അബുദാബി : 2026 ഫെബ്രുവരി 28 ന് ശേഷം താമസ വിസയുടെ കാലാവധി കഴിഞ്ഞ് നാട്ടിൽ കുടുങ്ങിയ പ്രവാസികൾക്ക് പുതിയ എൻട്രി പെർമിറ്റ് ഇല്ലാതെ തന്നെ 2026 മാർച്ച് 31 നുള്ളിൽ യു. എ. ഇ. യിലേക്ക് തിരിച്ചു വരാം എന്ന് ഫെഡറൽ അതോറിറ്റി ഫോർ ഐഡന്റിറ്റി – സിറ്റിസൺ ഷിപ്പ് – കസ്റ്റംസ് & പോർട്ട്സ് സെക്യൂരിറ്റി (ഐ. സി. പി.) അധികൃതർ അറിയിച്ചു.
മേഖലയിലെ സംഘർഷത്തെ തുടർന്ന് വിമാന സർവ്വീസുകൾ നിർത്തി വച്ചതും വ്യോമ പാത അടച്ചതും കാരണം കൃത്യ സമയത്ത് മടങ്ങാൻ കഴിയാത്ത റെസിഡന്റ് വിസക്കാർക്ക് രാജ്യത്തേക്ക് തിരിച്ചെത്താൻ അവസരം ഒരുക്കുകയാണ് യു. എ. ഇ. അധികൃതർ.
വിദേശങ്ങളിൽ കുടുങ്ങിപ്പോയ പ്രവാസികളുടെ യാത്രക്കുള്ള ബുദ്ധിമുട്ടുകൾ ഇല്ലാതാക്കി കുടുംബങ്ങ ളുമായി ഒന്നിക്കാനും സഹായിക്കുന്ന മാനുഷികമായ പരിഗണനയാണ് ഇത് എന്നും ഐ. സി. പി. അറിയിച്ചു.
വിസ കാലാവധി കഴിഞ്ഞതുമായി ബന്ധപ്പെട്ട് ഈ കാലയളവിൽ ഉണ്ടായ OVERSTAY പിഴ ഈടാക്കില്ല എന്നും അതോറിറ്റി വ്യക്തമാക്കി.
