നാടകങ്ങളിലൂടെ കലാ രംഗത്ത് കടന്നു വന്ന് മലയാളം, കന്നഡ, തെലുങ്ക് സിനിമകളിലൂടെ പ്രേക്ഷകരുടെ മനസ്സില് ഇടം പിടിച്ച അഭിനയ പ്രതിഭ രാജന് പി. ദേവിന് യാത്രാമൊഴി. കരള് സംബന്ധമായ അസുഖം മൂലം ചികിത്സയില് ആയിരുന്ന അദ്ദേഹം ജൂലയ് 29ന് കൊച്ചിയിലെ ഒരു സ്വകാര്യ ആശുപത്രിയില് അന്തരിച്ചു.
1953 മെയ് 20 ന് ആലപ്പുഴ ജില്ലയിലെ ചേര്ത്തലയില് എസ്. ജെ. ദേവിന്റെയും കുട്ടിയമ്മയുടെയും മകന് ആയി ആണ് അദ്ദേഹം ജനിച്ചത്. ആദ്യ കാല നാടക നടന്മാരില് ഒരാള് ആയിരുന്നു അച്ഛനായ എസ്. ജെ. ദേവ്. വില്ലനായി ആണ് രാജന്. പി. ദേവ് മലയാള സിനിമകളില് വേഷം ഇട്ടതെങ്കിലും നര്മ്മ രസം ഉള്ള അദ്ദേഹത്തിന്റെ വില്ലന് കഥാ പാത്രങ്ങള് അദ്ദേഹത്തിന് ഏറെ ആരാധകരെ നേടി കൊടുത്തു.
1983ല് പുറത്തിറങ്ങിയ ജന പ്രിയ ഫാസില് ചിത്രമായ മാമാട്ടി കുട്ടിയമ്മ യിലൂടെ ആണ് അദ്ദേഹം മലയാള സിനിമാ ലോകത്ത് കടക്കുന്നത്. ഇന്ദ്ര ജാലത്തിലെ കാര്ലോസ് എന്ന വില്ലന് കഥാ പാത്രം അദ്ദേഹത്തിന്റെ മികവ് തിരിച്ചറിയുന്നതിന് സഹായകമായി. പിന്നീട് അനിയന് ബാവ ചേട്ടന് ബാവ, സ്ഫടികം, ചോട്ടാ മുംബയ് അങ്ങനെ ഓര്മകളിലേയ്ക്ക് മറയാന് കൂട്ടാക്കാത്ത ഒരു പിടി നല്ല കഥാ പാത്രങ്ങളിലൂടെ അദ്ദേഹം മലയാള സിനിമയില് സജീവം ആയിരുന്നു.
നൂറില് അധികം വേദികളില് അവതരിപ്പിച്ച എസ്. എല്. പുരത്തിന്റെ ‘കാട്ടു കുതിര’ എന്ന നാടകത്തിലെ ‘കൊച്ചു വാവ’ എന്ന കഥാ പാത്രത്തിലൂടെ ആണ് അദ്ദേഹം ആദ്യമായി ശ്രദ്ധേയന് ആകുന്നത്. എന്നാല് കാട്ടു കുതിര സിനിമ ആക്കിയപ്പോള് ആ റോള് അവതരിപ്പിച്ചത് തിലകന് ആയിരുന്നു. ഈ നഷ്ടം അദ്ദേഹം പലപ്പോഴും അഭിമുഖങ്ങളില് പറഞ്ഞിട്ടുണ്ട്. അത് പോലെ തന്നെ അദ്ദേഹത്തിന്റെ ശവ സംസ്കാര ചടങ്ങില് സിനിമാ പ്രവര്ത്തകരുടെ അസാന്നിധ്യവും മാധ്യമങ്ങളില് വാര്ത്തയായി. വളരെ ചുരുക്കം മലയാള സിനിമാ പ്രവര്ത്തകര് ഒഴികെ ബാക്കി എല്ലാവരും ഷൂട്ടിങ്ങിന് മുടക്കം വരുത്താതെ മാധ്യമങ്ങളിലൂടെ അനുശോചനം അറിയിക്കുകയാണ് ഉണ്ടായത്.
150 ചിത്രങ്ങളില് അഭിനയിച്ചിട്ടുള്ള അദ്ദേഹം മൂന്നു മലയാള സിനിമകളും സംവിധാനം ചെയ്തു. അച്ചാമ്മ കുട്ടിയുടെ അച്ചായാന്, മണിയറ ക്കള്ളന്, അച്ഛന്റെ കൊച്ചു മോള്ക്ക് എന്നിവ. ലവ് ഇന് സിംഗപൂര്, പട്ടണത്തില് ഭൂതം എന്നിവയാണ് അദ്ദേഹം അവസാനമായി അഭിനയിച്ച ചിത്രങ്ങള്.
വളരെ കാലമായി കരള് സംബന്ധം ആയ അസുഖ ബാധിച്ചിരുന്ന അദ്ദേഹത്തെ, രക്തം ചര്ദ്ധിച്ചതിനെ തുടര്ന്ന് കൊച്ചിയിലെ ലേയ്ക്ക് ഷോര് ആശുപത്രിയില് പ്രവേശിപ്പി ക്കുകയായിരുന്നു. ജൂലൈ 2009 ന് രാവിലെ 6.30 നാണ് അദ്ദേഹം ഈ ലോകത്ത് നിന്നും വിട ചൊല്ലിയത്. ഒരു വര്ഷമായി അങ്കമാലിയില് സ്ഥിര താമസം ആയിരുന്നു അദ്ദേഹം. ഭാര്യ ശാന്ത, മകള് ആശമ്മ, മകന് ജിബിലി രാജ് എന്നിവര് അടങ്ങുന്നതാണ് അദ്ദേഹത്തിന്റെ കുടുംബം. ശവ സംസ്കാര ചടങ്ങുകള് അങ്കമാലിയിലെ സെന്റ് സേവിയേര്സ് പള്ളിയില് വ്യാഴാഴ്ച രാവിലെ 11 മണിക്ക് നടന്നു. ആരാധകര്ക്ക് പ്രിയംകരം ആയിരുന്ന ആ കാട്ടു കുതിരയുടെ കുളമ്പടി ശബ്ദം അതോടെ മലയാള സിനിമയില് നിന്നും അകന്നു പോവുകയായി.
 |
 |
 |
 |
 |
 |
 |
 |
 |
 |
 |
 |
 |
 |
ഭാരതത്തിന്റെ അതുല്യ നടന് മോഹന് ലാലിനെ വ്യാഴാഴ്ച ഇന്ത്യന് ടെറ്റിട്ടോറിയല് ആര്മി ഹോണററി ലെഫ്റ്റനന്റ് കേണല് പദവി നല്കി ആദരിച്ചു. ഇന്ത്യന് സൈന്യത്തിന്റെ മികവ് ഉയര്ത്തുന്ന തരത്തില് ഉള്ള കഥാപാത്രങ്ങള് സിനിമയില് അവതരിപ്പിച്ചത് കൊണ്ടാണ് അദ്ദേഹത്തിനു ഈ ബഹുമതി നല്കിയത്. കരസേന ആസ്ഥാനം ആയ സൌത്ത് ബ്ലോക്കില് നടന്ന ചടങ്ങില് ആര്മി ചീഫ് ജനറല് ദീപക് കപൂര് ആണ് ഔദ്യോഗികം ആയി കരസേനയിലെ ഹോണററി ലെഫ്റ്റനന്റ്റ് കേണല് എന്ന പദവി മോഹന്ലാലിന് നല്കിയത്. സൈനിക വേഷത്തില് എത്തിയ അദ്ദേഹം പ്രതിരോധ മന്ത്രി എ. കെ. ആന്റണിയ്ക്ക് സല്യൂട്ട് നല്കി. ഭാര്യ സുചിത്രയ്ക്കും മകന് പ്രണവിനും ഒപ്പം ആണ് അദ്ദേഹം സൌത്ത് ബ്ലോക്കില് എത്തിയത്.
‘മറിയാമ്മക്കായി’ എന്ന ഹാസ്യ വീഡിയോ ആല്ബത്തിനു ശേഷം ജെന്സണ് ജോയ് സംവിധാനം ചെയ്യുന്ന ആക്ഷേപ ഹാസ്യ വീഡിയോ ആല്ബമായ ‘THE മൂട്ട’ പ്രദര്ശനത്തിനു തയ്യാറായി. ബാച്ച്ലര് മുറികളില് ഡ്രാക്കുള എന്ന് ഓമന പ്പേരിട്ടു വിളിക്കുന്ന ഒരു കൊച്ചു ജീവിയായ മൂട്ട യുടെ ലീലാ വിലാസങ്ങള് കൊണ്ട് പ്രയാസം അനുഭവിക്കുന്ന പ്രവാസിയുടെ ദൈനം ദിന ജീവിതത്തിലെ പ്രശ്നങ്ങളുടേയും, പ്രതിബന്ധങ്ങളുടേയും കഥ ഹാസ്യ രൂപേണ അവതരിപ്പിക്കുമ്പോള് തന്നെ ഇതിന്റെ മറു പുറമായ ആഘോഷങ്ങളും ആകര്ഷകമായി ഇതില് ചിത്രീകരിച്ചിരിക്കുന്നു.
ചാവക്കാട്: കടല് പശ്ചാത്തലമാക്കി നിര്മ്മിച്ചിട്ടുള്ളതും, അന്താരാഷ്ട്ര തലത്തില് ശ്രദ്ധേയ മായതുമായ സിനിമകള്, ‘ഒരുമ ഫിലിം സൊസൈറ്റി’ ഒരുക്കുന്ന അന്താരാഷ്ട്ര ചലച്ചിത്രോ ത്സവത്തില് പ്രദര്ശിപ്പിക്കുന്നു. ജൂണ് 21 ഞായറാഴ്ച രാവിലെ പതിനൊന്ന് മണിക്ക് കേന്ദ്ര സഹമന്ത്രി ശശി തരൂര് ഉദ്ഘാടനം ചെയ്യുന്ന പരിപാടിയില് പാര്ലിമെന്റ് മെംബര് പി. സി . ചാക്കോ മുഖ്യാതിഥി ആയിരിക്കും. ഉത്സവത്തിന്റെ ഭാഗമായി നടത്തുന്ന ‘രാമു കാര്യാട്ട് അനുസ്മരണം’ ചലച്ചിത്ര അക്കാദമി ചെയര്മാന് കെ. ആര്. മോഹന് നിര്വ്വഹിക്കും.
