 |
 |
 |
 |
 |
 |
 |
 |
 |
 |
 |
 |
 |
 |
പ്രമുഖ ഗായിക ശ്രേയാ ഘോഷാല്‍ വിവാഹിതയായി. തന്റെ ഫെയ്സ് ബുക്ക്‌ പേജിലൂടെ യാണ് ശ്രേയ വിവാഹ വാര്‍ത്ത പുറത്തു വിട്ടത്. വിവാഹ ചിത്രവും ഫെയ്‌സ്ബുക്ക് വഴി പുറത്തു വിട്ടിട്ടുണ്ട്. ഐ. ടി. പ്രൊഫഷണലായ ശൈലാദിത്യ യാണ് വരന്‍
പരമ്പരാഗത ബംഗാളി ശൈലിയില്‍ വ്യാഴാഴ്‌ച വൈകിട്ട്‌ നടന്ന വിവാഹ ചടങ്ങില്‍ അടുത്ത ബന്ധുക്കളും സുഹൃത്തുക്കളും സംബന്ധിച്ചു. മുര്‍ഷിദാബാദ് സ്വദേശി കളായ ബിശ്വജിത്ത് ഘോഷാ ലിന്റെയും ശര്‍മ്മിഷ്ഠ ഘോഷാലി ന്റെയും മകളാണ് ശ്രേയ.
- pma
ന്യൂഡല്‍ഹി : റിപ്പബ്ലിക് ദിന ആഘോഷ ങ്ങളില്‍ പങ്കെടുക്കാന്‍ മലയാള ത്തിന്റെ പ്രിയ താരം മോഹന്‍ലാലും ഭാര്യ സുചിത്രയും രാജ് പഥിൽ എത്തി. ഇന്ത്യന്‍ ആര്‍മി യില്‍ ലഫ്റ്റനന്‍റ് കേണല്‍ പദവി യിലുള്ള അദ്ദേഹം പട്ടാള വേഷ ത്തിലാണ് ചടങ്ങിന് എത്തിയത്.
ആദ്യമായാണ് താന്‍ റിപ്പബ്ലിക് ദിന പരേഡ് കാണാന്‍ വരുന്നത്. രാവിലെ ഏഴ് മണി മുതല്‍ പരേഡ് കാണാന്‍ രാജ്പഥിലുണ്ടായിരുന്നു. മഴയെ അവഗണിച്ചും രാജ്യ ത്തിന്റെ റിപ്പബ്ലിക് ദിന ആഘോഷ ങ്ങളില്‍ പങ്കെടുക്കാനുള്ള ജന ത്തിന്റെ ആകാംക്ഷ നേരില്‍ കാണാനായി. ഒൗദ്യോഗിക യൂണി ഫോമില്‍ ചടങ്ങിന് വരാന്‍ സാധിച്ചത് തന്‍െറ ഭാഗ്യ മാണെന്നും അതില്‍ താന്‍ അഭിമാനിക്കുന്നു എന്നും ലാല്‍ പറഞ്ഞു
- pma
വായിക്കുക: mohanlal
കണ്ണൂര്‍ : ദേശീയ പുരസ്കാര ജേതാവായ ചലച്ചിത്ര സംവിധായകന്‍ മധു കൈതപ്രം (45) അന്തരിച്ചു. ഹൃദ്രോഗ ബാധയെ ത്തുടര്‍ന്ന് തിങ്കളാഴ്ച രാത്രി കോഴിക്കോട്ടെ സ്വകാര്യ ആശുപത്രി യില്‍ വെച്ചായിരുന്നു അന്ത്യം.
ദേശീയ പുരസ്കാരം അടക്കം നിരവധി അവാര്‍ഡുകള്‍ കരസ്ഥ മാക്കിയ ഏകാന്തം, മധ്യവേനല്‍, ഓര്‍മ മാത്രം, വെള്ളി വെളിച്ചത്തില്‍ എന്നീ ചിത്ര ങ്ങള്‍ സംവിധാനം ചെയ്തു.
2006 ലെ മികച്ച നവാഗത സംവിധായകനുള്ള ദേശീയ പുരസ്കാര ത്തിന് ‘ഏകാന്തം’ എന്ന സിനിമ യിലൂടെ അര്‍ഹനായി. 2006ല്‍ ഇന്ത്യന്‍ പനോരമ യിലേക്കു തെരഞ്ഞെ ടുക്ക പ്പെട്ട ഏകാന്തം അതേ വര്‍ഷത്തെ സംസ്ഥാന അവാര്‍ഡ് ജൂറി യുടെ പ്രത്യേക പരാമര്‍ശവും നേടി.
തിരുവനന്തപുരം രാജ്യാന്തര ചലച്ചിത്ര മേള യുടെ മത്സര വിഭാഗ ത്തില്‍ ഇന്ത്യ യില്‍ നിന്നുള്ള സിനിമ കളില്‍ ഒന്നായി ’മധ്യവേനല്‍ തെരഞ്ഞെടുക്ക പ്പെട്ടിരുന്നു.
പയ്യന്നൂര്‍ കൈതപ്രത്ത് കെ. പി. കുഞ്ഞിരാമ പൊതുവാളുടെയും വി. കെ. നാരായണി യുടെയും മകനാണ്. ഭാര്യ: രാഖി. മകന്‍: ശ്രീരാം.
- pma
കൊച്ചി:നടനും തിരക്കഥാകൃത്തും ഗാന രചയിതാവുമായ അനൂപ് മേനോന്‍ ഇന്ന് രാവിലെ വിവാഹിതനായി. പത്തനാപുരം സ്വദേശിനി ഷേമ അലക്സാണ്ടര്‍
ആണ് വധു. കൊച്ചിയില്‍ അനൂപിന്റെ വീട്ടില്‍ വച്ച് അടുത്ത ബന്ധുക്കളെ പങ്കെടുപ്പിച്ചു കൊണ്ട് സ്വകാര്യമായ ചടങ്ങായിട്ടാണ് വിവാഹം നടത്തിയത്. അഞ്ചു വര്‍ഷം നീണ്ട സൌഹൃദത്തിനൊടുവിലാണ് ഇരുവരും വിവാഹിതരായത്.
2002-ല്‍ വിനയന്‍ സംവിധാനം ചെയ്ത കാട്ടു ചെമ്പകം എന്ന ചിത്രത്തിലെ നായകന്മാരില്‍ ഒരാളായി സിനിമയില്‍ എത്തിയതാണ് അനൂപ് മേനോന്‍. ബ്യൂട്ടിഫുള്‍, ട്രാഫിക് തുടങ്ങിയവയാണ് അനൂപിന്റെ ഹിറ്റ് ചിത്രങ്ങള്‍. കോഴിക്കോട് ബാലുശ്ശേരി പറമ്പത്ത് പി.ജി.ഗംഗാധരന്‍ നായരുടേയും ഇന്ദിരാ മേനോന്റേയും മകനാണ് അനൂപ് മേനോന്‍. പത്തനാപുരത്തെ പ്രമുഖ പ്ലാന്ററായ പ്രിന്‍സ് അലക്സാണ്ടറുടേയും പരേതയായ ലില്ലിയുടേയും മകളാണ് ഷേമ.
വിവാഹത്തിന്റെ ആര്‍ഭാടങ്ങള്‍ ഒഴിവാക്കി ആ തുക കാന്‍സര്‍ രോഗികളുടെ ചികിത്സയ്ക്ക് നല്‍കുവാണ് ഇരുവരുടേയും തീരുമാനം.
- എസ്. കുമാര്‍
വായിക്കുക: wedding
പ്രശസ്ത നിശ്ചല ഛായാഗ്രാഹകനും നടനുമായ എന്‍. എല്‍. ബാലകൃഷ്ണന്‍ അന്തരിച്ചു. 72 വയസ്സായിരുന്നു. ഇന്നലെ രാത്രി പതിനൊന്നരയോടെ തിരുവനന്തപുരം മെഡിക്കല്‍ കോളേജിലായിരുന്നു അന്ത്യം. ഏറെ നാളായി ചികിത്സയിലായിരുന്നു. കടുത്ത പ്രമേഹ രോഗത്തെ തുടര്‍ന്ന് ഇരു കാലുകളും ശസ്ത്രക്രിയ ചെയ്തിരുന്നു. ഇതോടൊപ്പം അര്‍ബുദ രോഗവും ഹൃദ്‌രോഗവും അദ്ദേഹത്തിന്റെ ആരോഗ്യ നില കൂടുതല്‍ വഷളാക്കുകയായിരുന്നു. സംസ്കാരം ഇന്ന് ഉച്ചക്ക് രണ്ടരയോടെ പ്രൌഡിക്കോണത്തെ ആവുകുളം ശിവാലയം വീട്ടുവളപ്പില്‍ നടത്തും.
1943-ല്‍ തിരുവനന്തപുരം ജില്ലയിലെ പൌഡിക്കോണത്താണ് നാരായണന്‍ ലക്ഷ്മി ബാലകൃഷ്ണന്‍ എന്ന എന്‍. എല്‍. ബാലകൃഷ്ണന്റെ ജനനം. 1965-ല്‍ മഹാരാജാസ് സ്കൂള്‍ ഓഫ് ഫൈന്‍ ആര്‍ട്സില്‍ നിന്ന് പെയ്ന്റിംഗില്‍ ഡിപ്ലോമ നേടി. പിന്നീട് ഫോട്ടോഗ്രാഫിയിലേക്ക് തിരിഞ്ഞു. കേരള കൌമുദിയില്‍ ഫോട്ടോ ജേര്‍ണലിസ്റ്റായി ജോലി ചെയ്തിട്ടുണ്ട്. നിരവധി സിനിമാ മാസികകള്‍ക്ക് വേണ്ടിയും അദ്ദേഹം സ്വതന്ത്ര ഫോട്ടോഗ്രാഫറായി പ്രവര്‍ത്തിച്ചിട്ടുണ്ട്. നിശ്ചല ഛായാഗ്രാഹകനായിട്ടാണ് സിനിമാ രംഗത്ത് പ്രവേശിച്ചത്. ജി. അരവിന്ദന്‍, ജോണ്‍ എബ്രഹാം, പത്മരാജന്‍, അടൂര്‍ ഗോപാലകൃഷ്ണന്‍, ഭരതന്‍ തുടങ്ങിയ പ്രശസ്തരായ നിരവധി സംവിധായകര്‍ക്കൊപ്പം പ്രവര്‍ത്തിച്ചിട്ടുണ്ട്. 300-ല്‍ പരം ചിത്രങ്ങളുടെ നിശ്ചല ഛായാഗ്രാഹകനായി പ്രവര്‍ത്തിച്ചിട്ടുണ്ട്.
രാജീവ് അഞ്ചലിന്റെ ‘അമ്മാനം കിളി’ എന്ന കുട്ടികള്‍ക്കായുള്ള ചിത്രത്തിലൂടെ അഭിനയ രംഗത്തേക്ക് കടന്നു. തന്റെ ആകാരവും താടിയും എല്ലാം എന്‍. എല്‍. ബാലകൃഷ്ണനെ സിനിമയില്‍ ശ്രദ്ധേയനാക്കി. കാക്കോത്തിക്കാവിലെ അപ്പൂപ്പന്‍ താടികള്‍, കൌതുക വാര്‍ത്തകള്‍, ഡോ. പശുപതി, തിരക്കഥ തുടങ്ങി 170 ഓളം ചിത്രങ്ങളില്‍ അഭിനയിക്കുകയും ചെയ്തു. പ്രേക്ഷകരില്‍ ചിരി ഉണര്‍ത്തി യവയായിരുന്നു മിക്ക വേഷങ്ങളും. സത്യന്‍ അന്തിക്കാടിന്റെ പട്ടണപ്രവേശം എന്ന ചിത്രത്തിലെ പക്ഷി നിരീക്ഷകന്റെ വേഷം ഏറെ ശ്രദ്ധിക്കപ്പെട്ടു. 2012-ല്‍ കേരള ഫിലിം ക്രിട്ടിക്സ് അസോസിയേഷന്റെ ചലച്ചിത്ര പ്രതിഭാ പുരസ്കാരവും കേരള ലളിതകലാ അക്കാദമിയുടെ ശ്രേഷ്ഠ കലാകാരനുള്ള പുരസ്കാരവും അടക്കം നിരവധി പുരസ്കാരങ്ങള്‍ അദ്ദേഹം കരസ്ഥമാക്കിയിട്ടുണ്ട്.
ബ്ലാക്ക് ആന്റ് വൈറ്റ് എന്ന പുസ്തകം രചിച്ചിട്ടുള്ള എൻ. എല്‍. ബാലകൃഷ്ണന്റെ ഷാപ്പു കഥകള്‍ ഏറെ പ്രശസ്തമാണ്. കള്ളു ഷാപ്പിലെ കറികളുടെ രുചിക്കൂട്ടിന്റെ കടുത്ത ആരാധകന്‍ ആയിരുന്നു എന്‍. എല്‍. മാധ്യമ ചര്‍ച്ചകളില്‍ മദ്യപാനികളുടെ അവകാശങ്ങള്‍ക്ക് വേണ്ടി പലപ്പോഴും വാദിച്ചിരുന്നു. സിനിമയ്ക്കകത്തും പുറത്തുമായി വലിയ ഒരു സൌഹൃദ വലയത്തിന്റെ ഉടമയായിരുന്നു അദ്ദേഹം. ബാലണ്ണന്‍ എന്നാണ് അദ്ദേഹത്തെ സുഹൃത്തുക്കള്‍ സ്നേഹപൂര്‍വം വിളിച്ചിരുന്നത്.
- എസ്. കുമാര്‍
വാര്‍ത്തകള്‍ കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
