്റ്റിലായ ഗായ...

    Click here to download Malayalam fonts
    Click here to download Malayalam fonts
    Your Ad Here
    Club Penguin


    ePathram Magazine